كلية الطب - جامعة الإمارات - النظام الجديد في عام 2010 - 2011 واللي عقبه إن شاء الله

[البلوشي عز]

بسم الله الرحمن الرحيم


كيف حالكم شباب + بنات

ياللي في الثانويه العامه انتو خلصتوا من الفصل الاول وشفتو نتايجكم وكل شي والحين محتارين اي كليه تدخلون ولا شي ف هالموضوع للي يبا وأو يفكر يدخل كليه الطب - جامعة الإمارات أو يبا يعرف عنها

نفس ما تعرفون (ما ادري اذا ما تعرفون تراني الحين خبرتكم ^^) صار تبديل في نظام دراسة الطب في جامعة الإمارات العربية المتحده وصار تغيير في وايد اشياء هالسنه وبتم التغييرات هاي للسنوات القادمه.

وصار النظام كالتالي:-

الفصل الاول عبارة عن فاونديشن كورس وناخذ فيه المواد التاليه:-

1- فيزيا Physics
2- كيميا Chemistry
3- أحياءBiology
4- لغه وآداب language and literacy
5- بروفيشينال كوميونيكيشنprofissional practice and communication
6- الحاسب الآلي Numeracy and IT


والفصل الثاني لين الرابع عباره عن "بري ميديكال" - 3 فصول -

الفصل الثاني بندرس:

1-cytocology and histology
2- human physiology
3- biochemistry
4- biostatistic and epidemiology
5- human anatomy
6- PP&C

ونحن الحين في الفصل الاول - الفاونديشن كورس - في الفاينل باقلنا يومين ونكون مخلصين هالكورس تماما

فإذا اي حد عنده سؤال عن هالكورس هذا من اللي يبون يدرسون في الكليه السنه اليايه او اللي يبون يعرفون عنها بشكل عام ان شاء الله انا موجود ^^

والدراسه عباره عن 6 سنوات مع البري ميديكال و الفاونديشن ^^

لا تترددون في السؤال عن اي شي فالكليه اذا اعرفه بساعدكم واذا ما اعرفه بسأل لكم وبقولكم عنها ^^

أخوكم البلوشي عز (علي البلوشي - دكتور المستقبل بإذن الله)



*****هذي يعض التعديلات على كلامي اللي قلته فالموقع بما إن مر وقت طويل
1- بالنسبه للشباب كانوا يقبلون الكل بسبب قلة العدد لكن حاليًا يقبلون عدد معين ف محد يتهاون ويقول ماعليه بيقبلوني
2- بالنسبه للامتحان في تغيير شوي عن اللي ذكرته هني -ماذكر شو قلت بالضبط بس تغير شوي الامتحان-
3- في مقابله و هي عباره عن غرف فيها دكاتره يسالونكم عن بعض المواقف اللي تمر في حياتكم سواء المهنيه او الاجتماعيه ويشوفون ردة فعلكم عليها من ناحيه اللغة و الفهم و الاقناع ... الخ
4- الدراسه ما كانت مختلطه لكن في احتمال هالسنه 2017-2018 يخلونه مختلط لطلاب سنه 1 فقط و عقب بيقررون يستمرون او لا حسب اللي يشوفونه من هالدفعة.
5- في الكورس الاول في دراسة لمادة فالطب وهي الاناتومي

كل شي تقريبًا موجود في موقع الجامعه لكن هاي حساباتي للي حاب يستفسر لكثر
Twitter: i3lii_ Snap: dr3li_93
والسموحه عالقصور

تاريخ الاضافه:-

29/7/2017

[The State 0f paRadise]

شكرا لك على مجهودك الطيب أخي العزيز

أتمنى من الله سبحانه وتعالى ان يوفقكم ^-^



موضوع مثبت للطلاب الفاونديشن

[البلوشي عز]

شكرا لك على مجهودك الطيب أخي العزيز

العفو وما اسوي غير الواجب تجاه اخوانا اللي بينظمون لنا السنه الياية ^^

أتمنى من الله سبحانه وتعالى ان يوفقكم ^-^
وياك ان شاء الله لما فيه الخير لك ان شاء الله


موضوع مثبت للطلاب الفاونديشن

مشكور اخوي وما قصرت ^^

يزاك الله خير ويعطيك العافيه ع تثبيت الموضوع

[روح الكعبي]

......... مشكووور اخووية ع المووضوع
....... والله يوفجك يا دكتورناااا


............. الدراسة ف الطب سهلة ولا صعبة
....... تحتاي دراسة وايد ولا الاعتماد ف الكلاس
...... وسمحلية طولت عليك يادكتورناا

[البلوشي عز]

العفو وهذا واجبي ^^
ويوفجكم بعد ان شاء الله للي تبونه وعقبال ما نشوفكم فالكليه ان شاء الله

الدراسه مب صعبه ومب سهله في نفس الوقت لين الحين

بس تحتاج مراجعه وجي لانك بتكون مب في المدرسه اسمع شرح الاستاذ عقب روح البيت والعب

وطبعا ها يعتمد عالدكتور بعض الدكاتره اذا انتبهت لكلاسه تفهم عدل وما يحتاي تذاكر عقب

بس اهم شي الدراسه لكل يوم بيومه عشان ما تحس الامور تصعب عليك عقب

ومسموحه بالحل اختي وسوري يوم رمست استخدمت الاسامي المذكره لان كلامي موجه للكل بشكل عام ^^

[البلوشي عز]

ولله الحمد والشكر والمنه عدى الفصل الاول على خير ^^

[The State 0f paRadise]

الحمدلله

^-^

[البلوشي عز]

^^ مشكور عالمرور

[محمد - اليماحي]

انا ابا اعرف عن كلية الطب اخوية وانا قبلوني من ناحية النسبة بس الحين في الفاونديشن و بعجها عندي متحان قبول طب ومقابلة وخيفان منه ما اعرف شو بيي في لمتحان و ما اعرف شو بيسىلوني في المقابلة بليز ساعدني لو سمحت

[البلوشي عز]

السلام عليكم ورحمة الله وبركاته اخوي محمد

الحين فهمني انت في ثانويه عامة ولا في الاوقرو ؟؟

لان بالنسبه لطلاب الطب ما في اوقرو من هالسنه ترا !!

المهم لا تخاف ابدا في موضوع المقابله والامتحان اللي تقدمو هالسنه هذي كلهم انقبلوا ترا

والمقابله حسب علمي عشان البنات لان عددهم كبير وايد اما الشباب لان عددهم قليل يقبلون الكل

بس طبعا لازم النسبه تكون فوق ال 85% هذا شرطهم الوحيد

وبصراحه نحن الشباب المعضم ما سوولهم المقابله اصلا والبعض سوولهم بس انقبلوا بعد

والامتحان عبارة عن اسئلة بسيطه جدا لا تحاتي فيه ابد

وحياك الله فالكليه تنورها ^^

[محمد - اليماحي]

تسلملي حبيبي ما قصرت منورة فيك الكلية
انا الحين اخذ الفوانديشن ونسبتي 92% علمي مقدم ع الايلتس شهر 2 و ان شاء الله بخذة بس انا خيفان من مضمون الاسلى لان تعرف نحن ما خذين المصطلحات العلمية بالعربي و الامتحان في الانقلش عسب جي انا متخوف وايد وياليت تقول لي شو اسوي و شو الي ارجع له قبل الامتحان و عطني نموذج او اي شي عن الامتحان و شو سىلوكم في المقابلة


اسمحلي يالغلا اعرف اني متعبك ويايه بس و الله من الخوف اخاف ما انقبل

[البلوشي عز]

تسلملي حبيبي ما قصرت منورة فيك الكلية
انا الحين اخذ الفوانديشن ونسبتي 92% علمي مقدم ع الايلتس شهر 2 و ان شاء الله بخذة بس انا خيفان من مضمون الاسلى لان تعرف نحن ما خذين المصطلحات العلمية بالعربي و الامتحان في الانقلش عسب جي انا متخوف وايد وياليت تقول لي شو اسوي و شو الي ارجع له قبل الامتحان و عطني نموذج او اي شي عن الامتحان و شو سىلوكم في المقابلة


اسمحلي يالغلا اعرف اني متعبك ويايه بس و الله من الخوف اخاف ما انقبل

اخوي لا تحاتي ابدا انا عن نفسي ما سوولي مقابله وقلتلك محد بينرفض ان شاء الله المقابله حق البنات لان العدد كبير مره في بدايه هالسنه كانو البنات 90 بنت تقريبا والمتقدمين اكثر من جي

انت خل همتك عاليه وترا الامتحان بسيط جدا وعندنا ناس مب اوكي في الانجليزي ومع هذا انقبلوا فالكليه هم يبون الطلاب يتطورون فالانجليزي وهم فالكليه

لا تحاتي وانا اخوك ما بيرفضونك ابد ان شاء الله

والاسئله عامه مره تراها يعني اللي اخذته فالثانويه ولو تعرف انجليزي شوي بتعديه بكل سهوله

في شباب عندنا السكور فالايلتس عندهم 4 ونص ومع هذا عدو الامتحان الحمدلله

توكل على الله واذا في شي تبا تدرسه يعني اقرا كتاب الثانويه العامه الاحياء مجرد قرايه وشوف المصطلحات بالانجليزي بس مب لازم تحفظها ترا عشان الامتحان

وبالتوفيج ياخوي

[البلوشي عز]

وابد ما في تعب ها واجبي تجاه اخواني اللي بيلحقونا فالكليه ^^

[Cute Babiiyh-Lolo]

والله انا محتارة شو ادرس بس لسا انا ما خلصت

[البلوشي عز]

اختيارج للتخصص يعتمد على اشياء كثيرة منها النسبه والميول الشخصية لعمل معين

بالنسبه للطب اذا انتي تبين الطب وميولج له وعندج ارادة بتقدرين تتمين فيه اما اذا غصب ولا دخلتيه بس لان النسبه عاليه

بتملين منه وبتتعبين وبتظهرين او تغيرين رايج

وبالنسبه للكليه عندنا بس مواطنين ع فكره يعني ف اذا تبين طب عندج جامعة الشارقة ولا الجامعه اللي في دبي ما اتذكر اسمها

[محمد - اليماحي]

وابد ما في تعب ها واجبي تجاه اخواني اللي بيلحقونا فالكليه ^^

تسلملي يالغلا ما قصرت و الله يوفجك يارب و ان شاء الله اذا انقبلت بنتلاقى

[محمد - اليماحي]

تسلملي يالغلا و الله يوفجك يارب و ان شاء الله اذا قبلوني بنتلاقى في الكلية

[البلوشي عز]

حياك الله تنور الكلية وان شاء الله ان ييت وانقبلت وهاي ان شاء الله بسيطة بتقابلني في اول يوم تداومون فية :(43):

[ام محمد~]

