هندسة ولا موارد بشريه؟!

السلام عليكم,,

هاي اول مشاركة لي في المنتدى وعندي بعض الاستفسارات من طلبة الهندسة

أنا ادرس في جامعة زايد حاليا وخلصت اول سنه وحمدلله عديت الكثير

بس ابغي ادرس هندسة في جامعة الشارجة لانه الجامعة اللي ادرس فيها ما عندهم هندسة !!

فحبيت أسأل عن هندسة الكمبيوتر وشوو رايكم فيه..

بصراحة انا وايد مرتاحة في الجامعة اللي ادرس فيها بس ما اعرف شو بتخصص فيها

انا علمي وحابه ادرس مجال علمي

كنت حابة ادرس هندسة اتصالات في البداية, بس جامعة الشارجة ما عندهم اتصالات عشان جي فكرت في هندسة الكمبيوتر لاني سمعت انه اشمل من

الاتصالات وفيه من الكهربا والاتصالات

جامعة عيمان عندهم اتصالات بس مالي رغبه اسير عيمان ولا جامعة العين

انا محتارة وايد في اني اطلع من الجامعة مع اني مرتاحة فيها ودرست فيها سنة او احول وادرس هندسة

اذا ما حولت بدرس موارد بشريه وهو تخصص قوي ومطلوب واحس اني اقدر عليه بس مب هوو اللي يرضي طموحي

بس بعد حابه ادرس تخصص علمي وصعب يعني مب اي حد ايي يشتغل في مكاني او يعرف اللي انا اسويه يعني شغله صعبه>> يعني في مجال الشغل بعدين

وفي انتظار آرائكم

ووينكم يا أعضااء المنتدى
محتااجة ارائكم
5 مشاهداات ولا رد
معقووله محد يعرف شي عن الهندسة او عن الموارد البشرية
!!!

الحل الأمثل انج ادشين مجال في الكمبيوتر في جامعة زايد
و على فكره جامعة زايد احسن في مجال الكنبيوتر و الأتصالات و هاي الأشياء
BS in Information Systems & Technology Management
BS in Security and Network Technologies
BS in Systems and Technology Management

هاي التخصصات ممكن اتقوديج الي هندسة الشبكات و غيرها مب شرط يكون
bachelor of engineering
عشان تستوين مهندسة لا مب لازم عادي بس يكون
bachelor of science in >>>>


موفقه انشاءالله

اخوي شكرا على الرد بس مهندسة كمبيوتر تفرق عن اي تي
لانه لقب مهندسه يكفي وغير عن المبرمجين
هاي الفكره بعدين احب الهاردوير اكثر من السوفت وير
في انتظار المزيد من الأراء