المساعد الشخصي الرقمي

مشاهدة النسخة كاملة : نصائح لطلاب الصف الثاني عشر << من مجــــرب ^_^



همس الوفا
30-08-2008, 12:27 PM
السلام عليكم ورحمة الله وبركاته

شحالكم اخواني اخواتي عساكم مرتاحين

الحمدلله خلصت ثانويه عامه السنه الي طافت وافتكيت من المدارس:ablow:

وان شاء الله عقبال الباجين


وطبعا ييت اعطيكم تجربتي وصدقووني الي يطبق الي بقووله يضمن اييب فوق التسعين

اول شي الثانويه العامه مب شي صعب بالعكس وااايد سهل وفوق ماتتصورون

بــــــس ,, يباله شوي تعــــب :ablow:

اول شي اعرفوا انه مافي شي ايي بالسهل كل شي يباله تعب

والواحد الي يحط فباله طموح لازم يحقق طموحه

وطبعا هذي فرصتكم مب بس عسب تييبون نسبه عاليه

عسب تثبتون للكل انكم قد المسؤوليه وتثبتون لنفسكم انكم تقدرون تسوون الي تبونه

أول شي طبعا الدراسه بعدها مابدت

بخبركم شو تسوون فهالجمن يووم عسب تتهياون نفسيا وجسديا

لاني بالضبط اذكر كيف كنت قبل المدارس بجم يوم

كنت متحمسه وبنفس الوقت خايفة ومشتاقه لربعي :clap:

وهذي بعض النصايح لااازم تسوونها قبل الدراسه

-اول شي تنظموون رقادكم , يعني نام بكير واصحى بكير وبطلوا سهر

-ثاني شي لا تسوون شي تحبونه :ablow:

عسب ماتبدون دراسه وانتوا مخكم فالاجازة

يعني خلوها ايام عاديه , لا تسوون شي سبشل

-ثالث شي ,, الدعاااء وهو اهم شي لازم تسوونه

ادعوا ان الله يوفقكم وايسر اموركم ويبارك لكم فدرجاتكم

-ورابع شي ,, النظر .. الي مايشوفون عدل احسن لهم ياخذون لهم نظارة عسب مايتلعوزن

نصيحه لانه نظركم بيضعف زيادة لو تميتوا جي

-خامس شي ,, النت والتلفزيون , حاولوا تقللوا

ولا تربطون نفسكم بمسلسل او بمنتدى لانكم مابتتفيجون عقب

بداية الدراسه :



اختاروا المكان المناسب لكم فالصف وبين طلبه شطار ومب مهملين عسب ماياثرون عليكم

لا تحاتون وتعورون راسكم لانه مايباله كل ها اعتبروها سنه عاديه نفس اي سنه

بس شدوا حيلكم زيادة وتوكلوا على الله وان شاء الله الله بيسر لكم الامور

احينه برمسكم عن كل صغيره وكبيره فهالسنه وببدا بالاشياء السخيفه

لان الاشياء السخيفه هي اكثر الاشياء الي تاثر ع الطلبه :s32:

الــــربع !

بصراحه حلوو يكون عندكم شله تشارككم افراحكم واحزانكم بــــس !

من تجربه بقولكم ,, لا تخلوون ربعكم ياثرون فيكم , فكروا بعماركم

وبصراحه واايد بتصير لكم مواقف بتضايجكم لانه هالسنه خصوصا

وااايد فيها غيره خصوصا بين البنات , كل وحده تبا تنافس وتتشطر

حلوو جو التنافس بس اهم شي تكون منافسه شريفه

وايد بتلقوون لكم اعداء يحسدونكم بـس الي عليكم تطبقوون قانون ( طنش تعش )

احقرووهم واعــتبروهم مب موجودين لو شو ما سووا

يمكن هالشي بيصير فنهاية السنه مب من احينه بس عسب تحطون احتياطاتكم

وللـــي عندهم مشاكل اســــريه

هالمشاكل خلووها دافع لكم عسب تبنون مستقبلكم

وبيني وبينكم المذاكره طريقة للهروب من المشاكل :s66:

اسمعوني عدل لا تخلوون شي ياثر عليكم , فكروا بمستقبلكم

محد بينفعكم لا ربع ولا اهل ,, شهادتكم بتنفعكم

وبعض النصائح البسيطه : لا تكثرون رمسه فالتلفون ودروا النت والتلفزيووون

خلوا هالاشياء حق الويك اند اما الايام العاديه تفرغوا للدراسه

احينه ببدا بجدولكم اليومي والاسبوعي


طبعا الشي الي لازم تسوونه كل يوم


اول شي لازم تحضروون الدروس الي يبالها تحضير

ولازم تحلوون كل الواجبات

ولازم تراجعوون كل درس تاخذونه اول باول

فالويك اند

نشوا من وقت وراجعوا كل شي خذتوه وكل شي مالحقتوا تذاكرووه الويك اند فرصه لكم

بس بعد لازم تستانسون لو حتى 5 ساعات تمارسون هواياتكم وتريحون مخوخكم :ablow:

واهم نصيحه ,, لا تراكمون شي لانه كله بيطيح فوق راسكم

ذاكروا اول باول كل درس بدرسه

واذا تم فصل ماكنتوا مذاكرين منه شي استعينوا بمدرسين

لا اتمون جي لانكم صدق آخر شي بتتوهقون

المشاريع والتقارير حاولوا تبدون فيها بداية الدراسه احسن

لانه عقب بيكون ضغط وما بتقدرون تسوون شي

لازم يكون عندكم فالبيت مكان مناسب للمذاكره فيه كرسي وطاوله واضاءة مناسبه ويكون الجو هادي

لا تخلوون فمكان المذاكره شي يلهيكم مثلا تلفزيون مسجل لاب توب هالاشياء خلوها مكان ثاني

الامتحانات التقويميه

شوفوا ,, درجة التقويم هالشي خلوه فجيبكم ,, لان الاساتذه والمدرسات واايد يراعوون

ولازم تخلون مدرسيكم يمتحنووكم اكبر عدد ممكن من الامتحانات

لا تتحرطمون من الامتحانات لانها والله اكثر شي يفيدكم

حاولوا تخلوا المدرسين يمتحنوكم فكل المنهج عشان يسهل عليكم نهاية الفصل

وكل ماامتحنوكم اكثر استفدتوا اكثر ,, وخلوهم يحسبون مثلا اربع امتحانات من ست امتحانات

ولا تتغيبون عن اي امتحانات قد ماتقدروون

وبصرااحة مافي اسهل عن امتحانات المدرسين كنا نييب فيها درجات كامله واحن ضامنين

لانها مستحيييييل تكون من خارج الكتاب المدرسي

ومن خلال شرح المدرس او الابله يركزون ع اسئله معينه او يخططون ع فقره دووم تيي منها الاسئله

امتحانات نص السنه وآخر السنه


هني بيفرق بين الطالب الشاطر والكسول وبين الي ذاكر والي اهمل

هني يكرم المرء او يهان ,, انا بخبركم الي عندي عاد انتوا وشطارتكم

واذا طبقتوا الي قلته والله بتحسون براحة نفسيه وبتحسون ان الامتحانات سهله وبتحبون المذاكره

اول شي المفروض اتكونوا فاهمين المنهج كاااامل واذا في درس لو صغير مب فاهمينه ذاكرووه وفهموه عدل قبل الامتحانات

والفتره قبل الامتحانات سوولكم جدول وذاكروا كل الكتب لا تخلون شي وخلوا يوم الامتحان مراجعة عسب ماتتوهقوون وهالشي بيأثر ع النفسيه وحتى مابتاخذون كفايتكم

لا تخلون شي يغريكم ذاكروا شو وراكم غير المذاكره صدقووني عقب التعب راحة

صح اني سهرت وشكثر تعبت ثانويه عامه بس والله احينه مرتاحه وناسيه كل التعب

اصلا جم يسوى الواحد يشوف الفرحه فعيون امه وابوه لما تظهر النسبه

ها بس يعتبر اكبر دافع لكم عسب تشدون حيلكم

احينه برمس عن كل مادة وطبعا انا علمي فيسمحوولي طلبة الادبي مااقدر افيدهم غير فالسيبا ^_^


