ابا ادش المعهد اشرايكم فيه

[ام سعييد]

بلييز ساعدوني خبروني كيف هالمعهد:(14): انا ابا ادخلة السنة الياية :(48):و اي حد يعرف شي عنه يتكلم بليييييييز:(28): ضروري

مع تحياتي و اتريا ردودكم

[حمّود]

معهد التكنولوجيا التطبيقية مؤسسة تعليمية راقية.

الدراسة في المعهد يعتمد ع الطالب نفسه، يعني ممكن تكون سهلة و ممكن صعبة.
أنا أجوف الدراسة الحمدلله سهلة و كل شي ماشي تمام =) في البداية يمكن يكون عندج نوع من عدم الفهم
لكن عقب صدقيني بترتاحين للمعهد لكن أهم شي إنج ما تحطين فكرة الإنسحاب من المعهد

فقط بمجرد وجود هذي الفكرة في بالج بيأثر في مستواج ،
دايماً قولي في فبالج أنا دخلت المعهد عشان أحقق طموحي و مستقبلي.
لا تخلين مجال أبداً للإنسحاب من المعهد في بالج.



الدوام طويل لكن أجوفه عادي الحين
لن عندنا بريكين شوي طوال يعني مب مثل المدارس الحكومية < حتى ما نلحق نشتري و يدق الجرس
لكن هني في المعهد عندج وقت واااايد و كافي إنج تشترين و تاكلين و تسوين لي تبينه بعد.


الدراسة بيكون بالإنجليزي ( طبعاً العربي و الدين بالعربي بتدرسونهم )
* الدراسة بتصير سهلة و سلسة لو رجعتي البيت و ذاكرتي اللي خذتوه اليوم في الحصص

أنا دخلت المعهد و مرتاح الحمدلله
نتمنى نجوفج معانا في المعهد =)

[حمّود]

نسيت أقولج في كثير من الإشاعات ظهرت على المعهد
لكن أرد و أقول : الكلام غلط في غلط!! هذي بعض الإشاعات اللي ظهرت.

* شهادة المعهد مب معترف فيها!!
بالعكس شهادة المعهد مثل أي شهادة ثانوية معترف فيها عالمياً تقدرين تدخلين أرقى الجامعات
سواء خارج أو داخل دولة الإمارات ، مثل الجامعة الإمريكية و جامعة خليفة ،،،، الخ



=)

[ו«№тЏ ğîяŀ»•×]

والله زين من بكره الصبح ان شاء الله أسجل

[صالح96]

بس متى يخلص التسجيل شهر كم ومتى نسجل

[+*DEXTER*+]

المعهد يحتااج تنظيم وقت ، هذا كل شي باختصار
~

:(6):

[فزعة الامارات]

ومركز التعليم والتاهيل المهني نفس الشي
انا صف تاسع ادش المعهد التطبيقي ولا مركز التعليم

[فزعة الامارات]

ولا اكمل ثانوية

[الشامسي01]

اقول انا اشوف المعهد بايخ وتافه وانا درست فيه سنتين وما استفدت شي ابدا ابدا ابدا ورسبوني عشان ماده وحده المدرسين مايساعدون اصلا المعد اول كان اوكي بس في تجربتي عفسونا وخبصونا من تحت لفووق دوام بايخ وممل وعاد اونهم راتب يخصمون منه على كيفهم واحيانا يزيدون الدوام على كيفهم يخلونه للساعه 4 ترد البيت ميت ونظامهم دوااااااااااام باااااااااااااايخ اربع حصه ساعتين الجدول مرات اربع حصص فاليووم ويوم شي اجازات مايعطوون اجازات ممممم والمواد لازم تكون بلبل في الانجليزي لازم تصير ولد بريطانيه عشان تنجح الدين والعربي حصه وحده فالاسبوع ومسوين هذا مال سند يكرفوونك فيه اونه ساعات عمل المهم يوم بغيت اظهر من المعهد قالوو رجع كل الملابس ودفعوني عليهم ورجع كل الكتب ولابتوب ماطاعو يشلوونه وكان مافيه اي شي دفعوني سعره الكامل هذا معهد العين المدرسين فيه كلهم ماينفعوون وبصراحه انا اشوف الرسووب بسبت المدرسين

