ليش العلمي هيه ونحن بعدنا ...؟؟؟

[همسات الليل]

السلام عليكم ورحمته الله وبركاته


ليش بنات العلمي طلعت نتايجهم


ونحن الأدبي مقعدينا ع النار


وليش يقولوا بتطلع الساعة 9 والحين الساعة 11 وما طلعت النتايج


ياخي ما لازم هالمصخرة كلها


يوم بيطلعوا النتايج صدق يقولون حقنا

مب مقعدينا عالكمبيوتر من الصبح لين الحين

ما حرام عليكم ولا عادي


وخاطري أعرف ليش العلمي مطلعين نتايجهم واسطة يمكن وأنا ما أعرف


بس ما أقول غير حسبي الله ونعم الوكيل



مذلة هيه مذلة مب نتايج ودرجات بس شو أقول

.................؟؟.

[بنـت زايـــــد]

فدديتج هم مطلعين النتائج المتفوقين اللى هم

العشر الاوائل . . وقالوا ان بآجر أن شاء الله بيطرشون النتائج ع الايميل

الله يوفقكم >> حتى نحن يآسين على اعصابنا والله

[همسات الليل]

لالا البنات اللي طلعت نتايجهم مب من الأوائل

أنا اعرفهم واعرف نسبهم مب من الأوائل أبدا أبدا بس شكلها واسطة


ونحن من امبارحة يالسين على هالكمبيوتر واللاب والله عذااااااااب

[هويس]

وعليكم السلام ...

مذله عافان اللله ،، عيل حق شو يقولوا الييوم وحالتهم حاله ، جان قالو باجر وفكوونااا
لو جييه جااان خبروونا من فتتتره ،،،

ببعد شنننقول !!!!
بنخلييها ع اللله ...


وباجر عن يقولوا الشهر اليياي بتتطلع النتائج خخخ ...


سلملم وماي زمزم ..

[Miss.3yo0oz]

الله المستعااان


انا للحين على اعصابييي

شكلي بتصللل آخر شييي

[همسات الليل]

خخخخخخخ هيه والله مذلة

لكن شو نقول بعد


يالله الله كريم

[الفيلسووفة]

من الساعه 9 ونحن نتريا ويوم ندخل خدمه درجاتي التابعه للوزارة
يكتبون (( سيتم ارسال الدرجات النهائية فور اعتمادها من قبل معالي وزير التربية والتعليم بالبريد الالكتروني )) -> الين متى بنتريا يعني .؟!

والله من الصبح ونحن على أعصابنا ونتريآ .. !


الله المستعان بس ..

[المشتاقة لفلسطين]

امممممم.. حبيبتي ..
أنا بنت علمي .. ، وللآن حالنا من حالكم لم تظهر نتائجنا .. وكل بنات كلاسي نفس الحالة ..

ربي يووقفكم ياارب

[همسات الليل]

نحن البنات اللي فمدرستنا وفي منطقتنا طلعت نتايجهم


يعني بنات اعرفهم ويعرفوني وطلعت نتايجهم


اما نحن لا شكلهم وااااااااسطة

[المشتاقة لفلسطين]

نحن البنات اللي فمدرستنا وفي منطقتنا طلعت نتايجهم


يعني بنات اعرفهم ويعرفوني وطلعت نتايجهم


اما نحن لا شكلهم وااااااااسطة



امممم يمكن منطقتكم غيير .لكن نحن لآن .. ما ظهر ولا شيــــــــــــــيء وميتيين من القههههر

[الباسورد ون تو ثري]

ان شاء الله تطلع درجتي ..
و ان شاء الله ما يطلعن درجاتكم ..


قولوا


" آميييين "

[حسين العميري]

انزين شو الموقع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[همسات الليل]

موقع وزارة التربية والتعليم


خدمة درجاتي سجل فيه وبعدين اكتب بياناتك فطلباتي وبس

[الباسورد ون تو ثري]

اهيهيهيهي

الي يبا نسبته .. يتصل للوزاره .. و هي بدور ع اسمه و بتظهر النسبه ..
سووو نفسي

[Miss.3yo0oz]

موقع ما منه فايدة !!!


مسوينه ع الفاضي

[همسات الليل]

صدق ما منه فاااااااايدة

يالله خلص اليوم

الله كريم لباجر

[طالب مقهووور]

يا اخوان انا نفســـي اعرف شو فايدة خدمة درجاتي اذا بيخلونها بكره

[همسات الليل]

ههههههههههههههههههه هيه والله شو هالمصخرة


قالوا السبت وقلنا اوكي وطاف اليوم


قالو لنا الاحد وقعدنا لين الحين الساعة 4 و46 الفير وقلنا يالله

يالله الله يستر


انتظروا الجرايد احسن لكم
ويالله باي


موقع ما منه فايدة لو يحذفو الخدمة احسن لهم

[إماراتي افتديها]

خلاص هدو نفسكم النتايج اليوم ظهرت و أتمنى أنه الكل ناجح

[إماراتي افتديها]

بس حبيت أنبهكم أنه خدمة درجاتي بس للثانوية العامة