المساعد الشخصي الرقمي

مشاهدة النسخة كاملة : لو سمحتوا ردوا علي وطمنوني



..همسة..
21-01-2011, 06:06 PM
السلام عليكم ورحمة الله وبركاته


لو سمحتو بسألكم سؤالين لأهل الطب في جامعة الامارات:

* كم عدد الطلاب والطالبات اللي يقبلونهم كل عام؟؟؟

* وكم أقل نسبة العام الماضي للطب ؟

* وهل في راتب أثناء السبع سنوات اللي ندرسهن في كلية الطب؟؟

par
25-01-2011, 01:09 PM
هلا اختي
ممم بصراحة انا ماعرف عن طب جامعة الامارات بس ممكن تدشين منتدى طلبة جامعة الامارت قسم الطب و تجوفين هناك ، و اللي اعرفه ان و لا كلية طب تعطي رواتب للطلبة خلال سنوات الدراسة
بس لو عندج اي استفسار عن الطب فجامعة الشارقة انا موجودة ،، و السموحة ع القصور

..همسة..
31-01-2011, 05:32 PM
مششكورة أختي
بس أبا إجابات أكيد

par
01-02-2011, 01:34 PM
العفو اختي

خالد بن الوليد
18-03-2011, 03:58 PM
صراحة ما بعرف بس بدي أسأل كم النسبة للصيدلة او الطب في الجامعات في الإمارات؟

البلوشي عز
17-01-2012, 07:20 PM
السلام عليكم ورحمة الله وبركاته

اتمنى اجابتي ما تكون متأخره

بس اضن تقدرين تعتبرينها إجابات اكيده 100 % ^^

السلام عليكم ورحمة الله وبركاته
وعليكم السلام ورحمة الله وبركاته

لو سمحتو بسألكم سؤالين لأهل الطب في جامعة الامارات:

تفظلي ^^
* كم عدد الطلاب والطالبات اللي يقبلونهم كل عام؟؟؟
ما في عدد معين الصراحه بس هالسنه المقبولين فالكليه كانوا 90 بنت تقريبا و 45 ولد واللي تمو 70 بنت و 29 ولد لين الحين

* وكم أقل نسبة العام الماضي للطب ؟

بالنسبه للعام اللي طاف خذو للبنات اللي فوق 90 % والشباب فوق 85% لان في فرق كبير بالعدد نفس ما قلت قبل شوي ^^
* وهل في راتب أثناء السبع سنوات اللي ندرسهن في كلية الطب؟؟
بالنسبه للراتب الكليه نفسها ما تعطي راتب وافظل مكان تستلمين منه الراتب الصراحه هو مجلس ابوظبي للتعليم لان عقب ما تخلصين تكون لج الحريه التامه انج تشتغلين وين ما تبين فالدوله بس هذي المنحه لهل العين وبوظبي والغربيه اما بالنسبه للبقيه ما اعرف اذا يقبلونهم ولا لا والراتب يكون 6250 درهم ويبون المعدل ما ينزل عن 78% ابدا ولو تبين تعرفين تفاصيل اكثر تفظلي وأسألي وانا موجود

وانا ومسوي موضوع عن الكليه يديد لو تبين تشوفينه وتسأليني هناك اشوف انه بيكون احسن عشان تعم الفايده ^^

وانا قلت انها اكيده لاني انا ادرس حاليا سنه اولى في كليه الطب وترا النظام تبدل صار في نظام يديد يعني مب نفس اول ^^

البلوشي عز
17-01-2012, 07:23 PM
اضن اني ما انتبهت للتاريخ عدل اكيد انتي الحين ويانا فالكليه ان شاء الله ^^

عالعموم بالتوفيج وين ما كنتي