امتحان السيبا


ماادري ليش كل العالم مكبرين السالفة ومعتبرينه شي تعجيزي

بالعكس السيبا بيهياكم للتوفل والايلس عقب الثانويه

والامتحان والله لو كنتوا مذاكرين وفاهمين الانجليزي عدل بيكون ماااااي

اول شي لازم تركزون ع الفوكاب كل يوم تاخذون عدد من الكلمات وتحفظوون

مثلا انتوا والشله اختاروا كل اسبوع 20 كلمه واحفظوها والي مايحفظ عاقبوه

او حتى كل واحد بروحه يحفظ ويعاقب عمره لو ماالتزم

صح في ايام الواحد مايلحق يحفظ بس حتى لو كلمتين ترى ماياخذون عشر دقايق

وركزوا ع السبتايتل اغلب الكلمات تيي منه

وتمرنوا ع اسئله مب بس تحفظوون لازم تعرفون نمط الاسئله

وحاولوا اتابعون برامج اجنبيه او تقرون مجلات وجرايد او روايات بالانجليزي

عسب تطورون انجليزيتكم <<< هالشي كنت اسويه فالويك اند

وحسييت انه فادني وطور لي انجليزيتي من الخاطر حتى للتوفل

اما الجرمر فهو بصراحه حلوو وممتع جدا , اكيد بيعطونكم كتب وبيشرحولكم المدرسين

وكل قاعدة تاخذونها اتاكدوا انكم فهمتوها فالكلاس وراجعوها فالبيت

ودوروا فالنت عن كل قاعدة عسب تستفيدون وتطورون عماركم

انا بصراحه رحت الثانويه العامه وانا مييييييييح فالجرمر

بس يلست اقرا واتدرب والحمدلله نفعت عمري

اهتموا بالازمنه البرزنت والباست والفيوتجر وانواعهم

وحلوا ع كل قاعدة أكبر عدد ممكن من الاسئله

وركزوا ع شواذ القاعدة لانه مرات اييبون لكم جي عسب يخربطووكم

بس ما عليه انتوا قدها وقدوود :clap:

الرايتنج بسيط مااييبون مواضيع معقده اييبون مواضيع بسيطه جدا

ووايد يراعون فالتصحيح , بس لازم يتكون الموضوع من مقدمه وموضوع وخاتمه

والموضوع مقسم لقسمين مثلا ( الايجابيات والسلبيات ) فلازم تنظمون الفقرات

ولازم بداية كل فقرة تخلون فراغ بحجم كلمه , ولازم تنتبهون للفاصله والنقطه واذا سويتوا هالاشياء اضمنوا انكم بتييبون درجه حلوة فالرايتنج

وبجي ضمنتوا درجه السيبا :ablow:

شفتوا كيف الموضوع سهل يباله شوي تعب وعقب التعب راحه

احينه يا طلبة العلمي تعالوا بخبركم عن كل منهج




وببدا بالي مخووف الكل الرياضيات

اسمعوني عدل عسب تضمنون درجه حلوة فهالمادة

منهج الرياضيات يااخواني مب سهل بس نفس الوقت مب صعب !

لازم تلاقون لكم حد يدرسكم غير المدرس او الابله يعني عسب اذا مافهمتوا شي ماتتوهقون

وكل ماانشرح الدرس اكثر كان اسهل ويثبت فالمخ اسرع واذا ماقدرتوا درسوا عماركم بروحكم

وانا بخبركم الطريقه

اول شي المثال : اكتبوا السؤال ومشوا مع الاجابة الي وياكم وافهموا خطوه خطوه

وعقب اكتبوا السؤال مرة ثانيه وحلو السؤال بروحكم بدون ماتشوفون الاجابة

وشوفوا اذا صح او غلط , وعقب حلو كل تمرين بهالطريقه

وبعدين سيروا لكتاب التمارين وحلوا كل الاسئله سؤال سؤال

وكل سؤال اكثر من مرة خصوصا اذا مافهمتوه حلوه واايد حتى لو تحفظووه

وبجي بتكونوا فهمتوا كل درس 100% ,

اما بالنسبه للامتحانات التقويميه لو كان عندكم امتحان بفصل معين

ذاكروا كل درس بروحه وعقب ذاكروا كتاب التمارين ولما تخلصوون حلو مراجعة الفصل الي فكتاب الطالب , وحلوا مراجعة الفصل الي فكتاب التمارين , وعقب سيروا لدليل التقويم وحاولوا تحلونه

بتقولون خيبه وايد , لو كنتوا مذاكرين اول باول مابتمون وايد وبتحسون المسائل شرات الماي

طبعا بخبركم سر خطييير ,, حواشي الكتاب ( الكلام الي يكون فطرف الكتاب ) خصوصا اذا كان متبوع بصورة ( مثلا رسم بياني ) مهم جدا وتيي الاسئله منه خصوصا فنهاية الفصل

وبصراحه امتحانات نهاية الفصل مب صعبه بس يبالها طالب متمكن من المادة

ووايد طلاب يابوا درجات كامله فالرياضيات , بشو هم احسن عنكم ؟

ها بالنسبه للرياضيات

الحينه خلونا نروح لــ

مادة الكيمياء

طبعا مابرمس عن الفصل الاول بروحه والثاني بروحه

برمس بشكل عام

الكيمياء يا اخواني مادة مسليه فووق ماتتصورون , فعلا كنت استمتع وانا اذاكر وانا احل وانا افكر

والحمدلله ما واجهتني صعوبات ويا هالمادة غير انها دسمه شوي

وهالمشكله بسيطه وحلها انكم تذاكرون اول باول وماتخلون شي

وركزوا فالحصص , وحاولوا تفهمون كل شي فالحصه

عسب فالبيت يسهل عليكم وتراجعون مراجعة سريعه

ولا تطنشوون اي سؤال موجود بالكتاب حلوا مراجعة الفصل الي فكتاب الطالب

لانه وايد فيه اسئلة وهالشي يساعدكم انكم تطورون مهاراتكم




الفيزياء

انا بصراحه يعني قبل ماكنت احب الفيزيا ولا كنت شاطرة فالفيزيا

عقب ماييت ثانويه عامه عشقت الفيزيا من الخاطر

بواايد المنهج اسهل عن العاشر والحادي عشر بواااااااااااايد

حتى تحسوون انه فيه دروس مال يهال

بس اهم شي الواحد يكون مرتب افكاره ومايخربط عمره

ومثل ماقلت فالكيميا لازم تركزون وايد فالحصص عسب ماتعبون عقب

الاحيـــاء

اما بالنسبه للاحياء فهو يتكلم ع جسم الانسان والاجهزة الموجودة فيه

معظمه اشياء نعرفها بس هم شرحوها بتعمق اكثر

انا انصحكم اذا ماكنتوا اوكي فالحفظ انكم تحضرون الدرس قبل ماتاخذونه او حتى تقرونه ع السريع

وبصراحه المنهج حلووو لانه يتكلم عن اشياء كلنا نبا نعرفها

طبعا انا رمست بشكل عام عن كل مادة احينه برمس عن طريقة المذاكره لــ( الكيميا والفيزيا والاحيا )

أول شي ياجماعة الخير ذاكروا الدرس نفسه وافهموه عدل ولا تخلون ولا سطر يفوت عليكم حتى اذا في صورة انتبهوا للبيانات المكتوب عليها ولا تفوتون ولا كلمه , عقب ماتخلصون من الدرس حلوا مراجعة القسم الي فكتاب الطالب , عقب راجعوا الاسئله مرة ثانيه عسب تتاكدون انكم تمكنتوا منها

