سعر اللابتوب في كليه التقنيه العليا ومعهد التكنولوجيا

السلام عليكم ورحمه الله وبركاته

شحالكم

انا طالب في كليه التقنيه العليا واتخرجت من المعهد التكنولوجيا السنه الطافت

شوفو اسعار اللبتوبات في الكليا والمعهد

معهد التكنولوجيا

هم يعطونا معاش وتم الخصم من معاش المعهد والخصم كان بــ 3000 درهم
اللابتوب معروف Apple واستخدامه حلو ومفيد جدا جدا
ومن غير ما وصلتلي مشاكل بستخدامه ومافي فايروسات واحب استخدمه لكل شي والحين استخدمه بعد

الكليا

اللبتوب يوصل لــ 6800 درهم ،، واجباري نشتري اللبتوب
واذا كنت ابي استخدم اللبتوب بدون ما اشتري مالهم ،، راح اتكون المسؤليه عندي اذا ما قدرت امتحن اونلاين او ما اقدر افتح الفايلات
السعر جنوني جدا جدا
لكن تقريبا كلنا سكتنا على السعر ،، والسبب ان نحن نبي انكمل دراستنا في التقنيه وماحبيت انسوي مشاكل والسبب اللبتوب
لكن الصدمه هي
ان اللبتوبات وصلت مجانا من ابوظبي ،، واداره الكليه في راس الخيمه باعت لبتوبات النا
السبب ان كان في كثير من الطلاب متقدمين للتقنيه ،، واغلبيه المتقدمين من المعهد او الي مب حابين يكملون في جامعات في دبي والسبب المسافه او ظروفه مع اهله

ليش اللبتوبت غاليه عندنا
والله حرام وخاصه على ها اللبتوب ومن غير في طلاب مايشتغلون

شوف لبتوب المعهد وايد عايبني وماراح اندم اذا دفعت عليه السعر الي دفعته في لبتوب الكليا لكن

لبتوب الكليه في مشاكل قلنا يكون استخدامه حلو ومايدخل فيه الفيروسات وسريع ومايعلق

لكن اللبتوب يعلق
واحينا البرامج ماتشتغل اللبتوب في اخطاء وايد ودايما اذا ابي اشتغل عليه ينغلق بدون سبب ،، وشغلي كله يضيع

للطلاب في التقنيه راس الخيمه او التقنيات الي طلبت من طلابه الدفع عشان اللبتوب مامنه فايده اكتبو ردودكم هني

والله حرام ادخل التقنيه عشان ادفع للبتوب بها السعر
يمكن في السنه القادمه بيقولون الي بيدخل التقنيه يدفع عشرين درهم

وكل ها عشان الربح بالبتوب مايوصل سعره اكثر عن 2000

لاحول ولا قوه الا بالله

الله يرحم الشيخ الغالي زايد بن نهيان رحمه الله

اذا في شخص من الوزاره ويعرف السبب يرجى انك اتخبرنا ليش السعر غالي واللبتوت مايستحق الي دفعناه عشانه ونحن طلاب وفي طلاب مايشتغلون

طالبات في «تقنية الفجيرة» مهددات بالطرد بسبب الـ «لاب تـوب» - الإمارات اليوم

شوفو الله يعينهم بنات التقنيه في الفجيره

ماشي رحمه في التقنيه ،،

وفي تقنيه راس الخيمه عندهم برنامج مثل الفوتوشوب ،، والشبباب الي يحبون يستخدمون الفوتوشوب طلبو من الا يتي البرنامج ورفضوهم
السبب انه تخصصهم غير عن التخصص الي يدرسون الفوتو

جحيم أسعار الكمبيوتر المحمول في كليات التقنية العليا للطالبات بالفجيرة

ابي اعرف ليش تجبرونا نشتري اللبتوبات من عندكم ،،
لاتقولون في ها ولبتوبكم مافي ها ،،
نبي سبب مقنع
مب كل شخص انولد غني وغيركم محتاجين وعايشين على على نفس سعر اللبتوبات هاي

اذا تبون تربحون ،، لاتقولون نبي انطلع اجيال متعلمه ونفتخر فيها
وقولو نبي النقود والربح من تلامذتنا

في ناس بتسكت ومابتقول شي

بس باجر اذا دخل ولدك او بنتك او حتى اخوانك
راح اتقول صدق والله ،، ليش اسعارهم جي ،، وليش ماقلت شي يوم كنت اقدر ،،

اذا كنت زائر واتشوف ها ظلم سجل وشاركنا ولاتسكت عن حقك او حق غيرك لانك راح اتكون بموقفه يوم من الايام

وآلله يآخوي نفس الحآله انا من خذت لابتوب الجآمعه سعره 7600 مع انه مآيسوى ديل وكل يوؤم والثاني الجرج يخترب والبطآريه تنحرق
و24 سآعه في help desk طفرت من اللاب لوؤ ماخذتلي لاب من برع والله بيكمل ويايه سنين ولا بيكوؤن فيه عله
والسبب في غلا الاسعار يوؤم سالتهم قالوو خخخخخخخخخ حاطينكم هاردسك سعته مآدري كم والبرآمج الي منزلينه شرات الوورد والبوربونت واخوانه ، والانتي فايرس والحمآية => يعني هالبرآمج كلها حتى ماتوصل 500 درهم
بس مآدري شو السبب !

ههههههههههههه والله كله كلام فاظي هم عينهم على البيزات ،، يعني الحين نحن كلنا عندنا لبتوبات وكمبوترات مشترينها من برع ،، والله كمبيوتري قديم وما اخترب ،، وماسح برنامج الحمايه وبعده شغال ،، وفيه برامج وايد نحن مجربين كمبيوترات برع ،، واخر شي يقولون لا نحن مالنا في ها ،، وانتو مالكم مافي ،، انا بس ابيهم يغيرون رؤيتهم من تخريج طلبه العلم والمتميزين الى خريجه نقود من جيوب الطلبه

بصراحة أنا وحدة من اللي يدرسون في تقنية الفجيرة وقدمت عالمساعدة المالية فخلوني أدفع نص المبلغ اللي هو 3500 درهم وبعدين وصلتني مساعدة من عند الشيخ محمد بن راشد و ردوا لنا بيزاتنا مو بس اللي مقدمين عالمساعدة ردوا بيزات كل الدفعة، هذا طبعا قبل سنتين.

هالسنة سمعت أن هددوهم بالطرد بس هالكلام موب صحيح فمؤسسة محمد بن راشد ساعدت كل اللي ما يقدرون، وعسالفة الطرد كانت بس كتخويف للطلاب لأن المساعدة تأخرت شوي والطلاب بذيك الفترة وايد كانوا يستخدمون اللاب.

أنتوا حاولو تنتظرون شوي ترا متأكدة مليون بالمية أنهم بيساعدونكم ولا تستعيلون و تدفعون والله عسب ربعنا كلهم دفعوا ولا لأن الكلية ذالتنا، ترا هذي دولتنا ومن حقنا نستمتع فيها.

صراحة انا افك ادخل تقنية الفجيرة

فما اعرف صراحة كلامكم شوي يخوف << اللي يقول يالسين بفلم رعب هع

امممم الله يستر

ما عندي حل غير الاستخارة