هل المعهد اختيار صحيح؟؟ .. تعال وبجاوبك

[خيماوووي]

السلام عليكم ورحمه الله وبركاته

شحالكم عربنا

الكل محتار ،، ويسئل ادخل المعهد ولا الثانويه

انا كنت طالب في المعهد التكنولوجيا واتخرج في السنه 2010
وعند الخبره اقولك اذا اختيارك صح او خطاء

اول شي اسئل نفسك ،، سو تبي اتصير؟؟ وشو هو مستقبلك؟؟

المعهد يطلع مهندسين
اذا حلمك اتكون مهندس
او تبي اتدرس هندسه
واي شي يخص الهندسه والمهندس
ادخل المعهد

اذا كنت اتخاف من الدراسه صعبه او سهل
مافي شي سهل في الحياه بس الي نحن عندنا الخبره فيه بيكون سهل
اتذكر ايام قبل ماكان في مباني مثل المباني الي انشوفه الحين تتوقع سهل تبنيها

المهندس شي مطلوب في كل مكان ،، واتخيل انك تبني مباني ،، او الات ،، او روبوتات ،، واتبرمجهم ،، واتعدل الكمبيوترات وهاي الاشياء

والهندسه مش فقط عباره عن بناء والتخطيط
وتقدر تبني مباني
ومصادر طاقه
وكهرباء
والات
والروبوتات
واتبرمج روبوت او كمبيوتر
او...او...او

وايد اشياء ما اقدر اذكرها

وفي المعهد في اكثر عن تخصص وادخل التخصص الي يناسبك ويناسب طموحك
وراح تتعلم انجليزي بعد
وعندكم اللبتوب Apple

انا ماندمت لاني دخلت المعهد ،، صح في اشياء وايد اتسويها
بس مب صعبها اذا كنت اتسويها اول باول ،، واذا كنت مهمل اكيد بتضيع عمرك

وانا انصح محبي الهندسه والبدمجه والالات دخول المعهد ،،
وانصح اولياء الامور بتتبع اخبار المعهد ،، اذا في تخصصات يديده ،، او قوانين او اي شي يتعلق في الدراسه في المعهد

واسمحولي اذا طولت عليكم

[(مخاوي الذيب)]

السلام عليكم
اخوي يعني تقصد ان المعهد بس اللي يبغي يصير
مهندس اوفني يعني مايقدر يصير يدرس تخصص اخر
يعني مثلا قانون

[خيماوووي]

لا اخوي لو تبي تدرس قانون لاتدخل

انا درست هناك ،، معهد التكنولوجيا معهد الهندسه ،، وعالم خاص بالهندسه

انت اسئل واتصل في المعهد وانا متاكد انه ماشي بس يمكن في تخصصات يداد او بتنزل تخصصات يداد

المعهد يطور من احسن الى الاحسن كل سنه

[(مخاوي الذيب)]

طيب اقدر ادرس طيران او
اقدر ادخل الشرطة بشهادة الهندسة

[uae-ian]

عزيزي مخاوي الذيب ..

المعهد سابقا .. حاليا ثانوية التكنولوجيا التطبيقية ..

تتخرج بشاهدة ثانوية تكنولوجيا تطبيقية .. > < مب مهندس ولا فني و لا حتى مدير ^.^ .. تتخرج كطالب من الثانوية ..

بس معهد التكنولوجيا التطبيقية او الثانوية التكنولوجيا التطبيقية .. تسمح لك لما تدرس فيها في اختيار " توجه " ومن خلال هذا التوجه بامكانك اما تكمل فيه في كليات التقنية او جامعة الامارات او جامعة خليفة ..

او حتى لو دخلت في المعهد علوم الاتصالات و التكنولوجيا وتخرجت تقدر تدخل طب مثلا .. و هكذا ..

فقط بغيت اصحح معلومات اخوي خيماوي ^^ ... وانا متاكد من كلامي ١٠٠ ٪

[(مخاوي الذيب)]

بس ياخوي uae-ian انا اتصلت بالمعهد وقالولي انه ماقدر ادرس طب

[uae-ian]

بس ياخوي uae-ian انا اتصلت بالمعهد وقالولي انه ماقدر ادرس طب

اخـوي اعتقد قصدهم ما تقدر تخصص في المعهد تخصص الطب .. لانه حق البنات بس ..

[(مخاوي الذيب)]

انزين المعهد تابع لمجلس ابوظبي للتعليم
ام لوزارة التربية والتعليم ام للقوات المسلحة

[uae-ian]

المعهد مؤسسة تعليمية مستقلة بامر من سمو رئيس الدولة ، تتبع المجلس التنفيذي لإمارة ابوظبي .. وشهادتها معتمدة من وزارة التربيةو التعليم محليا و معتمدة ايضا خارجيا .. يعني بالعربي المعهد مؤسسة دولية حق مواطنين دولة الامارات .

[(مخاوي الذيب)]

الدراسة في الجامعة بشهادة المعهد
اتخرج فني ولا مهندس

[uae-ian]

ايوه تدخل الجامعة او كلية او الاكادمية اي مكان تحب تروحله بشهادة المعهد "الثانوية " الي معترفx فيها من كل الجهات التعليمية في الدولة و الخارج ..

: ) ..و تتخرج من الجامعة على حسب تخصصك ... موارد بشرية تتخرج كطالب من موارد بشرية ... تدخل الجامعة هندسة معمارية .. تتخرج مهندس معماري .. X

[a.student]

انزين اخواني انا بيكون تخصصي في اتصميم لازم يكون بس حق العماير والمباني

[(مخاوي الذيب)]

انا عندي سؤال
نظام الرواتب يكون بالبنك يعني يعطون الطالب
بطاقة أتمان مثل visaوmastercard