وعقب سيروا كتاب التمارين وحلوا اسئلة الدرس هناك , وسووا جي مع كل درس

واذا خلصتوا الفصل , حلوا مراجعة الفصل الي فكتاب الطالب وعقب الي فكتاب التمارين

واهم اهم شي الي ايي منه كل اسئله الامتحان والي مايذاكره فوت على عمره وايد درجات

حلوا دليل التقويم , لااازم ماتدشون ولا امتحان تقويمي الا وانتوا حالين دليل التقويم

وبتلاحظوون بنفسكم ان الاسئله نفسها بالضبط الا اذا في تغييرات بسيطه

وحتى امتحان نهاية الفصل لازم تذاكرون دليل التقويم كاااامل

وعلـــى ضمانتي بتييبون درجه كامله :ablow:

تقريبا خلص موضوعي هني , بصراحه اتمنى لكم التوفيق من كل قلبي

والي دفعني اني اكتب الموضوع هو انه دشينا الثانويه العامه واحن ماعندنا فكره عن اي شي

لانا كنا اول دفعة وبصراحة تلعوزت ليما عرفت هالاشياء

طبعا ماانكر بتمر عليكم ايام صعبه سهر ومذاكره واهم شي انكم تبتعدون عن اي شي يشغلكم عن المذاكره

اتمنى اسمع فهاية السنه نسب حلوة وترفع الراس وتشرف الامارات

بالتوفيق لكم اخواني واخواتي واسمحوولي ع القصوور

وكل عام وانتوا بخير بمناسبه العام الدراسي وبمناسبه رمضان

وتوكلوا على الله ولا تنسووون الصلاة اهم شي والدعااااء خلوا اهلكم يدعون لكم وخصوصا دعاء الام

ولا تنسون قراءة القرآن لو صفحتين كل يوم , والله بتحسوون براحة مافي منها

وودروا الاغاني والله انها تييب الغم والنكد , واتاكدوا ان كل شي بيد الله وهو قادر على كل شي

ومن توكل على الله فهو حسبه

والسلام عليكم ورحمة الله وبركاته ^_^

lol-10
30-08-2008, 01:11 PM
ماشاءالله عليك اخووي
ريحتنا ربي يريحك
تعبت عمرك بالكتابة وسرد النصائح لنا
ان شاءالله بنطبق كلامك أول بأول
ويعله في ميزان حسناتك
تقبل تحيااتي

المتنبي الثانوية
30-08-2008, 01:43 PM
سلمت يمناك ِ المبدعة ومشكور وايد على النصائح .. بس ممكن تقولي لنا كم نسبتك .. إن شاء الله تكون عالية .؟

همس الوفا
30-08-2008, 01:50 PM
اهلين اخواني , انا بنت مب ولد

تسلمون ع مروركم وردودكم فعلا اسعدتني

الحمدلله نسبتي حلوة بس مب لهنااك

بس الحمدلله على كل حال

93%

ان شاء الله تييبون اعلى مني ^_^

ينيهـ
30-08-2008, 01:56 PM
و عليكمـ السلامـ و رحمهـ الله و بركاتهـ

كلامجـــــــــــــــــــــ كلهـ عـ بعضهـ ذهبـ صافيـ ^-^

أحسـ كل نصيحه ظاهره من القلبـ ،،،، بديتـ فلسفتـ علمـ النفسـ خخـ

تسلمين فديتج ع النصاااااايح
وشجعتيني و إن شاء الله نيب درجات عاليييه بإذن الله
و نلحقجـــــــــــــــــــــــــــــــــــ إن شاء الله :)

UAEVIP
30-08-2008, 08:27 PM
السلام عليكم ورحمة الله وبركاته ,,,

يا اختي ما اعرف شو اقول لج

بصراحة كلامج ذهب وألماس صاااااااااافي

والله مقدرين لج قلقج على الجيل الي بيدش ثانوية عامة هالسنة

وان شا الله نكون قدها

ويا رب السنة الي انتظرتها من زمان تكون هي السنة الي راح اجيب فيها الدرجة الزينة

وانا علمي ومثلج وان شاء الله اييب الدرجة الزينة

والله ما اعرف شو اقول لج لكن نصايحج وايد فادتنا

شكراً لج من قلوبنا اختي

الله يوفقج بمستقبلج الجامعي والمهني

وادعيلنا نخلص هالسنة على خير , ادعيلنا اختي

فدعاء المرء لأخيه بظهر الغيب مستجاب

شكراً اختي الكريمة

الله يحفظج دنيا وآخرة يا رب

تحياتي ~

فارس الإمارات
30-08-2008, 08:34 PM
مـــا شاء الله عليـج يا همس الوفاااء

كلماتج كلها عبر ودرر وعسا ربي يوفقج ويوفقنا نحن طلاب الثانوية

وربي يعين الجميع

شكرا أختي وأنا أول واحد راح أتبـع كل نصايحج إن شاء الله

ويستاهل موضوعج التثبيــت

تحياتي

بنت زايــــــــــد
30-08-2008, 08:47 PM
السلامـ عليكمــ ...... همس الوفا
بصراحة والصراحة راحة .....
ارتحت وايد لكلامج لأنه صدق حسيته ظاهر من كل قلبج
وفهمتيني أشياء أنا جنت غافله عنها أو بمعنى أصح مطنشتنها ...ويسلموووووووووو على الموضوع

بريق القلوب
30-08-2008, 09:17 PM
تسلميييييييييين ع النصائح ...

ويزاج الله ألف خير ...

همس الوفا
30-08-2008, 10:02 PM
ينيه

اهلين حبيبتي العفوو ولوو ها واجبي والله يسلمج

وان شاء الله تكونين ينيه فالمذاكره بعد لوووول

uaevip

شدوا حيلكم ولا تحاتون وان شاء الله بندعيلكم

وانتوا بعد لا تنسوون تدعوولي عندي امتحان توفل يوم الثلاثاء ,, الله يستر :s76:

وان شاء الله نهاية السنه نسمع نسب تكسر الدنيا:clap::clap:


فارس الامارات

ماتقصر اخووي , وتسلم ع التثبيت والله يوفقكم

وهالله الله فقسم الصف الثاني عشر , له ذكرى خاصه :)

بنت زايد

الله يسلمج خيتوو , بس انتو عاد شدوا حيلكم

واتبعوا نصايحي وان شاء الله مابتخسرين شي

بريق القلووب

الله يسلمك اخوي



يزاكم الله خير اخوااني

واتمنى لكم التوفيق باجر فاول يوم دراسي

واذا بتحتايوون اي شي انا حاضره

واي حد عنده سؤال يتفضل

والسموحة :)

بنت زايــــــــــد
30-08-2008, 10:42 PM
مشكورة غناتي

معالي الوزير
31-08-2008, 01:25 AM
مشكورة اختي ع النصايح ربي يحفضج وجزاج الله خير

همس الوفا
31-08-2008, 01:44 PM
العـــفو بنت زايــد

وحياك الله اخوي معالي الوزير وماتقصر اخووي

بالتوفيق وشدوا حيلكم

^_^

عاشقة الجبال
31-08-2008, 09:05 PM
والله اني قرأت الموضوع من طقطق لسلام عليكم بس صراحه رهيب استفت وعرفت معلومات وااااااااااااااااااايد حلوه وهاد دافع لإلي عشان أجيب نسبة حلوه كتير لأني بدي اكون مهندسة ان شاء الله والله الي بعلم الغيب عشان هيك مشكوووووووووووووووره كتير لإلك ومبروك عليك الشهر

diegomaradona
31-08-2008, 09:45 PM
شكراً جزيلاً يا أختي الكريمة و الله وفيتي و كفيتي و إن شاء الله اللع بوفقك لأنه هيك كلام مهم للجميع لأنها تجارب سابقة هامة جداً للطالب بدل ما يقولون : اسأل مجرب و لا تسأل حكيم

