أسأله عن تخصص

السلام عليكم ورحمة الله وبركاته

اشحالكم؟؟؟



امممم انا عندي بعض الاسأله اتمنى يكون في احد يقدر ايجاوبني عليهم...


1- انا ايغي ادرس تخصص امن الشبكات.. ؟
بس ما اعرف اي دوله ممكن ادرس فسها هالتخصص وبأي جامعه.؟

2- هل الدراسه في الخارج راح يعلمونا لغات البرمجه من البدايه ولا نحن لازم اتكون عنا خلفيه عن اللغات.؟

3- كم سنه راح احتاج على اساس اخلص هالدراسه..

4- هل في جامعات في الامارات فيها تخصص امن الشبكات ودراستهم اوكي ولا لا.؟

5- شو التخصصات الي مسموح فيها ان ندرس في اليابان؟

6-تخصص التكنلوجيا اريد نبضه مختصره عنه واتمنى انها اتكون من مجرب؟

7- في البعثات هل التخصص لازم يكون علمي اذا بغيت ادخل مثلا طب او هندسه ولا ما يطاعول لعلمي وادبي؟





واسمحولي لاني طولت عليكم بالاسأله :^_^..

اقتباس:

وعليج السلام والرحمة

تماااااام يسرج الحال

بنجاوب على لي نعرفه


1- انا ايغي ادرس تخصص امن الشبكات.. ؟
تخصص حلووو
بس ما اعرف اي دوله ممكن ادرس فسها هالتخصص وبأي جامعه.؟
انتي بتسيرين على بعثه التعليم العالي ولا الديوان؟
لان لكل بعثه دول تبتعثها
2- هل الدراسه في الخارج راح يعلمونا لغات البرمجه من البدايه ولا نحن لازم اتكون عنا خلفيه عن اللغات.؟
والله ما ادري
بس انتي بثاني ثنوي ما درستي الفيجول بيسك؟
يتركز هالبرنامج على البرجمة
و كان صعب شوي ويباله متابعه درس بدرس
انا الحمدالله كنت متابعه مع المس و ارد البيت اطبق لي خذته
و الحمدالله الله قدرني ويبت 98%
و للحين عندي خلفيه عنه >>جان عندج سؤال نحن حاضرين
3- كم سنه راح احتاج على اساس اخلص هالدراسه..
4-5سنوات>>ويعتمد عليج اذا خذتي صيفي ...مثلا
4- هل في جامعات في الامارات فيها تخصص امن الشبكات ودراستهم اوكي ولا لا.؟
اكييييد
-العين"جامعه الامارات"
-جامعه زايد"بوظبي-دبي"
- جامعة الشارجة
- الجامعات الخاصة
اذا في بالج جامعه معينه بسال لج عنها
5- شو التخصصات الي مسموح فيها ان ندرس في اليابان؟
عزيزتي اذا تبين درسين في اليابان
لازم تجيدين اللغه اليابانية لانهم يدرسون بلغتهم
ماشي انجليزي يعني
6-تخصص التكنلوجيا اريد نبضه مختصره عنه واتمنى انها اتكون من مجرب؟
نخليها للمجربين
7- في البعثات هل التخصص لازم يكون علمي اذا بغيت ادخل مثلا طب او هندسه ولا ما يطاعول لعلمي وادبي؟
علمي
>>مذكور في كتيب الارشاد"يرجى من طلبه الادبي عدم اختيار التخصصات العلمية"

>> بس جان بتسيرين على حسابج
عادي:(6):

و اقوى دولة في العالم في نظم الحاسوب والشبكات
هي
بتنصدمين




الهند



معظم شبابنا يدرسون هناك
وبالتحديد في بنج لور
وجامعاتهم معترف بهن في الامارات
ودراسه رخيصة هناك
يعني كل سنوات دراستج
اكلج +مصرفج+دراستج = 40الف اماراتي

>>التعليم العالي يرسلون بعث للهند
اتصلي بهم


واسمحولي لاني طولت عليكم بالاسأله :^_^..



مسموحة بالحل

بس ما اعرف اي دوله ممكن ادرس فسها هالتخصص وبأي جامعه.؟
انتي بتسيرين على بعثه التعليم العالي ولا الديوان؟
لان لكل بعثه دول تبتعثها

كنت افكر الديوان..


2- هل الدراسه في الخارج راح يعلمونا لغات البرمجه من البدايه ولا نحن لازم اتكون عنا خلفيه عن اللغات.؟
والله ما ادري
بس انتي بثاني ثنوي ما درستي الفيجول بيسك؟
يتركز هالبرنامج على البرجمة
و كان صعب شوي ويباله متابعه درس بدرس
انا الحمدالله كنت متابعه مع المس و ارد البيت اطبق لي خذته
و الحمدالله الله قدرني ويبت 98%
و للحين عندي خلفيه عنه >>جان عندج سؤال نحن حاضرين

مشكوره الغلا ماتقصرين انا بعد يايبه 100% في الفيجول بيسك وحبيت هالبرنامج وكنت افكر اخذ لغات ثانيه في الصيف بس ماقدرة لانه كانت عندي ارتباطات بس ان شاء الله قريب..


4- هل في جامعات في الامارات فيها تخصص امن الشبكات ودراستهم اوكي ولا لا.؟
اكييييد
-العين"جامعه الامارات"
-جامعه زايد"بوظبي-دبي"
- جامعة الشارجة
- الجامعات الخاصة
اذا في بالج جامعه معينه بسال لج عنها

ممكن تسأليلي عن جامعة عجمان بليز؟؟
بس ما ادري سمعة انه مايمدحون هالتخصص في الامارات ؟
واذا بغيت ادرس هالتخصص لازم علمي؟؟


5- شو التخصصات الي مسموح فيها ان ندرس في اليابان؟
عزيزتي اذا تبين درسين في اليابان
لازم تجيدين اللغه اليابانية لانهم يدرسون بلغتهم
ماشي انجليزي يعني


ادري , عندي لغه بس مش لهناكي <<<<< تراني من عشاق اليابان.^_^...