السلام عليكم ..
انا دارسه فالثنويه و انشالله ناويه ادخل الطب
بس انا الانجليزي عندي ظعيف .. وماعرف شو الترتيب ..
و ابا اعرف كيف الدوام يكون كل يوم ولا اقدر اختارلي كمن يوم ,, لاني من منطقه بعيده وماريد السكن
والكلاسات كيف يكونن و اخر كلاس اذا بدرسه لين الساعه كم اخر شي ؟
والسموحه

[ام محمد~]

الانجليزي كم لازم ف السيبا ..
وقريت شي مقابلات و ماعرف شي ااسمه أوقرو !
ابا اعرف كل شي من 0
و اهم شي اقدر اختار كم يوم ااداوم فالاسبوع اول مادخل الجامعه ولا ؟؟؟ و اختار كم كورس اخذ ؟

[البلوشي عز]

السلام عليكم .. وعليكم السلام ورحمة الله وبركاته
انا دارسه فالثنويه و انشالله ناويه ادخل الطب - بالتوفيج ان شاء الله وحياج الله في كليتنا
بس انا الانجليزي عندي ظعيف .. وماعرف شو الترتيب .. الانجليزي كانت مشكلتنا كلنا تقريبا فالبدايه وحتى مشكله الطلبة من السنوات الثانيه وبتنحل مع الوقت وها سبب وجود الكورس الاول اللي هو الفاونديشن كورس
و ابا اعرف كيف الدوام يكون كل يوم ولا اقدر اختارلي كمن يوم ,, لاني من منطقه بعيده وماريد السكن - بالنسبه للدوام هو كل يوم الصراحه وبوظحها بعد شوي
والكلاسات كيف يكونن و اخر كلاس اذا بدرسه لين الساعه كم اخر شي ؟
والسموحه

الحين بشرح لج موضوع الدراسه عندنا

الدراسه تكون في 5 ايام فالاسبوع متواصله اما عن الوقت اللي بتخلصون فيه ها يعتمد على شيئين الاول هو الحظ بالنسبه للجدول العام و الكلاس ربرزنتتف مالتكم لان لها الحق انها تغير التواقيت وجي

اما انج تختارين كم يوم ما يصير واذا كانت الربرزنتتف مالتكم شاطره بتقدر تخليكم تخلصون الاربعاء مثل ما كان مع واحد من كلاسات البنات عندنا

الغالب عندنا فالكورس الاول يوم نخلص 4 ويومين 12 ويوم 2 ويوم 11 اما الكورس الثاني احنا كلاسنا نخلص يومين 12 ويوم 1 ويوم نوصل ل 4 على حسب يعني ويكون كله لاب يعني مب دراسه لكجر وجي يعني بس فالمختبر وهو 3 كلاسات بس يعني معضمه وقت فراغ المهم ويوم الخميس نخلص 11

وبالنسبه للسكن مال البنات اللي اعرفه عنه هو كل غرفه لطالبه وحده اما الشباب يمكن كل 3 ولا 2 في غرفه وما اعرف شي ثاني يعني لو تبين تقدرين تسالين عن السكن بس ما اقدر افيدج انا

اما لو انج من مكان بعيد اضن صعب تروحين وتردين كل يوم لان بتتعبين وايد بهالشكل والسكن بيكون اريح لج

والسموحه عالتاخير

[البلوشي عز]

الانجليزي كم لازم ف السيبا .. فالانجليزي هاتي درجة النجاح وبس ما تحتايين شي ثاني
وقريت شي مقابلات و ماعرف شي ااسمه أوقرو ! ما في اوقرو لطلبة الطب ^^
ابا اعرف كل شي من 0
و اهم شي اقدر اختار كم يوم ااداوم فالاسبوع اول مادخل الجامعه ولا ؟؟؟ و اختار كم كورس اخذ ؟

بالنسبه لشروط القبول فالكليه:- اللي بقوله مب اكيد لكن هذا اللي لاحظته بالنسبه للطلبه او ها اللي فهمته من قروب البنات - ملاحظه ترا نحن رواحنا وهم رواحهم مب مختلط بس ندرس نفس الشي من نفس الدكاتره وقسمهم منفصل عن -
1- ان يكون الطالب خريج علمي
2- ان نسبته ما تقل عن 85 بالنسبه للاولاد و 90 للبنات - وها بسبب الفرق الشاسع فالعدد وممكن يتغير على حسب العدد ترا
3- ان اهتياره الاول في نابو هو الطب
4- اداء امتحان القبول فالكليه - وها امتحان سهل الصراحه مشكلته اللغه واسئلته مباشره وما في اي حد رسب فيه او يمكن مشو لبعض الطلاب بعد يعني -
5- المقابله الشخصيه - وعلى حد علمي هي للبنات بس بسبب العدد الكبير وفالغالب ما بيظهرون حد عقبها

ملاحظه:- هم مب طالبين الايلتس قبل دخول الكليه الصراحه بس لو يبتيها بيكون احسن واحسن واللي يبونه 5 وهو مب صعب ان شاء الله

اما بالنسبه للكورسات نظام دراسه الطب ما يسمح للطالب انه يحدد شي فاللي بيدرسه لان النظام واحد والكل يدرس نفس الشي مب مثل باقي الكيات
وهاي ميزة فالطب وفيها شوية مشاكل بعد بس لو فكرتو فيها عدل مزاياها اكثر واهم شي فالنهايه يوم بتتخرجون انتو دكااااتره شو تبون اكثر !!!

[The State 0f paRadise]

السلام عليكم أخي الكريم

سؤال بالنسبة لهذه الكلية الجديدة ( بالنسبة لي أنا )

هل هنــــاك حافز لهذه المنحة للسنوات الدراسية؟ وأيضا هل يسمح لأي شخص يودّ أن يتكرم بالعمل في أي مؤسسة أم يجب أن يلتزم في مكان واحد معيّن؟
شكرا لك ^-^

[البلوشي عز]

السلام عليكم أخي الكريم

سؤال بالنسبة لهذه الكلية الجديدة ( بالنسبة لي أنا )

هل هنــــاك حافز لهذه المنحة للسنوات الدراسية؟ وأيضا هل يسمح لأي شخص يودّ أن يتكرم بالعمل في أي مؤسسة أم يجب أن يلتزم في مكان واحد معيّن؟
شكرا لك ^-^
وعليكم السلام ورحمة الله وبركاته

ممكن اعرف قصدك\ج من ال - الجديدة بالنسبه لي - انك\ج فالكليه الحين اول سنه ولا ان السنه اليايه بتنضم\ين لنا ان شاء الله ؟؟

المنح الدراسيه مختلفه منها منحة الجيش والشرطه واللي يلزمونك بالتخصص ومكان عمل معين اما بالنسبه للمجلس فهو يسمحلك بالعمل في اي مكان تريده فالدوله

وطبعا الشغل بيكون فالمجال الصحي فقط يعني دكتور مب تشتغل في شي ثاني !! يعني شغلك يكون في اي مستشفى او عياده عموميه او خصوصيه ما في فرق ^^ اتمنى الامور تكون واضحه واذا ما كانت واظحه بحاول اوضحها بطرق ثانيه !

[أم أحمد10]

السلآم عليكم و الرحمه ،
أخوي في رسوم ندفعها ولا لا ؟
الوظيفة في المستقبل أضمنها ولآ ؟
و إذا أبي أتخصص شي معين في الطب أقدر أدرسه ولا لازم أدرس طب عام عقب أتخصص ؟

[أم أحمد10]

بس بغييت أستفسر عن شي ثَآني سمعته -.-
الفون اذا فيه كمره أو الاب < مسموح ولآ لآ في الجامعه ؟
لآني سمعت أن مب مسموح

[البلوشي عز]

وعليكم السلام ورحمة الله وبركاته ام أحمد

الكليه مجانيه لانها تابعه لجامعة الإمارات ولكنها خاصه فالمواطنين كما ذكرت قبل.

وبخصوص الوظيفه انتي بتكونين دكتوره ف اتوقع بتكون مضمونه خاصه لو تدرسين عن طريق الجيش - المستشفى العشكري - او مجلس ابوظبي للتعليم - المستشفيات التابعه لهيئة الصحه واعتقد حتى ل وزارة الصحه او روحج ما اعرف كيف بتكون عقب

وبخصوص التخصص هو يكون بعد دراسه الطب العام

وبخصوص الكيمره ما في مانع ابدا الا في المشرحه ممنوع اما باقي الكليه مسموح عادي

[Harayer]

لو سمحت أخوي البلوشي عز عندي شوية استفسارات عن تخصص الطب

من تقريبا شهرين أنا داقة على جامعة الإمارات و خبروني إنه طالبات و طلاب ياخذون الفاونديشن في شهر واحد بس انت قايل إنه ياخذونه في سنة فألحين احترت شو الصح

و شو رايك بالطب كتخصص هل تشوفه ممتع و كيف بالنسبة للدراسة و الامتحانات

و يزاك الله خير و الله يوفقك دنيا و آخرة

[البلوشي عز]

لو سمحت أخوي البلوشي عز عندي شوية استفسارات عن تخصص الطب

تفظلي او تفظل !!

من تقريبا شهرين أنا داقة على جامعة الإمارات و خبروني إنه طالبات و طلاب ياخذون الفاونديشن في شهر واحد بس انت قايل إنه ياخذونه في سنة فألحين احترت شو الصح

ما ياخذونه في سنه انا ما قلت هالكلام، بالنسبه للطلاب والطالبات مطلوب منهم يييبون ايلتس 5 ويدشون عرض او انهم يشتركون في الفاست تراك واللي هو شهر واحد وعقب الجامعه بتسوي امتحان فالرياضيات اسمه الكومباس وبيطلبون منكم تمتحنونه وان نجحتو خلاص

لكن في منا من ياب 4 ونص فالايلتس و ما امتحن كومباس ما قالولهم شي الجامعه والكليه خلتنا ندخل ع طول ولكن للكل اي حد بيي الكليه سواء خلص الاوقرو ولا لا بياخذ كورس - فصل - فاونديشن محسوب ضمن ال 6 سنوات اللي هي دراسة الطب يعني خلوه كورس فاونديشن (نص سنه) و 5 سنوات ونص دراسه طب - 3 بري مد (سنه ونص) و 4 اورقان (سنتين) و 4 كلينيكال (سنتين) -
وقالولنا يبون ال 5 فالايلتس على بدايه الكورس الياي اللي هو بدايه السنه الثانيه واضن فالصيف بيطلبون من اللي ما امتحن كومباس يمحنه وهو امتحان بسيط مره في اساسيات الرياضيات وهو مطلب جامعي مالها الكليه دخل فيه

و شو رايك بالطب كتخصص هل تشوفه ممتع و كيف بالنسبة للدراسة و الامتحانات
بالنسبه لي للحين اشوفه ممتع لكن نصيحتي اذا انت ما تريد الطب من خاطرك لا تدش وحتى لو كانت هاي رغبه الوالده ولا الوالد لانك اذا دشيته غصبا عنك بتحسه ممل او بتتذمر منه لكن لو من خاطرك داش بتكون ممتعه جدا وما بكذب وبقول كل المواد ممتعه في بعض المواد شوي ممله بس بشكل عام الدراسه ممتعه ^^

