المساعد الشخصي الرقمي

مشاهدة النسخة كاملة : شوفوا لنا حل عن مدرسة البيان >> ضروري تقرون حسوا فينا



همسة غلـآ
31-05-2012, 05:04 PM
بسم الله الرحمن الرحيم <o:p></o:p>
<o:p> </o:p>
السلام وعليكم ورحمة الله وبركاته <o:p></o:p>
آتمنى ان اعضاء المنتدى و المسؤولين بالوزارة ينتبهون للموضوع شوي يعطونا اهتمام لان اتصلنا واشتكينا بما فيه الكفاية و محد سمع لنا المفروض المسوؤلين يسو نشى يحببنا بالدراسة مب يكرهنا فيها يعني لآزم توضعون حل لنا ترانا بشر كلنا الله خلقنا من طين مافي حد احسن من حد مسؤولين ما يبون يساعدونا ع الاقل اسمعوا شكاوينا شوفوا لكم حل ..<o:p></o:p>
<o:p> </o:p>
<o:p> </o:p>
انا طالبة و اكيد مابقول هذا كله بدون سبب طبعا انا من مدرسة البيان الخاصة بالمنطقة الشرقية بخورفكان طبعا انا هالمدرسة ادرس فيها من سنتين و الله اول مدرسة ادرس فيها تكون بهذي الطريقة مصخرة وبقولكم كل شى بالتفصيل لاني تعبت جد :<o:p></o:p>
اولاَ : الباصات مشتركة في باصات لين كلباء و الفجيرة والبدية وضدنا طبعا الشباب مب كلهم محترمين في ناس قليلة الادب يدوخون بالباص نحن ع ان نحن بنات ننزل بيوتنا ريحتنا مدواخ وسجاير ويوم نروح نشتكي للوكيلة او المديرة يقولون لنا ونحن شو نسوي ؟! انزين يوم هم مايعرفون شو يسون نحن مب حلوة ندخل ع اهلنا وريحتنا سجاير ومدواخ ها اول شى و ثاني شى الشباب يسةن للبنات حركات وجي ويوم يروحون البنات يشتكون الوكيلة والاخصائية يقولون للبنات اكيد سويتوا حركات للشباب ولا مابيسون لج جي و طبعا المكيفات بالباصات ماشى الله يعين اللي بيوتهم بالبدية وكلباء يالله ارحمهم برحمتك >< .. طبعا نحن نبا حل لهذي المشكلة ..<o:p></o:p>
<o:p> </o:p>
وثانيا : التفرقة العنصرية مايبالها كلام عند المدرسين والمدرسات شى مدرسين ومدرسات يفرقون بين المواطنات والوافدات لانهم من نفس الجنسية ويزيدوهم درجات ع أي شى وكله يرفعوا معنوياتهم لكن نحن المواطنات والله خسي يسون لنا سالفة و لان الموافدات ياخذون وياهم دروس خصوصية يرفعون درجاتهم ويحبونهم لانهم بيستفيدون بيزات منهم نحن مايحتاي ناخذ بعض البنات ظروف اهلهم مايسمحون والبعض ماياخذون وي مالت السكول ياخذون برا بس انا اللي حبيت اوصله ان لآزم مراقبة ع هذي المدرسة نحن تعبنا من كثر مانشتكي ع هذي المدرسة ومحد يسويلنا سالفة وبتقولون المديرة اعرف بس برد عليكم المديرة تبا الاكاديمي وماحصلته كل سنة نفس الحالة ترا نحن تعبنا والله لازم تشوفون لنا حل ترانا بشر وانا عن نفسي اتمنى تغير اخصائية الطالبات لانها تسوي تفرقة بيت المصريات والمواطنات وتحب المواطنات اللي يساعدونها و يعطونها كل شى بالدسه يعني رشوة ع سبة تحبهم الاخصائية وجودها والعدم واحد بالمدرسة و معلمات وايد بس ااااه لو اقدر اقول اسماء مدرسات ومدرسين معينين كنت برتاح بس ما اقدر .. طبعا نبا حل مانبا بس تقرون يا مسؤولين الوزارة <o:p></o:p>
<o:p> </o:p>
ثالثا : طبعا في شى اهم من ها كله طبعا طالبات ثاني عشر من 12 سنة يدرسون ويحليلهم من بداية السنة يخططون لحفلة التخرج ومن بدوا الفصل الثالث سروا حق الوكيلة وقالوا لها عن لون اللبس وجي صرخت فيهم وقالت لهم منو قالكم بنسوي لكم حفلة تخرج طبعا البنات ع بالهم انها تتغشمر وياهم وبتخليها مفاجاة لكن ساروا لها بداية شهر 5 ع اساس انهم يبون يتخرجون بهذا الشهر لكن قالت بتشوف وكل يوم يقولون لهم بنحجز لكم المسرح والمديرة تكذب على الطالبات اتقولهم ماشى حجز والطالبات يتصلن يشوفون ا ن شى حجز اذا المديرة قدوة لهم تكذب كيف طالباتهم المفروض يستحون والله <o:p></o:p>
<o:p> </o:p>
طبعا انا قلت اللي عندي ..واتمنى المسؤولين والوزارة يوضعون حل لهذي المصخرة اللي يالسه تصير انا مافيني اتخرج السنة اليايه من هالمدرسة و انا جي
وبتسالوني ليش ماتسيري مدرسة حكومة عندي اشياء تمنع لازم تراعوانا