[الشامسي01]

وعلى فكره نسبه فالسبعين شهادة معهد دور مستقبلك في الزباله

[Mr-WLa3h]

ههههههههههههه

بالعكـس حبوب ههههههههههه


الشامسي اظن قالو لك شد حيلك , انا اذكر لو رسبت ف ماده يكلمونك اول مره ولو رسبت مرره ثانيه ف نفـس المـآدهـ يطلعونكْـ~

~ نعيب زمانـنـآ والعيـب فـيـنـآ ومـآلزمـآننآ عيــب سـوآنـآ~

[sweet_t]

انا ربيعتي بتدخل في ها المعهد يعني انصحها انها ما تروحه بس هي مصرة تقول انه دراسته اوكي وجي يعني فابيكم توضحولي ايجابيات وسلبيات ها المعهد عشان افهمها<<يوييييييد العربي سلبيات وايجابيات^^

[Bint^Al-IAT]

السلام عليكم ورحمة الله وبركاته...

انتا تشوووف المعهد بايخ وتافه ... وانا اشوووف المعهد فرصه ما تتعوووض... واكبر دليل على كلامي هالاقبال الكبيييير عليييه... ولو بايخ جان الدول الثانيه نفس كوريا ما رضوا ياخذووون الطالبات والطالبيييين... فشنو راييك احينه بالبايخ والتافه؟؟؟
واذ انتا درست فيه سنتين... انا حتى سنه ما كملت... وكيييف احييينه مستفيده منه... يعني قبل في المولات كانوا يرمسوني... وكله نعم لاني كنت شبه طمه في الانجليزي... احينه حمدلله افهم وارف كيف ارد بعد على غيري... وصرت احييينه انافس اخوي في المدارس الخاصه وانا حكومي وبس هالسنه في المعهد...
وعلى سالفة الترسيييب... السموحة يعني... بس هذا ما يدل إلا على اهمالك وعدم تنظيييمك للوقت... يعني لو غيرك ينجح وانا ترسب؟؟؟
وبالنسبه للمعلمين... اذ انتا مشاغب مهمل... كيييف تبغيييهم يساعدونك... إذ اصلا انتا مش معطي عمرك فرصه؟؟؟
لو مهتم... جان ما كلن بايخ وممل... بس اللي من البدايه ما يبغي... ما بيعطي شي؟؟؟
والراتب... يعني شو تبغي يشووون للمشاغبييين... يحعطوهنم حلاوه... ويقولون شطااار على المشاغبه... وابيكم تكررونها؟؟؟ وعاااد الانذارات والتعهدات ما تنفع بس الراتب ينفع... والحمدلله راتبي ولا احلى منه... لاني ما اسوي شي خللللللط....
وللدوااااام.... على حسب علمي... هذا لمصلحة الطالب... اذ هو مش عايبنك... خلااااص امتحن وفي الامتحان اكتب في الورقه... ما اعرف الجواب لاني ما حضرت التاخييير الللي هو اصلا لصالحي... بس جي مزااااج... وميت وما ميت... ترااااك مب بس انتي اللي متلعوووز فيها... غيرك بعد... بس يعني ليييش هم صابرين وانتا لا؟؟؟
وبالنسبه للجدووول... الحصتييين ساعه ونص... وان شااااء كم تبغي نص ساعه الحصه؟؟؟
والاجازاااات... لان بعض النااااس يبالغووون... اذ هم نص السنه اجازه وبعد يبغوووون اجازه... لييييش ما يقعدووون في البيييت ارحم...
والموااااد... ما يخصه... اذ الييين احييينه البعض يرمسووون عربي فلازم يشددون... ولا يخصه بن البريطانيه ولا ما ادري ويييش!!!!
وماااال سند... مب لهذي الدرجه صعبه وخاااصة احيينه سهلوووووه...
وللظهره من المعهد... انا وياهم... يعني الدوله تنفق ملاييين على الطلاب وآآآآآخر شي ما شي فاااايده....

