مشكلة ما الها حل

السلام عليكم و رحمة الله و بركاته
كل واحد في مدرسة
من حقه يكون عنده مدرس
و يشرحه الدرس و يحل معاه الاسئلة و يفهمه
و هذا طبعا من حق كل طالب رايح المدرسة عشان يتعلم
و لكككككككككككككككككككككككككككككككككككككن
اللي صاير عندنا اهنيه
يسمونه ظلم
انا في مدرسة في بوظبي
مر علي 6 أساتذة دين
كل واحد يدوم كم اسبوع و بعدين نتم فترة نقاهه بدون استاذ
فانت يا اخي الطالب
لما يمر عليك 6 اساتذة دين كل واحد اسؤا من اللي قبله
الاول كان وااااااايد مسرع في المنهج
الثاني كان يشرح شي و الدرس شي ثاني
و الثالث كل يعطي محاضرات و خذله في درس بسيط 4 حصص و نص
و الرابع يعيد كل جملة على الاقل 6 مرات
و الخامس يزاه الله خير كان يفهمنا المطلوب
و السادس و الاخير حافظ المنهج حفظ و ما ادري شو سالفته
هذي قصتي
و هذي مشكلتي
و لو تبون تشوفون كتبي و كتب ربعي كأن كلور مصبوب فيها
لا ملاحظات
لا اجوبة
كل الاجوبة من خيركم انتوا يا الاعضاء اللي يزاهم الله خير و يحطونا الاجوبة
و لكن و بعدين
شو فايدة الدين اذا نحن بس بننقل الاجوبة من المنتدى
و نحفظها يوم الامتحان
انا على مر التسع سنوات اللي مضوا
و انا ادرس الدين لنفسي
لعقيدتي
عشان ازيد علاقتي مع ربي
مو عشان الامتحان
بس استغفر الله ها السنة صرت اكره حصص الدين
لانها مملة
و و اااااااااااااايد طلاب ينامون فيها
و ياكلون فيها
في بالكم ليش؟
لما الاستاذ دايم غايب
و لما يحضر يقدم لك اسوأ حصة ممكن تتوقعها
الشكوى في ها الوقت ما تفيد
باقي اقل من 3 شهور على الامتحانات النهائية
و نحن مش عارفين شي في الدين
بتقولين نحن شو يخصنا هذا قدرك و هذي مشكلتك؟؟!!
لكن اللي يريد يكسب فيني اجر انا و ربعي في المدرسة
4 عواشر في ذمتكم
انا اريد منكم لو تقدرون توفرون لنا الاجوبة الصحيحة لكل الدروس للكتابين الفصل الاول و الثاني
بالاضافة لملخص او خريطة ذهنية او شرح او الزبدة من كل درس
ادري ان اللي اطلبه مو سهل
و الله ان جهدكم ان شاء الله ما يضيع
انا ما اجبركم على شي
بس هذا طلب من اخوكم الطالب المظلوم
اللي يعاني من ظلم المدرسة
فلو سمحتوا ساعدونا
و بعدين انا خاطري افهم شو فايدة الكتاب الصغير مال الاحكام اذا ما بنشوفه
و اللي عنده خبر شو الدروس اللي داخلة في امتحان آخر العام بيكون وااااااااااايد فادنا
ادري اني طولت عليكم
بتقولون شو ها السخيف اللي كاتب قصة حياته
بس صدقوني اني صرت ابكي على قدري من الظلم اللي شفته ها السنة
فلو سمحتوا ارجوكم ساااااااااااااااااااااااااعدوني
ترى اي شي بتساعدوني فيه حتى لو معلومة ان شاء الله تكون في ميزان حسناتكم
و الله اعلم كيف انا محتاجكم
و ان شاء للجميع التوفيق
و السموحة على اني طولت عليكم

يا اخوان و يا خوات وينكم
و الله العظيم لو تحطون معلومة نستفيد منها في أي درس سواء من كتاب الفصل الأول أو الثاني بكون وايد ممنون لكم
و انتظر ردودكم

اخوي انت بس قولي اي درس او اي صفحه تباها وانا حاضر الي تبي قلي ايااه وانا بسويلك ايااه وانشاء الله تعجبك الحلول منتظر ردك

http://www.study4uae.com/vb/study4uae71/article168924/

السلام عليكم والرحمه
افااا علييك اخوووي اي شي تباااااااه نحن حاااضرين مااايردك الا لساااانك
واساااتذه هالايااام بطرااانين مايدرسوون من القلب مب كلهم طبعا
المهم مثل ماقتلك مايردك الا السااانك انت وربعك
تقبل مرووري

السلام عليكم والرحمه
افااا علييك اخوووي اي شي تباااااااه نحن حاااضرين مااايردك الا لساااانك
واساااتذه هالايااام بطرااانين مايدرسوون من القلب مب كلهم طبعا
المهم مثل ماقتلك مايردك الا السااانك انت وربعك
تقبل مرووري :(43)::(43):

ادري اني انا طرار و يتشرط
و لكن بعد ادري ان محد متفيج يطبع و ما ادري شو
فلو تعرفون اي مكنبة في ابوظبي فيها ملخص وافي و كافي لدروس الدين في الامتحان
اعتقد انه ان شاء الله يكون حل مناسب
و يزاكم الله خير

اريد ملخص مال الدروس الي بتي في الامتحان اخر السنه . . .!!
واريد اعرف شوه الدروس الي بتي في امتحان اخر السنه . . .!!
وثـآنكس