6-تخصص التكنلوجيا اريد نبضه مختصره عنه واتمنى انها اتكون من مجرب؟
نخليها للمجربين

هذا التخصص خيار ثاني بالنسبه لي لاني احب الالكترونيات عس بجيه..


7- في البعثات هل التخصص لازم يكون علمي اذا بغيت ادخل مثلا طب او هندسه ولا ما يطاعول لعلمي وادبي؟
علمي
>>مذكور في كتيب الارشاد"يرجى من طلبه الادبي عدم اختيار التخصصات العلمية"

>> بس جان بتسيرين على حسابج
عادي

و اقوى دولة في العالم في نظم الحاسوب والشبكات
هي
بتنصدمين




الهند



معظم شبابنا يدرسون هناك
وبالتحديد في بنج لور
وجامعاتهم معترف بهن في الامارات
ودراسه رخيصة هناك
يعني كل سنوات دراستج
اكلج +مصرفج+دراستج = 40الف اماراتي

>>التعليم العالي يرسلون بعث للهند
اتصلي بهم



ما اتوقعة الصراحه كنت اتوقع روسيا لانهم ماشاء الله عليهم محد يقدر عليهم في الاختراق وبرامج الحمايه مالهم...

وتسلمي الغلا على اجوبتج ^_^..

اقتباس:
المشاركة الأصلية كتبت بواسطة TOT http://www.study4uae.com/vb/fh.com.s...s/viewpost.gif


كنت افكر الديوان..
الديوان يبتعثون على الولايات المتحدة الامريكية بس

وهذي احسن الجامعات الامريكية

جامعة كاليفورنيا ـ سان فرانسيسكو


مشكوره الغلا ماتقصرين انا بعد يايبه 100% في الفيجول بيسك وحبيت هالبرنامج وكنت افكر اخذ لغات ثانيه في الصيف بس ماقدرة لانه كانت عندي ارتباطات بس ان شاء الله قريب..
حلووو
بس ما يباله دورات وتضيع وقت
دامج عارفه اساس البرمجه ممكن تكملين بروحج
وفي منتدى خاص للفيجول بيسك "ما اقدر انزل لج الرابط لانه ممنوع ^^"



ممكن تسأليلي عن جامعة عجمان بليز؟؟
هذي الجامعه اختي تدرس فيها
ان شاء الله بسالج عنها ^_^
بس ما ادري سمعة انه مايمدحون هالتخصص في الامارات ؟
واذا بغيت ادرس هالتخصص لازم علمي؟؟
جامعة الامارات معروفة انها احسن جامعه على مستوى الدولة في جميع التخصصات
بس من ناحية الراحة احسن لج تروحين جامعه خاصه
بدل السكن "طبعا انتي عارفه سوالف السكن لي تفوق الخيال هههههههه"
جان تبين هندسة شبكات "علمي"
امن شبكات او IT بشكل عام "ادبي وعلمي"


ادري , عندي لغه بس مش لهناكي <<<<< تراني من عشاق اليابان.^_^...
الله يبارك في المسلسلات اليابانية هههههههه
بس بعد ما انصحج
يمكن تعرفين الاساسيات بس اليابانية لغه صعبه
ما اتوقع تقدرين تكملين دراستج فيها ولو كملتي ما بتبدعين فيها
انصحج تدرسين بالانجليزي لان عندنا شرات العربي
بس بتزيدين ثقافتج في هذي اللغه و بتبدعين بدراستج


ما اتوقعة الصراحه كنت اتوقع روسيا لانهم ماشاء الله عليهم محد يقدر عليهم في الاختراق وبرامج الحمايه مالهم...
حتى الهند...
رحت سفره للهند في الصيف
و انصدمت من الالكترونيات لي عندهم
تدريين انهم ما يستوردون اي شي من الخارج
كله هم يصنعنونه" عندهم كمرات احترافية وباقل من سعر سوقنا ونفس الماركة ونفس المواصفات >> اشتريت لي كام من عندهم
والفونات قبل لاتنزل هنيه تكون نازله في الهند
حتى السيارات بانواعها
"اسمحيلي طلعت عن الموضوع بس حبيت ازيد معلوماتج ^_^

ما شاء الله
الصراحة شكلي إذا بدرس برع بسير الهند ........حسستوني إنها عجيبة.............
شكرا ............

اقتباس:
المشاركة الأصلية كتبت بواسطة طالبة إمتياز http://www.study4uae.com/vb/fh.com.s...s/viewpost.gif
ما شاء الله
الصراحة شكلي إذا بدرس برع بسير الهند ........حسستوني إنها عجيبة.............

شكرا ............

هلا
الهند بلد حلوه من ناحيه الطبيعه
ومن ناحيه المعيشه رخيصه
وشعب الهند خدومين جداو انصدمت ان 90% يتكلمون عربي:(33):
يعني تقدرين تتواصلين معاهم بكل سهوله

و من ناحية الدراسة
الهند دوله تشتهر بتكنولوجيا نظم المعلومات
و الطب عندهم بعد وايد اوكي و الدليل ان كل ما نحس باي مرض نروح الهند،،،

و تقدرون تدرسون على حسابكم وتقدرون تبتعثون عن طريق التعليم العالي
صح ان الدولة مب مذكورة في كتيب الارشاد بس يبتعثون لهذي الدولة


اختي tot سوووري فتحنا موضوع ثاني في موضوعج
السموحة منج الغالية