جاهز \ فكرة لمشروع الرياضيات .

السلام عليكم ..

هممم قلت بسوي موضوع واحط فيه الفكره عسب الكل بنتبه
اللي بعد حطيت الفكره في موضوع ثاني على اساس رد .. المهم ما علينا

شسمه ابلتنا عطتنا مشروع عن استهلاك الكهرباء

لازم يكون عندكم فواتير كهربة بيتكم وان ما قدرتو تحصلون هالفواتير
عادي ترومون تتفاهمون مع اي محل، دكان ، كفتريا ... الخ

المهم انه فواتير كهربا ..

فتقرير المشروع تبدون تكتبون

1 - فكرة المشروع:-

2 - أهداف المشروع:-

وبعدين تسوون الجدول عبارة عن اشهر السنه وقمية الأستهلاك بتلقونه انشالله فالملفات المرفقه عسب تفهون اكثر
وعقب تسوون رسم بياني (وين محور الـx عبارة عن اشهر السنة ومحور الـy عبارة عن قيّم الأستهلاك)
والفايده من هالرسم البياني يبين اكثر و اقل شهر استخدمنا فيه الكهربا...

وبعدين نكتب النتائج:- مثلا تكتبون اقل قيمة استهلاك في الأشهر التالية
(بتكتبون اسماء الأشهر اللي فالشتا لأن قليل ما نستخدم فيه الكهربا)،
وبعد ترومون تكتبون مثلا استهلاك الأفراد للكهربا في فصل الصيف يكون اكبر عن فصل الشتا
وعاده انتو تفلسفو فالاستنتاج


وانشالله الفايدة تعم الجمييع

لا تنسووني بدعوااتكم .. يمكن تستجااب على خطفة ملك هههه

.........>>>>>>>>>>>>>>

الله يوفقج ان شالله
وتكووونيني من المتميزاااات ان شالله
تسلمييين ع المشروووووووووووووووووع

نحنا هاي الفكره قالنا عليه الاستاذ بس يباها على الأكسل
كل شهر و شو المبلغ المدفوع بعدين نسويها في رسم مضلعات
يعني كله في فلسفه مب نفس أبلتكم حبوبه تسهل الشيء

تسلمييييييييين اختي انقذتيني والله .. نفس الشي طالبة منا الابلة ..

الف شكر لج حبوبه .. (l)

مشكوره يزاك الله خير على هذا ننتظر منج جديد من التقاري..^^

مشكوووووؤره الغلا ...

ربي يوفقج واتكوونين من المتفوقاات يااارب ..