عرض للطباعة
السلام عليكم ورحمة الله وبركاته
شباب بنات
الكلام موجه لكم انتو الاثنين
ابا اعرف معلومات عن دراسة الطب ف كندا بالنسبه لللآيلتس خلوها ع يمب لاني اعرف المتطلبات و انا انا داشه علمي ابا اعرف كم لازم تكون نسبتي عسب يقبلوني انا الصراحه ابا ادرس في فانكوفر ف جامعة برتش كولوميبا ubc بليز ابا معلومات وبالنسبه للسكن وابا اعرف اماكن الاسواق فيها وجي يعني ابا معلومات مفصله وابا اعرف اذا بدرس ع حسابي الخاص كم بيكلفني بليزووو
والله عيب يعني المعلومات بلاش مب بفلوس شقايل لو المعلومات بفلوس حتى مشاهدات مابحصل يعني معقوله 22 ماشهده وصفر رد يعني لو سمحتو الي عنده معلومه لايبخل بالعكس يزاه الله خير وف ميزان حسناته
هلا حبوبة .. الصراحة انا دخلت موضوعج لاني نفسج اريد ادرس في كندا وعندي أسالة واااايد محتاجة حد يرد
عليها .. الله يارب يسهل لج ولي يارب ... وانا لاني اشتغل في مدرسة عادي ادرس ع حساب مجلس أبوظبي
للتعليم والشروط كلها منطبقة علي بس ناقصني شهادة الايلس بس وااايد متخوفه من السفر والدراسة اخاف
تكون صعبه واتوهق .. مالنا غير رب العالمين استخيري وهذي نصيحتي لج اختي الغالية وبالتوفيق ..
هلا اختي
انا ادرس بكندا
حبيبتي الطب ما انصح فيه بكندا ولا امريكا
لان كندا ما تقبل الطلبه الغير كندين طب
لازم تدرسين اي تخصص ثاني بكلريوس وعقب تدرسين طب
السالفه تعجزيزيه ،،، مافي طب في كندا للوافدين
تقدرين تسيري اي دوله ثانية
وبشكل عام كندا صعبببببببببببببببببببببببببببه
انا انسانه ادرس باول باول ومب ملحقه
فافكر اغير الدوله، لكن التعليم العالي رفضوا
فشو بسوي بكمل فيها والله يعين على الياي
لان عندهم عنصريه بين الطلبه الكندين و الوافدين
بس بشكل عام صعبه
والجامعات الكنديه يبون الايلس من 7 لكل التخصصات
فنصيحة لاتختارين كندا لطب ، لانج ما بتنقبلين على الطب
وربيعتي تحاول من سنه ما في فايده غيرت التخصص
بس نصيحة صدق شيلي كندا من بالج
اولا لصعوبه وثانيا عشان الطب
واذا مب مقتنعه بكلامي تعالي وبتشوفين كل شي بعينج
مشكور اخوي العز
بس انا وفرت عليها
لان ادرس بكندا و عندي خبره
اذا عندج كتيب التعليم العالي بتشوفين مكتوب لاينصح بدراسه الطب في امريكا او كندا وذلك لطول فتره الدراسه
قصدهم انج بتدرسين باجلر في اي تخصص
وعقب بتدرسين باجلر في الطب
ما ادري اذا التعليم العالي يسمج بهالشي ولا
بس انصحج باستراليا لطب
او المانيا