جوريوه
02-06-2012, 08:33 PM
الله بيجبر بخاطرج وتوصل هالرسسسساله للوزآره ... حشششى هب مدرسسسه ... والله لو انا بدألج ما دوآمت أصلا وإذا ع أهلللج خليهم يووون فجـآه ويشوفووون المنظر هذا ... حممدلله نحن في نعممممممه ولا نكااابر بعععد .. المهم إختتتتتتي ... إدعي ربج يسسسر لج أمرج ولا تشتكين لنـآس ما عندهم غير يسمعون فاليمنى ويطلع الكلام باليسسرى .. مثل ما قالوآ لاتشتكي همك لمخلوق أشتكي لخالق البشششر .. والله أنا حزززنت المشاهدات وآيد بس ولا وآحد منهم تكرم ورد عليج .. وانا بحـأول أيب لج رقم الظـــأهري إذا قدرت

همسة غلـآ
03-06-2012, 11:12 AM
تسسلمين خيتي جوريوهـ ع الرد ..

ومثل ماقلتي الشكوى لله مب لعبده ..
بس آنا حبيت اوصل الرساله للوزارة بس حسيت انهم ماراح يسون شى لاني المشاهدات وصلت 40 ومحد رد ولآقال شى بس ربج كريم ..
و ان شاء الله تقدرين تساعديني يوم بتيبين الرقم ..

love_me_love
03-06-2012, 01:53 PM
جربي البث المباشر او البرنامج اللي في ايام الامتحانات يطلع الصبح على اذاعة نور دبي لانه على كلامهم البرنامج متابع من الوزاره

صالح المنذري
11-06-2012, 07:05 AM
الله يعينكم والله ظظظظظلللللللللمم

نيهيهيهيهيهيهيهاآآ:(1): انا عندي حل لهالمشكلة :(1): " آآخر يوم في الامتحانات ييبيلج عصابة بنات وتلثمن وفروا المدرسيين والمدرساات والمديرة والاخصائية بالبييض :(47):

غرام ابدوي
11-06-2012, 04:51 PM
ليش دخلتي مدرسة خاصة ,, خلج على الحكومة ابرك
والله تيلسين فيها معززة مكرمة ماحد من المدرسات يقدر يتفلسف عليج ولايقدرون يقرقوا
بين الطلاب لان بيعرفون شو بيستوي فيهم

first one
14-06-2012, 04:52 PM
اول شي ، المنتدى هذا مب للشكاوي ، لأنه ما بيوصل إلا لفئة محدودة اللي هي الطلاب

ثاني شي ، الباصات المختلطة هي ساس البلا . و الدولة الحمدلله موفرة مدارس حكومية و بلاش للمواطنين و الوافدين .. منو ضربج ع ايدج و قالج ادخلي مدرسة خاصة !!

و بعدين سوالف التحيز و ما التحيز هذي عاف عليها الزمن .. و سمعناها فـ كل مكان.. كل الأستاذة فيهم الخير و البركة الحمدلله .. لكن العلة في المواطنين و المواطنات اللي ما يبون يدرسون و يتدلعون !!

و بعدين طلاب الثالث ثانوي ليش مسوين سالفة و حشرة و يبون حفل تخرج.. نص خريجين هالسنة لا مسويين لا حفلة و لا شي و من ضمنهم مدرستنا و ما عندنا مشاكل لأنه تركيزنا الكامل على الامتحانات حالياً مب على مصخرة الحفلات و الأكل و غيره !!

جان تبين نصيحتي ودري عنج اللعب و الهذرة الزايدة و ادرسي و ركزي ع الامتحانات الياية أبرك من هاللعب و المهزلة ، المدارس الحكومية فـ كل مكان متوفرة و الباصات موجودة الحمدلله .. وفوق كل هذا مب مختلطة ..

بعدين إذا كان عندج مشكلة ضد المدرسة او المديرة نفسها المفروض تروحين لوزارة التربية مب تدخلين منتدى تعلم لأجل الامارات أكبر واحد فيهم عمره ما يتعدى 17 سنة !! و الباقيين أساتذة مالهم أي سلطة او ماعندهم قرار يقدرون ياخذونه تجاه أي اداري أو موظف في الوزارة..

السموحة.. لكن الحق حق !!

