بردوو قلبي ياجماعه

[والله ميت قهر]

السلام عليكم ورحمه الله و بركاته

كيف حالكم ياجماعه.؟

ارجو انكم تكونو بكاامل الصحه و العافيه

المهم بدخل في الموضوع

من يوم الاربعاء اداره مدرستي سوت تفتيش مفاجئ للتلفونات

و انا شخص دائما احمل هاتفي الخلوي للضروره خصوصا اني عندي

الاام في الاسنان و عندي حساسيه بجلدي

يعني في اي لحظه ممكن اطرر اني اتصل على اهلي عشان يتواصلو مع الاخصائي او الاداره

و اذا بتقولولي ان تقدر تتواصل وياهم عن طريق الاداره

انا اكثر من مره " ذليت " نفسي ذل عشان ادخل مبنى الاداره

حاطين حارس و سيكورتي عشان الطلاب ما يدخلو الاداره

يقولنا" ممنوع منع باتا دخول الطلاب الى مبنى الاداره

خصوصا لو يريد مقابله المديره

يعني غريبه لازم ما يكون بين الطلاب و المديره حاجب ولا حراس

المديره لازم تكون نفس الام للمدرسه كامله

لكن وش نقول ؟؟ لمن نصرخ و لمن نشتكي

المهم نرجع لموضوعنا

يوم انهم سوو تفتيش قلنا المدرسه و من حقهم

لكن على ما اعتقد ان لازم يحسبون تلفونات الشباب الي يستخدمو تلفوناتهم لحظه الحصص

لكني والله مسكره ( مغلق ) و حاطه في الشطنه

و جا الاخصائي و فتح شنطتي و فتش و حصل التلفون

يوم حبيت اتكلم وياه بالطيب و بطريقه حلوه

قام يصارخ و يرفع صوته يقولي " اطلع قبل لا اضربك "

ماتوقعت ان الوزاره ممكن في يوم تسكت عن موضوع الضرب

انا رايح لجل اتعلم علم موب اتعلم الضرب

اشتكيت و حاولت اوصل لمكتب المديره لكني تفاجئت ان في حراس واقفين عند بابها

والله يعلم الله اني ما اكذب عليكم

اثناء التفتيش في شباب يستخدمون تلفوناتهم و الاخصائي شافهم و ما تكلم معاهم ولا حتى شال التلفون منهم

والله انقهرت من المنظرر

يشل تلفونات ناس و يمشي ناس

والي يقهر يقول انا بكيفي اشل الي اشيله

و في واحد من الشباب جايب وياه " اي باات " و يستخدمه بطريقه وااااضحه

و سكت عنه

الى متىىىى ؟؟

الى متىى هالظلم يا وزاره التربيه و التعليم

الى متى يا منطقه ابوظبي التعليميه

الى متى ارجوو انكم تردو علي و تبردو

" قلبي "

صارلي 4 ايام احااول و افكر اقول لمنو و اسوي شو ؟

لكني مالقيت

دخيلكم يا المسؤولين لا تردووني

ارجووووووووكم تزورو مدرستنا

والله ناقصنا الاهتمام

ناقصنا التواصل مع المديره بدون حاجب

ناقصنا وااااايد اشياء

لييييييييتكم تهتموو

لييييييتكم تردو علي

ارجوووكم ردو علي

[فتاة الابداع]

اولا انت اي مدرسة وانا بحاول احل الموضوع ،،،بس لا تسأل شجايل انزيييين!!

ثانيا على ما اعتقد ان ممنوع انييييب موبايلات في المدرسة !!!!

ثالثا يوم تستويلك الحساسية ومادري شنو على طول سير العيادة إلي في المدرسة ،،،

بس لاتقول ان ما عدكم عيادة !!!

