قـفـــــــي..نقطة تفتيـش! رحلة مدرسية لجيوب الطالبات...حقائبهن... ومخابئهن السرية...!

[جــوهــرة]

قفي..نقطة تفتيش! رحلة مدرسية لجيوب الطالبات,حقائبهن ومخابئهن السرية..!



http://up4.m5zn.com/9bjndthcm6y53q1w0kvpz47xgs82rf/2009/7/6/09/vb9js0uag.gif (http://[url]http://www.m5zn.com)
يُفتح الباب فجاة..



وبلا مقدمات تدخل( المراقبة) وعيونها ترصد البنات..



تغلق الباب خلفها باحكام وهي تصيح: ( تفتيش يابنات.. كل وحدة تحط شنطتها على طاولتها وتبعد)!



الزيارة التفتيشية..




http://up4.m5zn.com/9bjndthcm6y53q1w0kvpz47xgs82rf/2009/7/6/09/vb9js0uag.gif
>> والقلوب الي تطيح بين الرجلين<< على اثرها



والخواطر السرية التي تمر على البال ..



فيه شئ نسيته فيها؟



كم ممنوعات عندي؟



(يارب ماحطت اختي الصغيرة شئ بشنطتي..)ّ!



روتين لابد منه في كل مدرسة..



http://up4.m5zn.com/9bjndthcm6y53q1w0kvpz47xgs82rf/2009/7/6/09/vb9js0uag.gif (http://[url]http://www.m5zn.com)




اسئلة للطالبات:



ما موقف الطالبات منه ؟؟



ماهي مخالفاتهن ؟؟



واين تختبئ ساعة الخطر؟؟



وماهي مغامراتهن ومواقفهن التي مرت عليهم بشان هذا الموضوع؟؟
هل انت (مع)ام (ضد) الجولات التفتيشية والسبب؟


---------------------------






:(6):منقول للأحبة:(6):

[همتـي فوق السحاب]

**&& ههههه &&**

بصراحة موضوع جدا مميز :(23):

هالمواقف وااايد تستوي :s42:

و البنات..الله لا يراويج أشكالهم

:(3): :(46): :(38): :s20: :(20): :(34):

بس الحمد لله بالنسبة لي

ما ظني جد خالفوني في شي :(4):


أتريا مواقف بقية العضوات :s5:


000 تسلمين الغلا عالموضوع 000

^_^

[تيرابيثيا]

أولاً : شكرا لك على هذا الموضوع الرائع غاليتي .

ثانياً : سلمت أناملك .

ثالثاً و أخيراً : أنا لم أحصل على أي مخالفة الحمد لله .

[راعية الدلع]

اسئلة للطالبات: احم يعني أجاوب -___-

ما موقف الطالبات منه ؟؟
البنااات يسوووون أشكالهم بريئين كنهم مووول مب دااااسين شيء
كل وحدة تنبش شنظتها وتشوف إذا في شيء مني مناك وتخش إللي تلحق عليه


ماهي مخالفاتهن ؟؟
إجحال ، كاميرا ، قلوووس ، أهم شيئ mb3 ,, يعني مب أشياء مثل فووووون ولا لاااب

واين تختبئ ساعة الخطر؟؟
عاد خلاااص البنت إللي ما تخبي أشياءها بسررررعه تروووح فيها



وماهي مغامراتهن ومواقفهن التي مرت عليهم بشان هذا الموضوع؟؟
أنا الصرااااحة كم مرة جكووووني فيها ويا الـ الأكسسوارات وال إم بي ثري الزلاااغ
هل انت (مع)ام (ضد) الجولات التفتيشية والسبب؟
أنا مع //// لأن يمكن تكووون البنت مخبية بلااااااااوي

[جــوهــرة]

أشكركم جميعاً على المرور والتفاعل


وأهم شئ في هذا الموضوع هو السؤال الأخير

ولكم حرية النقاش فيه

وبانتظآآر آراء بقية العضوات

[playful]

موضوع جميل جدا وحساس ....

