المساعد الشخصي الرقمي

مشاهدة النسخة كاملة : استفسار عن المعهد , =)


S.S.R.A.A
14-01-2011, 03:55 PM
آلسلآإم عليكم و الرحمه

احبيت اسأل اسأله و ياريت الاجابه تكون بالتفصيل ^^

انا في الصف التاسع , افكر السنه اليايه ادخل المعهد فــبكون في الصف العاشر .
للعلم نسبتي في هالفصل كانت 91 % و انا ودي بعد التخرج ادرس طب

الكل يعرف انه الطب يباله 7 سنوات

فيقولون انه في الجدول تكون في حصه للطب فبعد ما اتخرج من المعهد و ادخل الجامعه ادرس اقل من 7 سنوات ؟


المعهد ينظم بعثات للخارج بعدالتخرج من الثانوية ؟



اذا طلعت من المعهد فرضاً [ ثاني او ثالث ثانوي ] , اعيد الدراسه من صف عاشر في المدارس الثانيه ؟


اقدر ادخل المعهد في صف ثاني ثانوي ؟


الدرآسه كيف ؟ صعبة او سهله ؟


يقولون العلوم و الرياضيات بالانجليزي , هل الشرح في الحصه يكون عربي او انجليزي ؟


الهيئة التدريسية للبنات تكون [ معلمين او معلمات ] و [ اجانب او عرب ] ؟


فتحوا في ابوظبي فرع للبنات , وين موقعه ؟



سوري وآيد سألت بس خايفـة لانه التسجيل الشهر الياي




شآإكره لكم (f)
al hadarah
21-01-2011, 11:40 PM
يقولون انه في الجدول تكون في حصه للطب فبعد ما اتخرج من المعهد و ادخل الجامعه ادرس اقل من 7 سنوات ؟
>> هو في تخصص تمريض بس انتي مب من صف عاشر بتتخصصين ،، و بالنسبه لعدد السنوات ما اعرف الصراحه بس يفضل انج تنتضرين رد حد من طالبات التمريض إلي بالمعهد لأني بعدي ما تخصصت.

المعهد ينظم بعثات للخارج بعدالتخرج من الثانوية ؟
>> نعم ينضم و لكن بشرط ان النسبه تتجاوز ال85 و فوق ( على حسب ظني)


اذا طلعت من المعهد فرضاً [ ثاني او ثالث ثانوي ] , اعيد الدراسه من صف عاشر في المدارس الثانيه ؟
>> لا طبعا ، عادي ترومين تكملين الدراسه برا المعهد و بنفس المرحله يعني اذا طلعتي من المعهد الصف الثاني ثنوي عادي تكملين الثالث ثنوي في المدرسه إلي بتنتقلين حقها.

اقدر ادخل المعهد في صف ثاني ثانوي ؟
>> لا ، الدخول للمعهد يكون فقط من الصف التاسع او العاشر و بعدها تكملين الدراسه في المعهد

الدرآسه كيف ؟ صعبة او سهله ؟
>> اذا انتي شاطره بالانجليزي و تفهمين بتكون سهله و طبعا في البدايه شي صعوبه و لكن مع مرور الوقت بتتحسن الانجليزيه معاج من دون ما تحسين و بعد الدراسه مبصعبه لهاذيج الدرجه بالعكس مشوقه الصراااحة

يقولون العلوم و الرياضيات بالانجليزي , هل الشرح في الحصه يكون عربي او انجليزي ؟
>> شوفي الابلات وافدات فبكون الشرح و الكتب بالانجليزي و لكن اذا كان شي مفردات يديدة و قويه الابله بترجمها ... المهم ان الابله عربيه و ما ينخاف اوكي :)

الهيئة التدريسية للبنات تكون [ معلمين او معلمات ] و [ اجانب او عرب ] ؟
>> طبعا معلمات و في بالنسبه للعلوم و الرياضيات و العربي و الدين ابلات عرب و بالنسه للانجليزي كلهم اجنبيات و بالنسبه للهندسه في من مختلف الاجناس و للرياضه اجنبيه و للشاهين اجنبيه و عربيه و الكمبيوتر عربيات ..

فتحوا في ابوظبي فرع للبنات , وين موقعه ؟
>> و الله ما اعرف ، افضل تتصلين بالرقم مال فرع بوظبي إلي حاطينه بموقع معهد التكنولوجيا التطبيقيه


سوري وآيد سألت بس خايفـة لانه التسجيل الشهر الياي
>> عادي و لا يهمج و القلب داعيلكم بالتوفيق ان شاء الله ... و اذا انتي بتسجلين بمعهد العين حيااااااااج الله في دار الزين
al hadarah
21-01-2011, 11:43 PM
سوووووووري و لكن في خطأ املائي