اتمنى تعجبك اقتراحاتي ولا تنسى عطني اسم المدرسة وانا بحاول بس مب اكيد بس بحاول احل الموضوع ،،،

تقبل مروري =)فتاة الابداع

[الغــ كله ـلا]

الله يكون في عونك يا اخوي

[سمو المحبه]

انا ماعندي رد والسموحه

صح كلامك ممنوع الضرب بتتا

[Aaa+]

اخوى لازم تلفون انت مريض

[غلويه المهو]

سالفه مهمة يجب التواصل مع الوزير شنو هذا الظلم استغفر الله

[غلويه المهو]

شونو هذا الظلم

[محمدنبيل العمري]

الله يعينك على كل اللي بصير والله هاذة مو تعليم

[مدمــنة علــ بحـرــي]

انت لازم ما تسكت عن حقك سير واشرح وضعك واذا ماسمحوا لك تاخذ الفون خذه بالغصب او سير خبر الاهل ,,~

[N O O R - Q A N S O]

وعليكم السلام ورحمة الله وبركاته

::

أول شي بكلمك شوي فصحى وشوي عامي

نحنا حالنا من حالك أخي الكريم دام انت بخير نحنا بخير

هدّي شوي واتعوذ من ابليس واشرب ماي واتنفس شوي

مافي داعي أخوي انك تعصب واتزعل عمرك وتضايق وتتمنى الموت أو أي شيء آخر عشان موضوع مثل هذا .. عيل كيف باجر يوم تسير جامعة ولا في المستقبل والحياة العملية الحقيقية والمصايب والشغل والأهل والالتزامات لازم تعود نفسك على التعامل بشكل صحيح أخي الكريم .. وبعدين ترا الدنيا ما تستاهل تزعل عشانها ولا تضايق عمرك على كل شي يحصل فيها والله سبحانه ما قدّر وسوا لنا شي إلا عشان سبب وكل تقدير الله هو خير لنا ان كان في نظرنا هذا الشيء خير أم شر لكن نحنا بشر دوم نحب تكون الحياة تمشي على حسب مزاجنا وتطلّعنا ورأينا وشورنا لكن صدقني وأنا أخوك الله ما خلقنا وحطنا في هالدنيا إلا عشان نمر في مثل هالمواقف ويختبرنا ونصبر مرة واثنين وثلاث ومليون

ثاني شيء طهور طهور طهور وما عليك بأس ان شاء الله وأسأل الشافي المعافي انه يشفيك من مرضك الذي ابتلاك فيه

وبعدين يالغالي الله سبحانه ما يبتلي إلا الإنسان اللي يحبه عشان ينقيه من الذنوب فحظك ربك يحبك شو تبي بعد .. لأن الإنسان بطبعه يخطئ والله سبحانه قال [ لولا أنكم تذنبون لخلق الله قوما يذنبون فيغفر لهم ] المعنى هنا ليس ان الواحد يذنب لكن المعنى ان الله يحب الانسان الذي يصبر على ما ابتلاه الله عليه فيغفر له ويفرح الله عندما يرى هذا الشيء من عبده

وموضوعك بسيط وسهل حلّه ومافي شيء إلا وله حل بهالدنيا أخي الكريم

في البداية أنا ما فهمت صراحة نظام مدرستكم يعني مديرة ولا مدير أو مهما كان المهم أنه في شخص أحيان يضطر لأن يحصل على علاج ولازم يتواصل بواسطة وسيلة اتصال مع الجهة الصحية وهذا الشخص هو إنت عافاك الله من كل داء بإذن الله

ولا بأس أخي الكريم ربما والدك مشغول في أمور أخرى ادعيله علّ الله يعينه وادعي لله بأن يجعل والدك مهتم بك أكثر وكل شيء بيد الله .. وبكون صريح وياك نحنا كمراهقين دوم نفكر بهالطريقة وان الأهل ما يهتمون فينا لكن صدقني بتشعر بشعور والدك يوم بتكون مكانه وموقفه ويوم تشوف هالدنيا وتختبرها واتجربها واتجرب أهلها وناسها

أما عن الموضوع فهو بسيط ان شاء الله أخوي برأي كحل مبدئي :

أولا أتمنى تخبرني أنت أي صف ؟ وأعتقد مدرستك تابعة لجهة أبوظبي التعليمية وهذا شيء جميل

