هـزاع : وعليكم السلام ورحمة الله وبركاته يـا مرحبا
سلطـان : معانا الأخ هزآع
هزاع : هيه نعم هزاع آمرنيه الطيب
سلطـان : ما يامر عليك خويه شحالك عساك بخير
هزاع : بخير الله يسلمك
سلطان : وياك سلطان الـ.... مدير شركه ( ----- )
هزاع : هلا أستآذ سلطان
سلطـان : أخونـا هزآع حبيت أخبرك و أهنئك بإسم شركتنا لأنك الشخص المحظوظ
لهـآذا الشهر معانا وربحت مبلغ وقدره مليون درهم إماراتي و أنا متصل بك اليوم عسب نحدد الموعد اللي راح تستلم فيه الجائزه
ونخبر الصحافه والقسم الإعلاني عندنا عسب يتم تنفيذ كل شي لتسليمك الجائزة و المقابلات الصحفيه
سلطـان : هيه نعم خويه هزاع مب إنت إسمك هزاع عبدالله الــ...
هزاع : الله يبشرك بالخير خويه سلطان يازينه من خبر والله
متى وكيف و وين أقدر أستلم جائزتي جان تباني أييك الحين أفا عليك مره بويه صوبكم
سلطان : خخخخ لا خويه ان شاء الله راح نحدد الموعد اللي راح يكون خلال هـ الاسبوع وبنطرشلك كل المعلومات عبر الفاكس
هزاع : خلاص أترياكم خويه ومشكورين والله وياحيكم وياحي جوايزكم السنعه
وبعد حوار بسيط سكر هزاع سماعه التلفون ونش يربع جدا هله وربعه
ويبشرهم إنه ربح المليون من شركه ( ----- ) اللي هو مشتري الشي الفلاني من عندهم وما توقع انه يفوز أبدا
تم تحديد الموعد من قبل مدير الشركه وتم إبلاغ هزاع وسار هزاع هو وخويه يستلمون الجايزه
وبعد الاحتفال و الونـاسه وهم رادين فالدرب خوي هزاع اللي هو حمدان يقول
حمدآن : هااا عمي هزاع
هزاع : الله يقطع إبليسك يا حمدان شو عمي بعد هاذي
حمدان : هيه خلاص عندك مليون فإيدك لازم بعد نقولك عمي بتخقق علينا
هزاع : أفـا عليك يا حمدان انا أتخقق عليكم افاا والله افاا أنتوا هلي وربعي ونـآسي كيف أتخقق عليكم
عيب عليك هـ الرمسه والله إنك كدرت خاطريه
حمدان : يـا خوك الا هي سوالف بلاك جي مستوي زعول ويا راسك
شوي ويخطف عليهم واحد شعره سبايكي و النظاره السنعه اللي مغطيه نص ويهه
والتقويم الأصفر لزوم الإستايل وراكب هـآيج الأودي وكله يلمع جل ( لووول )
حمدان : بلاااك ياخوي جلعت كتفي من مكانه شو مستوي بك
حمدآن : وينه وينه خلني أشوف
يدخل عليهم الريال
هآآآي شباب هآو آر يوو أوول
الريال : بلاكم فاجين حلوجكم أول مره تشوفون واحد ستايل وكاشخ
حمدان وسعيد : هزآآآآآآآآآآآآآآآع شو مسوي بروحك الله يهديك
هزاع : شو مب عايبنكم ستآيلي
حمدان : أكيد مب عايبنا شو هاا وين كندورتك و ين رزتك اللي تعودنا عليها و وين و وين
هزآع : أووو حمدان تراك أبد هب ستايل ولا تعرف شي اسمه تطور فالدنيا
حمدان : أول شي تعال انت وين اتصلك رقمك كله مغلق
هزاع : اووو انت ما تدري غيرت كل ارقامي تعرف بعد الناس الحشره 24 ساعه يدقدقون ع الخلق افففف منهم
حمدان : هيه يا هزاع الحين ربعك وهلك وناسك صاروا حشره و افففف منهم
يالله ما عليه المهم انت شخبارك وشو دنياك
هزاع : دنيايه أحسن عن دنياكم بوايد طبعا ما يبالها رمسه
حمدان : ياحيك والله
هزآع : المهم شباب ما بطول عليكم انا باجر مسافر جوله حول العالم وقلت بعد أسلم ع ربعيه الجدام
حمدان : جدااام حيه نحن شو جدامك عسب تقول جدام
هزاع : افففف منك انت عاد تمسك ع الكلمه
ولا تبي الصراحه هيه جدام ومب ستايل ولا تعرفون شي في هالدنيا غير هـ العزب و الصناعيه
خلكم جذه ما تعرفون شي عن الدنيا وبصراحه بعد ايلس وياكم عن تفضحونيه بس جدام ربعي اليداد
حمدان : هييي هييي انت
وبدا حوار ونقااش حاد في قراج فرحان البنقالي
وسعيد مازال منصدم ومستمر على الوضع
وما نعرف شو صار عقب مع هزاع وحمدان
اللي كان ينضرب فيهم المثل من حبهم ومخوتهم لبعض
