المساعد الشخصي الرقمي

مشاهدة النسخة كاملة : أسس نجاح طالب الثانوية...* نصائح لا تقدر بثمن*



بحر المشاعر
04-08-2009, 03:41 PM
بسم الله الرحمن الرحيم

السلام عليكم و رحمة الله

الحمدالله انا كنت طالب فالثانوية العامة و خلصت هالسنة و الحمدالله
معدلي 95.1 بعد ما حصلت الخبصه فالفصل الأول و انشالله أنا ألحين
بكمل دراستي فأمريكا جريب و حبيت افيدكم مت تجربتي........

طبعا كل الطلبة تسمع كلام يخوف عن الثانوية العامة و أنها سنه متعبه
و غير ذلك الكثير........و أنا كنت من بين هالطلبة المتخوفين بس الحمدالله
مسكت زمام الأمور و عرفت كيف أكون متحكم في كل الأمور.....

بالنسبة لي كانت هناك عدة نقاط انا اعتبرها هي أساس نجاحي فالثانوية
و بذكرها إلكم بالترتيب حسب الاهمية:

أولا: التوكل و التوفيق من الله......... حيث انك تكون ملازم الفرائض و كل شي واجب عليك و تدعي و صدقوني الله ما يخيب ظن عبده و انا هالشيء عشته***يعني ما تنسون ربكم بعد الثنويه****

ثانيا: رضا الوالدين....... صراحة من أهم النقاط اللي أحب انبه عليها لأنها صراحة بتفيدك من
الناحية النفسية بدرجة كبيرة و هائلة يعني مثلا كم تسوى قبل لا تسير المدرسة اتشوف الوالدة أو الوالد و يقولولك شد حيلك و هم مبتسمين و يضحكون ولا تنسون ان كل واحد لازم يرفع راس أهله و يرد إلهم جزء من جميلهم الذي لا يقدر بثمن.............

ثالثا: تنظيم و ادارة الوقت.........بقولها بصراحة انا الثانوية علمتني كيف اتحكم و ادير وقتي بكل نجاح و اعطي كل شي وقته لأن فالثانوية العامة والله و انا اقول والله الدقيقة صدق من ذهب و اللي ما يستغلها بيضيع.....

رابعا: الاجتهاد و السعي...... طبعا مثل ما نعرف لكل مجتهد نصيب و الواحد ما ياخذ غير حقه و تأكدوا أن%% الله يمهل ولا يهمل%% فأنت حاول تبذل كل ما في وسعك و حتى لو يبت اللي انته تبغيه صدقوني بتكونون مرتاحين لأنكم سويتوا اللي عليكم والباجي على رب العالمين...

خامسا: الهدف والطموح....... صراحة هذي النقطة غايبه عن بال كثير من الطلبة تسألهم وين تبى بعد المدرسة يقول لك والله حسب النسبه و هذا اكبر غلط المفروض انك تحطي هدف و ترسم لأنك تحققه و صدقوني تقدرون.......

حياة الثانوية:
طبعا لازم تمر فحياتنا أيام حلوه و حزينة لحظات تضحك ولحظات تبكي و اوقات تنقهر و مرات يخيب ظنك و ساعات مرتاح وأخرى متوتر و تعبان هذي الاحاسيس هي فعلا حلاة حياة الثانوية العامة فيها من كل شي -و ما كل المطالب بالتمني..............-
و من خلال تجربتي فالثانوية العامة بتعرفون منو الصديق و من العدو و بتنصدمون فناس و بتتعجبون من ناس و صدقوني بتشوفون ناس فحياتهم ما فكروا فيك لكن بتلقاهم يسألوون عنك فالثانوية و حتى انته بتفرح من هالشيء........
و أحب انبه لنقطة فأيام الدراسة بتمر بلحظات يمكن انك تنهار نفسيا مثلا ظلم أو ما شابه ذلك بس اتمنى انكم تستغلوا هالشىء من الناحية الايجابية و ما تتوجهون للنواحي السلبية و لا تراكم الواجبات اللي عليك و لا تأجل عمل اليوم إلى الغد ...........
و في نهاية العام يوم بتطلع النتائج و توصلك و تكون راضي عليها قسم بالله بتحس فشعور ما حسيت فيه فحياتك ....... بتشوف دموع الفرح تسقط من عينك لا شعوريا و بتلقى الناس يباركون لك من صغير لكبير و من بعيد لقريب من اهلك لغريب.............

الختام............
سامحوني اذا طولت عليكم بس اتمنى انكم تشدون حيلكم و ترفعون الراس و تكملون المسيرة و ما أنسى أني أشكر هالمنتدى الأكثر من رائع اللي صراحة لو شو ما نسوي ما نوفي فضلة و مستحيل انساه و اتمنى انكم تتعاونون على الخير و الكل يفيد الثاني باللي عنده و اتمنى لكم التوفيج و انشالله نشوفكم متخرجين بتفوق.............