أولا حاول تطلب إذن بحيث ترى المديرة أو مسؤول من الإدارة تذهب الصباح مثلا بعد طابور المدرسة تتوجه إلى الإدارة فورا وتطلب إذن من الحارس الواقف بكل احترام وحب أي شيء أخي الكريم يطلب ويسعى إليه باحترام وصدق ومحبة يأتي ولو أن هذه أمور صعبة على الكثيرين تطبيقها ! .. فسلم على الحارس في البداية وابتسم له وخبره تبغي اذن تشوف حد مسؤول من الإدارة مهما رد عليك أخوي خليك طيب وياه وقول له ان شاء الله ومن هالكلام الطيب اكسب احترامه وثقته وأكيد ان شاء الله بتستطيع انك تدخل على واحد من الإدارة

أول ما تدخل سلم بعد عليه وبين موقفك أخي بكل هدوء ولو تقدر تجيب من الصحة المدرسية أو المكان الذي تتعالج فيه ورقة تثبت انك مريض تقدمها وخبرهم السالفة بهداوة وقول لهم أنا أحضر تليفوني وياي كل مرة فأنا أطلب الإذن إني أخليه مثلا عندكم كل يوم أييبه الصباح خلوه عندكم ويوم أبي أتصل في أحد بيي عندكم وكلمهم حول هذا الكلام

وشوف انت بما يرد عليك المسؤول وان شاء الله خير وبيوافق وما عليك من اللي يحملون موبايلات أو أي شيء ممنوه داخل المدرسة صدقني لو بنشتغل في عيوب الناس والله ما بنخلص وبتزيد سيئاتنا .. فالأحسن لو كل واحد اشتغل في عيوبه وراقب عمره بيصلح المجتمع شوي شوي فليش ما نشغل أنفسنا بعيوبنا وحاول انك انت نفسك تلتزم بكل شيء وبتحصل هذا الشيء ينعكس بشكل إيجابي أولا لك ونظرة الإدارة لك والمعلمين والطلاب وثاني شيء شوي شوي ومع مرور الوقت بتكون قدوة لغيرك من الطلاب

هذا حل مبدئي لموضوعك وأنا دائما بدخل هالموضوع وبشوف شو ردك اذا طبقت الذي قلت لك عليه ولا لأ وماذا حصل معك ولا تيأس وحاول في حلول أخرى لكن خلينا الحين في هذا الحل ولا تقول صدقني ماحد بيرد ومن هالكلام فِر هالكلام برا راسك وارميه وسير لهم بكل احترام ومحبة واطرح مشكلتك

وبعدين ماحد يقدر يتخذ أي اجراء بحقك دام انك ملتزم أو يضربك أو يسوي أي شي دام إنك أخذن اذن الإدارة وملتزم باللي اتفقتوا عليه .. وموضوع الضرب خلك منه لأن ماحد يقدر واذا مسؤول مد يده عليك تذهب للجهة المختصة مثل المنطقة التعليمية ولا الوزارة واتخبرهم ان في شخص مسؤول تعليمي تعرض لك

وادعي ان ربك ييسر ويقدّر اللي فيه الخير

ونحنا بندعيلك بعد

أتريا ردك والذي حصل معك والله يوفقك

::

بالتوفيق

:s60:

[صاحبة الذوق العالي]

بعطيك اقتراح أن شاع الله يعجبك

1- قابل المدير وكلمة عن الموضوع .
2- ماعليك من حد وقف في طريق كل من يعترض عليك .
3- والله يكون في عونك أخوي .