وبالنسبه للأمتحانات في السهل وفي الصعب وها يعتمد عالمذاكره والصعب ترا بيرفعون الرجات حسب مستوى الكلاس ك كل واللي يدرس عدل ما في شي بيكون صعب له ان شاء الله اما اللي مثلي يخلون الدراسه لاخر لحظه ما بيقدرون يدرسون كل شي ف بيكون شوي في صعوبه عليهم وضغط كبير ايام الامتحانات اما اللي يدرس اسبوع باسبوع او يوم بيوم هذا مرتاح يكون فالدراسه

و يزاك الله خير و الله يوفقك دنيا و آخرة

بالتوفيج ان شاء الله وانتظر اسمع عن بالكليه عندنا عالسنه اليايه ان شاء الله
ودعواتكم امتاناتنا عالابواب :(19):

[Harayer]

مشكور على الرد أخوي

انزين بالنسبة للسكن كيف يكون سكن الطالبات كل طالبة بغرفة بروحها و لا؟

و بالنسبة حق شروط القبول أنا بس سويت سيبا و بقدم حق ielts ان شاء الله في شيء ثاني؟

و هل شهادة الielts بيغطي عن اليلفلز اللي في الفاونديشن ؟

يا ليت أعرف أكثر عن الأوغرو؟

أنا سمعت إنه أول سنتين في الطب كله حفظ فهل ها صحيح؟

و يزاك الله خير

[Harayer]

سمعت بعد إنه ابتداء من السنة الياية بيسوون نظام يديد و بيكون مريح حق الطلاب و الطالبات الطب أكثر من النظام القديم فلو عندك أي فكرة عن النظام يمكن تخبرنا عنه؟

[البلوشي عز]

مشكور على الرد أخوي
العفوو
انزين بالنسبة للسكن كيف يكون سكن الطالبات كل طالبة بغرفة بروحها و لا؟

اللي في هالسنه كل وحده بروحها واتوقع دوووم جي

و بالنسبة حق شروط القبول أنا بس سويت سيبا و بقدم حق ielts ان شاء الله في شيء ثاني؟

يبون ايلتس 5 ولا فوق ويمشون اللي 4 ونص لين الفصل الاول اتوقع

و هل شهادة الielts بيغطي عن اليلفلز اللي في الفاونديشن ؟

بالنسبه لطلاب الطب من هالسنه ما في فاونديشن - اوقرو - بس في فاونديشن كورس خاص فالطب وياخذه كل طلاب الطب

يا ليت أعرف أكثر عن الأوغرو؟

بالنسبه للطب الاوقرو ماله داااااعي

أنا سمعت إنه أول سنتين في الطب كله حفظ فهل ها صحيح؟

بالنسبه للطب اول فصل - الفاونديشن كورس - فهم اما الباقي فهو حفظ للمسميات بس فهم للوظايف والاشياء الثانيه يعني مب كله حفظ مثلا الفيزيولوجي فهم كامل مب حفظ والاناتومي مزيج بين الحفظ والفهم اما البروفيشينال كومينيكيشن اشوفه حفظ وقليل من الفهم يعني منوع

و يزاك الله خير

العفو وهذا واجبي ^^ وبالتوفيج ان شاء الله

[البلوشي عز]

سمعت بعد إنه ابتداء من السنة الياية بيسوون نظام يديد و بيكون مريح حق الطلاب و الطالبات الطب أكثر من النظام القديم فلو عندك أي فكرة عن النظام يمكن تخبرنا عنه؟

نظامنا هو يعتبر النظام اليديد ترا ^^

[طآلبة علـم]

انزييين اخووي حبيييت اسأل شو بخصووص الطلبة اللي يدرسوون ف جامعات ثانيه تخصص غير الطب
و يبوون يحولوون لجاامعه الاماارات ...! ويدرسوون طب هل بينقبلوون ولااا .. لانه مرت ع شهادة 3ث ماالهم سنتيين
و شو معايير القبووول ..؟ غير النسبة فالتسعين و 5 فالايلس ...

[البلوشي عز]

انزييين اخووي حبيييت اسأل شو بخصووص الطلبة اللي يدرسوون ف جامعات ثانيه تخصص غير الطب
و يبوون يحولوون لجاامعه الاماارات ...! ويدرسوون طب هل بينقبلوون ولااا .. لانه مرت ع شهادة 3ث ماالهم سنتيين
و شو معايير القبووول ..؟ غير النسبة فالتسعين و 5 فالايلس ...

بصراحه ما اعرف بس اتوقع لازم تكونون مسجلين في نابو وممتحنين سيبا

اذا ما مسجلين سجلوا الحين ولحقو وامتحنو السيبا او سيروا عندهم فالاداره فالمبنى الهلالي فالعين وتسألينهم هم ادرى فالموضوع

وبالنسبه للشروط هالاثنين وبس ما في شرط ثاني وانج تكونين علمي مب ادبي طبعا

[ابن طيبة الطيبة]

السلام عليكم...مساكم الله بالخير واللي يقرا الموضوع في الصبح صبحه الله بالخير...

عندي كم سؤال عن الجامعه الله لايهينكم...اولا هل الجامعة تقبل الطلاب غير الاماراتيين لدراسة الطب لأني سعودي وسمعت عن كلية الطب فجامعتكم فابغى اعرف هل اقدر اقبل فيها وللا لا؟؟ وثانيا اذا كان مسموح للطلاب السعوديين بالدراسه فيها هل لازم اكون جايب معاي التوفل او الايلتس عشان اقبل بالجامعه وللا مايحتاج يعني اقدر ادرس اللغه خلال دراستي بالطب...ومشكورييييين وماقصرتو والله يقويكم

[البلوشي عز]

السلام عليكم...مساكم الله بالخير واللي يقرا الموضوع في الصبح صبحه الله بالخير...

وعليكم السلام ورحمة الله وبركاته ومساك الله بالنور والسرور

عندي كم سؤال عن الجامعه الله لايهينكم...اولا هل الجامعة تقبل الطلاب غير الاماراتيين لدراسة الطب لأني سعودي وسمعت عن كلية الطب فجامعتكم فابغى اعرف هل اقدر اقبل فيها وللا لا؟؟ وثانيا اذا كان مسموح للطلاب السعوديين بالدراسه فيها هل لازم اكون جايب معاي التوفل او الايلتس عشان اقبل بالجامعه وللا مايحتاج يعني اقدر ادرس اللغه خلال دراستي بالطب...ومشكورييييين وماقصرتو والله يقويكم

بالنسبه لجامعة الامارات ما تقبل الا مواطنين للاسف الا في حالات نادره

[ابن طيبة الطيبة]

طيب اللي يكون مبتعث من الدولة ...يعتبر من الحالات النادره او لا؟؟؟ ومشكووور على درك وتجاااوبك

[فَلانهْ]

الطب دراسته كَم سنة ؟

[حمد الجسمي]

السلام عليكم ورحمة الله
اولا اشكرك اخووي ع المعلومات ^^
انا ابي ادرس طب ان شاء بس محتار ما بين كليه راس الخيمه الطبية وجامعه الامارات
ادري انه جامعات الامارات من متى اتخرج وو انها معترفه دوليا
بس .. شو الدراسه عندهم ممتعه ولا واايد تعب
وعندي بعد سؤال لو بغيت استوي جراح او مستشار باذن الله كم سنه يبالي لين مااتخرج
وكيف تعامل الاساتذه وياكم ؟
وبس
شكرن مقدما على كل شيء اخوي ^^

[البلوشي عز]

طيب اللي يكون مبتعث من الدولة ...يعتبر من الحالات النادره او لا؟؟؟ ومشكووور على درك وتجاااوبك

ما اعتقد والله! الله اعلم

بس عندك جامعة الشارجه ممتازه

بالتوفيج

[البلوشي عز]

الاخت فلانه بالنسبه للطب في جامعة الامارات كالتالي

سنتين pre-med

و سنتين pre-clinical

و سنتين clinical

اول سنتين ندرس فينه الجسم في الاحوال الطبيعيه

والسنتين الثانيات ندرس عن الامراض اللي تهاجم الجسم

والسنتين الاخيرات يكون عباره عن دوام في المستشفى و عقب نمتحن

و بعد هالست سنوات تعتبرين ك طبيبه خلاص - بس طب عام -

و لازم تشتغلين سنه في المستشفى قبل دراسه التخصص وهالسنه تسمى سنه الامتياز

و خلال هالسنه تستلمين راتبج ك طبيبه ^^

والسموحه عالتاخير فالردود و السبب ان قبل كان يوصلني ايميل من يرد اي حد علي فالموضوع لكن من شهرين ما وصلني شي ف دشيت اليوم اجيك و جفت الرسايل ف السموحه منكم

و دعواتكم الحين امتحاناتنا ^^

[البلوشي عز]

السلام عليكم ورحمة الله
اولا اشكرك اخووي ع المعلومات ^^
انا ابي ادرس طب ان شاء بس محتار ما بين كليه راس الخيمه الطبية وجامعه الامارات
ادري انه جامعات الامارات من متى اتخرج وو انها معترفه دوليا
بس .. شو الدراسه عندهم ممتعه ولا واايد تعب
وعندي بعد سؤال لو بغيت استوي جراح او مستشار باذن الله كم سنه يبالي لين مااتخرج
وكيف تعامل الاساتذه وياكم ؟
وبس
شكرن مقدما على كل شيء اخوي ^^

وعليكم السلام ورحمة الله وبركاته

العفو اخوي و ما سويت غير الواجب ^^

بالنسبه لانك محتار انا انصحك تصلي الاستخاره

انا اعرف واحد ويانا كان يدرس في كلية راس الخيمه الطبيه لو تريد اعتقد هني يصير ترسل رسايل عالخاص!

ف ارسلي ايميلك و انا بسأل لك اياه عن الفرق بين الكليتين و رايه فالموضوع و انت قرر

بالنسبه لدراسه الطب تعتمد على نفسية اللي يدرسها!