و الله كلمة الشكر يعني ما تكفي و قليلة كتير بس شو بيدنا نسوي

همس الوفا
31-08-2008, 09:56 PM
والله اني قرأت الموضوع من طقطق لسلام عليكم بس صراحه رهيب استفت وعرفت معلومات وااااااااااااااااااايد حلوه وهاد دافع لإلي عشان أجيب نسبة حلوه كتير لأني بدي اكون مهندسة ان شاء الله والله الي بعلم الغيب عشان هيك مشكوووووووووووووووره كتير لإلك ومبروك عليك الشهر

ان شاء الله بتستوين مهندسه <<<==----- شراتي :ablow:

العفوو والله يبارك فيج وشدي حيلج حبيبتي

همس الوفا
31-08-2008, 09:58 PM
شكراً جزيلاً يا أختي الكريمة و الله وفيتي و كفيتي و إن شاء الله اللع بوفقك لأنه هيك كلام مهم للجميع لأنها تجارب سابقة هامة جداً للطالب بدل ما يقولون : اسأل مجرب و لا تسأل حكيم

و الله كلمة الشكر يعني ما تكفي و قليلة كتير بس شو بيدنا نسوي

تسلم اخوووي وماتقصر

اخجلتم تواضعي :ablow:

ادعووولي انجح فالتوفل يوم الثلاثاء وبكون لكم ممنونه :)

شكرا ع المرور

تعبان من الدراسة
04-09-2008, 01:25 PM
بسم الله و الحمد لله و الصلاة و السلام على رسول الله
اول شي كل عام و انتم بخير و ان شاء تكون سنة مليئة بالخيرات و اليسر وان شاء الله كل واحد ياخذ على قد تعبه و زيادة شوي عشان يوم ييب نسبة يعرف ان هذا و تعبه و ربه كرمه بشوي
بس الاهم اريد اشكرك اختي على النصائح الطيبة و ان تتوفقين في امتحاناتك و حياتك العلمية و العملية الموضوع وايد وايد حلو و مهم و الله يجزيك الخير عن كل واحد في المية كل قارئ موضوع جابه و الله يجزيك الخير مرة ثانية

وسلامتكم

اخوكم تعبان من الدرسة

قلب جريء
04-09-2008, 10:47 PM
شكراً للنصائح الحلوة
و إن شاء الله ننفذ منه قدر المستطاع

سنيوريـــــــــــتا
05-09-2008, 02:52 AM
تسلمييين والله همس الوفا

انا بكنت متوتره عسب اخر سنه وعلمي .. لكني بسوي مثلج وان شاااء الله اييب مثلج فالتسعين =)


تسلمين والله ريحتيني

ADMERAL
05-09-2008, 05:09 PM
مشكورة اختي ع النصايح وربي يوفقج

بس بشري كم يبتي التوفل؟

والسموحه

الماسة طيوبة
05-09-2008, 10:08 PM
تسلمين والله ما قصرتي
الله يجزاج كل الخير
إنشاء الله توفجي في حياتج

كلي احساس
06-09-2008, 12:11 AM
مشكــــورة ختيه ع النصائح والكــلام الحلو
والله انج زودتي الحافز الي ناقصني
وان شاء الله بنفذ رمستج
وماعليج زوود
ومبروووووك ماخرا ع النسبه
ألف ألف ألف مبرووووووووووك

katkot
06-09-2008, 12:34 PM
مشكورررررررررررررررررررره خيتوه عالمعلومه كل معلومه قلتيها انا اطبقها والله يوفقنا وانييب نسب اتشرف والله يوفقج خيتوه في كل خطوه تخطينها

همس الوفا
06-09-2008, 05:20 PM
بسم الله و الحمد لله و الصلاة و السلام على رسول الله
اول شي كل عام و انتم بخير و ان شاء تكون سنة مليئة بالخيرات و اليسر وان شاء الله كل واحد ياخذ على قد تعبه و زيادة شوي عشان يوم ييب نسبة يعرف ان هذا و تعبه و ربه كرمه بشوي
بس الاهم اريد اشكرك اختي على النصائح الطيبة و ان تتوفقين في امتحاناتك و حياتك العلمية و العملية الموضوع وايد وايد حلو و مهم و الله يجزيك الخير عن كل واحد في المية كل قارئ موضوع جابه و الله يجزيك الخير مرة ثانسة

وسلامتكم

اخوكم تعبان من الدرسة

وانت بخير وبصحة وسىلامه , العفوو اخوووي , آآمين يا رب

وشد حيلك ’ ويلا هانت آخر سنه اتعب عمرك فالمدرسه :ablow:

بالتوفيق

همس الوفا
06-09-2008, 05:33 PM
قلب جريء

العفوو وان شاء الله تطبقون كل النصايح

سنيوريتا

ان شاء الله حبيبتي

شدي حيلج وان شاء الله تعبج مابيروح ع الفاضي

الله يوفقج


ADMERAL

العفوو اخووي , يوفق اليميع ان شاء الله

اممممممم بصراحة الامتحان كان صعب

وباجر ان شاء الله بتظهر النتايج ,, الله يستر

حياك الله اخووي وان شاء الله اذا نجحت بخبركم :)

الماسة طيوبة

اهلين حبيبتي حياج الله ,,

ان شاء الله

وتسلمين ع المرور

كلي احساس

الله يبارك فييج حبيبتي ماتقصرين

العفوووو ,, يسعدني مرورج :ablow:

katkot

آآمين ياارب تسلم كتكوووت

وان شاء الله تييب نسبه عاليه ^_^

maria
06-09-2008, 10:38 PM
و الله مشكووور ياخوي
كنت ابا حد ينصحني عن المنهاج
مشكووور
و كل عام و انتم بخير

دودي 123
06-09-2008, 11:18 PM
جزاك الله خيرا... وبجد ريحتنا جداااااااا ربنا يباركلك وشكرا عالنصائح الرائعة وان شاء الله نحاول نعمل كل اللي انت قلتلنا عليه ونفرحك آخر السنة ان شاء الله بس ادعي لاخواتك واخوانك السنة ديه بقى:)

بنت المدينه
06-09-2008, 11:45 PM
مشكوووووورة فديتج ريحتيني الله يريحج....تقبلي مروري^^

((^_^))
07-09-2008, 01:34 AM
يسلمووووووو اختي..

يزاج الله الف خير..

والله انج ريحتينا وااااااايد و الله كنت خايفة بس انتي ريحتيني ...

الله يريحج دنيا و اخرة..امييييين..

الله يوفقج في حياتج ان شاء الله..

يوفقني ويوفق اخواني و اخواتي ويبون النسب العالية ان شاء الله..

al3nabi
07-09-2008, 03:32 PM
والله هالكلام ذهب ..

جاري التطبيق

بنت الموووت
07-09-2008, 09:46 PM
مرحبـــــــــــــــــــــــــــا الساع
مشكووووره فديتج على هذي النصايح وانشاء الله ميزان حسناتج
تقبلي مروووري

بنوتة إماراتية
08-09-2008, 12:14 AM
تسلميين الغاليه ع النصايح

ويزااج الله خير ^_^

looda_subzero
08-09-2008, 05:37 PM
والله كل كلمة قلتيها صح 1000000%
انا كمان من دفعة السنة اللي فاتت و الحمد لله جبت نسبة عالية و لازم الشباب يطمنو و يعرفو ان الثانوية مش مرعبة زي ما هما فاكرين و ان مهما جابو في الثانوية هيلاقو جامعات و شغل كويس و الثانوية اهون ميييت مرة من الكلية خاصة لو هندسة ( زيـي ) و السيبا اهون مييت مرة من التوفل و الايلس

بس شدو حيلكم والله يوفقكم

لو في حد من دفعة السنة اللي فاتت يطمنا عملتو ايه في التوفل و دخلتو كليات ايه ؟؟؟؟

