قليل منكم يبحث عن النسبة .. وما أكثرنا من نبحث عن النجاح فقط في العلمي

[زيتونة الحمادي]

السلام عليكم

أتمنى عدم حذف هالموضوووع للأهمية يا مشرفين تحملونا لين ما تطلع الشهايد والله في هم كبيير في قبي

والله اني موووول خاايفة خوووف ما بعده خووف من الرسووب صفنا فيه 20 طالبة أكثر عن 13 طالبة تتمنى النجاح فقط لأن الفصل الاول راسبين في عدة مواد مع العلم الغالبية من المتفوقين

وأنا منهم

مادري كيف بيتعاملون معانا نحن !

بعدين انا ما فهمت كيف درجة امتحان السيبا هي درجة اللغة الانجليزية !!!

يعني درجة التقويم وين راحت ؟؟؟ ما راح تنجمع مع السيبا !

انا بس ابغي أنجح !!! بينجحوونا ولا كييييييييف !

انا عندي في الرياضيات راسبة الفصل الاول 53 من 100 .. لكل الامتحان الفصل الثاني الحمدلله حليت وعادي تكو درجتي 55 من 100

والكيميا 60 من 100 الفصل الاول لكن ..

في الاامتحان أتوقع تكون درجتي 35 من 100

باقي المواد الحمدلله النجاح مضموون

درجاتي انا تعبر عن درجات أغلب طلاب الثانوية ... الغالبية يتمنون النجاح

بس والله عايشة همووم وغموم خايفة والكل خايف يعني الوزارة شو بتسوي فينا نحن شو مصيرنا !
<!-- / message --><CENTER></CENTER>

[مـرهـف الإحـسـاس]

والله نفسج أختي

أتمنى بس أنجح

إن شاء الله كل المواد يحطون لي 60

بس المهم أنجح

والله كل واحد يالس ع أعصابه

[زيتونة الحمادي]

ليش ما ينزلون قرار النجاح من 50

محد ما بينجح من 60 !!!!!!!!!!!!!!!1

الله يستررر

[عويطن]

انتو تتمنو النجاح انا اتمنى دور ثاني

السيبا وايد صعب على طلاب المنازل

الرياضيات والفيزياء الفصل الاول الدرجات تحت بالمره

الفصل الثاني يمكن 70

والعربي درجتي 53 الفصل الاول

والفصل الثاني كلكم شفتو كيف كان الامتحان صعب

الوزارة مب مسويه سالفه حق تعليم الكبار

لادرجات تقويم ولا شي


بكل بساطة انتيهنا

[طالبة ذكية]

وربي حتى انا اتمنى اني انج وبس ...
واذا يحطون درجة الصغرى من 50 وربي كلهم بينجحون بدون دور ثاني ولا شياته
وربي يسااعد الجميع يارب..

[لمدرسه]

عيزنا من كثر ما نطلب منهم يخلون النجاح من 50 بس ماشي فايده

[عويطن]

انتو من 50 والمنازل من 40

حلم طالب اجتهد

[فخر الدولة]

اتمنى اني ايب بس نسبه عالي بالتسعين ............. غريبه وايد بنات راسبين عندكم احنا ولا احد في مدرستنا راسب

[kaify]

حبيبتي زيتـونة / لا تضـايجين عمرج جيه ،
هونيـها يالغالية
وادعي في سجـودج إن ربنا يفرجـها
مالنـا غير الله

ولا تتريين شي من الوزارة
كلنـا نزلنـا لدرجـة فضيعـة في الفصل الأول
و صرخنـا واشتكينـا وصحنـا وشوه صـار في النهـايـة ؟
ببساطة ولا شي . . :)

فانتي لا تشيلين هم يالغالية
خلي كل شي ع الله
ووكلي أمرج عليه
وتفائلي بالخير

ترى انا علمي
وشرات حالج يالغالية
بس شوه نقول غير
حسبنا الله ونعم الوكيل
<~ تمي رددي هالجمـلة كل يوم
وكل مرة تكون فيها متضـايجـة
وربنـا بيفرجـها عليج حبيبتي صدقيني =)
وأهم شي يكون عندج يقيـن بربج : )

وإن شا الله تنجحين واتبيضين الويه
وإن شاء اليميـع ينجح : )

[المتقدم]

اذكروا الله

وأتمنى لجميعكم النجاح والتوفيق

[العلمي همي]

آآآآآآآآه فجيتي المواجع والله .. ما عليه يالغاليه صحنا بماا فيه الكفاايه
وانحبطنا أكثر من أي احباط .. بس ما بنيئس لأنه عندنا سلاح فتااااك
وييب نتائج مضموووونه وانا أوول من أأكد هالشيء لأني مجربه من أعمااق قلبي
قولي غاليتي ( اللهم أنت السلام ومنك السلام تباركت ياذا الجلال والاكرام)
( ياحي يا قيوم برحمتك أستغيث)>> كثثثثري منها
( يا كافي كل شيء اكفني ما أهمني ) حاافظي على هالادعيه يومياااً بين كل فتره وفتره
وحافظي على أذكار الصباح والمساء و حطي كللل الثقه والأمل فربج ودموعج تترقرق
وصدقيني صدقيني ربج أرحم عليج من أمج وهذا كلام الحبيب رسولنا محمد صلى الله عليه وسلم مب كلامي
اااادعي بقلب وااااااثق خااااااااااشع واستغغغفري واااااايد وشوفي كيف الطمأنينه بتغررررد فقلبج ^^
بالتووووووووووفيق للجميع ياااااااااااااااارب نختمهاااا بأحححلى بسمه لذكرى الثانويه العامه
تفاااااااائلوووو بالخير فهنااك فالسماااء ليس ببعيد رب ينظركم ويرعا حالكم فااابتسموووو ^_____^..

[حنين الماضي]

مــَـَا ضـَـَاع من تمسـَّك بالأمـل ..
بأمـل باللـه
و يقيـن و ثقـة ..
تهـدم كل أسـوار اليـأس و الظُلـم ..
مـا ضـاع و ربـّي ..


؛)


أختـي الغاليـة : توكلـّي ع الله .. و صدقّيني ما راح تضيعي أبداً
دامجـ بذلتـي الأسباب و سويت اللي عليجـ ..
كل خير بإذن الله بصير
لا وزارة لا أكبر جهة في الكون تقدر توقف جدام عدل الله سبحانهـ
و جدام قدرتـه
فلا تخافي .. كثري من ذكر الله في الرخآ و الشدة
و على الدنيا السلامـ ..


بالتوفيق للجميعـ .. و بإذن الله الكل من الناجحيـنـ ..

[زيتونة الحمادي]

بندعي ان شاءالله من كل قلوووبنا

بس في شخص لازم يتحاسب عللي سواه فينا هالسنة

لازم يتحاكم لازم نرفع عليه قضية


سوا الي سواه وراح لمنصب ثاني والحين هو مب خسران شي

نحن الي خسرنا مستقبلنا وخسرنا كل شي

آه يالقهر انا كل اخواني وخواتي مخلصين دراستهم في البيت بدون عوار رااس لكن انا النحسة طحت بين ايدين واحد ظالم ما يحس في اليشر

الله ينتقم منه ان شاءالله

وان شاءالله يكون النجاح من 50 يارب

[جــوهــرة]

بصراحة لا أعلم ماذا أقول لكِ أكثر مما قاله الأعضاء،،،،

اذكري الله أخيتي ولا تنسي الدعاء في سجودكـِ،،،،

وإن شاء الله تكون نسبة النجاح من 50 أو حتى من 40،،،،

وحفظكـِ ربي،،،،