تقبل مروري

[والله ميت قهر]

اااااااااااااااه ياجماعه

المدرسه اسسمها مدررسه المعااالي

و من ناحيه العياده يا نااس واااااااااااالله ان العياده مافيها مطهر للجروح كيف يكون فيها ادويه للحساسيه ؟؟

كيييييييييييييييييييييف ؟؟

و اخوي المشرف العاام الله يعافيك حبوب

و ماعليك انا تواااااصلت مع راعي المدرسه شخصيا و شرحت له موضوعي

ف امر انه يرجعوه لي

بس في طلااب بعدهم ما استرجعوو تلفوناتهم

يااااااااليت ياااااااااااااليت الي يقدر يووصل الساالفه لمعالي الوزير يووووووصله

لن حراااااااااام كل هذ يستوي فييينا و مالنا صوت يوصله

[مصطفى م م ك ك]

معافى انشاء الله خوي

راجع مدير المنطقة التعلينية انت وولي أمرك واشرحله الموضوع وستجد الحل عنده

وبالنسبة للمرض لابد من المتابعة والرعاية مع استشاري مختص في المستشفى

والله ولي التوفيق

[عبدالله سالم 110]

ادخل مقر الادارة في المدرسة (( طبعا لازم يكون معاك ولي امر عشان تدخل الادارة )) (( واسطة )) خخخخ

وادخل للمدير واشرح له مشكلتك مع المدير والاخصائي

بتحل مشكلتك ان شاء الله :)

[roro1998]

الله يعيينك

[سوبر اماراتية]

الله يكون بعونك وحاول انك تخليهم يرجعوا الفون حقك تم زن عليهم لييييين ما يملون شو بتسوي بعد.

[طالبة مطالبة]

ألله يعينك ..

[عيناوية بامتياز]

يا حللليلك اخوي


حتى ننحنا ضللللم مب انتو بس احنا كللل ششي ممنوووع حتى الوقاية المنقوشة ممنعوة بيكلونا حتى الغترة لون مححدد


بس ما آدري ششو آقول صراحة الله يعونك ويعونا

[SlayTallica]

انا كانت تستوي وياي هل مواقف.. فـ بكل بساطه شلت اغراضي و دخلت مدرسه منازل هههههههههه

بس لا تاخذون كلامي و تتدخلون منازل تراها عذاب..


الله يكون بالعون

[مذكراتي]

اخوي انته ليش ما خليت اهلك يرمسوون الادااره عسب يعرفوون بظروفك
وبعد مو من حق الادااره تاخذ الفوون لازم يعرفوون شنو مستوي وشنو صاااير
والضرب بصرااحه مو من حقهم ظلم صج يعني والله الضرب ما يفييد

[ساير الليل]

<CENTER>وعليكم السلام ورحمة الله وبركاته




تواصل مع وزارة التربية والتعليم


عن طريق هذه المعلومات







<O:p</O:p




هاتف 042612299


فاكس 042611770<O:p</O:p


<O:p</O:p





كما يمكنك إرسال رسالتك عبر البريد الإلكتروني<O:p</O:p



<O:p</O:p






tawasulXmoe.gov.ae

حط الرمز بدال × [ شيفت + 2 ]



</CENTER>

[إماراتي افتديها]

أخوي و الله أنه مدرستنا ما تختلف عن مدرستكم
و الله يكون في العون

[بنتIAT]

نفس حالتنا كل الي في العياده بندول اذا فينا اي شي يعطونا بندول اذا في بنت طاحت من ع الدري تاكل بندول افففف حشا وسالفه الفون نحن نظطر ناخذه لانه مستحيل يخلونا اندق ع اهلنا اونه يقولون انتو مافيكم شي خذو بندول وسيرو حصصكم نعم شو ها كرهنا المدرسه والسبه قوانينهم الخايسه
والله يعينك ويعيننا ونلاقي حل

[إماراتي افتديها]

مرة في وحدة اللله يذكرها بالخير كان عندها ربو طاحت علينا لمن شلناها و خذناها للعيادة قالو لنا هذي تمثل البنت بتموت وهم يقولون أنها تمثل

[ضوء القلب]

اول اهنا في المدرسة ممنوع الهاتف و اذا كنتي مريضة اتصلي من تلفون المدرسة واطلبي امك

[الله أكبر الله أكبر]

أخوي الله يكون في عونك بس ممكن تقول لنا اسم المدرسه في أي إماره ؟؟:(52):