محمد جبر سلمان
08-09-2008, 06:02 PM
ممــــــــــــــــــــــــــــــــــــــــتـــــــ ــــــــــــــــــــــــــــــــــــاز

zool-AD
08-09-2008, 11:53 PM
يا سلام علييييك اخوي انشاء الله بنحاول بس ياريت تعطينا من تقارير ومشاريع السنة الطافت

awawaw
10-09-2008, 05:56 PM
يزاكم الله الف خير...~~

gla zayed
10-09-2008, 09:56 PM
السلام عليكم ورحمه الله وبركااته

صرااحه يااختيه مااعرف شوو اقوول لج كلاامج من ذهب والمااس

وانا من النوع اللي مااعرف انظم وقتي

ف كنت اتمنى ان اي شخص يهتم ويعطينا طريقه اتيب نتيجه عشان انذاكر عدل

بس المشكله عندي مشكله صحيه ف بين فتره وفرته اتعب وماقدر اركز

واحيانا اللي حولي يحبطوني ويقولون انتي مب قدها دااشه علمي

يعني من هالكلام

فاتمنى ان ربي يووفقني واثبت لهم العكس

وارفع راس امي وابوي

وبغيت اسالج فديتج متى انسب وقت للمذاكره

ودليل التقويم من وين احصله ... اذا ما عليج زوود

جزاااج ربي الف خير اختيه ... في ميزان حسناتج ان شاء الله

وعسى ربي يعطيج الصحه والعافيه ... ويرزقج بالزوج الصالح

ومبروك ع النسبه .. وماعليج اهي حلوووه بالنسبه لقسم العلمي

:)

والسمووحه منج فدديتج

أحلاهن و أطيبهن
10-09-2008, 10:04 PM
مشكووورة أختي و ما قصرتي

^^

غلا الروووح
11-09-2008, 11:57 PM
يالله كم ارتحت لكلامج ياريت المعلمات يكونون نفسج إلا ماعندهم غير التخويف

تسلمين فديتج ع هالكلام الرووووووعهــ

خويتج:غلااااتووووهــ

bent albawadi
12-09-2008, 02:03 PM
تسلمييين وااايد اختي على النصايح وانا كنت اتريا اسمع هال الكلام من حد
والحمدلله قريته فالمنتدى ... لان احس ماشي اي تشجيع فالبيت ما عندهم الا (بنشوف شو بتسوين فهال سنه)
وانا بصراحه احس بأحباط شديد من هال كلام .......... والحمدلله كلامج شجعني واااااااايد ... وانشاءالله اييب نسبه فوق التسعين وانا ما خذه عهد على نفسي اني اشد حيلي هال سنه ... واودر كل شي يلهيني عن الدراسه ..وبثبتلهم اني قدها ]
وتسلمييين مرة ثانيه على نصايحج وخوفج على الاجيال اللي عقبج ... وانشاءالله تتوفقين ف حياتج ....
اختج bent albawadi

kawaii-neko
12-09-2008, 10:42 PM
تسلميييين عيوووني .. ريحتيييني .. أنا هالسنه ثنويه عااامه "" أدبي "" و واااايد خييفااانه .. بس الحييين ريحتييني الله يرييييحج ^^

ماافييج حييله والله ولا علييج قااااصر .. لاهنتي

همس الوفا
13-09-2008, 12:11 AM
السلام عليكم اخواني

فديتكم والله تسلموون ع ردودكم الحلوة الي صدق فرحتني

وجم يسوى دعائكم لي ,, الله يخليكم ويوفقكم ويبارك فيكم

وايد لاحظت انكم منحبطين ,,, افااا ليييش كل هاا بالعكس هي سنه وبتعدي

واذكر لما كنت ثانويه عامه مب انا ربيعاتي كانت اي كلمه تحبطهم

حتى لو اهلهم يقولولولهم شدوا حيلكم يتضايجوون

لا تتحسسون بالعكس خلكم واثقين من عماركم ومن قدراتكم

وحتى لو اهلكم تمصخروا,, عاد خلوا هالشي يكون دافع

عشان تييبون شي هم مايتوقعونه :ablow:

ولا تهتموون لرمسة حد عليكم بمذاكرتكم وبس

وكل ماتتضايجون اتذكروا انه مب بس انت او انتي تمرين بهالصعوبات

في آآلاااف من الطلاب وياج يعانون <<< بتحسون ان الهم بيخف ^_^

واحسن وقت للمذاكره الفير وعقب صلاة العصر

وخصوصا الفير العقل يكوون شغال , خلوا الدروس الصعبة الفير

ودليل التقويم , بتلاقونه فالمكتبات العاديه او فالاماكن الي يصورون فيها اوراق

وبتحصلونه فالمنتدى بعد , ولازم تكون عندكم حلول مراجعات الفصل ومراجعات القسم وكتاب التمارين

اريح لكم , وعشان تكون عندكم الاجابة النموذجيه للاسئلة :ablow:

ووو بعد بخبركم اني رسبت فاول امتحان تووفل :s76: يبت 420

وامتحنت امتحان ثاني وان شاء الله انجح ,, صدق محتايه دعائكم :s55:

يمكن ع يوم الثلاثاء بتظهر النتايج <<<لازم شوي يذلووونا فالجامعة

وللحين مااقدر اسجل او اسوي اي شي ليما اييب اقل شي 450

الله يستر ,, ان شاء الله اييب 500 وفووق وافتك


looda_subzero

انا بعد بدش هندسه اتصالات والحينه آخذ التوفل

بصراحه انصحج تاخذين آيلس لاني سمعت انه اسهل

امتحان التوفل مب صعب , بس يباله حد رااايق ومتفيج

لان الامحان طوييل وممل ولا هو عادي مب انه صعب

الامتحان الثاني احس وايد كنت متفيجه حليت من الخاطر وكنت مركزه ومتفائله

عكس الامتحان الاول كنت احل بدون مااقرا السؤال والاجابات من زوود الملل

جربي تمتحنين , وخذي توفل او ايلس من احينه عسب ماتتاخرين كورس



واممممم وبعد مااوصيكم طلاب الثانويه العامه بالحماااس شدوا حيلكم حبايبي

ويلا بترخص وان شاء الله كل فتره بدش بتطمن عليكم واتمنى تخبروني يديدكم

وشو مسوين فالدراسه وبديتوا امتحانات ولا لا , وشو الاشياء الي مخربه عليكم

وطمنوووني عن اخباركم :ablow:

والسمووووحة ^_^

حمود1
13-09-2008, 02:38 PM
تسلمين وان شاء الله بنطبق اللي قلتيلنا عليه .

gla zayed
13-09-2008, 10:19 PM
السلام عليكم اخواني

فديتكم والله تسلموون ع ردودكم الحلوة الي صدق فرحتني

وجم يسوى دعائكم لي ,, الله يخليكم ويوفقكم ويبارك فيكم

وايد لاحظت انكم منحبطين ,,, افااا ليييش كل هاا بالعكس هي سنه وبتعدي

واذكر لما كنت ثانويه عامه مب انا ربيعاتي كانت اي كلمه تحبطهم

حتى لو اهلهم يقولولولهم شدوا حيلكم يتضايجوون

لا تتحسسون بالعكس خلكم واثقين من عماركم ومن قدراتكم

وحتى لو اهلكم تمصخروا,, عاد خلوا هالشي يكون دافع

عشان تييبون شي هم مايتوقعونه :ablow:

ولا تهتموون لرمسة حد عليكم بمذاكرتكم وبس

وكل ماتتضايجون اتذكروا انه مب بس انت او انتي تمرين بهالصعوبات

في آآلاااف من الطلاب وياج يعانون <<< بتحسون ان الهم بيخف ^_^

واحسن وقت للمذاكره الفير وعقب صلاة العصر

وخصوصا الفير العقل يكوون شغال , خلوا الدروس الصعبة الفير

ودليل التقويم , بتلاقونه فالمكتبات العاديه او فالاماكن الي يصورون فيها اوراق

وبتحصلونه فالمنتدى بعد , ولازم تكون عندكم حلول مراجعات الفصل ومراجعات القسم وكتاب التمارين

اريح لكم , وعشان تكون عندكم الاجابة النموذجيه للاسئلة :ablow:

ووو بعد بخبركم اني رسبت فاول امتحان تووفل :s76: يبت 420

وامتحنت امتحان ثاني وان شاء الله انجح ,, صدق محتايه دعائكم :s55:

يمكن ع يوم الثلاثاء بتظهر النتايج <<<لازم شوي يذلووونا فالجامعة

وللحين مااقدر اسجل او اسوي اي شي ليما اييب اقل شي 450

الله يستر ,, ان شاء الله اييب 500 وفووق وافتك


looda_subzero

انا بعد بدش هندسه اتصالات والحينه آخذ التوفل

بصراحه انصحج تاخذين آيلس لاني سمعت انه اسهل

امتحان التوفل مب صعب , بس يباله حد رااايق ومتفيج

لان الامحان طوييل وممل ولا هو عادي مب انه صعب

الامتحان الثاني احس وايد كنت متفيجه حليت من الخاطر وكنت مركزه ومتفائله

عكس الامتحان الاول كنت احل بدون مااقرا السؤال والاجابات من زوود الملل

جربي تمتحنين , وخذي توفل او ايلس من احينه عسب ماتتاخرين كورس



واممممم وبعد مااوصيكم طلاب الثانويه العامه بالحماااس شدوا حيلكم حبايبي

ويلا بترخص وان شاء الله كل فتره بدش بتطمن عليكم واتمنى تخبروني يديدكم

وشو مسوين فالدراسه وبديتوا امتحانات ولا لا , وشو الاشياء الي مخربه عليكم

وطمنوووني عن اخباركم :ablow:

والسمووووحة ^_^



لج خااالص الدعاااء حبيبتي

:) لاا تحااتين من هالنااحيه

الله يوووفقج دنيااا وآآخره .. اللهم آآمين

ومشكووره الغااليه ع رمستج الحلووه .. اللي فنظري درر

^_^

âĻ-ηaŠћМәiђ•
14-09-2008, 03:10 PM
تسلمين يالأخت على هالنصاااااااايح الترتووووووووووب....

والله يجعله في ميزان حسناااااتج...




بس أنا بغيت أقوولج شي..



السلبيات اللي قلتيهن كلهن أسويهن ...

ما عدا >>> النظر<<< الحمدلله أنا نظري OK...<<< ياويلي أحسد عمري أنا


بنعمي باااااجر....ههههههههههههههههههههه



مشكوووووووووووره... ولا تحرمينا من ابداعاتج




تقبلي مروووري...





خويتـــــــــــــــــــــــــــــــــــــــــج..
âĻ-ηaŠћМәiђ•

ولـــ الإمارات ـــد
15-09-2008, 03:10 AM
مشكورة اختي الصراحه انتي وايد افاديتينا .. وان شاء الله يكون في ميزان حسناتج
وان شاء الله نييب نسبه عاليه .. وان شاء الله يطبقون نظام النهاية العظمى تكون من 100 عشان نرتاح في الرياضيات والفيزيا
والله يوفق الجميع

دحاحة الكتب
16-09-2008, 11:18 PM
يزاج الله كل خير

و ربي يوفقج

العيوزة
16-09-2008, 11:26 PM
مشكورة واااااااااااااايد على النصيحه

صدق نصائح حلووووووووهــ وشكلي بطرشلها حق ربيعاتي حتى يستفيدون منها بعد

لان في واايد معلومات ونصائح مفيدهــ

واكيد بطبق الى قلتيهاا.. وارتحت واايد يوم قريت نصائحج

بالتوفيق لج وللجميع


الله يعطيج العااافيهـ

عين الإمارات
17-09-2008, 08:03 PM
والله كلاامج ينحط على الجرح يبرا...

الله يريحج مثل ما ريحتينة ويفوقج في الجااامعة

هدى البلوشي
19-09-2008, 07:52 PM
الحمدلله واخيرا ارتحت الصراحه من الخوف
وعوار الراس يزاك الله خير
مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووووووووووووووور:abl ow:

بنت_سكينة
21-09-2008, 08:42 PM
صدق . .
نفسيا اثرتي فيني بطريقة اجابية . .
ربي يوفقج ان شاء الله . .
ويجعله في ميزان حسناتج . .

و يريحج نفس ما ريحتيني و الله . .

ذيبة النعيم
21-09-2008, 09:53 PM
شكـــرا
والله تعبتي عمرج في الكتابة
والله منى محتاجين حد ينصحنا

ذيبة النعيم
21-09-2008, 09:54 PM
سوري كنت أقصد إنا محتاجين حد ينصحنا
بس من شدة إعجابي بالكلام
ما عرفت أكتب
سمحيلي أختي مرة ثانية

بنت الادبـــي
27-09-2008, 07:45 PM
^_^

السلااام عليكم و رحمه الله و بركااته

يزاااج الله خير اختييه . .

و إن شاء الله بتقيييد في نصااايحج ^^" و الرب لاااااهاانج عزيزيتيه

و باارك الله فيييج ـــ فداعة الله . .

فجر العلم
28-09-2008, 02:51 PM
يزاااااااااااااااااااااااااااااج الله الف الف الف خير ..
ريحتينا الله يريحج ..
و يوفقج دنيا واخرة ..
وان شاء الله ما بننساج من الدعاء ..
سهلتي علينا وااااااااايد ..
تسلمين حبيبتي ...
وما تقصرين ..
:clap::clap::clap::clap::clap::clap:

otaku7
29-09-2008, 03:25 AM
مشكووووووووووورة اختي وايد وايد صراحة كلامج يرن في العقل
و انشاء الله يكون في ميزان حسناتج حرف حرف <<زين انج كتبتي وايد خخخخ
انا في البيت الجو ما يسمح اني اذاكر اهلي ما يشجعون مووول بس احسن شيء يسوونه انهم يثقون فيه و يدعولي
كنت مضايقة بس يوم سمعت كلامج فعلا حسيت حد مهتم حاس فينا كيف المخاوف التي تلحقنا<<توم و جيري
يزاج الله الف خير و انشاء تتوفقين في حياتج
واقول لكل الي في الثانوية العامة و الي بيسيرون << انا اشجعكم، و ارفعوا آمالكم، لا تخلي حد يحبطك، كلنا ايد وحدة
ويالله سمعوني ((الناجح يرفع ايده))

انا انا انا <<<< منو ويايه؟؟؟

الاميرة
02-10-2008, 09:32 AM
تسلميت نصائح رائهة

elflaneyah
03-10-2008, 01:41 PM
مشكوووووووووووووووووووووووووووووووور اخوويه ع النصااااااايح وانشاااالله بنسوييهن كلهن
وانشااااااااااااااااااالله انشدحييلنا ونرفع رااااس هلنا بالنسبه الحلوووه

منى الرووح
04-10-2008, 01:48 AM
مشكورة همس الوفا الله يوفقج ويوفجنا انا ادبي لكن صراحة اكثر شي متعبني التقارير والبحووووووووووث

طالبة ثانوية
04-10-2008, 03:44 AM
يمنع تبادل الايميلات ..

halgan
04-10-2008, 08:33 AM
السلام عليكم ورحمة الله وبركاته
اختي مشكوره وتسلمي وماقصرت على هذا النصايح الجميله
وعسى الله ان يوفقج في الدنيا والاخره
جزاك الله خير الجزاء

طالبة ثانوية
04-10-2008, 06:02 PM
يمنع تبادل الايميلات ..

فروحة العلم
04-10-2008, 08:27 PM
مشكورة إختي همس الوفا
كلامج يجنن وأنا أول مرة أرد
بس عشانج
إيمانج بربج عيبني
عسى الله يخليج لامج وأبوج
دعواتج لنا في الثانوية
مشككككككككورة

فروحة العلم
04-10-2008, 08:30 PM
يمنع تبادل الايميلات ..