بالطبع أنا مع جولات التفتيش ولكن بشرط أن لاتضيع الحصة ..أن يكون التفنيش قبل بدء الدرس + ممنوع الصراخ بصوت صاخب .... فليكتفوا بسحب المخالفين بدلا من الصراح بوجه الجميع ....



المخالفات لاتنتهي وجولات التفتيش لاتحد من المخالفة ابدا بل يبدأ التحدي من هذه النقطة .... أفضل أن يبحثوا عن عقاب رادع


... وشكرا لك على فتح هذا الباب ...

[لولو 8]

شكرا على الموضوع الرائع

الحمد لله ما اخذت ولا مخالفة^^

بس احيانا اخذ موبايلي بس ما امسكت ههه

[emarateya]

شكراً ع الموضوع

[جــوهــرة]

أشكـــركم playful و لولو 8 و اماراتية

على المرور والإدلاء بآرائكم

وجزيتم خيراً وبالتوفيـــق لكم جميعاً

[سبــع الامــارات]

سوري دشييت ف موضوووع بنااات ههههه

اما الشباااب يزخوونه ع الفوونااات وشي منهم ع المداويخ وهااي السوالف بس

السمووحه ع القصوور

تقبلي مروري اختي

[حساسه والناس مو حاسه]

موضوووووووووووووع رااااااااااااااائع
الحمدلله ولا مخالــــفــــه بس بنـــات الصــــف مايقـــصرن أنـــــواع المخــالفـــات
أنا مـــع التفتـــــيش لأن البنــــات فـــي أشـــيــاء مــالــها داعـــــي تنـــياب للمدرســــه

[نجمة 555]

أولا أشكر صاحبة الموضوع على الطرح المميز
ثانيا أنا مع التفتيش للطالبات لأنه يمكن حاطة شيء مخالف بس يكون عقابها خفيف
ثالثا أنا الحمد الله ما خذيت أي مخالفة

[وردة غلاأإ]

أولآآآ ... شكرآ جوهرتي على طرحك آلجريء آلرآئع ...

ثآنيآآ .. بدون أي تهرب أو إنكآر .. أنآ أحب كثيرآ أن يرآفقني :: كمبيوتري آلمحمول :: إلى آلمدرسة ..
لأننآ نحتآجه كثيرآ في آلعرض .. ( و مآ يخلنآ نذل روحنآ للمدرسآت عسب يعطونآ لآبآتهم نعرض فيهآ .. و نتعرض للرفض و آلإحرآج ..!!)

ثآلثآآآ ... أحببت أن أضيف تعليق صغير ..

هو أنه بعض آلمدآرس تبآلغ كثيييرآ في تحديد آلممنوعآت .. مثلآ .. في مدرستنآ .. يمنع إحضآر آلفلآش ميموري و آلسيديهآت و شآلآت آلبرد في أيآم آلشتآء ..!!! ..

أتمنى أن يكون ردي خفيفآ على قلوبكم ...



http://www.study4uae.com/vb/uploaded/92900_1250801296.png

[بسمة أمل }~]

موضوع رائع .. و مميز ..

ولكن نحن .. يبالغون كثييييييييييييييرا في التفتيش ..

فإنه ليس لدينا و قت محدد لتفتيش .. طووول ما احنا في المدرسة تتوقع اي وقت يفتشون علينا ...

الله يستر .. شو يستوي .. تصير بلاوي .. على أتفه الأسباب يخالفونا ..

الله يكوووووووووووون في عون الطالبات ..