[weld al-3ry]

اذا كنتي اوكي فل انجليزي ادخليه اذا لا لا تدخلينه ولا حتى تفكرين انج تدخلينه

[Bint^Al-IAT]

ولاااااااااااا يخصه.... اذ شدت حيلها وتعلمت فما بتوااااااجه صعوووووبه.... واكبر دليل حنا من الحكومية والانجليزي ما شي وااايد فايده... بس الحمدلله مشينا عمارنا

[weld al-3ry]

صح بس بعد يبالها انجليجي انا في البدايه كنت ما اعرف انجليزي و كانو عندنا اجانب و افهملهم لين ما يابو هنديهعلى الاقل شويه انجليزي

[nice man]

والله انتو وردودكم حيرتوني
حشى ما يسوى علي
انا عن نفسي بصلي استخارة وبتوكل على ربي

[Bint^Al-IAT]

سجلواااااا واذ ما عيبكم لا تكملوااااااا.... محد يرووووم يغصبكم على شي ما تبوووونه

واحسن شي هو صلوا استخاااارة وتوكلوا على الله

وبالنسببببه للانجليييييزي... بتتطوووور باذن الله وما بتواااجه صعووبه

[الهايم8]

هع والله انه رد كامل مكمل الكامل الله سبحانه والله العظيم حلو وصح هو الأساس الدراسة والاجتهاد ... الحمد لله نسبتي فوق 94 ... وعادي والدراسه أشوفها مسليه ومرحيه وبالعكس يعجبني ادرس واتمنى انجح فـ امتحان القبول و اطلع من مدارس الحكومه ... على الأقل بنروووح تطور ما يهمني الجهد خلاص إذا في مستقبل ووظيفه ليش ابخل نفسي بدراسه ! أدرس من أجل مستبلي...

[ME [=]

السلام عليكم ..

اخباركم ...

حبيت اسال :

* كل شهر كم تقريبا يعطونا احنا البنات

* لطالبات بوظبي : وين بتكون دراستنا يعني وين بيكون موقع المعهد لان في احد قال انه بيكون فجامعة زايد و اللي قال منفصلو ماله خص

فحبييت استفسر ...
بلييز ردو عللا انا قدمت اوراقي بس مترددة ...

[تكــْنّوؤلوجٌيْ]

وعليج السللآم
الحمد لله يخيير
يقع فرع أبو ظبي في قلب مدينة أبو ظبي على مقربة من كليات التقنية العليا.
بس مب متإكد من مكانهه بالضبط $
اماا عن الراتب بيكوون من500 الى 750 درهم شهريا و بينخصم منهه
عسب الملابس و اللآب
بالتوفيج (*ـ^)

[أميرة القران]

هههههههههــأي .. أخووي معلومة واصححها يمكن يكون الغلط منك .. عيل ليش الناس والخلق حاطين دوبهم دوبك .. وليش فاتحين المدرسة عسب نتعلم وبعدين هذا جزاهم ايون من برع وتاركين اهلهم ويايين يعلمونا وانت جيه اتقول احمد ربك على هذي النعمة في ناس تتمنى تمسك كتاب ولا قرأن وحمد الله على كل حاال .. بس انا عني وعن نفسي انشالله راح ادخله وما علي من أي حد وعني انا اجوف انه مستقبلي كله هناكك راح يكون .. ولو سمحت لا تحطم معنوياتي واي حد غيري وبعدين المشكله مب بالفلووس اوكييه يعني ليش انا داخله عشان الفلوس ولا المعاش اهم شيئ اكون متمكنه عدل فالانجليزي ولا تقول انك ابداً ما استفدت شيئ لأنه مستحييل واحد فاهم عاقل ما دخلت ولا معلومة فباله الا هذا الولد يلي داخل مهزله ولعبان ولا تفكيرك ابد مب فالدراسه وبعدين شوه نسبة سبعين يعني من زود الشطارة عااد ..