مليلت
05-10-2008, 06:55 PM
ابصرااحه نصايحج شجعتناا أن شالله افرح أهلي وايب نسبه عدله وأحس أنج من الخاطر تنصحيييين أن شالله ربي يوفقج ^^

عوااااس
08-10-2008, 07:08 PM
يااعيني الصرااحه كفيتي ووفيتي

امممممممم صح أني أدبي احم احم

بس واايد أستفدت وإن شاء الله بطبق الي قلتيه

وأحسه أنه بيريحني

تسلمين الغلا وما قصرتي

ف ميزان حسناتج يااارب

السموحه

تقبلي مرووري

أخووجــ عواااس

خالد الكربي
08-10-2008, 08:35 PM
\
و الله كلامج حفزني للأحسن .. يزاج الله خير والله يسمع منج و عن نفسي أنا متبع طريقتج في الدراسة بس بغيت أسأل
كيف نقدر نقرا كتب أجنبيه ونحن نعرف كلمة وخمسه لا ؟؟؟؟؟
بليز أبا أحل هالمشكلة أنا مش خايف من القواعد ولا الكلمات بس من الريدينق .. لإني ساااعات ما أفهم ؟؟؟؟؟؟؟؟؟؟؟؟؟
و ادعي لناااااااااااا و الله و دي أييب نسبه عااااااااااااااااااااااااااااااااااااااااااااااااا ليه و ما أخيب أمل أهلي و مدرستي .......

همس الوفا
08-10-2008, 10:08 PM
هلا والله حباايبي

شحالكم عساااكم مرتاحين

هاا اكيد احينه بديتوا بالجد ,, شو اخبار الدراسه ؟؟

دووووووووم ندعيلكم الله يوفقكم وايسر امركم ان شاء الله

وبصرااحه ردودكم واايد فرحتني

صدق ماعرف اوصف شعووري وانا اقرا الردود

الله يخليييكم والله ماتقصرووون

جم يسوى دعائكم لي

واسمحوولي مااقدر ارد عليكم واحد واحد

بس والله كل رد اثر فيني اكثر من الثااني


يمنع وضع البريد الالكتروني وتبادله مع الأعضاء


ومثل ماقلت البحوث والمشاروع خلوها للويكند

واعتقد احينه ماشي تقارير بس مشرووع وتقرير مشرووع

وللمواد العلميه بس ,, يعني شي بسيط

خططوا واختاروا موضووع او تجربه واستعينوا بكتب

وبعدين اتيمعوا كلكم القروووب فالويك اند

وطبقوا المشاريع كلها وسووا التقارير

ولا تضيعون وقتكم ع خرابيط

الي عليه درجات سووه والي ماعليه لا تسوونه خخخخخ

اما الانجلش ,,

في روايات تكون صفحة بالانجليزي وصفحة بالعربي ممكن تفيدكم,,

بس احينه ماشي وقت ,, فاجازة نص السنه اقرووهم

اما الريدنج اخوي خالد فوالله فقرات السيبا ولا شي جدام التووفل

والله فقره كامله مانفهم شي حتى لو قريتها 4 مرات وتكون طويله واسئله معقده

بس الريدنج بصراحه مب شرط تكون عارف الفقره عن شو ترمس او خبره

لازم تكون عندكم استراتيجيه للحل

اول شي اقروا اول سطرين فالفقره اقل شي تعرفون عن شو الفقره

عقب سيروا اقروا كل الاسئله ويا اجاباتها بتركييييييييييز

وعقد ردوا للفقره واقروها ع السريع وكل فقره تلاحظون انها عليها سؤال ركزوا عليها

وان شاء الله بتتيسر

بالعكس الريدنج سهل لا تضايجون بعماركم مافي شي يستاهل

هي سنه وبتعدي حاولوا تمشون كل شي طبيعي

ولا تعقدون بعماركم مافي شي صعب فالحياة

والله يوفقكم

وبعد حبيت اخبركم اني بعدني ويا معاناة التووفل

بس ماابا الوع بجبودكم ادريبكم مب ناقصين ههههه

المهم نظموا وقتكم وهالله الله باذكار الصباح والمساء

وادعوا الله يوفقكم

واسمحووولي واي حد يحتاي اي شي تراني حااضره


فمااان الله ~

كعبية برستيج
09-10-2008, 05:18 PM
مشكورة على النصائح اختي وجزاك الله الف خير

special girl
10-10-2008, 05:23 PM
تسلمين اختي الغاليه

ع النصايح وانا اطبق ها الاشياء

وان شاء الله

الله يسهل علينا وعليج ويوفق الجميع

وربي يحفظكم...

zoro11
11-10-2008, 10:51 AM
تسلميييييييييييييين الغالية الموضوووووووووووع وااايد روووووووووعة

همس الوفا
14-10-2008, 09:42 PM
العفوو اخواني حيااكم الله وحاضرين للطيبين ^_*

واسمحيلناا طموحي المعالي ع المخالفه

ويعطيييج العافيه ^^

حسون
16-10-2008, 10:37 PM
السلام عليكم ورحمة الله وبركاته
أختي همس الوفا ماكنت أعرف في قسم تحت المواضيع المدرسة
ومشكوووووووووووووووووووووووووووووووووووووووووووووو وووووووووووووووووورة ع النصايح دعواتج لنا ترى انا بعد ف العلمي
بس ما عرف شو ياسة اسوي اليوم اكتشفت في قسم تحت
وبغيتج تساعديني؟؟؟؟؟؟؟؟؟؟؟؟؟؟

حسون
16-10-2008, 10:38 PM
واذا انتي موافقة تساعديني
بغيت دليل التقويم مال المواد

Bnt Dbai
17-10-2008, 06:06 PM
مشكووره الشيخة عالنصايح ما فيج حيله

ربي يوفقج ان شاء الله !!

و ها ان شاء الله نجحتي في التوفل !!! :)

همس الوفا
17-10-2008, 10:44 PM
حسون

والله مادري كيف اساعدك او اساعدج


بتحصل دليل التقويم فاقسام المواد ,, دور عليهم وبتحصلهم اكيد الاعضاء نزلووهم

وان شاء الله الله يوفقكم وايسر لكم اموركم


بنت دبي

الله يوفقج حبيبتي

لا والله بعدني مانجحت

بقدم هالاثنين الله يستر ان شاء الله ,, ادعوولي


شكلي خلاص بحول الايلس

الله يسترر


حياكم الله وتسلمون ع المرور

حسون
17-10-2008, 11:27 PM
أختي همس الوفا
انتي ماعندج دليل التقويم مال السنة الماضية واذا كان ندج تقدرين تحطين
ف اسكنر ونزليه
انا ادخل عسب انزل دليل التقويم يا مايفتح ويامافي
ومشكوووووووووووووووووووووووووووووووووووووووووووورة
الله يوفقج شدي حيلج

AYOONY L JODY
18-10-2008, 05:48 PM
ما شاء الله عليج نسبتج حلوه وااايد والله يوفقج صدق أن كل اللي قلتيه صح وان شاء اللب ببدي فيها والله يعطيج العافيه

Qazal.2009
19-10-2008, 07:22 PM
مشكوره الغاليه ع النصائح الجميله ..

بس عندي طلب صغيروني .. السموحه ع التعب ..

بس كيف كنتي اتنظمي وقتج فالايام الاسبوع ... أيام الدراسه ..

يعني شو اتسوين الظهر والعصر والمغرب .. (( والسموحه)) ...

مداد قلمـ
10-12-2008, 03:38 AM
السلام عليكم ورحة الله وبركاته

بارك الله فيج عزيزتي

كلامج درر =) الله يجزيج الخير عالنصايح الحلوة

رفعتي من معنوياتي ..

بنت علميهـ
11-12-2008, 12:50 PM
عسا ربي يوفقج دنيا واخره اختي

ودامج نجحتي وتفوقتي في الدراسه .. فما عليج خووف بالتووفل

يزاج الله كل خير وكثر من امثالج

واعرفي انه كل هالكلام في ميزان حسناتج ان شاء الله ... يعني شوفي كم تفكير غيرتي ؟؟ وكم شخص شجعتيه على العلم ..

