تبون الصراحة ... احبطوني وصرت محتارة

[موتي ولا فرقاك]

السلام عليكم والرحمة

شحالكم اخواني وخواتي ؟؟؟

بصراحة خلاص أنا هب عارفة شو أسوي

أنا امتحنت امتحان القبول في المعهد وكنت مقتنعة لدرجة أني خلاص أبي أنتقل هناك وأكمل دراستي هناك
بس لما دخلت المنتدى انصدمت وصرت محتارة ما أعرف شو أسوي

من كثر ردودكم وكلامكم عن المعهد خلاص صرت ما أريد أدخل ومنو قال أصلا أنه البنات يدرسون تمريض يا ناس يا عالم تأكدوا من هالشي نحن نعرف على أنه في دراسة هندسة وتمريض هب بس تمريض

وأنا طموحي أكون مهندسة

وأنتوا ع الكلام اللي تقولونه عن المعهد صرت ما أبي أدشه مع أني قبل جم يوم كنت مقتنعة من بعد الامتحان ومستانسة اني بدش المعهد وبدرس وبتعلم انجليزي ورياضيات أكثر من تعليم المدارس الحكومية وبحقق طموحي لكن من كلامكم احترت ومب عارفة شو أسوي

الللي يشتكي على أنه المعهد مب زين واللي يقول دراستهم صعبة والدوام طويل
أصلا ألحين ما شي دراسة مب صعبة كل المناهج مغيرة وكل شي صعب لما دخلتوا المعهد قلتوا صعب يعني لأنه المدارس الحكومية لعب وراحة ما تبون تسهرون الليالي وتخدمون وطنكم اللي خدمكم وعشتوا فيه ما تذكرون أقوال ابوي زايد الله يرحمه لازم نسهر عشان نحصل اللي نباه ونحقق طموحاتنا في هالدنيا ألحين ما في شي بدون تعب
انسوا اللعب هب لازم تلعبون في حياتكم اجتهدوا وادرسوا واخدموا وطنكم شرات ما خدمكم

ما أريد أطول عليكم أكثر من جذيه بس من كثر القهر ما أعرف شو أقول وطلعت كل اللي في خاطريه
ورغم هالكلام أنا بتحداكم وبدخل المعهد ان شاء الله وبقولكم بعدين المعهد شو قدم لي وشو علمني
ما شي دراسة بدون تعب

ومع السلامة والله يسامح الجميع

[PINK CHICK]

ما عليج من كلامهم ..

حتى انا يوم ادخل انحبط ...في بعض الاحيان..

ما عليج من كلام اي حد ...

اهم شي انت الشي الي تبينه ..

اصلا لو كانوا بس يدرسون التمريض ..

يمكن بس 50 طالبة راح تكون في المعهد ...

تحيات ::: بينك شيك

[IAT ADMIN]

السلام عليكم ورحمة الله

يا اختي ليش هالتشاؤم والاحبـــاط ...

انا رديت على موضوعج السابق وقلت لج كلام اكيد انه التخصصات المطروحة هيه نفسها اللي عند الشباب يعني ما في فرق ما عدا تخصص زيادة علوم صحيــة ..

وبعديــن وين ما رحتي بتلاقين في دراسة صعبة والشي اللي ايي بالساهل ماله طعم وما تحسين بفرحته ..

توكلــي على الله ونحن كادارة معهد ما سمعنا بالرمسة اللي قالولج اياها انه للبنات بس التمريض ..

لا تصدقيـــن كل شي ينقال .. وان شاء الله الامور تصير على ما تحبين ^^

[بصمهـ ابهامي]

الله يوفقج انشالله
اما عن الدوام المتعب ترا مره مش متعب والمعهد حلو وبتستانسين واايد على الدوام
انا تخرجت من اول دفعه كان الدوام من 8 لين 3 وكانت احلى 3 سنين
ولكن ماعرف اذا القوانين تغيرت ..
واتمنالج التوفيق

[موتي ولا فرقاك]

وأخيرا لقيت أحد يشجعني والله أنكم ريحتوني
ألحين عندي دافع أكثر لدخولي المعهد

مشكورة PINK CHICK (http://www.study4uae.com/vb/members/149304.html) على كلامج والله أنج ريحتيني أكثر

