أنا أعرف أنه كلكم تقدرون اتجاوبون على استفساري بليز دشوا ولا تردوني [الأرشيف]

مشاهدة النسخة كاملة : أنا أعرف أنه كلكم تقدرون اتجاوبون على استفساري بليز دشوا ولا تردوني

..همسة..

12-09-2009, 08:05 PM

السلام عليكم

أخواني وأخواتي أول شي أحب أشكركم لأنكم ما رديتوني والله يوفقكم يارب

أخواني و أخواتي أنا بتخرج من المدرسة ان شاء الله بعد سنتين بس طموحي أدخل طب وان شاء الله السنة اليايه بدخل علمي بس والله وايد خايفة أنا عندي ربيعتي الروح بالروح هي راحت أدبي وأنا علمي بس أخاف أكون بضيع السنتين بدونها وما بييب النسة اللي تأهلني لدخول كلية الطب

بس أنا قلت لو ما يبت نسبة بتم أعيد وأزيد لين ما أييبها

السؤال هني

كم النسبة اللي لازم أييبها مشان أدش الطب بعد ما أتخرج

وانتو شو سويتوا مشان اتدشون لية الطب

بليز يمكن سؤالي غبي بس والله أنا أموت بس لازم طب

أترياكم على أحر من الجمر

لا تردوني

شموع العلم

12-09-2009, 10:10 PM

80 وفوق والله يوفقج ان شاء الله

عالي مستواها

14-09-2009, 06:59 AM

انا انقبلت طب أسنان في جامعة رأس الخيمه للطب والعلوم الصحيه

وبالنسبه للنسبه هم يجمعون درجة مادة الكيميا والفيزيا والاحيا ويقسمونها على 3 فاذا كانت اكثر عن 80 تقدرين تدرسين طب عام أو طب أسنان طبعا

والجامعه تشترط التوفل ولا الايلز .. يعني انصحج انج تاخذين واحد منهم
وفي امتحان توفل عندهم طبعا بفتره التسجيل وعندهم بعد دوره تحضيريه

ولا تحاتين العلمي سهل .. يبالج مذاكره اول باول وتوكلي على الله

..همسة..

14-09-2009, 08:41 PM

مشكورة أختي وما قصرت وعسى مثواج الجنة وربي يوفقج ويغفر لج ولوالديج ويهديج لما فيه خير للوطن ويسخرج لأهلج ويخليج لهم

عسى ربي يوفقج ويساعدج يارب

يارب توفقها وتغفر لها في هالشهر الفضيل

مشكورة حبيبتي عالي مستواها

همس غرام

14-09-2009, 10:57 PM

يا هلا باختي مثل ما قالوا اخواني لازم النسبه تكون 80 وما فوق

بالتووفيق ان شااء الله

أنغام الصدف

19-09-2009, 01:02 PM

اقتباس:
السلام عليكم

وعليكم السلام

اقتباس:
أخواني وأخواتي أول شي أحب أشكركم لأنكم ما رديتوني والله يوفقكم يارب

العفو

اقتباس:
أخواني و أخواتي أنا بتخرج من المدرسة ان شاء الله بعد سنتين بس طموحي أدخل طب وان شاء الله السنة اليايه بدخل علمي بس والله وايد خايفة أنا عندي ربيعتي الروح بالروح هي راحت أدبي وأنا علمي بس أخاف أكون بضيع السنتين بدونها وما بييب النسة اللي تأهلني لدخول كلية الطب

اختي كل واحد عندها طموح ...وبعدين شي فسحة تتلاقنـ ... لا اتخلي الفراق يخرب أحلى طموحاتج ... والله الطب يباله درااسه × دراااسه ...

اقتباس:
بس أنا قلت لو ما يبت نسبة بتم أعيد وأزيد لين ما أييبها

يارب تتحقق أحلى امنيااتج .... وليش ما تيبيها من اول مرة ... إذا شديتي حيلج وذاكرتي أول بأول .. وركزي والابلة .. ولازم عندج أوراق وملاحظات أي سؤال ما فهمتي لا اتخلي باجر ... فالحصة سألي المس ....

