المساعد الشخصي الرقمي

مشاهدة النسخة كاملة : العلوم السياسية



إلا حبيب الله
09-06-2009, 10:30 PM
مرحبااا .كيف الحال ..طبعااا مثل ما تعرفون نحن خلصناا امتحاناتنا ..واحين متوهقين بين الجامعات و الكليات..وانااا الصراحة بإذن الله بروح جامعة الامارات فأتمنى انكم تساعدوني ..وتجاوبوني ع هالاسئلة ..جم النسبة لازم تكون وجم مدة الدراسة وكيف تكون الدراسة صعبة وايد ولا بسيطة ..يعني أنااا اريد اعرف التفاصيل عن هالتخصص فأتمنى انكم تساعدوني

طالبهـ محتاره
22-06-2009, 10:17 PM
انا بعد ودي اعرف عن هالتخصص

أنا شطورة
10-07-2009, 10:19 PM
هيه وانا بعد تكفون

الدبلوماسية،،
25-07-2009, 01:24 PM
السلام عليكم ،،

مرحبا ختي اول شي مبروووووك ع النجاح ..
وعقبال الشهاده الجامعية وبامتياز يارب..


بس حبيت افيدج بلي اعرفه ..

أول شي انا طالبة من كلية العلوم الانسانيه ..ومتخصصه سياسه ..

وبالنسبة لأسئلتج ..


جم النسبة لازم تكون ..

70% لو بغيتي كلية العلوم الانسانيه يشمل تخصصاتها لي منهم السياسه..

وجم مدة الدراسة ..

يعتمد عليج ختي ..بيعطونج خطتج وانتي وشطارتج ترتبين امورج ...بس حاولي تخلصين الاوقرو لي هو التعليم الاساسي ..انجلش+ عربي+ ماث+ آي تي من وقت وبدرجات حلوة ..عسب تتفرغين لمتطلبات الكليه والتخصص..بس بشكل عام السياسه ما تطول..وبعضهم يخلصونها بـ3 سنين...

وكيف تكون الدراسة صعبة وايد ولا بسيطة ..

العلوم السياسيه مب معقده مثل ما الاغلبيه يتحسبون ..ودكاترتنا كلهم ماشالله عليهم متفهمين ويعرفون يوصلون المعلومه ..يعني من حيث الدكاتره تطمني وكلهم عرب ومواطنين ..فبعد بقولج انه يعتمد عليج..ان شديتي حيلج اكيد بتلاقين الامتياز...


يعني أنااا اريد اعرف التفاصيل عن هالتخصص فأتمنى انكم تساعدوني

شرات ما قلتلج العلوم السياسيه مب صعبه ..بس انتي خلج ويا الاستاذ ولاااااا تسرحين لأن اي معلومه يقولها بتفيدج مب بس في الدراسه حتى في حياتج..تابعي أول بأول ..وسجلي ملخصات وكتبي ورا الاستاذ اي معلومه تحسينها مفيده او شرح ...

وربي يوفقج ... بحط لج معلومات أكثر فردي الياي ان شاءالله ..

الدبلوماسية،،
25-07-2009, 01:38 PM
وهنيه بعض المعلومات والمواضيع لي بتفيدكم ...

هذا اول رد بقلم الخت الحص الهاجري ..



بالنسبة للدكاترة .. فبعدني ما تعاملت وياهمـ بس من ربيعاتيه اللي يدرسن فالعلوم السياسية فالحمدلله .. مرتاحين من صوب الدكاترة .. من خلال تعاملهم + كيفية طرحهم للمادة

بس حابة أوضح لج نقطة غاليتي .. ابد لا تشيلين هم من ناحية الدكاترة .. ابذلي جهدج واعطي المادة اللي تاخذينها حقها من الدراسة وباذن الله بتشوفين كل الخير

::

بالنسبة للمساقات .. فهي ملمة بجميع الجوانب السياسية ( المفاهيمـ السياسية+الفكر السياسي + تحليل الظواهر السياسية + سياسة دولة الامارات العربية المتحدة بالاضافة الى دستورها + اساسيات العلوم السياسية ... )
هناك مساق ايضا يتحدث عن القانون الدولي ..

العلوم السياسية تشمل مسارين ..
مسار العلاقات الدولية + مسار الشؤون المحلية

يعني يوم بتدرسين العلوم السياسية راح يكون لج الخيار في انج تدرسين واحد من هالاثنين بس ها عقب ما تاخذين المتطلبات


دراسة التخصص .. باللغة الانجليزية .. وشيء 6 مساقات باللغة العربية

كمجمل عزيزتي ... تعتمد دراسة العلوم السياسية على الطالب نفسه .. يعني انتي بينج وبين نفسج

هل انتي تحبين السياسة ؟
هل انتي تحبين التعمق فيها أكثر ؟
هل لديك القدرة على اثبات ذاتك من خلالها ؟

اسألي نفسج بعد .. وقولي ليش انا دشيت السياسة .. شو اللي اباه من السياسة .. خططي وخلي فبالج الهدف اللي انتي تبين توصلين له .. عسب ماتضيعين في هالتخصص .. وصدقيني لا تعتمدي على كلام الناس وايد .. بتشوفين البعض يقولج .. شو تبين بالسياسة .. ما بتلقين وظيفة .. الدراسة صعبة ..!!