اذا انت تبا الطب من خاطرك تقدر تستمتع فيها لان فالطب انت بتستكشف جسمك و هو شي ملموس بالنسبه لك ايعني انت يالس تستكشف ذاتك

و تقدر تربط اللي تدرسه باشياء تصير حولك

بس بالنسبه للكميه اللي بتدرسها ما بكذب عليك وبقولك شويه! لكن ان درست اول باول بترتاح ان شاء الله

بالنسبه للجراحه اذا تبا تستوي جراح انت تحتاج تدرس 6 سنوات فالكليه - سنتين بري ميد و سنتين بري كلينيك و سنتين كلينيك - و عقب سنه الامتياز و اتوقع الجراحه بعد 5 سنوات والله اعلم

بالنسبه لتعامل الدكاتره في كل مكان تلقى الزين والشين^^ بس الحمدلله اغلب الدكاتره متفاهمين ومتساعدين ويانا ولله الحمد صح في كم دكتور مب لهناك بس ينعدون بالاصابع

و العفو وان احتجت اي شي ثاني انا حاظر

والسموحه اني ما رديت عليك قبل ووظحت السبب قبل شوي ^^

[chineez]

السلام عليكم والرحمه

كيف الدراسة ياخوي ؟ ان شاء الله موفق ؟

بغيت اسالك دام احين يقبلون ابناء المواطنات في الجامعات ممكن انه يقبلونهم بعد في جامعة الامارات ؟؟؟؟

السموحة :c

[نسمة**]

السلام عليكم

بغيت أستفسر عن امتخان القبول لكلية الطب سمعت إنه الكل يقول عنه إنه سهل و جيه بس أنا بعديه أحاتي و متوترة
و عرفت ان الامتحان عبارة عن multiple choice

فيا ليت لو توضحون لنا أكثر عن طبيعة الأسئلة و جيه و هل يفضل مراجعة بعض المواد

يا ليت لو حد عنده نماذج
أو شيء يمكن يساعدنا يحطه في المنتدى

شو المواضيع اللي نركز عليها للامتحان
لأن ها الامتحان اللي يقرر قبول الطالب للكلية

و يزاكم الله خير

و مشكورين مقدما

[نسمة**]

أخوي بلوشي عز

أنا سمعت في المنتدى إنه هالسنة م بيكون شيء نظام الفاست أوغرو بحيث كل طالب حاب يدرس الطب بيدشه سيدة مع بداية الكورس
بس قبل كم من يوم دثيت على الجامعة و خبروني إنه ما زال هالنظام موجود و ما حذفوه

فاحترت الحينه

[نسمة**]

أقصد دقيت*

خطأ مطبعي

و يزاكم الله خير

[البلوشي عز]

السلام عليكم والرحمه

كيف الدراسة ياخوي ؟ ان شاء الله موفق ؟

بغيت اسالك دام احين يقبلون ابناء المواطنات في الجامعات ممكن انه يقبلونهم بعد في جامعة الامارات ؟؟؟؟

السموحة :c

حسب علمي ابناء المواطنات من يوصلون 18 يقدرون يحصلون الجواز الحين والله اعلم !!

لكن في حال ان ما عندهم الجواز الكليه ما تقبلهم لانها فقط للمواطنين ولكن باقي الكليات عادي - اعرف طالب في كليه الهندسه من ابناء المواطنات -

والحمدلله الدراسه طيبه و النتايج لا باس فيها ^^

والسموحه عالتأخير فالرد والسبب هو اني مسافر

[البلوشي عز]

السلام عليكم

بغيت أستفسر عن امتخان القبول لكلية الطب سمعت إنه الكل يقول عنه إنه سهل و جيه بس أنا بعديه أحاتي و متوترة
و عرفت ان الامتحان عبارة عن multiple choice

فيا ليت لو توضحون لنا أكثر عن طبيعة الأسئلة و جيه و هل يفضل مراجعة بعض المواد

يا ليت لو حد عنده نماذج
أو شيء يمكن يساعدنا يحطه في المنتدى

شو المواضيع اللي نركز عليها للامتحان
لأن ها الامتحان اللي يقرر قبول الطالب للكلية

و يزاكم الله خير

و مشكورين مقدما

وعليكم السلام ورحمه الله وبركاته


بالنسبه للنماذج اقولج مالها داعي ان شاء الله يا اخت نسمه

و لا تركزسن على اي شي ولا تحاتين شي لان ما سمعت ان اي طالب تم رفضه فالامتحان بالنسبه للأولاد اما البنات الله اعلم

بس اضن نفس الشي

و بالنسبه للامتحان هو بسيط جدا يعني مثلا يسألج شو هو الشي اللي يشل الدم من القلب للجسم؟ و طبعا يكون الجواب الشرايين و ها شي بديهي

وهذا كان واحد من الاسئله الصراحه ^^ و لكن وين تكون المشكله فالامتحان! المشكله في اللغه الامتحان بالانجليزي بيكون لكن بيكون في تساهل ان شاء الله لانهم يعرفون ان خلفيتكم لهالامور بالعربي

و شي ثاني الدكاتره يمكن يتساهلون ويقولولكم معنى اي شي

و ترا معنى الشريان بالانجليزي للي ما يعرف artery ^^

و باقي الاسئله كلها بشكل عام سهله ولله الحمد و الامتحان كله ملتبل جويس ^^

[البلوشي عز]

أخوي بلوشي عز

أنا سمعت في المنتدى إنه هالسنة م بيكون شيء نظام الفاست أوغرو بحيث كل طالب حاب يدرس الطب بيدشه سيدة مع بداية الكورس
بس قبل كم من يوم دثيت على الجامعة و خبروني إنه ما زال هالنظام موجود و ما حذفوه

فاحترت الحينه

بالنسبه للفاست اوقرو السنه اللي طافت بعض الشباب سووها لكن انا بقولكم حل احسن عشان تظمنون

ليش ما تحاولون تيبون الايلتس بروحكم ال 5 و تريحون عماركم ؟ مب احسن ؟؟

و بالنسبه للي ما يابو 5 وبغو يتمون فالكليه العام قالولهم مب مشكله! و ما طلبو منا الرياضيات او الكمبيوتر او العربي - مواد الاوقرو - بس الانجليزي مهم جدا الصراحه!!

بالنسبه لمواد الاوقرو قالولنا في احتمالين اما انهم ينعقون عنكم و خلاص او ان بيخلونكم احرار تسوونها في اي صيف لكن للحين ما قالو ان بيخلونا نسويهن ف باختصار للحين هي طايحه عنا ^^

يعني مباشره عدراسه الطب ^^ و 6 سنوات بدون اي تأخير لاي سبب

[البلوشي عز]

وبالنسبه للنماج ما اضن في اي شخص يقدر ييب نماذج و الموضوع مب بالحجم اللي متصورينه ^^ و لكن لو تبون تسوون شي لفايدتكم اقراو الكلمات اللي تخص الجسم - العامه - بالانقليزي قرايه بس و بتستفيدون ان شاء الله ^^

[محمد - اليماحي]

هلا حبيبي تذكرني انا محمد الي سىلتك كم سوال ابشرك حولوني الجامعة شهر خمسة وخلصت الاوقرو و باجي لم الانتحان شهر * و ان شاء الله بدش التخصص و ابا اشوفك عاد هههه بشكرك ع وقفتك ويايه

[البلوشي عز]

اهلين وسهلين ^^ ما عليك ان شاء الله اول يوم بتشوفني و ما يحتاي تشكرني لان ما سويت غير الواجب ياخوي

امتحنوكم امتحان القبول ولا بعدهم ؟ و ربي يوفقكم و نلتقي في الاورنتيشن ان شاء الله ^^

[عنوان دفتر]

السلام عليكم ورحمة الله وبركاته

انا قبلوني في الطب ها السنه والحين ادرس في الجامعه جامعه الامارت ( صيف 2012) بدينا 28 /7 وبنخلص 16 / 8 وندرس الحين IT ,math,arabic&english [توفل] ويسمون ها الكورس الي في اجازه الصيف الفاست تراك ( المسار السريع ) وبعدها بيمتحنونا في المساقات 4 ابي اعرف اذا ما قدرت اعدي التوفل او اي مادة ثانيه شو راح يصير ( يعني راح اخذ ها الماده معاي وادرسها مع مواد الطب ولا راح اوقف سنه من عمري وادرسها بكورس ) ثاني شي بخصوص امتحان القبول لكلية الطب شو المواد و الاسئله كيف ( يعني اقدر امتحن بالعربي ولا مافي الا الانجلش ) مع العلم نحن بنات الحكوميه ندرس المواد الاربعه ( العلوم ) (بالعربي يعني ما نعرف بالانجلش )
وبخصوص المقابله شو يصير فيها بالضبط ؟ )
واذا احد عنده نماذج لامتحانات قبول الطب ( لجامعة الامارات ) يرفعها لنا ضروري

لو سمحتوا حد يرد علي لانه انا وربيعاتي من اول ما بدينا الدوام ونحن نسئ ل ومحد يعرف !!!!! والمشرفات ما يعرفون " لو سمحتوا ساعدونا

ولكم جزيل الشكر

[عنوان دفتر]

نسأل *

اهم سوال ودي انك ترد علي هو ( لو ما قدرت اجيب الدرجة المطلوبه في التوفل شو راح يصير ! راح اخذها معاي كماده مع مواد الطب ولا لازم اعديها عشان اروح لمبني كليه الطب ! تكفى رد علي

وابغي اشكرك مقدما لانه صج هذا الموضوع حصلت فيه معلومات مهمه لي كم يوم ادور عليها

ربي يحفظك ويوفقك

[البلوشي عز]

السلام عليكم ورحمة الله وبركاته

انا قبلوني في الطب ها السنه والحين ادرس في الجامعه جامعه الامارت ( صيف 2012) بدينا 28 /7 وبنخلص 16 / 8 وندرس الحين IT ,math,arabic&english [توفل] ويسمون ها الكورس الي في اجازه الصيف الفاست تراك ( المسار السريع ) وبعدها بيمتحنونا في المساقات 4 ابي اعرف اذا ما قدرت اعدي التوفل او اي مادة ثانيه شو راح يصير ( يعني راح اخذ ها الماده معاي وادرسها مع مواد الطب ولا راح اوقف سنه من عمري وادرسها بكورس ) ثاني شي بخصوص امتحان القبول لكلية الطب شو المواد و الاسئله كيف ( يعني اقدر امتحن بالعربي ولا مافي الا الانجلش ) مع العلم نحن بنات الحكوميه ندرس المواد الاربعه ( العلوم ) (بالعربي يعني ما نعرف بالانجلش )
وبخصوص المقابله شو يصير فيها بالضبط ؟ )
واذا احد عنده نماذج لامتحانات قبول الطب ( لجامعة الامارات ) يرفعها لنا ضروري

لو سمحتوا حد يرد علي لانه انا وربيعاتي من اول ما بدينا الدوام ونحن نسئ ل ومحد يعرف !!!!! والمشرفات ما يعرفون " لو سمحتوا ساعدونا

ولكم جزيل الشكر

وعليكم السلام ورحمة الله وبركاته


بالنسبه لمواد الفاست تراك انا ما اخذتها و عديت كل شي لكن ابا اطمنكم ان لو شو ما صار فيها انتو بتدشون الكليه عالسمستر هذا ان شاء الله

الانجليزي المطلوب فيه ايلتس 5 و ان شاء الله تقدرون تيبونه

اما بالنسبه لباقي المواد حاولوا تعدونهم و تفتكون و ان ما عديتوهم بالنسبه لربعنا العام خلوهم يكملون السنه ويانا و ما كلموهم بخصوص هالمواد للحين ف الله اعلم شو بيصير وياكم