همسة غلـآ
22-06-2012, 02:42 AM
اول شي ، المنتدى هذا مب للشكاوي ، لأنه ما بيوصل إلا لفئة محدودة اللي هي الطلاب << هييييييه صح بس يمكنحد يترحم ويرد عليينا ها اللي حطيينه في بالنا ،،

وانت قلت الدوولة موفرة للوافدين والمواطنين انا وياك صح بس مب موفرة للبدووون ،،
و سواالف التحييز هاي موجودة وتعال جرب بروحك انا مب مضطرة اقول شى من عندي انا يااقول الصج يا مااسكت ولو عحفلة التخرج وها مانبا منهم شى بس كل اللي نباااااه يعدلون من معاملتهم و مساؤاة بين الطالبات و يحاولون يفصلونبين الشباب و البنات

انا اعرف انك تقوول الحق بس بعد فكروا بضرووفنا ششوي حطوا خواتكم محلناا محد يرضاها
والششكوى لغير الله مذذله :(

first one
24-06-2012, 09:45 PM
كلامج على عيني و على راسي !!

انا الحمدلله ، إفتكيت من المدارس و آخر سنة لي هالسنة !!

يمكن فـ عمري ما واجهت سوالف التحيز لأن علاقتي كانت دوم طيبة و يا الطلاب و الأساتذة ، و الحمدلله الأساتذة ما كانوا يقصرون وياي فـ أي شي !!

انا أعتقد أغلبية الأساتذة يتخذون مبدأ التعامل بالمثل ، إلا من رحم ربي ، طبعاً لازم يكون فيه الشين و فيه الزين فـ كل مكان ، بس ما أتوقع أن كل المدرسة على بعضها و الإدارة بتكون زبالة و تعاملكم بهالطريقة !!

إذا تبين نصيحتي .. إغسلي إيدج من سوالف التخرج ، و انا فهمت من كلامج أنج ثاني عشر !! يعني إبعدي عن الشر و غنيلو..

فهالمرحلة الطالب بأي طريقة يحاول ما يكون بينه و بين الأستاذ اي مشاكل ، و عادي يذل عمره عشان هالدرجتين ، تعالي شوفي حالتنا حتى في الحكومية !!

خلصي إمتحاناتج.. و شوفيلج جامعة او دوام .. و ريحي راسج !!

السموحةةة ،،

عشوقة الامارات
27-06-2012, 02:28 PM
يووو والله لو أنا مكاانج ما دخلت هالمدرسه

الحمدالله أننى عايشين في نعمه الحمدالله

بس بصرااحه على الباصات المختلطه المفرووض أهاليكم بعد يدخلوون بالسالفه ويمنعوون هالأختلاط

الأختلاط ساس البلا كله مستغربه كيف الاهالي قاادره تسكت على هالشي الله يكوون في عوونج ياقلبي

بصرااحه إذا هالشي ماسمعووه المسؤلين عيل مالج غير يأما تتواصلين مع حد من الشيووخ وتقولين مشكلتج أو أن تغيرين المدرسه وتدخلين مدرسه حكوميه أبرك لج والله

انزين شوفي مغير خميس الخيلي يمكن يلقى لج حل

هذا حسابه في توتر https://twitter.com/#!/Dr_Mugheer

قولي له عن هالمشكلات اللي صايره عندكم الله يكوون في عوونج والله

احمدوش
30-06-2012, 11:26 AM
لا حول ولا قوة الا بالله نصيحة اطلعي من هالمدرسة احسنلك شوفي اي مدرسة تانية والله يوفقك

الـدكتور ~
05-09-2012, 09:33 PM
.
.



آلسلآم عليكم ورحمة آلله وبركآته

آننآ من طلآب هالمدرسة ومقبل على مرحلة الثانوية العامة هالسنة والله يعينا علي هالاداره
سمعت المدرسة اصلن زفته فكل مكان .. والمدرسين يدوخون فالاصفوف جدام الطلاب ويطلبون منهم زجاير بعد
الصراحه الصفوف غير مهيأة للتدريس .. ومشرف الطلاب الي علينا بيضحك وبياخذ وبيعطي مع الي بنفس جنسيته والوافدين

ونحن المواطنين مب حاسبيلنا اي اعتبار والله حتى الكنادير يخالفونا عليها

اتمنى من حد كبار الشخصيات يساعدنا لانه كم مره كلمنا الاداره ومايسون لنا سالفه

وشكرآ :s38:

انفال الكعبي
06-09-2012, 12:55 PM
لازم الوزآأره تجوووف حــل لهآأي المشكله ,,, الله يعينككم :(27):

Salman abdullah
19-09-2012, 02:57 PM
انج تكتبين بالمنتدى مابتوصلين لمكان

نصيحه من اخوج الكبير خل كل اولياء اموركم كلهم يروحون المدرسة ويهزئون الادارة تهزيء هاي اسمها مسخره اصلن كيف مدواخ وجقاير مراهقين بعمر 18 وجي والله لو انا بنتي بهاي المدرسة كنت لبست الادراة ثوبها جلب ها لو مارفعت شكوى يسكرون المدرسة شو هاي قلة الادب