المساعد الشخصي الرقمي

مشاهدة النسخة كاملة : انجاز الامارات ,, بيع اسهم للي حابين



the_shadow
29-05-2012, 01:05 AM
السلام عليكم ورحمة الله وبركاتة

انا طالبة من جامعة الامارات العربية المتحدة

شي في الجامعة مشروع بالتعاون مع شركة ( انجاز الامارات )

اشتركت انا ومجموعة من البنات في هذا المشروع

الا وهو انه كل قروب من البنات يسوون لهم شركة
ومن هالشركة راح يصنعون منتج ,, ويبيعونه
بعد ما يبيعونه ,, بتصير منافسة بين الشركات علة مستوى الجامعة
واللي يفوز بيدخل مسابقة على مستوى جامعات الخليج العربي
وبعد ما يفوزون يدخلون مسابقة على مستوى الوطن العربي

# نحن شركنا اسمها ( الظل - shadow ) على اسم المنتج ,, بعد شوي بتعرفون ليش سمينها بهذا الاسم ...

منتجنا هو عبارة عن اسوارتين ,, تقدرون تلاقون الثانية بواسطة الاولى
مثال : ( الام طالعة مع ولدها ولبست وحدة ولبست ولدها الصغير الثانية ,, وهم في السوق خلت ولدها يمشي على الارض ,, واول ما يبتعد عنها ولدها الاسوارة اللي في ايدها تهز ,, عشان تنبه الام انه ولدها ابتعد عنها " تقدر كل ام تحدد لنا كم المسافة اللي تباها عشان التنبيه " في نفس الوقت سوارة الولد تطلع صوت موسيقى اللي الولد يحبها " تكون من طلب الام " واذا ابتعد الولد عن امه تسكر الموسيقى واول ما يرجع عدالها ترجع تشتغل ,, هذا راح يجبر الولد يتم عداله امه "
* مفكرين نسوي اضافات للمنتج ,, اللي هي مدالية للفون + كام للسوارة الثانية + نربط اكثر اسوارة بالاسوارة الرئيسة ( كل هالاشياء عشان ما تتعبون وانتوا تدورون اللي مضيعينه )
الاسوارة تقدرون تطلبون اللون اللي تبونه والموسيقى اللي تبونها وكل شي تبونه ما عليكم الا تطلبونه

خلاصة الكلام ,, انه نحن عندنا اسهم لازم نبيعها ,, السهم الواحد سعره 8 دراهم ,, ونحن لازم نبيع 400 سهم
** اللي حاب يشتري سهم ما عليه الا يتواصل معاي **

اذا شفنا في اقبال من الكثير راح نسعى ورى ادارة الجامعة بعد ما اخذ اسمائكم بنسوي لكم تصاريح ندخلكم للجامعة ونشرح لكم المنتج بشكل ادق وراح نرويكم الرسم التقريبي له اللي قاعدين نشتغل عليه حاليا

## طبعا الاغلبية بيقولون شو بنستفيد ,, الفايدة الله يسلمكم ,, بعد ما نسوي المنتج ونبيعه اكيد بنحقق نسبة ارباح ,, نسبة الارباح تتوزع على المساهمين ,, يعني جنكم تشتغلون في التجارة وما تشتغلون ,, يعني في النهاية بيي لكم مدخول مادي من غير ما تشتغول ولا تسوون ولا شي بس تشترون اسهم

اللي حاب بس يتواصل معاي وفاله طيب

آسفة طولت عليكم ,, بس حبيت افيدكم واستفيد
لا يسمح بوضع الايميلات والتواصل الشخصي

The State 0f paRadise
29-05-2012, 07:52 PM
وعليكم السلام ورحمة الله وبركاته

بارك الله فيك يا أختي العزيزة .. ولكن للأسف الشديد ان التبادل التجاري ..في المنتدى والاقسام قانون يمنع به ..

^-^ أنا متأسف لذلك ولكن أتمنى منك التواصل مع مدير العام للمنتدى بخصوص هذا الموضوع

أرجو المعذرة أختي ولكن هذا هو القانون ,, وفي الحقيقة أعرف أنه مشروع و .. و .. !!

وفقك الله
:)