مشكوووووووور وما قصرت يا خوي IAT ADMIN (http://www.study4uae.com/vb/members/158197.html) وان شاء الله التشاؤم خلاص راحت أيامه ونحن عيال اليوم ان شاء الله نرفع من تقدم بلادنا والله يوفقك يا خوي وريحتني الصراحة وما عليك قصور

مشكوور أخوي بصمهـ ابهامي (http://www.study4uae.com/vb/members/159246.html) وان شاء الله التوفيق لنا ولك في حياتك وان شاء الله تكون من المهندسين الكبار ونفتخر فيك في بلادنا ومشكور على كلامك والله يوفق الجميع ان شاء الله

[IAT ADMIN]

افا عليج اختي ... نحن موجودين علشان نشوف هالويوه الطيبة موجودة عندنا بالمعهد ..

وللعلم انا اختــــج وحياج الله ..

[الزعيم 916]

انا في السنه الثالثه في المعهد بس راسب في الرياضيات خخخ طبعا انا مووول ما اذاكر
الدراسه مب وايد صعبه ....
و اول سنه بتكون سهله

بس الدوام و المنهج طويل ...هذا الي متعبني


بس انتي شووووويه شدي حيلج وكل شي بيكون سهل

ومثل ما قال الاخ بصمه ابهامي ...احلى 3 سنين كانت في المعهد

[7maid]

يا اختي انتي محد احبطج وانتي مشجعه واايد على حسب كلامج.... ..

وتوكلي على الله ... وإنشالله اتكوني على نفس الحماس الي انتي فيه الحين لين 3 سنوات.

لان نحنا فالبدايه كنا مثلج .. ..

[صويلح17]

أنا الصرااحه قايل عقب ما بخلص الثنويه أبى أدش كلية الشرطة بأبوظبي .. بس سمعت انه شهادة المعهد مب معترف و فيها و في حد قالي انه شهادة المعهد ما بدخلك كلية الشرطة و خالي نصحني و قالي اذا تبى تدش كلية الشرطة ادرس الثنويه العادية ..
و أنا سألت واحد من الربع اخووه فـ كلية الشرطة يوم بيرد بيسأله بيقووله اذا يقبلون شهادة المعهد ولا لا

و السمووووووووووووووووحه ..

[Bin almarzoqi]

والله انا احيـد يوم يآ المحآضر المـدرسـه شو قآل [ انا كنـت نآوي في الشـرطـه ] لكـن بعـد مايآلنآ المحآضر قاآل : احنـا فتحنآ المدرسـه عشـان المهندسيـن مب وآحد يجيلنـآ اخـر السنـه ويقـول كلـية الشرطـه ماقبلوني ,, ولكـن قال بعد يمكن يقبلـونك وقال كم واحد من عندنى قبلوه قبل لكن شوف واسأل عشان ماتتبهدل عقب في حيآتـك فكر كم مره وانا بصـراحـه خلاص انا قررت ادخـل الهندسـه لكن
اي قسـم الله يعرف ,, والسمـوحه حبيبي اذا طولت عليكـ وانا متأسف اذا قلت شي يزعلكـ ترآ الحق ينقال لمستقبـل افضل ^^
بالتوفيق لكـ صويلح ولآ تنسى تبشرنآ ... حفظك ربي دمت بمحبـه

[موتي ولا فرقاك]

مشكورين كلكم اخواني على مروركم الطيب
وبصراحة شجعتوني أكثر
أنا كنت من قبل مقتنعة بس ألحين اقتناعي زاد أكثر

ومشكووورين والله والله يوفقكم كلكم ونشوفكم مهندسين ونفتخر فيكم

ومشكورين مرة ثانية

[IAT ADMIN]

موضوع كليــــــة الشرطة شرحنــــــاه من قبل وللمرة الألف أأكد عدم قبولك في الكلية مب معناته انه شهادة المعهد غير معترفة فيها بالعكس شهاداتنا تصدر من وزارة التربية .. لكن كليات الشرطة تعطي الاولوية لطلاب الادبـــــــــــي !!

