اسمحولي يالربع والله العيد غير
كل عام وانتم بالف خير وكل عام وبلادي في امن وامان.
اي نعم اسمحلولي انا بطلع من طوري الصراحه ،اصبح الطالب في دوله الامارت محارب وحط الف خط تحت محارب ،نعم الطالب محارب من جميع الجهات واخص طلاب الثانويه العامه واول اعدائه هم من كان يضن انهم يهتمون به وانه في ضلهم وهم بالطبع الوزاره واخص مجلس بوظبي يعني هالوزاره حاطه دوبها و\وب هالطالب المسكين وتغطي فشلها المتكرر وخاصه في السنتين الاخيرتين ،،جالسين يضغطون على الطلاب ويضنون انهم الات لاتاكل ولاتنام مثل باقي الخلايق ليش مادري الله اعلم؟؟انا اريد اعرف هل مفهوم التطور لدى المسؤلين يعني لديهم الضغط ثم الضغط على الطالب والله شي يحير ،،الكل تفاجئ طبعا هالسنه بتغير النضام الى ثلاث فصول وهالشي بلعناه بالعافيه ولكن ان ياتو بما لايطاق بالمستحيل هو تقديم فتره الامتحانات فهذا والله العضيم فوق طاقتنا باللاف الاميال والاطنان،،مادري كيف يفكرون هالناس الي كل واحد منهم على مكب ومريح واحنا ميتين قهر وللمعلوميه والله العضيم ثم والله العضيم
ان المستشفى صرفت لي دواء عسبت ان ضغطي استوى مرتفع ع سبت ضغط الدراسه
ومثل ماقلت فالطالب محارب وليس من الوزاره وحسب لا والمعلمين بعد كل واحد يريد من كل طالب مشروع او تقرير وهذا يباله شغل ووقت ،،والوقت بعد محارب الطالب لان مافيه وقت خلاص اسبوع ونمتحن من وين اسوي كل هذا لا وبعد نص المواد ماراح نلحقها خاصه الدين والكيماء والله بس واصلين نص المنهج هههه والله منتهى المصخره وفوق هذا كله اهالينا بعد محاربينا يبون النسبه العاليه بس مافي اليد حيله والله يعين.
وهاذي اول مره في حياتي مااستانس مثل باقي اخواني ومثل كل الناس بالعيد لاني والله ماطلعت ولا مكان الا اول يوم بس سرت ازور هلي وفي العصر رجعت اذاكر شو رايكم تسمون هاذا عيد.
اسمحولي كان زوتها شوي لاكن الصراحه ماتزعل احد وانشاء الله اني ماخالفت بس
اسمحلي يا اداره المنتدى لاني نقلت الموضوع هني بعد لاني اريد الكل يتعرف معاناتنا