اقتباس:
السؤال هني

كم النسبة اللي لازم أييبها مشان أدش الطب بعد ما أتخرج

وانتو شو سويتوا مشان اتدشون لية الطب

بليز يمكن سؤالي غبي بس والله أنا أموت بس لازم طب

أترياكم على أحر من الجمر

لا تردوني

أولا النسبة فوق 80 أو 85{ حسب الجامعه ... }

وثانيا اختي بتروحين بعثة طب ولا الجامعه فالدوله ... ؟

إذا فجامعة الدولة بجاوب .. عليج بس الاجابة منقووولة من موقع {

الطب عندج اول شي سنة اوغرو ( اساسي متطلبات الجامعة )

و في جامعة الإمارات مسوين نظام للي اييبون نسبة عالية يخلصون المتطلبات في شهر بدل سنة << و هي سهلة ما تحتاج كمراجعة .. { شدي حيلج .... ع الأخير

+ يمتحنونهم ايلس او توفل ..

اول سنة قبلوهم كلهم كانو 11 بنت
هالسنة اللي نجحوا في التوفل قبلوهم و الباقي خلوهم ينتظرون السنة الياية و ياخذون المتطلبات الباقية اللي عليهم ..

سواء دخلتي فاست اوغرو .. << اللي هو المتطلبات اللي تخلصينها بشهر جي يسمونها .. أو ما دخلتي

بيسون لج مقابلة بيسالونج اسئلة عامة و يكون كل شي بالانجلش .. و ترى دراسة الطب كلها انجليزي على انجليزي بتنسين العربي .. و لازم اتيبين في الايلس 5.5 على ما اظن ..

الطب يتكون من 7 سنين ..

السنة الاولى يسمونهم msc 1
و الثانية msc 2

هو اختصار medical sciences course

تاخذين فيه البيسكس

و الثالثة و الرابعة اسمين غير
و الخامسة و السادسة بعد غير

و السابعة تدريب في المستشفى

نظام الدراسة لاول سنتين يكون ينيتات (( وحدات )) 5 وحدات كل سنة
و السنة الثالثة و الرابعة يكون عن اجهزة الجسم .. تبدون جهاز جهاز ..

اصعب شي اول سنتين بعدين يخف و حسب ما سمعت السنة الخامسة اسهل شي ..

السنة السابعة تكونين تدريب في المستشفى اذا انتي من بنات العين او بوظبي تتدربين في مستشفى توام اذا لاا تتدربين في مستشفى في امارتج ..

كل سنتين تمتحنين امتحان شامل في كل اللي خذتوه

يعني 3 امتحانات (( اول واحد لاول سنتين )) (( ثاني واحد لاول اربع سنوات )) (( آخر واحد للست سنوات ))

اما عن التخصصات فهي وايد ..

بعد ما تخلصين السبع سنين تكونين طب عام << نفس اللي يشتغلون في العيادة ..

و اذا حابة تتخصصين عندج :

طب عيون
جراحة
نفسي
طب اطفال
جلدية
طب اسنان
العظام
...... الخ الخ

بس ترى عادي اول سنة بتحسين صعب
و بعدين بتحسين عادي .. و اهم شي لا تراكمين ..

و اهم شي كلامي كله عن جامعة الامارات ..
ما اعرف عن باقي الجامعات ..

و اي استفسار انا موجودة و في الخدمة

الموت حق ... الاجابة ع سؤالج من مموقع منقوووول { ... {

أنغام الصدف

19-09-2009, 01:07 PM

أختي الموت حق ... لو سمحتي غيري العنوان وكتبي ...

استفسار عن مهنة الطب

لو سمحتي باسرع وقت ... { لأنه ممنوع هالعناوين فالمنتدى .. { وعقب بعطوج مخالفة

lulu-lolo

17-11-2009, 02:33 PM

عزيزتي الاول اخذي التوفل او الايلتس وانت في اخر مرحلة بالثانويه واذا جبتي ال 80 وفوق عادي بعدها راح تنقبلين الطب

Aħωάн

11-01-2010, 11:55 PM

آمممم

درــآآسة طب آلآطفآآل يبآلهآ كم سنة ..؟

و هل فيهآ تدريـب ع آخر سنة ولآ آلسنة قبل آلآخيرة ؟آ

$دموع الريم$

11-03-2010, 12:21 AM

شوفي اختي بالنسبة للقبول فكلية الطب والطب اسنان يعتمد عالمنافسة يعني يقولون مطلوب 80للطب اسنان و85 للطب البشري بس هذي مو قاعدة انا جبت 89.8 يلا قدرت ادخل طب أسنان بجدارة ممكن انقبل طب عام لكن مو شيء اكيد فعشان تنقبلين طب عام لازم ما تقل نسبتج عن 93 فالجامعات الخاصةمثل الشارجة اما فجامعة الامارات والله انا سمعت ان التنافس قوي يعني النسبة عالية اعلى عن 95 وطبعا بجامعة الشارجة تحتاجين 500 درجة بالتوفل او 5 بالايلتس لكل سكل والله يوفقج