[راشد المطروشي]

~~لو سمحت لاتحطم معنويات الناس لان الدولة مابسوووووووووووووي شي بليه فاااااااااااايده ااااكيد هو لهدف معين واصلا اللي يطلعووووووووووون اشاعات الله يسامحهم واللي يبا يستفسر من شي يدق على المعهد نفسه لان انشاء الله بدش وامتحاني 14-5 يعني اللي يبا يسجل يسجل من الحين لان مااااااااااااشي وووووووقت وبعدين الي ميح فالانجليزي بيستووووووي بلبل بس لازم يشد حيله مو مني والدرب يباااا ينج ويبا المعلومه تو صله لازم يشد حيله عشااااااااااااااااااااان يأمن مستقبله واااااااااااااااااقولكم الله يخليكم لاصدقون الاشااااااااعات وسجل الحين لان وااااااااااااااايد حلو دراسته مطوووووووووووره

[أميرة القران]

السلام عليكم

حبيت أسألكم عن معلومة سمعتها فـ ما عرف انها صح ولا غلط والي تعرف عنها شيئ تقولي
يقولون انه المعهد مختلط والبريك مختلط يعني كلنا فساحة وحده ..؟ ماعرف
ومعلومة ثانية : انه باب المدخل مال المعهد بنات وأولاد يدخلون منه ..؟

[ريم الزعابي]

ع حسب علمي كلمت اخوي الي بالمعهد قال مب مختلط بس في نفس المبنى والي يفصل بين البنات و الاولاد يدار

[jealous]

انا من ابوظبي و الصراحه حبيت ادش المعهد عشآن إني احب الأنجلش و هاذا شيء مهم وآآيد يوم تبا تدش المعهد , طبعاً
كلنآآ عارفيــــن إن الآمتحآآنات يــووم السبت الياي فإذا تبين نماذج عن الإمتحاآآنات هاي روحي الموقع مآلهم و بتحصلينه مناك .
و ما في داعي عـ التوتر و الخوف ثقي بقدرآتج :(4): إنج تقدرين تتفوقين في المعهد و تتخرجين إن شاء الله .

[مس دح دح]

المعهد هب حلوووووووووووووووووووووو
انصصصصحج ادارتنا نحن البناات خاااااايسه اقوى شششي
انصصصحج انج ماتحدرييين امرره

[مس دح دح]

والحييييين يبنووون مبنى حق البناات في مكان ثااني بعييد عن الاولااد

[مس دح دح]

لا فدييييتج البناات باب برووووحهم والاولاد باب برووووحهم

وكل وااحد في مبنى
واناا في المعهد امررره ماشوووف اولاد اله يوم بنطلع ع الباصاات انشوفهم عند الدكان ولا الكفتيريا

[BandiT]

الي يباا مصلحته ما تهمه العواقب تبين الصراحه المعهد وايد متميز عن غيره بس يبيله اتشدين حيلج و تكرفين شوي و تتمسكين بالقوانين وخلاص انشاءالله ربي بيوفقج.

[ME [=]

الصراحة حطمتو معنوياتي .. ما بدش المعهد و بسحب اوراقي ..

[-Ashley-]

لالالالا

خلج فييه ولا اتسحبيييين اوراقث

ترى وااايد زييييين و على حسب الشخص

إذا انتي واثقة من عمرج
إن شاء الله موفقه

و إذا لا
فهاذا يضرج

ما عليج من السلبيااات

ترى لازم تتعبين عشان اتكونين ناجحه

مب كل شي اي بسهل

و يدوون دفعات برع و المدآإأرس الثانيه مب كلهن و على حسب النسبه لازم عاليه وآإأيد

تمي في المعهد ولا اتفكري اتسحبين أوراقج خلاص ما بقى شي وبنبدا ^^