الهيئة التدريسية للبنات تكون [ معلمين او معلمات ] و [ اجانب او عرب ] ؟
>> طبعا معلمات و في بالنسبه للعلوم و الرياضيات و العربي و الدين ابلات عرب و بالنسه للانجليزي كلهم اجنبيات و بالنسبه للهندسه في من مختلف الجنسيات و للرياضه اجنبيه و للشاهين اجنبيه و عربيه و الكمبيوتر عربيات .
S.S.R.A.A
22-01-2011, 08:32 PM
اهـآإ ..
تسسلمين فديتج
مشكوره و ما قصرتي

احس ارتحت احين شوي هع ^^



عادي و لا يهمج و القلب داعيلكم بالتوفيق ان شاء الله ... و اذا انتي بتسجلين بمعهد العين حيااااااااج الله في دار الزين

لا والله للاسف ,. بسجل في بوظبي ان شاء الله

[ f ]
i-ad
23-01-2011, 10:51 AM
بوظبي السنه اليايه بيفتوح حق البنات
مكان جامعة زايد للبنات ..
S.S.R.A.A
23-01-2011, 09:58 PM
اهااا ~

سمعت انه مفتوح من قبل بس ما ادري بالضبط

* يعني مكان جامعة زايد ..
الله يعطيك العآفيــه , دمت بخير ^^
حمّود
22-02-2011, 05:42 PM
إختي أحسج وايد مترددة بخصوص شرح المس للدروس بالإنجليزي
بس و الله بتلقينه سهل =) المس بترمس عربي شوي لو ما فهمتوا لكن مب كل الحصة


http://www.study4uae.com/vb/images/icons/2/265.gif في المرفقات حطيت لج أول درس بتاخذونه في الكيمياء G10 سهل و الله
برشاوية
10-03-2011, 04:26 PM
لو سمحتوا بغيت استفسر اذا شي فرع حق البنـــــات ف دبي ؟؟؟ ....و اذا شي وين!! =)
WaLd AlDaR
10-03-2011, 08:36 PM
*
للطلاب يوجد في دبي .
للطالبات لا يوجد في دبي . سوى في العين و العاصمة .
Bint^Al-IAT
16-04-2011, 02:10 PM
آلسلآإم عليكم و الرحمه
وعليكم السلام ورحمة الله وبركاته

احبيت اسأل اسأله و ياريت الاجابه تكون بالتفصيل ^^
تفضلي... وان شاااء نكووون ساعدناااج

انا في الصف التاسع , افكر السنه اليايه ادخل المعهد فــبكون في الصف العاشر .
للعلم نسبتي في هالفصل كانت 91 % و انا ودي بعد التخرج ادرس طب

ما شاااء الله عليييج... ويا هلا فيييج بالمعهد... وبالنسبه للطب اكيييد باذن الله بنشووفج دكتوره
الكل يعرف انه الطب يباله 7 سنوات

فيقولون انه في الجدول تكون في حصه للطب فبعد ما اتخرج من المعهد و ادخل الجامعه ادرس اقل من 7 سنوات ؟
بالنسبه لكل التخصصات... سنه اقل من الجيل اللي وياه... فيعني انتي بتروحين عااااشر واللي بكووون ويانا واحنا في الجامعه بكووون مع بنااات حادي عشر السنه اليايه... اللي مب من المعهد... فيعني ٦ سنواااات.. ولو تتأكدييين احسن


المعهد ينظم بعثات للخارج بعدالتخرج من الثانوية ؟ اكييييد... حاليا وانتي تدرسييين في المعهد بودون بعثه... فيعني مثلا بناااات حادي اللي هم اول دفعه من العي ودوهم مب الكل طبعا كوريا الجنوبيه... يتدربووون في المصانع



اذا طلعت من المعهد فرضاً [ ثاني او ثالث ثانوي ] , اعيد الدراسه من صف عاشر في المدارس الثانيه ؟
بالنسبه لهذي... ما اعرف الصراااحه... لاني مب حااطه ببالي اظهر وان شاااء الله ما بظهر


اقدر ادخل المعهد في صف ثاني ثانوي ؟


لا... ما يصيييير... لازم تكمليييين لو ظهرتي ما بترديييين
الدرآسه كيف ؟ صعبة او سهله ؟
من وجهة نظري... ولا اسهل... بس عليييج بتنظيييم الوقت والدراسه بجد اول باول


يقولون العلوم و الرياضيات بالانجليزي , هل الشرح في الحصه يكون عربي او انجليزي ؟ بالانجليزي طبعا.. بس مع التاسيس ما شي صعوبة ان شاااء الله


الهيئة التدريسية للبنات تكون [ معلمين او معلمات ] و [ اجانب او عرب ] ؟
اكيييد بلا شك معلمات... مكس شي عرب واجانب


فتحوا في ابوظبي فرع للبنات , وين موقعه ؟
ما اعرف.... سوووووري لاني بالعين



سوري وآيد سألت بس خايفـة لانه التسجيل الشهر الياي
لا تتوتريييين... وتوكلي على الله... وبتنجيح باذنه




شآإكره لكم (f)[/center][/QUOTE]
العفو...