لكن ان شاء الله بتدشون الكليه عادي و اذا بيسوولكم نفسنا اللي بييبون 4.5 فالايلتس بيعطونه كلاسين زياده انجليزي مال الايلتس و كل ها في مبنا الكليه

بالنسبه للأمتحان هو بسيط جدا مب لازم تخافون منه و سياسه الكليه تمنع رفع نماذج لها لكن بقولج اللي قالولي اياه طلاب الطب العام قبل ما ادش

الشي الوحيد اللي تقدرين تسوينه انج تسيرين لكتاب الاحياء و تقرين بعض المسميات الانجليزيه الاساسيه

يعني مثلا لازم تعرفين ان العصب اسمه nerve والعضله mussle والاوعيه الدمويه blood vessle و الشرايين artery و الاورده vien و العضام bone

و هالاشياء الاساسيه و البسيطه و انا ما سمعت ان في طالب امتحن و رسب وما قبلته الجامعه الصراحه !! لان الامتحان سهل وبسيط مره و ترا كلنا درسنا المواد العلميه بالعربي ف حالكم من حالنا ^^ الا كم واحد و وحده فالمدارس الخاصه طبعا

و العفو و ما سويت غير الواجب ^^

[البلوشي عز]

نسأل *

اهم سوال ودي انك ترد علي هو ( لو ما قدرت اجيب الدرجة المطلوبه في التوفل شو راح يصير ! راح اخذها معاي كماده مع مواد الطب ولا لازم اعديها عشان اروح لمبني كليه الطب ! تكفى رد علي

وابغي اشكرك مقدما لانه صج هذا الموضوع حصلت فيه معلومات مهمه لي كم يوم ادور عليها

ربي يحفظك ويوفقك


بالنسبه للشهاده المطلوبه هي الايلتس 5 او اللي يعادلها بالتوفل و ما اعرف شو هي

لكنها مب صعبه وايد و خلي طموحج فالشي انج تيبينه صح في احتماليه بالفشل بس طموحج انج تتفوقين وتيبين اعلى من المطلوب

لكن بالنسبه لسؤالج الحين في دفعتنا في كم واحد ما كان يايب الايلتس 5 - يايبين 4.5 - و مع هذا درسو معانا عادي و خذو زياده عنا كلاس واحد انقليزي اول كم اسبوع عقب تكنسل و لكن قالولهم هاتو لنا الشهاده في اقرب وقت

و افا عليج ما سويت غير الواجب و انا موجود فالخدمه سواء هني فالموقع او عن طريق ايميل الجامعه عقب يوم بتدخلونها ان شاء الله و بالتوفيج ولا تنسون تحظرون الاورنتيشن تراه يوم مهم ^^

و بالتوفيج في الفاست تراك و فدراسه الطب يا اطباء المستقبل ^^

[عنوان دفتر]

اول شي ثانكس كثير لانگ رديت علي بسرعه
ثاني شي ثانكس ع المعلومات المريحة

وبخصوص الطموح انا شطورة وطموحة بس مشكلتي اتوتر بسرعة " الله يطمنك شرات ما طمنتني /

تسسسسلم اخوي كفيت ووفيت "
اسميهم ربيعاتي كلهم يتريون ردك علي ~
الله يوفقگ وانت بتكون من اول الناس الي بخبرهم اذا انتقلت لمبنى كلية الطب
طبعا بعد ماما وبابا 3>
للمرة 2 شكرا وبالتوفيييق اخوي

[البلوشي عز]

اول شي ثانكس كثير لانگ رديت علي بسرعه
ثاني شي ثانكس ع المعلومات المريحة

وبخصوص الطموح انا شطورة وطموحة بس مشكلتي اتوتر بسرعة " الله يطمنك شرات ما طمنتني /

تسسسسلم اخوي كفيت ووفيت "
اسميهم ربيعاتي كلهم يتريون ردك علي ~
الله يوفقگ وانت بتكون من اول الناس الي بخبرهم اذا انتقلت لمبنى كلية الطب
طبعا بعد ماما وبابا 3>
للمرة 2 شكرا وبالتوفيييق اخوي

العفو و ما سويت غير الواجب ^^

و الحمدلله انج استانستي عليها ^^

و لازم الرد السريع دام الدراسه قربت و اذا عندكم اساله انا موجود و عقب ما تبدا الدراسه الخوات موجودات في قسم البنات و تقدرون تسألوني هني او في ايميل الجامعه

و عندكم بعد في الاسبوع التعريفي بتقعدون مع بنات دفعتنا و بتاخذون حريتكم في الاسئله والسوالف و نفس الشي بالنسبه للشباب نحن بنيلس وياهم و بنسولف وياهم ان شاء الله وبنكون مستعدين نجاوب ع اسئلتهم على قد خبرتنا في العام اللي فات

و بالتوفيج يا رب و دام الطموح و الشطاره موجوده ان شاء الله الامور تكون طيبه و لا تخافين من موضوع التوتر لان التوتر دوم موجود فالبدايه لكن مع التعود يروح التوتر ان شاء الله ^^ و مشكوره عالدعاء شي طيب منج ^^

و بالتوفيج ان شاء الله لج و لكل ربيعاتج و ننتظركم في الكليه ان شاء الله ^^

و ربي يوفقكم في الفاست تراك يارب ^^

[البلوشي عز]

ممكن سؤاال خخخخخ يصيير ابنااء مجلس التعااون يدخلوون طب ف جاامعة الامارات خخخخخخخخخخخخخخخخخخخخخخ ادري يمكن ماايصيير وباحتمال كبيير خخخخخخخخخخ بس سؤاال وابي استفسر خخخخخخخخخخخ بليييز جااوبووني وب معلووماات كاافية وواافية خخخخخخخخخخخخخخخ
.؟؟؟؟؟؟؟؟؟؟؟؟؟؟؟؟؟؟؟؟؟؟؟ الرجااء الاجاابة باسرع وقت ممكن خخخخخخخخخخخخخ

اول شي بسألج اختي الكريمه انتي تقولين نكته ولا تستفسرين ولا شو بالضبط ؟

اعتقد ال - خخخخ - الكثيره هاي ما كان لها لزمه يعني

السموحه لو الرد هذا ازعجج لكن اتمنى لو تختفي ال - خخخخ - فالمره القادمه ^^

بالنسبه لكليه الطب في جامعه الامارات هي فقط للمواطنين حصرا

والسموحه عالازعاج ^^

[محمد_الفلاسي]

السلام عليكم أخويه ..
أنا توني يديد ع المنتدى و تبا الصدق سجلت بس عشان أسأل في موضوعك
أخويه بخصوص اللي من مدارس خاصة .. أنا بعدني باقتلي سنه لكن بس حبيت أسألك عنك كيفية التسجيل و شو الشهادات اللي يطلبونها منا
الحمددله موضوع الإنجليزي سهل عندي و أنا منهج بريطاني

الله لا هانك

[البلوشي عز]

السلام عليكم أخويه ..
أنا توني يديد ع المنتدى و تبا الصدق سجلت بس عشان أسأل في موضوعك
أخويه بخصوص اللي من مدارس خاصة .. أنا بعدني باقتلي سنه لكن بس حبيت أسألك عنك كيفية التسجيل و شو الشهادات اللي يطلبونها منا
الحمددله موضوع الإنجليزي سهل عندي و أنا منهج بريطاني

الله لا هانك

وعليكم السلام ورحمه الله وبركاته اخوي الكريم

حياك الله في المنتدى و اتمنى جوابي يفيدك

بخصوص المدارس الخاصه ما في فرق ترا بينهم و بين المدارس العاديه

اذا عندك الايلتس و مخلص الثانويه العامه او في الثانويه العامه سجل في موقع نابوا على بدايه السنه و ان شاء الله بتنقبل عندنا عالسنه اللي عقب هاي

اهم شي النسبه فوق 85 و الشهاده معتمده من الوزاره وتعادل شهادة الثانويه العامه و طبعا هم بياخذون الطلبه اللي نسبتهم اعلى لين يكتمل العدد ف اذا اكتمل العدد على اكثر من 90 مثلا ما بياخذون اللي اقل و جي

بالتوفيج يا رب

[ماااسة]

‏‎ ‎اعتذر عن مابدر مني .. ( آسفة )

[عنوان دفتر]

السلام عليك اخوي
الحمدلله نجحت في 3 مساقات وامس كان اخر يوم دوام في الفاست تراك والتوفل ان شاء الله النتيجة راح تطلع بعد اسبوع
بس حبيت اسال عن امتحان قبول الطب
انا سمعت انه امتتحان في الاحياء والكيمياء والفيزياء والرياضيات
وسمعت ناس تقول انه بس في الاحياء
ممكن تساعدني واتقول شو المواد , ؟
وعيييييدكم مبااارك هههههه

السموحة

[البلوشي عز]

‏‎ ‎اعتذر عن مابدر مني .. ( آسفة )مب مشكله حصل خير ^^

[البلوشي عز]

السلام عليك اخوي
الحمدلله نجحت في 3 مساقات وامس كان اخر يوم دوام في الفاست تراك والتوفل ان شاء الله النتيجة راح تطلع بعد اسبوع
بس حبيت اسال عن امتحان قبول الطب
انا سمعت انه امتتحان في الاحياء والكيمياء والفيزياء والرياضيات
وسمعت ناس تقول انه بس في الاحياء
ممكن تساعدني واتقول شو المواد , ؟
وعيييييدكم مبااارك هههههه

السموحة

وعليكم السلام ورحمة الله وبركاته

الله يبارك عليك يا رب و عساك من عوادة العيد

الحمدلله ع نجاحك اخي الكريم و ان شاء الله النتيجه ترفع الراس

بالنسبه للإمتحان و المطلوب غيروه هالسنه و توني قريته من موقع ثاني بصراحه و حبيت انقله لكم للفايده ^^

المواد هي:

. Basic sciences: Basic Biology, Basic Chemistry, Physics.
. Basic Anatomy.
. Mathematics.
. Problems solving questions.
. Basic English skills


والاسئله ان شاء الله انها بسيطه نفس العام ^^

و مطلوب منكم شي ما كان مطلوب منا و اللي هو تكتبون فقره لا تتجاوز ال 1000 كلمه عن السبب اللي يخليكم تدشون كلية الطب !!!