[o00oغيورهo00o]

السلام عليكم ورحمة الله وبركاته

هل انت (مع)ام (ضد) الجولات التفتيشية والسبب؟

ان ضد جولات التفتيش لانها تكون مفاجئه وتخوف الواحد يعني ممكن تصيبنا بنوبات قلبيه{{[{{ من كثر الخوف

انا يخالفوني عسب الاكسسوارات و ال mb3 بس يفهمون موقفي لاني ما اسمع اغاني بس ايلس اسمع تلاوات باصوات مؤثرة واسمع محاضرات

[نبضــاتـــ ألم]

مشكوورهـ اختيـــ ع الموضوعـ الفنتكـ ~..
انا تعودتـــ الصرـاحهـ فردوديــ والحينــ رـاحـ اجاوبــ ع الاسئلهـ ^^

.
.



اسئلة للطالبات:




ما موقف الطالبات منه ؟؟


خــوفـــ او عدم مبـالــاهـ

ماهي مخالفاتهن ؟؟

ميكبـــ كحـالــ اسـاور الــ mp بأنوـاعهـ العــابــ وبســ ^^



واين تختبئ ساعة الخطر؟؟

مـا فهمتــ ^^



وماهي مغامراتهن ومواقفهن التي مرت عليهم بشان هذا الموضوع؟؟
انا من النوع اللي احط فايدي اساور وخيوط وغيره واتكحل طبعا هالشي ممنوع فاكيد بيخلونا نمسحه فناخذ الكحال معانا ^^ مره وقت التفتيش كانو يفتشون ع الايد اذا فيها شي معظم الصف كان لابس وانا من جفتهم جيه يفتشون << آآخر وحدهـ ^^ رفعت الخيوط وبطلت السلاسل وحطيتهن داخل الجوتي ^^ ولما جفتهم يفتشون الشنط بسرعه ظهرت الكحال ونفس الشي فالجوتي ^^ ومسحت اللي فعيني ولما يو عندي قالو جوفو الطالبه المثاليه ما عندها اي مخالفه ^^ خخ عقب ما ظهرو رحت الحمام واشتغلت فالكحال والاساور ^^

هل انت (مع)ام (ضد) الجولات التفتيشية والسبب؟
انا مع تفتيش اليد العين اذا كانتــ مكحلهـ او غيرهـ لكنــ تفتيشــ الشنط اعــارضــ وبشدهـ فيــ اشيااء خاصهـ ما نسمحـ لهم يفتشونـ فيهـا واكثر المســاتــ يفتشنــ فالكتبــ ونحنــ نعارضــ المفروضــ كلــ معلمهـ تحترم خوصوصياتــ البنتــ ولا تفتشــ فشنطتهـا .. مجرد راايــ والمفروض ما يبالغونــ الكحالــ وقلنــا لكنــ ايــ وحدهـ عندهـا كام بتصورـ المشروعـ مثلا يخالفونهــا اونهـ روحيــ اييبيــ تصريحــ منــ الادارهـ وينـ عايشينــ ^^ والشالاتــ ممنووعهـ وكلــ شيــ بيمنعوونهـ ها الليــ بيزيد عناد الطالبــاتــ ومالهـ داعيــ كلــ دقيقهـ تفتشيشــ ^^

والسمووحهـ

[الملثمة]

طـــــرح مميــز

بــارك الله فيك

[جــوهــرة]

شكراً لكم جميعاً على الردود الآراء وبالأخص ورودة ^^

أسعدتموني بتفاعلكم مع الموضوع^^

بالتوفيــــق جميعاً

[كلي فخر UAE]

يسلموووو غناااتي ع الطرح بصراااحة مواقف ولاأحلى لأنه دووم في بناات يخبرونا لو شافوا الأداريات فناخذ احتياطانا

[bent 2lmdaress]

بالنسبة لموقف البنات يووم التفتيش تكون اشكالنا تضحك لأن البلاوي اللي في الشنط والجيوووب عجيبة..أما بالنسبة للمخالفات هي كتيرة وما تنحصر واهمها الكحلة ..اما بالنسبة لمواقف صارت معي ..مممم...ما صار معي موقف محرج بس لما معي عطر لو مراية او شي من هاي الاشياء يعطوني محاضرة طويلة عريض مع انو مو شي كبير بالعكس بسيط جدا..وانا بصراحة ابدا مو مع التفتيش المفاجىء...لو محددين من اول ممكن..وشكرا..

