المساعد الشخصي الرقمي

مشاهدة النسخة كاملة : الحمدلله ناجح ... بس شو الاستخدامات وشو المطلوب ...



الهايم8
13-06-2011, 01:17 PM
السلام عليكمـ.... أخباركمـ...



اريد اعرف انتوا شو تستخدموا فالمعهد ... !

يعني انتوا تستعملون دفتر ... وإذا تستعملوا كبير ولا صغير ... تستخدموا هندسه ... شو نوع الآله الحاسبه المستخدمه اتمنى تذكروا لي الادوات ... علشان السنه الجايه ...

فديـــ الامارات ـــت
13-06-2011, 04:59 PM
مرحبا اخوي
انا اقدر مشاعرك الصراحة <<< متحمس حق المعهد و جي و بعده وقت
الصراحة شي طيب شكلك وحد شاطر ان شاء الله بتفلح في المعهد و حتا اذا مب شاطر بس من حماسك بتستوي شاطر في المعهد
تذكرني بنفسي و بخبرك سالفتي
و انا بعطيك من خبرتي في المعهد شوي عسب تاخذ فكره عامه عن الي يصير
بس قبل كل شي عسب ما تقول متا بيرد ع سؤالي
الي لازم تيبه كالآتي :
- دفتر لكل ماده و من الاحسن يكون كبير
- و آلة حاسبة ها اساسي من دونه ما بتعيش<<< اسولف ، نوعه من الاحسن يكون ( CASIO fx-991ES PLUS )
- امممم و هندسة يبيلك واحد بس ماراح تستخدمه وايد بس خذلك واحد و حافظ عليه
الحييين جاوبنا على سؤالك
جوف و اسمعني عدل هالسنه وايدييييييييين دشو المعهد من الصف العاشر
و انا احب اجوف امورهم و شو يسوون و كيف مستواهم
و الي شفته الاغلبية شطار قبل لا يدشون المعهد و عقب الامتحانات جفتهم اوك حلو
بس عقب شفتهم ينزولون و ينزلون عقب كل امتحان ينزلون زيادة
قمت اجوف اوضاعهم ابي اعرف ليش
بس الي اكتشفته ان مب عشان لا المعهد صعب و مادري شو
شفت انهم جافو الماده وااايد سهل عليهم و اونهم اذكيه خلاص ما بيذاكرون ولا شي ايوون المدرسه يلعبون و يردون ابيت يلعبون
و وقت الامتحان اوووه ها سهل و ها سهل و ها اسهل
بس عقب تفاجؤو بدرجاتهم في الامتحان اوووه كيف و شقايل كان سهل لا لا شي غلط في الموضوع
انا ما اقولك جي عسب اخوفك لا بالعكس عسب تتعلم الاخطاء
جوف هم استهانو و تكبرو ع رواحهم و قصو ع رواهم يتحرون انهم فاهمين كل شي و هم دوم اذكيه
ولا دراسة المعهد ماشي شراته وااايد سهل بس يغيله تركيز و متابعه بدون اهمال
انا بخبرك مب شرطانه واحد شاطر لازم يدش عسب يفلح
انا بخبرك سالفتي
جوف انا قبل لا ادش المعهد ابوي خبرني عنه و انا صف السابع تخيل قالي بدخلك هني
و انا تميت استكشف اقول شو ها
هو ليش كان يقولي من هاك الوقت عسب ازين من مستواي لانه مستواي ابد مب زين
و مع ذلك مازاد
كنت عالحفة في التاريخ و الجغرافيا و عربي يمشي الحال و الباقي يعني يلا مشي مشي
تخيل قبل لا ادش المعهد نسبتي شي و سبعين
بس كنت وااايد متحمس عالمعهد
عقب يوم دشيته يعني تحسنت دشيت الثمانين من اول امتحان
بس امتحان فصل الاول يبت فوق 85 استانست و تحمست زيادة و انا من نوع الي ماحب اتراجع يعني سويت شي ما احب ايب اقل عنه يا اكثر يا نفسه
عقب فاجؤوني بشي عقب هالنسبه خبروني ان مختاريني حق بعثة تتدرب انجليزي في الصيف
و جان اتحمس زيادة قمت اتحسن كل سنه و نفس الشي السنه اي عقبها يبت شوي احسن و اختاروني حق بعثة مره ثانية
و الحمدلله احين اخر سنه و انا تحسنت عن قبل و يبت شي و تسعين
و بعدني امتحن احاول ازيد اكثر و اختاروني لبعثة النخبة عقب بتعرفها
و الاهم ياخوي
خبرتك السالفه عسب تعرف كيف كنت
مب شرط ادش و انا شاطر
جووف انا مب واحد معقد اتم بالبيت و الحس الكتب و اتم كله كتاب و كتاب
بالعكس انا من النوع الي عندي مبدأ و ماشي عليه
بخبرك يمكن تفكر فيه عدل
انا اهم شي عندي الكلاسات الحصص
انا اسير المدرسة عسب ادرس
و لييش ارد البيت و ادرس مره ثانيه
ترا اذا سويت الي عليك في المدرسة ما يحتاي ترد البيت و تضيع بعد وقت و اتم تذاكر
بس اذا ذاكرت تراه احسن و احسن
بس عسب اسوي الي ابيه و استانس في حياتي مب كله دراسه
اروح المدرسه و اركز في الصف و احل الواجبات و اسوي المشاريع و تكتب الملخص الي عالصبوره في الدفتر
انته خلاص ما يحتاي تدرسس بالبيت بشرط انك ركزت في الصف
و ها سر نجاحي
بس تاكد الاهم شي
سر النجاح الحقيقي في طاعه الوالدين
دام ابوك و امك راضين عليك و تحبهم و يدعولك
انت ترك في امان
و احين ما بطول علييك
و موفق و التوفيق للجميع اخواني و خواتي
انا اسبوع الياي ان شاء الله متخرج ^^

الهايم8
20-06-2011, 12:17 PM
^ أيوه ^___^ رضا الوالدين والانتباه والدراسه والتفكير بالدراسه مب علشان الفلوس وكنت من أول أقول كذا ... وكلامك ذهب ... يعني خلاص ما عاد السنه الجايه اشوفك فالمعهد يا خساره ... عجبني كلامك قريته اكثر من 5 مرات من حلوه ... مشكور لك ...

الهايم8
20-06-2011, 12:18 PM
والحمدلله نسبتي فوق 95% الحمدلله

فديـــ الامارات ـــت
20-06-2011, 01:22 PM
هع عيل مثل ما توقعت انت شاطر ما شاء الله
و تم ع مستواك العالي و الى الاعلى ان شاء الله
مثل ما خبرتك لا تستهين في شي
ركز و صلاتك و الصف مهم وايد و المراجعه قبل الامتحانات الواجبات وايد مهمه هي الي بتحدد مستواك عند المدرسين
و بالتوفيق اخوي
حرام ماراح اجوفك
مب مشكله يمكن ازوركم السنه اليايه ان شاء الله
مع الف تحيه و سلام

الهايم8
27-06-2011, 12:17 PM
ههههه ^ ما بشوفك ... زين .. قصدي حزن ههه ... والحمدلله الصلاة والواجبات محافظ عليهم ...