بوربوينت عن رسالة المسلم في العالم المعاصر

[بي بي الحلوة]

أنا مسوية بوربوينت ل درس رسالة المسلم في العالم المعاصر , بس ما اعرف انزله على المنتدى ! اللي يحتاجه , بلييز يعلمني علشان افيدكم ^^

[كلي صبر]

اباه بس ماعرف كيف ينزلونه

[RujjFaT-GaLB]

.


.


يجزيجْ الله خير اختيّ على هـ العمل اللي ودج تقدمينَه . .
يعله في ميزان حسنَاتج يَ رب = )
/
بِما إنج سألتيّ . .
فـ تفضليّ الشرح و سَامحيني على القصُور !


أولًا :
في البداية أبخبرج معلومة مهمة،
عندج طريقتين عشان تحملين الباوربوينت . .
الطريقة الأولى بواسطة المنتدى نفسه، بشرط .. إن حجم الفايل ما يتعدّى اللمت اللي يحطونه
بمعنى شي باوربوينتات أحجامها فوق الـ 5 ميغا بايت . . بالتّالي مركز التحميل الخاص بالمنتدى بيرفض تحميله و بتوصل لج رسالة إن حجم الفايل كبير .
فـ عقب تلجئين للطريقة الثانيه. .
الطريقة الثانيه هي انج ترفعين الفايل على موقع تحميل بس لازم تحطين الباور بوينت فـ فايل زيب أو رار ( تضغطينه ) ، لأن مب كل المواقع تقبل تحميل ملفات الوورد و الاكسل و الباور بوينت إلخ .
و من المواقع اللي تقدرين تستمعلينها فـ التحميل ( لتوفير رابط خاص للملف ) :
Free Online Storage - MediaFire (http://www.mediafire.com)
مركز تحميل الصور, تحميل الصور, مركز تحميل صور, مركز تحميل الخليج (http://www.gulfup.com)
عرب شير - أكثر من مجرد مركز تحميل (http://arabsh.com)


تنبيه/
تأكدي من مسمى الفايلْ، يُفضل إنجْ تسمينه بالإنجليزي. . بس ماشي مانع من التسمية بالعربي، خصّة إن أغلب المواقع تستقبل اللغة العربية حاليًا .


ننتقل لـ طريقة التحميل من المنتدى نفسه. .


أول شيّ . . بما إنج اولريدي كاتبة الموضوع، فـ اللي عليج انج تحررين الموضوع (أو) تضيفين رد عشان تشوفين خيار [ الملفات المرفقة ] بتلاقين هـ الخيار بعد الخيارات المتنوعة. .


http://img502.imageshack.us/img502/9472/77611836.png


ثانيًا


بتفتح لج نافذة . . إختاري منها إضافة ملفات عقب إختاري choose file/ منها حددي مسار الملف:


http://img233.imageshack.us/img233/8334/86646715.png


بعد تحديد الملف ، اضغطي على (رفع)


http://img33.imageshack.us/img33/5286/75389604.png


بعد الرفع بتلاقين فايلج موجود تحت . . صكي المربع بالضغط على زر ( تم )


في النهاية . . خلصتي الرفع و الملف مرفق فـ الموضوع ..


بس اضغطي ( اعتمد ) و انتهى الموضوع . .

فـي نهاية رديّ بتشوفين اني ارفقت صورة سمايلي للشرح ^.^


/


* تنبيه
أتوقع شي مشكله فـي الرفع . . لأني ما قدرت أرفع الباور بوينت كـ مثال لج. . بس قدرت أرفع صورة !
فـ عشان جيه انصحج تستعلمين طريقة الرفع على المواقع / لين تنحل المشكله . . ^.^
ارفعي على موقع / شاركينا الوصله اللي بتطلع بعد التحميل =)


و اذا يـا فـ بالج اي سؤال . . فـ حياج . . لا تستحين و اسئلي . .




ربي يحفظج .


.


.