المساعد الشخصي الرقمي

مشاهدة النسخة كاملة : دخيلكم بغيت حد يساعدني ..


ملاك المنصوري
20-06-2011, 01:32 PM
اممم هلا والله
بغيت حد يساعدني دخيلكم يعني :(20)::(33):
لأني ابغي اسجل ف الكليه ومب عارفه شو المطلوب اقصد شو اودي معاي واي نسبه يقبلون
مع العلم أنه نسبتي 66.7% ومب عارفه إذا بيقبلوني ولا ..
ومتخرجه من سنة 2007-2008 .. وابغي اعرف متى يبدا التسجيل بعد

والسمووووحه الغاليين طولت عليكم وبليييز ابي حد يرد علي .. واللي يعرف لا يبخل علي ف شي وكله ف ميزان حسناتكم ..

واتريااا الردود
par
20-06-2011, 03:26 PM
هلا أختي الغالية،،، يمكن أقدر أساعدج بس ابي اعرف تبين تدشين أي كلية؟؟؟
و بوعدج أني بساعدج قدر الامكان ^^ (هذا لو كنت قادرة)
و السموحة ع القصور
ملاك المنصوري
21-06-2011, 09:14 PM
هلا أختي الغالية،،، يمكن أقدر أساعدج بس ابي اعرف تبين تدشين أي كلية؟؟؟
و بوعدج أني بساعدج قدر الامكان ^^ (هذا لو كنت قادرة)
و السموحة ع القصور

اهلين الغاليه .. اممم انا ابغي ادش كلية الشريعة بس ابغي اعرف كيف اسلوبهم ونظامهم ف الدراسه و السموحه بطول عليج شوي ..
وابي اعرف بعد عن جامعة عيمان تخصص انجليـزي (( اسلوبهم - يقبلون اي نسبه - كيف نظام دراستهم - و لو تعرفين حد داخل ب هالتخصص - كم سنه دراسه - الرسوم )) ..
ومشكـوووووورة يالغلا والسموحه ..
par
22-06-2011, 01:10 PM
هلا الغالية ،،
اسلوب الدراسة و نظام الدراسة فكلية الشريعة تختلف من جامعة لجامعة ،، مع اني ماعرف وايد بس مثلا فجامعة الشارجة عدد سنوات الدراسة 4 سنوات فكلية الشريعة ،، و دروس التخصص ع حسب علمي هي : الثقافة الاسلامية ،، الفقه و اصول الزواج،،، القران و التجويد ،،، الحديث النبوي ،،، يعني هالمواضيع بشكل عام ،، بس لو قدرت بييب لج خطة الدراسة فكلية الشريعة :)
بالنسبة لجامعة عيمان اسمحي لي مادري شيء ،، بس هااللي كاتبينه فموقعهم :
متطلبات القبول في قسم اداب اللغة الانجليزية و الترجمة:
شهادة الثانوية العامة من دولة الإمارات أو ما يعادلها، بمجموع لا يقل عن 60 بالمائة
معدل لا يقل عن 500 نقطة في اختبار التوفل TOEFL أو ما يعادله
و عدد سنوات الدراسة 4 سنوات
و ممكن تجوفينهم موقعهم البرامج المطروحة » جامعة عجمان (http://www.ajman.ac.ae/austweb/ar/indexa32c.html?catid=53&langid=1)

بس بما انج خريجة 2007 - 2008 ،، جوفي موقع نابو السؤال الثاني :أسئلة و أجوبة (http://ws2.mohesr.ae/NAPO/FAQ_AR.aspx)

و السموحة ع القصور
ملاك المنصوري
22-06-2011, 01:36 PM
اممم مشكـووره الغاليه والسموحه تعبتج معـااي
بس انتي بأي كليه وشو تخصصج ؟؟
par
29-06-2011, 08:18 AM
اممم مشكـووره الغاليه والسموحه تعبتج معـااي
بس انتي بأي كليه وشو تخصصج ؟؟

حياج اختي ^^
اسفة هني ماقدر اقول لج انا فاي جامعة و اي تخصص