ممكن تدخلو -- بكلوريوس صيدله --ساعدوني ؟؟

السلام عليكم انا خريج ثانويه عامه

علمي معدلي 75

وحاب ادرس الصيدله في جامعة .....


هل تنصحوني بهل تخصص هل به صعوبه او تعقيد ؟؟

علما بان الجامعه طالبه معدل 70% علمي وشهادة توفل درجه 500


:(17)::(17)::(17):

و عليكم السلام و رحمة الله و بركاته ،،، هلا أخوي
معروف ان تخصص الصيدلة من التخصصات اللي مو سهلة ،،، اللي يبي يدخله لازم يحب الكيميا و الاحياء ،،، لان الاساس فهالتخصص هو الكيميا العضوية ،،، و لو انت تحب هالمواد تقدر تدخله ،،، بس مرة ثانية بأكد لك ان هالتخصص مب سهل ابدا ،،، و يعتمد ع الفهم و الحفظ بحيث انك لازم تحفظ اسامي الادوية و تراكيبها و اعراضها الجانبية و يوم الدوا يدخل الجسم كيف يأثر عليه و و وين يروح و بعد كم ساعة لازم المريض ياخذ الجرعة الثانية و كم مرة ياخذ فاليوم و ......
بشكل عام : المتقدم مستواه فالكيميا لازم يكون عالي ،،،
بس القرار النهائي لك و انا حبيت اقول لك رايي ،،، و لا تنسى تصلي استخارة و بالتوفيق :)
و السموحة ع القصور

شكرا اخوي ما قصرت والله

يعني منو اسهل بهل تخصصات ؟

هندسة اتصالات او هندسه معماريه او الصيدله ؟؟

وان شاء الله الله يهدينا الي الطريق الصحيح

العفو ما سويت شيء والله ^^
ممم هندسة اتصالات تعتمد ع الفيزياء و الرياضيات اكثر شيء،،،، تخصص حلو بس مب سهل ،،،
انا اجوف ان الهندسة المعمارية اسهل عن هندسة اتصالات و الصيدلة ،، الصيدلة اصعب واحد من بينهم
بس اخوي بعطيك نصيحة : ادخل التخصص اللي تحبه ،،،، بعدين جوف اذا هالتخصص سهل و لا لا ،،، لان بصراحة ما شيء تخصص سهل فالجامعة ،،،، كل التخصصات الها صعوبتها و سهولتها ،،، بس لو انت حبيت تخصص معين مثلا بس هو مب سهل لا تقول انك ما تروم تدخله ،،، يمكن تواجه صعوبات اول ما تدش الجامعة بس بما انك تحب هالتخصص فها الشيء يخليك ان غصبا عنك تذاكر اول باول ،،،، انسى انك يايب هالمعدل فالمدرسة ،،، المدرسة خلصت و راحت ،،، باجر يوم تتوظف ان شاء الله ما بيجوفون معدلك فالمدرسة ،،،، بيقولون لك نبا شهادة الجامعة ،،،،
بس اذا انت دخلت تخصص صعب و ما بديت تذاكر من اول السنة ،،، عيل لا تسمع كلامي ،،،، لا تفهمني غلط اخوي ما اقصد شيء ،،،، قصدي ان شيء تخصصات الناس تقول انها سهلة و ناس تقول انها صعبة ،،،، و ها الشيء يعتمد على مدى مذاكرتهم و ادائهم فالامتحانات و تركيزهم فالكلاس ويا الدكتور ....

و نسيت اوضح لك شيء: المرحلة الجامعية غيييير تماما عن المرحلة المدرسية ،،،، هي اسهل و احلى بس بشرط ان نحن نعرف كيف نستغل الوقت
بس القرار النهائي لك ،، و ما الزمك انك تسمع كلامي ،،،
و الله يهدينا كلنا للطريق الصحيح ^^
و السموحة ع القصور

و لو بغيت اي شي ثاني انا هني ^^

والله يا اخوي ما اعرف كيف اشكرك على هذا الكلام المفيد

بارك الله فيك

كلامك رفع من معنوياتي وايد

ر

الله يسلمك اخوي ،،، والله ما سويت شيء
الله يبارك فيك و يوفقك ان شاء الله فاختيار التخصص و فالدراسة الجامعية و ان شاء الله ترفع راس امك و ابوك
:)
موفق ان شاء الله
و اي وقت بغيت اي مساعدة انا هني ^^

باااااااك :(17):


خلاص بعد المشاوره

سجلت اليوم الصبح في هندسة الاتصالات وطلع لي القبول

والله ييسر

بالتوفيق ان شاء الله ^^