[جــوهــرة]

شكراً لكم :
كلي فخر UAE (http://www.study4uae.com/vb/members/130321.html)<SCRIPT type=text/javascript> vbmenu_register("postmenu_976688", true); </SCRIPT>
و
bent 2lmdaress (http://www.study4uae.com/vb/members/55611.html)<SCRIPT type=text/javascript> vbmenu_register("postmenu_976822", true); </SCRIPT>

على المرور الطيب والردود الرآآئعة

ودمت في حفظ الرحمن

[admnt.7ubk.13]

ههههه ، واللهَ بلاوي ، انا كمن مره زآخيني يايبَه آلفون والاي بود
و غير الجحآل والقلوس و المشوط والعطور ، ياخي بنآت شو بتكون في شنطهن !

الله فالعون >< ، بس الصراحه مآنكر ان آنا ويا هالتفتيش ،
لان في بنآت اييبن بلاوي وياهن ، . . =)

[* طالب علم *]

يسلم على الموضوع

[سلامه زخوه]

نحن مشاكل لكن انا وله مرة زخوني اذا يبنا شيئ سحبوا عنه ولا رجعوا لكن يحطوا فحجرة ويوم على البيوت الكل يياخذ اغراضة من دون محد يعرف ونخبر الجميع يسكت والكل محافظ خخخخ لمن انا معارضة التفتيش المفاجئ

[^_^ كيوت ^_^]

ما موقف الطالبات منه ؟؟

البنااات بصرااحه كاارهين هالوضع خااصه انا

ماهي مخالفاتهن ؟؟

الزلاقاات و الجوتي و البس و الشيله و الاكسسوارات و الجحال الملون و الرووج :(

واين تختبئ ساعة الخطر؟؟

بالجووتي هع هع و لا دااخل القميص مخبى هنااك هع


وماهي مغامراتهن ومواقفهن التي مرت عليهم بشان هذا الموضوع؟؟

اذكر دووم افلت من الاداراه اذا مسكووني اسوي نفسي بريئه و مستحيه و اقولهم اخر مره و بس يسامحوني هع اذكر يوم تسالني الابله لابسه سرواال اقولها هييه و انا لابسه هلي هوب هع

هل انت (مع)ام (ضد) الجولات التفتيشية والسبب؟

ضد لان الحيااه حلوه صح ان التفتيش لازم بس عااد مب بكل صغيره و كبيره و الله نتغطى يوم نروح البااص اهيء

[الإقتصادية]

الحمدلله
ما زخوني و لا مرة
-------------
منضرتي و مشطي في امان داخل my bag

[شوق وشروق]

ما موقف الطالبات منه ؟؟
وآآآآآآآآآآآآآآآآآآآآآآآآآآآي الحمد لله ما فتشووونا ولا كانت الرسايل كلها طاالعه واللفضاايح والله وانا اقرا الموضوع قلبي يدقدق
وخاايفه

ماهي مخالفاتهن ؟؟
نحط مرطب ،،،،،، رسايل من البنات،،،،،، اممممممم

واين تختبئ ساعة الخطر؟؟
لما يمسكون الشنطه

وماهي مغامراتهن ومواقفهن التي مرت عليهم بشان هذا الموضوع؟؟ولا شي الرعب وبس
هل انت (مع)ام (ضد) الجولات التفتيشية والسبب؟ضد

والموضوع خووفني واااايد

في بنت داقه علي وقايله حقي انت عندنا تفتيشش يوم الاحد وتجهزت

[غلا المقام]

نحنا ولا مرة ما سوولنا تفتيش