كلام الناس لا يقدم شيء ولا يؤخر شيء ... اهم شيء انتي تثبتين نفسج فالمكان اللي انتي اخترتيه .. وتشدين حيلج ويكون لج خلفية عن الاحداث اللي تستوي على الصعيد المحلي + العالمي


قراءة الجرائد <<< شيء مهم جدا جدا جدا
الاخبار
البرامج التحليلة والسياسية


........

وهذا بقلم ختي نغمــــــوشة


طبعا أنا والحمدلله خريجة الكورس الياي... يعني عندي خبرة شوي

كلام أختي حصة وذوقي قمة... 100% صحيح، لكن أحب أوضح شي..

أحس إن أحسن قرار إتخذته فحياتي صح إن دشيت هذا التخصص... لاني من بوني أحبه

وفوق كل هذا استمتعت بكل شي فيه... ما بقولج الدراسة سهلة أو صعبة، على

حسب،يمكن تكون السياسة متعبة لانج مثل ما قالت أختي حصة لازم تهتمين وتابعين

الاحداث...الخ، لكن بالنسبة لي أنا أعشق شي أسمه سياسة، عسب جي أحسه

إن حلو وسهل بس يبيله شغل... وبالنسبة للدكاترة.... بفتقدهم صراحة، لانج راح

تتعلمين منهم أشيا وايدة يعني مب في إطار المساق نفسه، بالعكس وبتحسين بالفرق

لأن تفكيرج راح يتغير ... وراح تفكرين في اللي يصير بموضوعية... والدكاترة ما راح

يظلمونج ولا شي،، بالعكس راح يعطونج اللي تستحقينه.. بس انتي شدي حيلج لانها

سياسة...

سوري طولت عليكم... بس أنا كنت زعلانة.. لان على دفعتي ما كان شي بنات وايدات

في التخصص، لكن الحين... تطمنت إن في بنات مثلكم يفكرون يدشونه

والله يوفقكم يارب


...................

وهذا بقلم ختي سحب و إضافة


يالله والله زييييييييييييييييييييين اللي بيتخصصون علوم سياسة ترى التخصص عالم ثاني مب مثل اللي نحن كنا نتخيله يوم كنا في المدرسة حرب وارهاب وفلسطين واسرائيل
لابالعكس هالتخصص وااااااااااايد حلو في شي اسمه مسار دولي واللي هة يتكلم عن سياسة العالم والعلاقات الدولية يعني اوسع وفي مسار محلي تخيلي انج تدرسين تربية وطنيه كله تتكلم عن حكومة الامارات و النظام السياسي لها وكيف تتأسست و عن حكام الامارات والشيوخ الله يطول في عمارهم ودورهم في هذا الوطن ومعلومااااات واايد بتفيدج في حياتج


من الاساتذه اللي ما عليهم كلااااااااام في قسم السياسة عندج :

1- الدكتور عتيق جكه انسان محترم جدا جدا وبكل معنى الكلمة انسان مايضيع حقج وانتي ترسمين تقديرج بيدج لابنقصج ولابزيدج الا اذا كنتي محتاجة اشد الحاجة يعني يمكن يرحمج ويساعدج شرح وااايد حلو وممتع الكلاس يخلص بسرعة من كثر مافيه اثارة ومشاركة وهو اسلوبه طيب ومتفاهم ويحاول انه يستمع لكل الطالبات من غير تميييز بس الطالبة الممتازة هيه اللي بتميز عمرها في الكلاس عنده انسان واايد ديمقراطي يعني يسمع لطلبات البنات واذا رمستي مايقطعج حتى لو يلستي ترمسين طول الكلاس .


2- الدكتور محمد بن هويدن انسان واايد محترم ويمشي عالخط الاحمر يمشي على قوانين الجامعة في كثير من الطالبات يقولون جدي بس لا هو واايد يمزح بس في وقت المزح ولانه واايد عاقل البنات يقولون انه جدي مايحب البنات اللي يرمسن في الكلاس ويضحكن من دون سبب مايحب حد يدخل وراه ويتأخر وايد يعيبه البنت اللي تشارك في الكلاس وتلتزم بالحضور كل يوم .البنت اللي تشارك وايد يحترمها ويسمع رايها بس اذا في غلط في كلام البنت او الاجابه غلط بيعارضها مب عشان يفشلها لا عشان يعلمها الصح من الغلط وانسان يشرح بذه وضمير و وايد يفهم يفهم يفهم الامتحانات من أسهل الامتحانات كلها مباشره وموجودة في الكتاب بشكل واااااااااضح .