وبيكون له جزأ من الدرجات ان شاء الله

و الامتحان يوم الاحد الياي وبيكونون مطرشيلك ايميل بوقت الامتحان بالضبط ع ايميل الجامعه اللي خذتوه مع البطاقه و الامتحان كله 60 سؤال و بالانجليزي و المده ساعه ونص ان شاء الله

و يوم الاثنين والثلاثاء والاربعاء هم الايام التعريفيه للكليه و ان شاء الله بالنسبه للشباب اكون انا و كم واحد من شباب دفعتنا وياي، والبنات وياهم بنات الدفعه

بالتوفيج فالامتحان لليميع

ملاحظه: النتايج بتكون يوم الاحد بالليل عالساعه 7 ان شاء الله بس ما اعتقد بيرفضون حد والله اعلم

والسموحه عالازعاج والتاخير لاني كنت مسافر اول ايام العيد و اليوم الفجر راد ^^

[البلوشي عز]

السلام عليكم ورحمة الله وبركاته

شباب و بنات اللي امتحن امس و حظر او ما حظر الاورنتيشن اليوم ابا اقولكم شي

على حسب اللي فهمته من خديجه البلوشي اليوم العصر بيتم اعلان الطلاب المقبولين في الكليه

و بالنسبه للطلاب المقبولين فالكليه انتو مب ملزمين بامتحان القبول يوم الثلاثاء او الاربعاء اذا بتحظرون الاورنتيشن! و اذا ما بتحظرون امتحنوا احسن لكم

بالنسبه للطلاب الكل مقبول لا تحاتون دامكم تبون تتمون

لان كلكم ع بعضكم 54 و يبون 40 ! و اتوقع ان اللي بيتمون فالطب اصلا و بيتمون فالكليه اقل من 40! لان اللي بيحصل منح واللي بيحول من البدايه و و و الخ نفس حالتنا كنا 45 تقريبا او اكثر و صفينا 29 طالب فالنهايه

اما بالنسبه للبنات بيقبلون 80 طالبه بس والله اعلم من اصل 140 طالبه

و اكثر شي بيركزون عليه هي النسبه في الثانويه العامه و عقب امتحان القبول والله اعلم

و ع كلام لينا اذا مجموعه من الطالبات اللي انقبلت طلعوا من الكليه بيتصلون في اعلى الطالبات اللي ما انقبلن

و ما اقول غير بالتوفيج و يالشباب باجر ما بيكون لي ولشباب دفعتي اي شي وياكم بس انا بكون موجود ان شاء الله ^^

و بالنسبه للبنات الله اعلم اذا بيحظرن ولا لا

[محمد - اليماحي]

اهلين اخوي شحالك الحمد لله انقبلت في الكلية عندك وحاب اشوفك
عسب اشكرك بنفسي
ياليت تعطيني رنه
xxx3141142

[عنوان دفتر]

السلام عليكم
وآنا بعد ألحمدلله قبلوني ؤاعتقد كل البنات إلي كانوا في الفاست تراك قبلوهم
بس حبيت إشكرك علئ إلي سويته ويانا والله يعطيك ع قد نيتك

دكتوده المستقبل *

[حنين2008]

ممكن حد يساعدني اليوم كلية الطب في التوام ودعوا جدول قسم البنات ممكن حد يحطه

[البلوشي عز]

اهلين اخوي شحالك الحمد لله انقبلت في الكلية عندك وحاب اشوفك
عسب اشكرك بنفسي
ياليت تعطيني رنه



الحمدلله انا بخير وسهاله و تراك شفتني خلال الايام الثلاث اللي طافن و و تراني ما سويت غير الواجب لكم ^^

و اتمنى انكم تعذروني ع اي قصور خلال الايام اللي طافت او اللي ممكن يصير فالايام اليايه

و ياريت تسوي تعديل للمشاركه و تشل الرقم ماله لزمه ^^ و رقمي بيوصلك وانت فالكليه اذا احتيت مساعده في شي ^^ و ترا ما بيننا غير يدار

واي مساعده تحتايها او اي شي انا وشباب الدفعه موجودين ما يردكم غير لسانكم ^^ و بالتوفيج يارب

[البلوشي عز]

السلام عليكم
وآنا بعد ألحمدلله قبلوني ؤاعتقد كل البنات إلي كانوا في الفاست تراك قبلوهم
بس حبيت إشكرك علئ إلي سويته ويانا والله يعطيك ع قد نيتك

دكتوده المستقبل *

وعليكم السلام ورحمه الله وبركاته

مبروك القبول لكم و بالتوفيج في السنه الاولى

و العفو ما سويت غير الواجب لا اكثر ولا اقل

و اتمنى توصلين اعتذاري للاخت اللي قالت عن الترجمه غلط و انا قلت انها صح لاني اعتقد انها انحرجه و كان المفروض ما اتدخل بهالطريقه

و بالتوفيج مره ثانيه و اي مساعده او حايه ان شاء الله موجودين فالخدمه و بنات الدفعه بعد ما بيقصرون وياكم ^^

[البلوشي عز]

ممكن حد يساعدني اليوم كلية الطب في التوام ودعوا جدول قسم البنات ممكن حد يحطه

اكيد ممكن ^^ و ها السبب اللي خلاني اخذ نسخه من الجدول عشان الاخوه و الاخوات اللي ما كانوا موجودين او اللي ما حصلوا ع نسخه لهم

http://im19.gulfup.com/2012-08-30/1346313023111.jpg

[بنت شحوح7]

السلاآم عليككم و رحمهه الله و بركآآتههه
انآ هالسنهه بكوون ثآنويهه عآمه و مفكرة آدش طب السنة اليايه إن شاء الله
عندي جم من سؤال .. !!
كليهههه طب مختلط و لــــآآ . . ؟
و سنوآت التخصص كم سنهه تقريبــا .. ؟
في الصيف إذا بغيت آخذ تدريب .. يستوي في اي مستشفى بالدوولهه و لآ بس توااام .. ؟
و بعد كييف هنآك حيآة السككن .. ؟

[البلوشي عز]

السلاآم عليككم و رحمهه الله و بركآآتههه
انآ هالسنهه بكوون ثآنويهه عآمه و مفكرة آدش طب السنة اليايه إن شاء الله
عندي جم من سؤال .. !!
كليهههه طب مختلط و لــــآآ . . ؟
و سنوآت التخصص كم سنهه تقريبــا .. ؟
في الصيف إذا بغيت آخذ تدريب .. يستوي في اي مستشفى بالدوولهه و لآ بس توااام .. ؟
و بعد كييف هنآك حيآة السككن .. ؟

وعليكم السلام ورحمة الله وبركاته اختي الكريمه

اول شي ابا اقولج اياه شدي حيلج فالثانويه العامه وبالتوفيج ان شاء الله و مرحبابج فالكليه السنه اليايه ان شاء الله ^^

اما بخصوص اسألتج ف هاي اجوبتها

1- الكليه غير مختلطه الا ان قسم الاداره واحد و غرف المعلمين وحده و الافنتات تكون مختلطه نوعا ما

2- بالنسبه للطب العام الدراسه 6 سنوات و عقبها سنه امتياز تشتغلين في واحد من مستشفيات الدوله و عقب عدد السنوات تكون على حسب التخصص من 3 سنوات الى 7 سنوات في التخصصات الي مثل جراحة اعصاب

3- اذا تبين تتدربين يصير في مستشفيات الدوله! انا عن نفسي في اجازه الربيع دخلت مستشفى توام و لاني اول سنه كنت احوط ويا الدكاتره و اسمع شو يقولون وبس اما عقب بيسألونج الدكاتره و جي يعني لو خذتي تدريب و اذا دخلتي الاي ار يمكن يخلونج تسوين اشياء ويا المرضى عقب

و اصلا السنه ال 5 و ال 6 عباره عن تدريب عملي للي تدرسينه و تمتحنين عليه عقب

بالنسبه للسكن ما اقدر افيدج وايد لاني من العين ها 1 و ثاني شي انا ولد و سكن الاولاد غير عن سكن البنات! لكن اللي اعرفه ان بخصوص سكن البنات كل بنت بروحها في غرفه

و السموحه لو في نقص ولا شي في اجوبتي او سؤال ما جاوبته بشكل كامل و لو عندج اي استفسار ثاني انا حاظر في اي وقت ان شاء الله ^^

[بنت شحوح7]

تسلم آخوووي .. أجوبتك تووفي و تكفي ربي يعطيك العآفيهههه بس كلمآ مآ يخطر ع بآلـي سؤال بركض لموضوعك . . و شكرااا مرة ثآنيهههه

[البلوشي عز]

العفو و ما اسوي غير الواجب ^^ و على الرحب والسعه اي وقت ^^

[(wema)]

لو سمحتوا عندي سؤال بس يا ريت ألقى إجابة صريحة و أكيدة
هل من الممكن للوافدين دخول كلية الطب بجامعة الإمارات ؟ و كم عدد الطلبة الوافدين الموجودين فيها حاليا ؟
هل يوجد أية استثناءات للطلبة المتفوقين ذوي المعدلات العالية ؟
علما أنني طالبة متفوقة و حاصلة على أكثر من 99% في امتحانات هذا العام
أتمنى إفادتكم لي في أقرب وقت
شكرا و جزاكم الله خيرا

[البلوشي عز]

لو سمحتوا عندي سؤال بس يا ريت ألقى إجابة صريحة و أكيدة
هل من الممكن للوافدين دخول كلية الطب بجامعة الإمارات ؟ و كم عدد الطلبة الوافدين الموجودين فيها حاليا ؟
هل يوجد أية استثناءات للطلبة المتفوقين ذوي المعدلات العالية ؟
علما أنني طالبة متفوقة و حاصلة على أكثر من 99% في امتحانات هذا العام
أتمنى إفادتكم لي في أقرب وقت
شكرا و جزاكم الله خيرا

دخول الوافدين لكليه الطب نادر جدا و يحتاج فيتامين واو - واسطه -

و بالنسبه للشباب ما في غير واحد فالدفعه اليديده سعودي

و اذا كنت متفوق وقت تخرجك من الثانويه بيكون في تكريم من الشيخ محمد بن زايد او الشيخ منصور - ما اذكر - ويوم يصير التكريم تقدر ترمسه و تقوله انك تبا تدش كلية الطب

و ان شاء الله بيدخلك

و اذا عندك واسطه ثانيه بتقدر تدخل بس بدون واسطه مستحيل

[بنت شحوح7]

و عدت إليكم من جديد . .
عندي سوعآآل . .
في سنهه الامتيآز .. شي رآتب و لــــآ .. وإذا فيهه تقريبا كم ؟
و يووم ادرس سنوآت التخصص .. اشتغل بعد في المستشفـى و لــــــآ . . ؟
و بعد ممكن تعطيني روآتب الاطبآء فـ الامآرات يعني تقريبا تقريبا كم . . ؟ !
و ممكن تعطيني حيآة الطبيب فـ المستشفى .. يعني وقت الدوآم و المنآوبآت و الاجآزات و كذا يعني . .
تدري لازم أسأل قبل مآ آدخل التخصص عسب عقب مآ اندم

و هيييه بعد أكيد خبلت فيك بأسألتـــي , , السموحههه منك . . ~
إن شاء الله تكوون هذي آخر الاسئلهههه

[البلوشي عز]

