الســـلام عليكم ورحمــة الله وبركــاتــه
يـاجمـاعــة الخيــر انا في حيــره شديــده بيــن جامعتــيتــن تدرَس القـانون ف يالدولــه ؛
الاولــى : جامعــة الجزيــره ومن ممزياتها ان نظــام الدراسه بهــا في الويـك اند وتقدر تاخذ كحد اقصــى في الويك اند مادتيــن ؛ وتكاليفهـــا ارخـــص يعني البكالوريوس بيطلـع علي بالضبط 128 الف على اساس ان الماده بـ2800
بس الدراســه ابها مختلطــه ع فكــره ؛ بس اعتقد ان العلامات فيها سهله لانها ماقامت تعطي اي مساعدات للمتفوقين هذا حسب ماوصلني من قراءات ع النت بس سمعت ان الكهربا تنقطع عليهم :(
الجـامعه الثانيــــه : جامعة العيــن للعلوم والتكنلوجيــا ومن مميزاتها انها في أبــوظبي ؛ وكسمعــه ( أعتقد ) أفضــل من جامعـة الجزيره اللي في دبي لأني شفت ديوان أبوظبي يعطي منــح للطلبه الدارسيــن بهـــا يعني الجامعــه well recognized
وايضـــا فيهــا تخصصات كثيره يعني تقدر تاخذ مواد اختياريه من كلية الصيدله ( فرع العيــن ) في الصيف وهالشي وايد حلو لانه بيفتـــّـــح فكرك شوي على الاشياء العلميـه ؛
بس الجامعه غاليه شوي يعني الماده تقريبا في ابوظبي 3600 درهم يعني البكالوريوس بيطلع علينا بحوالي ال154الف
ع اساس ان الساعه ب 1200 درهـم وشي مواد تتكون من ساعتين وشي مواد من ثلاث ساعات :)
حلمـــي : اني اتخرج بعد ثلاث سنين ونص ومعايه شهاده في القانون بمعدل عالي واني اكون امــّــا محامي ولي مكتبي الخاص او وكيل نيــابــه ؛ واتمنى اكمل دراسة الدكتورا في دبي بعد البكالوريوس
ليش محامي : ياخي شغله فيها تفاعل مع الناس كبيــر وعلاقات وخبره؛
اكتبو اي شي تعرفونه ع الجامعتين يمكن نقدر نفيد بعض الله يستر علينا وعليكم اجمعيـــن ؛