الدكتور علي الغفلي رئيس قسم العلوم الانسانيه هذا الانسان ما يعيبه شي طيب ومش طيب ساعات يكون رحيييييييييم وساعات يكون مثل الاسد الهائج من شراسته واااايد يفهم ويعرف يشرح اذا طلبتوه وانتو في مقاعد الدراسة بيرفض و على حسب منو اللي طلب يعني اذا بنت سياسة كل شي بيمشي اذا بنت من تخصص ثاني لا والمعاضة تامه بس اذا راحت هذي البنت اللي من تخصص ثاني الاوفس وتكلمتن بهداوه يممممممكن بوافق وايد يميز وبشكل واضح مايعجبه العجب ولا الصيام في رجب درجات بالزط تنعطى بس اذا عرف انه البنت تاخذ a في مساقات ثانيه يعطيها a حتى لو ماتمتحن اما اللي مغلوب على حاله وترسب في المساقات الثانيه وتي تشد حيلها عنده حتى لو تنقص 3 درجات عن العلامة الكامله تحلم انها تشوف ال a هذا البنت اللي ترسب في نظره عيونه تقول شي وتصرفاته تقول شي مغاير انسان ماتعرفوله كيف وما اعرف بعد شو اقول عنه .


الدكتور عبد الفتاح ياغي وااااايد اوكيه وطيب ومتسامح ويعطي درجات اول ما يا جنه بس بعدين حد ترسله راسه وتم يواشي الله العالم منهو . لانه الانسان كان طيب ويعطي درجات والبنات كلهم يسجلون عنده بس الكورس اللي بعده تغير تغير شديد وستوى عصبي و وايد جدي طبعا عرفتوا منو قاله التزم ولا تعطي درجات ؟؟؟



الدكتوره مريم لوتاه انسانه واايد محترمة عاقله ومثقفة متفاهمة وشرحها حلو بس يمكن امتحاناتها صعبه وماتعطي درجااات الا بالغصب وللطالبات الامتياز .


وفي حال لقيت معلومات اكثر بفيدكم ...

الدبلوماسية،،
25-07-2009, 01:44 PM
تابع ...

وهذا بقلم miss_love

السلام عليكم هلا اخواني
احب اطمنكم لا تخافون ولا تحاتون
انا متخصصه علوم سياسيه والتخصص فيه مسارين مسار محلي ومسار دولي
عني انا تخصصت مسار دولي وما اشوف فيه اي صعوبه
والحمد الله الدكاتره كلهم ممتازين ومن احسن الدكاتره ومتمكنين من التخصص
صح الدراسه بالانجليزي بس سهله والدكاتره بيسهلون لكم وبيحببونكم في التخصص
ولا تنسون اهم شي تقروون الجرايد عشان تكون عندكم خلفيه
وياريت بعد لو تقرون دستور الامارات بيفيدكم في مساق حكومة وسياسة الامارات , لا تخافون بتحصلون الدستور في الكتاب نفسه.

.............

وهذا بقلم خوي العنيد88


اختي ...

انا بنصحج نصيحة اخوية ... انا خريج علوم سياسية ...

و الله صدقيني ... الي يرمس هذا الكلام ويقولج مواطنين وجي ويخوفووونج و الله ابتعدي عنهم ... صدقيني انا قالولي العن من جي ... قمت اجوف الدكتور المواطن جنة هتلر ياي ^^ ...

بس صدقيني من تاخذين اول درس معاهم افهمي طباعهم و صدقيني بتحبين كلاساتهم ...

صدقيني اهتمي وجدي معاهم ووالله مابيظلمونج بالدرجاااات ابدا ...

وهم من احسن الدكاترة في الجامعه ...

صدقيني لاتخافين ... ترا كلام الناس وايد ... وهم ماجربوا ويخوفووونج ... هذا انا مجرب وشبعان منهم واقولج ... و الله ياليتني ارد الجامعه بس عشان اقعد مع الدكاترة ... و الله اياااام ^^


وعن المواد بعد اذا حد قالج هذي صعبة وهذي جي ... وهالدكتور جي لا اصدقين حد ... انتي اتوكلي على الله وبس ...


.........


هذا لي قدرت اييبه لكم وان شالله اني فدتكم به..

ربي يوفقكم ولا تنسوون الاستخاره قبل كل شي...

وان كان عندكم اي استفسار انا موجوده ..

ربي يحفظكم

أنا شطورة
25-10-2009, 10:21 PM
ثانكس جدا جدا

ViL
18-11-2012, 06:38 PM
ممكن اعرف هل تخصص علوم سياسيه دوليه بالعربي او الانلجيزي
اذا كان بالانجليزي كم مساق وهل صعب مساق بالانجليزي ولالا
شنو بشتغل بمستقبل

ViL
22-11-2012, 04:47 PM
ليش ماتردون علي