شكرا مع تحياتي
بحر a المشاااااااااااااعر

المزروعيه vip
05-08-2009, 01:45 AM
مشكور يا اخوي بحر المشاعر على هذه النصائح...
ان شاء الله في ميزان حسناتك.....
وانا اول وحده مريت على الموضوع..

ريبيري
05-08-2009, 08:28 PM
السلام عليكم ورحمة الله وبركاته

ألف شكر أختي الفاضلة على إفادتنا ...

شو ناوية تدرسين بأمريكا ؟؟ ^_^

بحر المشاعر
06-08-2009, 02:31 PM
مشكورين على الردود بس اخوي ريبري انا ولد مب بنت
طال عمرك انا انشالله بدرس هندسة اتصالات

semo
06-08-2009, 05:57 PM
اخوي كلامك المؤثر هذا جدا جدا رائع ,, وانت فعلا تستاهل هاي النسبة بجدارة ,,, وان شاء الله منتبع هذي التعليمات ....
والله يوفقك اخوي ويوفقنا ....

BOsS بنات غليله
07-08-2009, 02:17 PM
شجعتني ياخوي............ خلاص انا بتعلم منك وجزاك الله خير

shadowy girl
07-08-2009, 05:22 PM
والله كلامك مؤثر صراحهـ,,}ْ~

لاني قبل لا ادخل الثانويه كنت شاطره و كنت من الاوائل بس لما دخلت الثنويه اول سنه بعد شديت حيلي
فيهاا بس ثاني سنه ياحساافه خذتهاا لعب والله مع اني كنت علمي وما كنت مهتمه واايد
بس النتيجه كانت شوي تفشل .. ><
ييسلمووو و الله يعطيك الف عااااااافيه
بشد حيلي ان شاء الله

one
03-09-2009, 06:46 AM
مشكووور يا اخوي ما قصرت

بس عندي تعليق بسيط .. ليش كل ما ادخل موضوع تشجيعي للثنويه لازم اقرا عن سالفة الاصدقاء والمصالح !

A.Almrar
03-09-2009, 10:42 AM
السلام عليكم ورحمة الله وبركاته

تسلم ع نصاايحك اخوى

والله انى اشووف طلاب مستهترين فى الدراسه ويوم يرسبون ينصدمون ليش رسبو ....

الثاانويه ليست راهااب الكل يخااف منها ..الثانويه سنه عااديه بس يبالها اشوى اهتمام ودراسه اول باول..

انا عدت الثانيويه مرتين ..المره الاولى من كم سنه وبعدها يلست فى البيت ...بس عزمت اكمل كليه قالو لازم شهادة ثانويه
يديده ...والحمدلله عدتها ويبت نسبه 88 ونا عندى مسؤلية بيت...كنت ادرس اول باول وكنت معزمه انى ايييب نسبه اعلى بس الحمدلله ع كل حال وكنت زعلانه ع نسبه 88 ..

والحمدلله انا اللحين اخر سنه تخرج دعواتكم

وشدووو حيلكم شباب وبنات زاايد نبااكم ترفعون رااس بلدكم

دااار حكمها زااايد ربى يرحمه

almujhool
06-09-2009, 11:44 PM
مشكووور اخوي ع النصايح
و ربي يوفجك في دراستك في امريكا

(بنت دار الزين )
12-09-2009, 12:22 AM
السلام عليكم

اشكرك أخي على هذه النصائح..

والله يوفقنـــا ان شاء الله

وتكون سنه سهله وحلوه

تحياتي

وردة غلاأإ
12-09-2009, 12:54 AM
كلمآت تشجعية رآئعة جدآ .. جعلتني أتحمس للسنة آلقآدمة بعدمآ كنت أظن بأنهآ كآبوس مرعب ...~

وفقك آلله أخي آلكريم .. و جعل آلنجآح و آلتوفيق حليفك في هذه آلحيآة و في آلآخرة أيضآ ...~

فحقآ كلمآتك مفيدة تستحق عليهآ كل آلثنآء :)...~

MFARGOO
21-09-2009, 09:44 PM
همسه :: الصراحه اخويه رمستك اثرت فيني
يسلمووو عالموضووع الفنتك والله يوفقك يارب

haneba3l
23-09-2009, 12:01 AM
تسلم عالموضوع الهادف

أنا السنة ثانوية عامة و سأعيش حياتي .....يا سلاااااااااااااااااااااااااااااااااااام

الفتى المحبوب!
26-09-2009, 07:12 AM
تسلمين على النصائح المفيده بس اعجبتني نقطه

انا وهية النقطة الخامسة وهي الطموح اقولكم اغلبيت الطلب

طموحهم ميت اي ان انه يخلص الثانوية على الشرطة او الجيش

وين الطموح ياخواني والله يوفقكم دنيا واخر وشكرا

قاهر العلم
26-09-2009, 07:11 PM
مشكوور ويزاك الله الف خير على هالنصايح
وان شاء تكون قدورة لناا في في هالسنة المهمة