ولكم باك ^^ مب مشكله ابد و ان شاء الله موجود للاجابه عن الاسئله كلها عادي دامني اعرف اجاباتها

في سنه الامتياز تستلمين راتب دكتور و هو شي فالثلاثين ما اعرف كم بالضبط

و في دراسة التخصص لازم تشتغلين فالمستشفى بعد

و الباقي للأسف ما عندي اجابات لها و بيكون في هالسنه يوم مفتوح و بيخلون الطلاب ييون للكليه و يوم بتين بتجابلين طالبات من سنوات مختلفه و تقدرين تسألينهم هم ادرى بالموضوع ^^

و السموحه لو اجاباتي مب كافيه

و باالتوفيج فالثانويه العامه ^^

[بنت شحوح7]

لـــــآ عآدي .. جآويت التي تقدر علبههه
و البآقــي إن شاء الله بعرف أجويتهن مع الأيآآم
مشكوور أخوي و لو آنهآ مآ توفيك حقك
و بآالتوفيق لك أيضــا

[البلوشي عز]

^^ الحمدلله و ان شاء الله مع الايام تعرفين كل شي تحتايينه ^^

و مشكور اكثر من كافيه ولله الحمد ^^

و بالتوفيج لليميع ولا تنسونا من دعواتكم

[أم عهد]

:(36):heeeeeeeeeeeeeeeeeeeeeeeeeeelp


أنا ثالث ثانوي و نحن خلصنا الفصل الأول و أنا مقرره من البداية أدش طب بس إنصدمت من النسبة للأسف هي 87

أبغي أعرف يعني أنا بهذي النسبة بدش طب و لا لأ ؟؟
:s9:

[طيف السما]

السـلام عليكم..
مـآآدري إذا الموضوع فعـآآل أو حـد بيرد عـلييه
أمممم..بغيت أسـأأل العام المآآضـي دفعة 2012 أقـل نسبة قبلوها فالطب كـم كآآنت؟؟
لأن أنـا هالسنة ثانويه عامة عـلمـي وأغلب النسب نازلة.. وأنـا نسبتي 86 ..بغيت أعرفه عندي فرصه أدخل كليه الطــب,, للعلم أنـا بنت..

[البلوشي عز]

:(36):
heeeeeeeeeeeeeeeeeeeeeeeeeeelp


أنا ثالث ثانوي و نحن خلصنا الفصل الأول و أنا مقرره من البداية أدش طب بس إنصدمت من النسبة للأسف هي 87

أبغي أعرف يعني أنا بهذي النسبة بدش طب و لا لأ ؟؟
:s9:



السموحه عالتاخير فالرد

هم يبون النسبه فوق ال 85% بس لان البنات عددهم كبير يطلبون فوق ال 90 ف شدي حيلج و ان شاء الله توصلين ال 90 و يقبلونج فالكليه

و بيكون في امتحان قبول ف حاولي تتعرفين عالمصطلحات فالاحياء (ثانويه عامه) باللغه الانجليزية

[البلوشي عز]

السـلام عليكم..
مـآآدري إذا الموضوع فعـآآل أو حـد بيرد عـلييه
أمممم..بغيت أسـأأل العام المآآضـي دفعة 2012 أقـل نسبة قبلوها فالطب كـم كآآنت؟؟
لأن أنـا هالسنة ثانويه عامة عـلمـي وأغلب النسب نازلة.. وأنـا نسبتي 86 ..بغيت أعرفه عندي فرصه أدخل كليه الطــب,, للعلم أنـا بنت..

شدي حيلج و رفعي النسبه و ان شاء الله بيقبلونج

انا تاخرت فالرد لاني انشغلت و ما صارت توصلني ايميلات بالردود فالسموحه من الجميع

و على حد علمي تم قبول الطالبات فوق ال90 و مدري اذا في حد اقل لان حسب معلوماتي اللي تقدموا 140 طالبه او حولها و تم قبول 120 طالبه

وطبعا الموضوع يعتمد على ادائج في امتحان القبول شدي حيلج ورفعي نسبتج و باذن الله بيتم قبولج

بالتوفيج ان شاء الله

[مزيونة علمية]

السلام عليكم ..

انا طالبة في الثانوية العامة وابغي ادخل جامعة العين بس سمعت ان الجامعة تبا 6 بالايلتس لو نبا ندخل كلية الطب وانا ممتحنه من قريب ويبت 4.5 لازم امتحن مرة ثانية عشان يقبلوني ؟
وفي كلية الطب يكون الاعتماد على الطالب يعني مثلا في الشرح او بريسينتيشن او شي من هالمثيل ؟؟

ومشكووووورين مقدما ..

[مزيونة علمية]

و سمعت انه الطلاب يحصلوا على امتياز بسبب الواسطات هالكلام صح ..؟؟؟ وبالاعم الاساتذة يظلموا ولا ؟

[البلوشي عز]

السلام عليكم ..

انا طالبة في الثانوية العامة وابغي ادخل جامعة العين بس سمعت ان الجامعة تبا 6 بالايلتس لو نبا ندخل كلية الطب وانا ممتحنه من قريب ويبت 4.5 لازم امتحن مرة ثانية عشان يقبلوني ؟
وفي كلية الطب يكون الاعتماد على الطالب يعني مثلا في الشرح او بريسينتيشن او شي من هالمثيل ؟؟

ومشكووووورين مقدما ..

وعليكم السلام ورحمة الله وبركاته

السموحه لو تأخرت فالرد و هذا هو الرد:

كليتنا تريد الايلتس 5 مب 6
و تقدرين تدخلين الفاست تراك فالصيف بدون ما تمتحنين الايلتس مره ثانيه و اذا يبتيه 5 زين

و بخصوص الاعتماد على الطالب هذا غير صحيح الدكتور يشرح و يعطي البرزنتيشن اللي هو مسونه "بس بصيغه بي دي اف" عشان حقوق النشر وجي

و ما في شي اسمه امتياز بسبب واصطه هالكلام فاضي ما اعرف من وين يايبينه! و الاساتذه ما يضلمون و الكل نفس الشي و اكثر الدرجات تكون عالامتحان و ما في مجال للتلاعب و زياده طالب عن طالب لان كل شي مسجل و محفوظ

السموحه مره ثانيه عالتأخير و شي ثاني جامعتنا مب جامعه العين هي جامعه الامارات العربيه المتحده ترا في فرق! في جامعه اسمها جامعه العين اذا ما خاب ضني و مالنا خص فيهم نحن

بالتوفيق و اذا في اي استفسارات ثانيه نحن حاظرين

[راجية رضى الله]

السلام عليكم ورحمة الله وبركاته
انا بعدني عمري 14 سنه
بس خلاص بدخل طب *o*
حلو الشي ياخي
بس سؤال ..

امممممم

الحين انته فاي سنه ؟

الطب صعب ؟

بكون الدوامات مختلفة عن باجي الكليات أو لا ؟

باقيلي ع المدرسة 3 سنوات فيه تغيير أولا من ناحية الدراسة والنظام؟


بالتوفيق أخويه ~ه~

[مزيونة علمية]

مشكووووووووور اخووي ع الرد ..
الصراااحة ريحتني وتسلم والله ..

بس بغيت اسال سؤال في الطب يكون النظري يغلب على التطبيق ولا العكس ؟؟..

وجزاك الله خير ..

[البلوشي عز]

السلام عليكم ورحمة الله وبركاته
انا بعدني عمري 14 سنه
بس خلاص بدخل طب *o*
حلو الشي ياخي
بس سؤال ..

امممممم

الحين انته فاي سنه ؟

الطب صعب ؟

بكون الدوامات مختلفة عن باجي الكليات أو لا ؟

باقيلي ع المدرسة 3 سنوات فيه تغيير أولا من ناحية الدراسة والنظام؟


بالتوفيق أخويه ~ه~
وعليكم السلام ورحمة الله وبركاته
بالتوفيج يارب في دراستج و عقبال ما تكونين من طلاب كليتنا المتفوقين ان شاء الله
انا حاليا سنه 2 اللي هي خلصت الحين تقريبا "بس باقي الامتحانات النهائيه"
الطب مب صعب و مب سهل فنفس الوقت! يعتمد عالطالب و نفسيته
حاليا دواماتنا غير عن الكليات الثانيه لكن ممكن يصير تغيير فهالاشياء خلال الثلاث سنوات اليايه الله اعلم

[البلوشي عز]

مشكووووووووور اخووي ع الرد ..
الصراااحة ريحتني وتسلم والله ..

بس بغيت اسال سؤال في الطب يكون النظري يغلب على التطبيق ولا العكس ؟؟..

وجزاك الله خير ..
العفو وما سويت غير الواجب :)
خلال اول سنتين النظري هو الغالب عالتطبيق.. فالتطبيق نحن مثلا نشوف الجثث و نعرف اجزاء الجسم عليها هذا في علم التشريح.. في علم الخليه نشوف الخلايا تحت المايكروسكوب و نفس الشي في علم مسببات المرض.. و شويه عملي في الكمياء العضويه اما بالنسبه للسنه الثالثه و الرابعه اعتقد ان العملي و النظري متساويين.. اما الخامسه و السادسه ف يغلب التطبيق العملي لان الطالب بيبدا يداوم فالمستشفى
هذا على حد علمي و الله اعلم

[fyonkah]

السلام عليكم ورحمه الله وبركاته
كيف الحال أخوي دكتور علي ؟!
أنا أطمح بأن أكون طبيبة
أنا ألحين صف 11
ومقررة أدرس فكلية الطب والعلوم الصحية بجامعه الامارات
بس عندي كمن سؤال :
هل الكلية لها رسوم دراسية مثل كلية دبي الطبية وجامعة الشارجه وجامعة عيمان!؟
كلاسات الشباب مختلطة مع البنات!؟ واذا ماكانت مختلطه هل الحرم الجامعي مختلط!؟
هل قوانين المختبرات عندكم تسمح للبنات يلبسون عبايه !؟ لان في بعض الكليات تمنع دخول الطالبات بعبايه ولكن يكون اكمام طويله مع جوتي مسكر
واذا كنت تقابل طبيبات هل يكونون لابسين عبي ولا لبسهم العادي وفوقه البالطو؟!
وهل في يوم وانت قبل لا تدخل سنوات التدريب (5،6) تدخلون مستشفى تشوفون حالات وجذي ؟!