هذا الشي مب هين أو بسيط ..

على العموم عسا الله يوفقج ويسعدج .. ^_^

فارس الظلام
26-12-2008, 05:10 PM
بقولكم شي أنا بقاطع المنتدى وبقاطعكم مع السلامة رايح أدرس

ميامي-
18-01-2009, 05:39 PM
مشكووووووووووووووووووووووووووووووورة أختي وكلامج كله صح بارك الله فيج وان شاء الله الله يقوينا ونقدر انطبق الكلام اللي قلتيه
يزاج الله خير الجزاء باااارك الله فيج اختي وسدد خطاج والله يرزقج من خيري الدنيا والاخرة ويبعدج من شري الدنيا والاخرة..


ع7ندي ملاحظه صغيرووونه(( مثل ما قالت أختي الكريمه طالعوا الافلام الاجنبية.. بس مب الافلام اللي تغضب رب العالمين..)) أوكيه شباااب (( لا تجعلوا الله اهون الناظرين اليكم))

sam1989
20-01-2009, 11:59 PM
تسلمين أختي و أنشاء الله أنفذة بالفصل الثاني بحذافيرة
مشكوووووووووووووووورة

سبورتيه كشخه
21-01-2009, 12:36 AM
يزااااااااااج الله الف خيير

ريحتيني ربي يريحج دنيا وآخره

صاحب السمو
01-02-2009, 12:50 AM
بارك الله فيج اختي الكريمه
هيآتيني وحمستيني ل بكره

تسلمين والله
يزاج الله خير

معن المنصوري
21-02-2009, 04:48 PM
والله يا اختي لو وصفت كلامج بالذهب
بكون ظلمت كلامج
الله يوفقج ويفقنه
ما اتمنه لج غير كل الخير
فديت عمرج

غوغومغيغ
24-04-2009, 07:38 PM
مشكووووره أختي همس الوفاااا

والله كلااامج ريحني وااايد

والله يجزااااااج خيررررر

ويسلمو

بنت العز
28-04-2009, 01:07 AM
تسلمين على النصيحة الحلوة .

يزاج الله خير ..

طالبة محترمه
28-04-2009, 09:08 PM
الله يعطيج العافية ويوفقنا

الـفتى الحزين
28-04-2009, 09:56 PM
يزاك الله خير

راك والباقي وراك
28-04-2009, 10:11 PM
هلا واللهـ..وعليكم السلامـ..
من بداية كلامي ابغي اشكرج من كل قلبي لانه حسيت انج تعبتي وارهقتي نفسج فالكتابهـ..ثامي شيـ:صدق اني بعدني بس والله من هالسنه استفدتـ..ثالث شيـ:صدق انتي تبغين كل زين للامارات وكل الي فيهــا..على العمومـ:بشكرج مرة ثانية وانشاالله عقبال الجامعــة
تقبلي مروري

لـ ـيـ ـلـ ـى
30-08-2009, 01:48 AM
و الله كلآمك رووعــه احس ريحتني الله يريحك
و احس كنت بسواد و انتي نورتي علي
ربي يوفقك حبيبتي

one
02-09-2009, 07:37 AM
مشكووووووووووووور اخوووي ما قصرت .. صدق نحن فحاجة الى أكبر قدر من التشجيع

ليلكة الجليل
05-09-2009, 06:49 AM
يسلمو ايديكي على الموضوع , أنا كتير كنت خايفة و ملبكة و كلامك بصراحة طمني كتير , رح اعمل بكل الي قلتيه و انشالله نتوفق بالهالسنة يا رب ... تحياتي الك

قمر15
17-09-2009, 07:13 AM
موضوعج ووووووووايد حلو وتستاهلين النسبة العاليه فديتج عقبالنا نحن هالسنة يا رب بنتبع خطواتج وعسى ربنا يكتب لنا النسبة العاليه ان شاء الله

haneba3l
23-09-2009, 12:34 AM
ما شاء الله تسلمي عالنصائح العملية

الله يخليكي لأهلك

مشااعل
23-09-2009, 02:54 PM
هلا والله همسة الوفااا
والله ما اعرف كيف اشكرج ع النصااايح الحلوة
يسلموووو والله وجزاج الله خير
ومبروووووك ع نسبتج الحلوة وعقبالنا هع ترا انا ادبي والله كريم
الله يحفظج هع

العلم حياتنا
24-09-2009, 09:59 AM
السلام عليج اختي . .

موضوعج . . والكلام اللي فيه . . اللي ينبع من الخاطر . .

والهمة اللي فيه وتشجيعج لنا . . والله وايد حبيته ..

والله ان اليوم ثاني يوم للمدارس ونفس ما تعرفين هاليوم " يوم مفتوح " . .

ع طول الاجازة محد شجعني بكلمة وحدة ولا قالي سوي جي ولا جي ..

الكل يتوقع منـي اشياء بس ابد ماشي تشجيع . . ولا كلام يريح . .

ان شاء الله . . واتمنــى انج تكونين موجودة هالسنة واتابعين موضوعج . . عسبت اتابعينا . .

لاني قررت اعق كل اللي في خاطري من ناحية الدراسة في موضوعج اذا ما عندج مانع اختي المحترمة . .

واخبرج بنتايجي اول وباول . .

ادريبج صرتي بنت جامعية وما بتفضين .. بس عطينا من وقتج الله يخليج . .

وجزاج الله الف الف الف خير حبوبتي ^^

اختج : بنت بلادج . . ^^

مفوضية رأس الخيمة
27-09-2009, 07:52 PM
يزآج الله خير اختيه

انآ هالسنه ثآلث علمي ووآيد زآيغة

وأحس غير خآصة اليوم خذنآ الدوآل وجي

وأحس تلخبطت معلومآتنآ وزين طمنتينآ

الله يحقق اللي في بآلج يآرب ويوفقنآ

خالد الاحبابي
27-09-2009, 09:23 PM
السلام عليكم ورحمة الله ,,,


ما شاء الله عليج ..
وربي انها نصايح من الخاطر
ربي يجزيج بلجنه يارب وفـ ميزان حسناتج ..

يعني ما خليتي شي امره فـ فوادج كل شي ظهرتيه ...

تسلمين ع النصايح ^^

Tweetano
03-10-2009, 11:15 PM
وعليكم السلام ورحمة الله وبركاته ...

يا هلا وسهلا فيج أختي .. مرسي خيتوووو ع الكلام والنصائح الناااااايس
يعطيج ربي ألف عافيه وصحه .. ويحفظج لوالديج فديتج .. ويوفقج في الدارين
بصراحه خيتو ريحتيني واااااااااااااااااااااااااااايد وأنا في القسم العلمي أحس اني بموت
من الخوف بس كلامج ريحني حيل .. اممممممممم مرسي مره ثانيه خيتوووووو .. فمان الله ^^

نبيلة المشاعر
08-10-2009, 04:39 PM
يسلللموو



جزاك الله كل خير

بنت الرفاع
28-10-2009, 05:40 PM
يزاج الله خير :)

totyamory
02-11-2009, 09:31 PM
نصائحك فوق الرائعة يا اختي .. اشكرك اشكرك اشكرك فعلا من كل قلبي واتمنى لك حياة سعيدة في الدنيا والاخرة .. ويارب ييسرلك امورك زي ما ساعدتينا في يوم من الايام .. شكرا لك واحبك في الله

القلب الـ ع ـنيد
03-11-2009, 03:14 PM
ان شاء الله الكل ينجح امييييييييييين يارب ^^

يسلموو ع النصايح تسلمين خيتووهـ بس شسمهـ ادبي <<

حتى الحين كل الامتحانات اوكي بس الانجليزي اررررررررررررف معقدني مشفرني وكل شي

ادعولنا يارب وفقنا وخلنا نفتك من هاي السنه ونداوم يارب نفتك يارب اميييين ^^

تحيآتي