تقبل مرووووري

الـود طبعـي
13-10-2009, 06:28 PM
تجربة جميلة شكراَ على الافادة

:)

اختلاف
17-10-2009, 04:15 PM
نصايح جدا رائعه
انا بعد الحين اعيد الثانويه العامه وناويه اغير كل شي لاني مخططه ادخل الجامعه
وان شاءالله اطمح لنسبه عاليه
والاجتهاد والمذاكره ومراجعه الدروس اول بأول تساعدك على الفهم السريع وتركو عندكم الغش والاعتماد على الغير
واعتمدو على عماركم وان شاءالله ربي بيوفجكم

جريحة دبي
18-10-2009, 12:50 AM
مشكوووووووووووووووووووووووووووووووور حيل اخويه بحر المشاعر راح اتبع كل هالنصايح الطيبة والله يوفجني ويوفج الجميع انشاءالله
صراحة حمستني حيل وشجعتني على المثابرة والواصلة فالاجتهاد وما نهمل اي شي سوا ف دراسة او شغل او غيرة وصدقت رضى الوالد والوالدة وربنا اهم شي فحياتنا وهم ساس نجاحنا ربي يحفظ لي والديي ويحفظ لكم اهاليكم انشاءالله
ومبروووووك حيل اخوي بحر على المعدل انشاءالله يكون معدلي شراتك او اكثر لان هدفي ادخل كلية التمريض او الطب
والله يوفجا جميعا انشاءالله
ومشكور حيل مرة ثانية اخويه بحر ع النصايح

مزيوونه shj
23-10-2009, 09:39 PM
والله اني تاثرت في كلامك ووووايد بس ان شالله اشد حيلي
احاول انظم وقتي بس مرات احس اني مااقدر ليش مادري؟؟؟

تسلم اخوووووي ع الموضوع الحلو
وبالتوفيج

راعيهـ بوظبي
24-10-2009, 12:57 PM
بالتوفيج شيخي

هطام
25-10-2009, 06:24 PM
مشكور واااااااااااااااااااااااااااااااااااايد بحر المشاعر على هذه الكلمات الرائعة وأبا اسأل إن كان السفر و دراسة هندسة الاتصالات تصلح للبنات

بحر المشاعر
27-10-2009, 03:43 AM
مشكورة اختي هطام عالمشاركه...... بخصوص سفر البنات للدراسة انا اعتبره عادي هذي الايام و كم بنات خليجيين يدرسون برع و ماشيه أمورهم و ازيدج بعد صراحه اللي شفته انه البنات فالغربه من حيث الدراسة و الاشياء المتعلقة بالحياة افضل بوايد من الشباب و هذا اللي استغربت منه........... بالنسبه دراسة البنات لتخصص الاتصالات انا اعتبره من انسب تخصصات الهندسة للبنات لانه كل اشياء تتعلق بالكهرباء و الكمبيوتر و بعد الالكترونيات و بالنسبه للبنات هذي مقدور عليها و لا تنسين هذا الوقت ما في مؤسسة ما فيها قسم اتصالات........و الاختيار لج

bluelo0l
16-11-2009, 12:29 AM
أحلى شي بهالدنيا الناس المتفاائلين
وبصراحة عنجد شجعتني كتير للدراسة والاهتمام بالوقت لأنو عنجد كتييييييييير مهم

وانشالله اجيب نفس نسبتك والله يوفق الجميع ويوفقنا ويرضى علينا وعالجميع انشالله

ثانويه عامه علمي
20-11-2009, 07:08 PM
والله نصايح ماشي احلى عنها
ربي يوفقك وان شاءلله في ميزان حسناتك
ياااااااااااارب نييب نسب حلوه ياااااااااااارب :(

M166
30-08-2010, 10:47 PM
مشكور يا اخوي وما قصرت .. شجعتنا بصراحه
وفميزان حسناتك .. والله يوفقك فدراستك ويوفقنا كلنا ..~
:)

حمووود1
16-09-2010, 08:37 PM
^_^

الله يوفقك يا رب ويوفقنا ونخلص هالسنه على خير

ريحتنا والله

تسلم اخوي على طرح تجربتك

تقبل مروري

^_^

محبوبتي بلادي
16-09-2010, 08:56 PM
[fot1]مشكور يا اخوي بحر المشاعر على هذه النصائح...[/fot1:(7):]

برنسيسة الثانوية
26-09-2010, 10:06 PM
مشكورة وااااااااااايد قسم بالله كلامج ريحني واااايد

الكااايد
05-11-2010, 09:54 AM
مشكوووور ياخوي علا النصايح الحلوه وباذن الله نسبتي تكون فوق 90%يارب

β я š τ ē ē Ģ
27-11-2010, 02:31 AM
مشششكوؤر يأطيييب وإن ششأء اإلله أسستفييد منك .../*