شكراً على طرحك لهالموضوع ،، وجعله فميزان حسناتك ان شالله
تقبل تحياتي ،،

[البلوشي عز]

السلام عليكم ورحمه الله وبركاته
كيف الحال أخوي دكتور علي ؟!
أنا أطمح بأن أكون طبيبة
أنا ألحين صف 11
ومقررة أدرس فكلية الطب والعلوم الصحية بجامعه الامارات
بس عندي كمن سؤال :
هل الكلية لها رسوم دراسية مثل كلية دبي الطبية وجامعة الشارجه وجامعة عيمان!؟
كلاسات الشباب مختلطة مع البنات!؟ واذا ماكانت مختلطه هل الحرم الجامعي مختلط!؟
هل قوانين المختبرات عندكم تسمح للبنات يلبسون عبايه !؟ لان في بعض الكليات تمنع دخول الطالبات بعبايه ولكن يكون اكمام طويله مع جوتي مسكر
واذا كنت تقابل طبيبات هل يكونون لابسين عبي ولا لبسهم العادي وفوقه البالطو؟!
وهل في يوم وانت قبل لا تدخل سنوات التدريب (5،6) تدخلون مستشفى تشوفون حالات وجذي ؟!

شكراً على طرحك لهالموضوع ،، وجعله فميزان حسناتك ان شالله
تقبل تحياتي ،،

وعليكم السلام ورحمة الله وبركاته
الحمدلله انا بخير وسهاله اختي الكريمه
بالتوفيق ان شاء الله عقبال النسبه العاليه ف 11 و ال 12 ان شاء الله
و يا مرحبا بج فالكليه
اجابات اسألتج:
الكليه ما عليها اي رسومات دراسيه لانها تابعه لجامعه الامارات و التقديم لها يكون عن طريق نابوا و القبول فيها يكون للمواطنين و ابناء المواطنات و حسب النسبه طبعا و النسه تعتمد ع العدد فالغالب
بالنسبه للكلاسات ما في اي اختلاط فالكليه الا في الحفلات و هالسوالف او في المحاظرات الخارجيه اللي مب من المنهج يعني! و في المؤتمرات و الاشياء اللي تنظمها الكليه خارج الكليه! اما داخل الكليه ف كل شي مفصول و ما نتقابل! طبعا الاداره وحده و غرف المعلمين وحده ف يمكن يصادف ان تتقابلون بالغلط هناك طبعا!!
بالنسبه للعباه ما اعتقد في قوانين والله اعلم تمنع العبايه ابد يعني عادي تلبسين عباه وفوقها البالطو
طبعا انا ما قابلت البنات لانه غير مختلط لكن اتوقع لاني يوم اسير غرف الدكاتره و اقابل حد مرات اشوف بعباه عادي!

بخصوص دخول المستشفى و شوفتج لحالات عادي تقدرين لكن انتي بنفسج مب مع الكليه! تقدرين تروحين اداره المستشفى في قسم خاص لهالمواضيع و انا شخصيا دخلت واحد من الاقسام يعني هالشي عادي و رجع لج انتي مب لاي حد ثاني!

اتمنى تكون اجاباتي كافيه و وافيه و اي اساله ثانيه انا حاظر في اي وقت و بالتوفيق مره ثانيه

والعفو ما اسوي غير الواجب
تحياتي

[fyonkah]

شكراً وماقصصصرت

[البلوشي عز]

العفو و هذا هو واجبنا ^^

[fyonkah]

السلام عليكم ،،
رجعت بمجموعة اسألة يت عبالي من فتره وتعايزت ادش المنتدى ففترة الفاينلز
المهم ،،
أولهم: هل لو رسبت فمادة أعيد الفصل الدراسي كآمل مثل دبي الطبية ولا بس أعيد المادة نفسها فالكورس الي عقبه
ثآنيهم: كلية الطب الها نظام الsummer school ولاا اجباري فصلين بس
ثالثهم: أنا شفت فيه مبنيين للطب حذآ مستشفى توآم أول واحد صغير عيمين المستشفى والثآني كبير تقريبآ جي ورآ المستشفى والاول يسمونه كلية الطب والعلوم الصحية والثاني كلية توام // أي واحد للطب فيهم ولا اثنينهم للطب!!
رابعهم: لو كنت فسنة الامتياز أقدر أنقل أي مستشفى حتى لو برع العين مثلاً بوظبي أو دبي ولا شرط فإمارة العين !!

[البلوشي عز]

السلام عليكم ،،
رجعت بمجموعة اسألة يت عبالي من فتره وتعايزت ادش المنتدى ففترة الفاينلز
المهم ،،
أولهم: هل لو رسبت فمادة أعيد الفصل الدراسي كآمل مثل دبي الطبية ولا بس أعيد المادة نفسها فالكورس الي عقبه
ثآنيهم: كلية الطب الها نظام الsummer school ولاا اجباري فصلين بس
ثالثهم: أنا شفت فيه مبنيين للطب حذآ مستشفى توآم أول واحد صغير عيمين المستشفى والثآني كبير تقريبآ جي ورآ المستشفى والاول يسمونه كلية الطب والعلوم الصحية والثاني كلية توام // أي واحد للطب فيهم ولا اثنينهم للطب!!
رابعهم: لو كنت فسنة الامتياز أقدر أنقل أي مستشفى حتى لو برع العين مثلاً بوظبي أو دبي ولا شرط فإمارة العين !!

وعليكم السلام ورحمة الله وبركاته
مب مشكله و مبروك عليكم نهايه امتحاناتكم
1- انا ما افضل تخلين فكره الرسوب في بالج... اذا صار و رسبتي لا قدر الله عندج امتحان الاعاده و اذا رسبتي فيه بعد لا قدر الله تعيدين السنه كامله لكن في تفاصيل اكثر فالموضوع لو تبين تعرفينها اسالي عنها في الاورينتيشن قبل اسبوع من الدوام.
2- و لا ما في صيفي، فالصيف تقدرين تاخذين راحتج اما تخلصين مواد الاوقرو او تريحين او تتطوعين بالمستشفى.
3- كليتنا هي المبنى الاول قبل العيادات اما اللي بعد المستشفى هي كليه فاطمه مالت تمريض مب طب.
4- بخصوص الامتياز حسب علمي انه ممكن في المناطق الثانيه بس مب اكيد

هذا والله اعلم و اذا في اي استفسار ثاني انا حاظر

[بنت شحوح7]

السلام عليكم و رحمة الله و بركآته ,
نسبتي هالسنه 94 .. هل نسبتي تدخلني كلية الطب و لا ؟
و متى يعلنوآ أسماء المقبولين فـ الكلية ؟
و متى بداية الفاست آوغرو .. و هل يتصلون قبل اعلان الاسآمي ولا ؟

[مزيونة علمية]

السلام عليييكم ..

بغيييت اسال سؤاال ..؟؟ّ!!

لو نزل معدلنا شوية ننطرد من الجامعة ولا يعطونا انذار ؟؟!! لانه الطب يباله شوية وحتى لو شدينا حيلنا ..

والايلتس يستوي نمتحنه اي مكان ولا لازم مكان محدد عشان تقبلها الجامعة ؟؟..

[محبة العربي]

مرحبــآ ي خوويه أنا خريجة ثانويه 2013 وعديت الامتحاان ,,, بس انا متخووفه من اني ادرس طب مع العلم اني من متى كنت اتمنى هالفرصه بس احسها صعبه وجي يريت تقولي شرايك ف الموضوع وكييف الفاونديشن حقنى !!

[البلوشي عز]

السلام عليكم و رحمة الله و بركآته ,
نسبتي هالسنه 94 .. هل نسبتي تدخلني كلية الطب و لا ؟
و متى يعلنوآ أسماء المقبولين فـ الكلية ؟
و متى بداية الفاست آوغرو .. و هل يتصلون قبل اعلان الاسآمي ولا ؟

السموحه ما دشيت الموقع من زمان و اتوقع انج فالكليه الحين :) بالتوفيج ان شاء الله

[البلوشي عز]

السلام عليييكم ..

بغيييت اسال سؤاال ..؟؟ّ!!

لو نزل معدلنا شوية ننطرد من الجامعة ولا يعطونا انذار ؟؟!! لانه الطب يباله شوية وحتى لو شدينا حيلنا ..

والايلتس يستوي نمتحنه اي مكان ولا لازم مكان محدد عشان تقبلها الجامعة ؟؟..

وعليكم السلام
اهم شي فالكليه الدرجة تكون فوق ال ٧٠٪ عشان تنجحين و المعدل العام يكون فوق ٧٥ لكل فصل
و اذا في درجه اقل من ٧٥ تقدرين تمتحنين ريست و ترفعين الدرجة ل ٧٥ اما عشان المعدل او اذا الدرجة اقل من ٧٠
و الايلتس من الجامعه او الكليه او البرتش كونسل

سوري عالتاخير فالرد
تحياتي

[البلوشي عز]

مرحبــآ ي خوويه أنا خريجة ثانويه 2013 وعديت الامتحاان ,,, بس انا متخووفه من اني ادرس طب مع العلم اني من متى كنت اتمنى هالفرصه بس احسها صعبه وجي يريت تقولي شرايك ف الموضوع وكييف الفاونديشن حقنى !!

دمره ثانيه السموحه عالتاخير فالرد.. اذا دخلني الكليه بالتوفيج يارب و اذا ما دخلتي ربي يوفقج فاللي اخترتيه :) الطب مشكلته طول فتره الدراسه و يباله شده حيل شوي و الحمدلله للحين بالنسبه لي كل شي زين ولله الحمد

[البلوشي عز]

اتمنى من اللي عندهم استفسار او شي يرمسوني على تويتر او الانستقرام dr3li_93 و ان شاء الله بقدر أفيدهم لاني ما ادخل الموقع هذا وايد :) بالتوفيق للجميع

[الدكتوره مها]

السلام عليكم
تسلم اخوي، بس ابي اسال اذا كلية الطب اللي تبع جامعة الامارات مختلطه ولا في مبنى للشباب ومبنى للبنات؟ و وش المجالات المتوفره فيها؟
انا ابا اسجل فيها بس ساكنه في ابوظبي.. فا ابا اعرف كيف نظام المحاضرات وكذا؟
جزاك الله الف خير

[البلوشي عز]

السلام عليكم... الحمدلله ما تأخرت عليج وايد دكتوره مها ^^

الجامعه مب مختلطه لكن بعض الانشطه مع بعض و هي للطب البشري - طب عام - لمده 6 سنوات و بعدها سنه امتياز و عقب تدخلين التخصص اللي تبينه
و بالنسبه لغير اهل العين السكن الجامعي متوفر و اللي اعرفه كل بنت بروحها بالنسبه لطالبات كليتنا اذا تبدل الامر حاليا شي ثاني اما المحاظرات ف هي فكلاس واحد الدكاتره يون المحاظره 45 دقيقه

العفو و السموحه عالتاخير ^^ و تشرفون الكليه ربي يوفقكم ^^

[البلوشي عز]

السلام عليكم
تسلم اخوي، بس ابي اسال اذا كلية الطب اللي تبع جامعة الامارات مختلطه ولا في مبنى للشباب ومبنى للبنات؟ و وش المجالات المتوفره فيها؟
انا ابا اسجل فيها بس ساكنه في ابوظبي.. فا ابا اعرف كيف نظام المحاضرات وكذا؟
جزاك الله الف خير
.. رديت عليها في قبل قليل ^^