لا تحتارون وين تدخلون ادبي-علمي عندي الحل!!

[o0000o]

صباح الخيــــــــــــر ،،




احتارو البنات وين يدخلون علمي ولا ادبي وكل وحده دخلت القسم اللي تباه يا انها مع صديقاتها ولا تبي تفتك من الرياضيات والفيزيا واللي تبا تفتك من التاريخ والي تبا ......والي تبا.....



وفي هالوقت قامت وحده من بنات العلمي كتبت هالقصيده :



حسبي الله على من تسلط على المسلمين


ضعنا ونبي رايكم يالسامعين


سهرنا الليل ورحنا نقول دارسين


وقلوبنا من الاسئلة حافظين


حفظنا الذهب والفضة وجانا الخارصين


والفراغات مليناها كلهاتخمين


ورحنا للسؤال الثاني على بالنا فاهمين


معادلات مع الاوزان عز الله ضايعين


ماعرفنا من الرموز الا الماء والاكسجين


والا السؤال الثالث يامن يعين


مسالة مانعرف لها راس من رجلين


اكتبي الصيغة الوزنية ماحناعارفين


والقوانين والله يستر علىالقوانين


تكسرت الالة من الطقطقة مابقى الا زرين


والمصيبة مشرفتنا تصرخ يانايمين


من زود الوناسة شايفتنا قاعدين


سلمنا الاوراق مافيها صح الا اثنين


الاسم ورقم الفصل وعلى الباقي مشطبين


ياناس انصفونا من الظالمين


والا ترانا اخر السنه من الراسبين


واخرتها سلامتكم يالربع والسالمين


واذا مااشتكينا لكم نشتكي لمين ،،،


شافوها بنات الادبي فتبرعت وحده منهم وردت :


من قال لكم تدخلون علمي يالمجانين


هذي هي سوات ايديكم يالفالحين


اسهروا ليلكم مع نهاركم ياالشاطرين


وحنا بنشخر مع النايمين


وحفظ الادب والمكتبة ومواد الدين


على طول بنجاوب دامنا حافظين


قلنا لكم نيوتن وفيثاغورس ميتين


وجعلكم ماتصيرون بانفسكم فالحين


واخرتها الله يسلمكم يالسامعين


وان شاء الله نشوفكم مع الراسبين



تنرفزوا بنات العلمي وقالوا :


دايم عند الاداره يامخبل متهاوشين


تحطون راسكم براس العلمي يالمساكين


ترى لكم الكرف والبيت وغسل المواعين


اتركو عنكم الحقد مركزنا منتوب واصلين


حنا لنا العلم والمستقبل يالمساكين


واخرها الله لايسلمكم من البلاء يالمساكين


واخر السنه ان شاء الله نكون من الناجحين



وراحت وحدة بطالية جالسة فالبيت


لا شغل ولا مشغلة


لا دراسة ولا وظيفة محترمة


ردت عليهم وقالت:




لا علمي ولا أدبي أحسلنا جالسين فالبيت
نشرب بيبسي وناكل بسكويـــــــــــــــــــت


نلعب بالكيرم ونطالع التلفزيون
ندش النت ونتكلم فالتلفــــون


نقرأ المجلة والمكيف شغال
نطلع ندور وبدون نعـــــــــال


ننام النهار ونسهر بالليل
نروح البحر ونركب الخيـل ،،،
http://www.2sw2r.com/vb/images/smilies/18.gifhttp://www.2sw2r.com/vb/images/smilies/18.gifhttp://www.2sw2r.com/vb/images/smilies/18.gifhttp://www.2sw2r.com/vb/images/smilies/18.gif

[سيمو×سيمو]

ههههههههههههههه

يعني نجلس بالبيت

[o0000o]

ههههههههههههههه

يعني نجلس بالبيت



:thumb_yello:

[مناتيتو]

خخخخخخخخخخخخ حلوووة

[.طالبة>>علم.]

هههههههههههههههههههههه
حلوة ..
تسلمين ع الطرح اختيييييييييييييه..

[حمير راك]

×× ترى القصيدة روعة ××

×× تسلمين ع القصيدة ××

[ليــالي]

أحلى شي الصــــرااااحة :(39):

[عونك يآ وطنْ!]

-_- "
ما هذـآ ..
وانا شادة حيليَ .. قلت آخيرا بحصل الحل فهالحيرة اللي صايبتنيْ ..

شوكرـآ .. _*

[مجتهدةعلى غير العادة]

مشكورة على القصيدة
بس ما بنفع نيلس و نقابل اربع طوف

[بنت السلامات]

مشكوووره خيتوو

جذبني العنواان بس طلعت قصيده..ونستيناا

[زعيـم الإمارات]

انا انشاء الله بدخل علمي وقررت .. لأني دحيح ومجاهد (هههه ) في الرياضيات والفيزياء ومعدلي الفصل الثاني 96 والثالث عالصف

[مزيوؤونة ^^]

بس اقول لكم لا يلسون في البيت الي تبا مستقبلها تتوكل على الله والي ما تبا مستقبلها برايها
على فكرة الي ما تباا مستقبلها احس ان مالها معنى بالحياة
ما عليه توكلوا على الله وادخلوا القسم الي تبونه وان شاء الله الله بيوفق الجميع:(43):

[الشقاع99]

على فكرة غلط انك تكتبين عنوان
وتحطين موضوع ثاني
بس بصراحة القصيدة كانت حلوة

[ماريا سام]

جذبني العنواان بس طلعت قصيده.
انا بصف عاشر ومحتارة بين الادبي والعلمي بس يمكن ادخل علمي لاني ما احب الحفظ وبعد ما احب ادرس ليل ونهار واحب المشاكسة ..
مشكوررررة على الموضوع