[صويلح17]

اقتباس:
المشاركة الأصلية كتبت بواسطة Bin almarzoqi http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=793697#post793697)
والله انا احيـد يوم يآ المحآضر المـدرسـه شو قآل [ انا كنـت نآوي في الشـرطـه ] لكـن بعـد مايآلنآ المحآضر قاآل : احنـا فتحنآ المدرسـه عشـان المهندسيـن مب وآحد يجيلنـآ اخـر السنـه ويقـول كلـية الشرطـه ماقبلوني ,, ولكـن قال بعد يمكن يقبلـونك وقال كم واحد من عندنى قبلوه قبل لكن شوف واسأل عشان ماتتبهدل عقب في حيآتـك فكر كم مره وانا بصـراحـه خلاص انا قررت ادخـل الهندسـه لكن
اي قسـم الله يعرف ,, والسمـوحه حبيبي اذا طولت عليكـ وانا متأسف اذا قلت شي يزعلكـ ترآ الحق ينقال لمستقبـل افضل ^^
بالتوفيق لكـ صويلح ولآ تنسى تبشرنآ ... حفظك ربي دمت بمحبـه



لا اخووووي أفااااا عليييك ..

أنا سألت خالي و هو سار سأل حد قااال هييه يقبلووون و سألت اربيعي سأل ابووه و ابووه يعرف وااحد من كلية الشرطة و قاله هييه يقبلوون ..
بس عندي استفساااار .. عقب ما نخلص ما بيعوطوونا شهاادة عسكرية ..؟ و شوو الغرض و الفااايده من التربية العسكرية و البدنية الي حطوونا داام المعهد يبى مهندسين ..؟

و السموووحه و مشكوووور حبيبي ..

[نبـ الامارات ـض]

لا عادي اختي بس انتي تابعي اول باول


ولا تهتمين بكلام الناس



ادخلي و ما يصير خاطرج الا طيـــــــــب

[ولد جلفار]

.. السلام عليكم ..

.. حبيت أظيف معلومه ..


.. في جامعة خليفة ألي فـ الشارجه & أبوظبي ..

.. يقبلون الطلاب الـ iat ..
.. 75% فما فوق ..

.. أما الحكوميه ..
.. 85% فما فوق ..


.. الفرق 10% مب شويه ..


.. وعن كلام الناس الكل يقول صعب وهو سهل ..

.. وعلى ما أظن الحكوميه أصعب ><" ..


.. موفقين للجميع ..

[حبوبة العين]

يا بناات اخويه متخررج من المعهد الي في العين اول دفعه .. بصرااحه مدحلي واايد المعهد وقال انه صح احلى 3 سنيين كانت في المعهد .. وهو كان hl بس الحينه اظني غيروو النظاام .. يا بنات ما علييكن نصييحه ادخلن الي يتخررجن من اول دفعه يكونوون غييير .!!

طبعا غيير يوم اتكون لك هييبة الدفعة الاولى .. صح ان الشبااب انظلموو وانكرفوو وخلووهم فيران تجاارب بس ها ماشالله عليييهم كلهم دخلوو الهندسه والاي تي .!!

[عينـــاويه]

خيوتي ما ليج من كلامهم ...
ان شاء الله نكون انا وياج مهندسآآت...
وان شاء الله دراستهم سهل...
وترااه لازم الواحد يشد حيله ...
اذا يبا يحقق اللي يريده ...
وهذا اكيد هب شي سهل ...
وتوكل ع الله ...
وان شاء الله نكوون ربااعه فالمعهد ...
هههههههههههـ
وربي يوفج اليميع ...

[العصفوره الحائره]

اي معهد تقصدون التدريب المهني

[دوم مهموم]

مرحبا اختي .. ~

خلي عنج ها الخرابيط و دخلي المعهد و ان شاء الله الله بوفجج ،، صراحه انا سمعت اشاعات عنه بس ما صدقت و تحديت الكل و ان شاء الله الله يوفجنا .. ~

توكلي ع ربج وما عليج من ها الكلام .. ~

تقبلي مروري المتواضع .. ~

{ دوم مهموم .. ~

[shawqe]

تفائلوا بالخير تجدونه ........

تركوا كل هذا الإحباط ....... وتوكلوا على الله ........ فما شاء الله فعل