مشاهدة النسخة كاملة : مساعده قبل الامتحان
اريد حد يشرحلي كيف اطلع النهايات من الرسم البياني
وحل السؤال الاول الفقره الثانيه مال التبريرات بالتفصيل أسئله النموذج ضروري اليوم
اعشقكـF
11-12-2010, 12:20 PM
لو اني اعرف اشررح جان شرت لج فديتج بس للااسف ما اعرف وداشه ادور على حد يساعدني :)
ان شاء الله نحصل حد يشرح لنا يالغاليه
شاعر بني كعب
11-12-2010, 12:46 PM
مساء النور ..
بشرحلج بس ماضمنلج تفهمين .. الموضوع بسيط كل البساطه ..
اول شي اعرفي المحور x من المحور y ..
ثاني شي فرقي بين النهاية والصوره ..
الصوره : امشي من تحت لفوق صوب المحور x .. يعني ابدي من تحت الرسم واتجهي للمحور x حسب القيمه المذكوره . مثلا اذا طلب f(3 >> ابدي من تحت يعني جنج تمشين رأسياً للمحور x . نحصل على الصوره اذا اصطدمنا بشي . سوائا كان خط او نقطه .. طبعاً اذا اصطمتدي بشي جوفي القيمه من المحور y يعني تمشين من تحت لين تصدمين بشي واذا اصطدمتي بأي شي . جوفي القيمه ع يسارج من المحور y .
- في حاله وحد تكون القيمه غير موجوده هي اذا كانت معرفه في جوار ناقص .. يعني تمشين من تحت لفوق للقيمه . وتلقين فجوة .. يعني دائره مفتوحه .. غير مضلله . فهالحاله تكون الصوره غير موجوده .
- اما اذا كانت مثلا الدائره المفتوحه قيمتها عند y=2 وعند y=4 مثلا دائره , جنج اتمرين من الفجوة وتصطدمين بالدائرة الكضللة .
هاي الصورة , ياريت اطبقين عشان تفهمين , لنج لو بس قريتي بتتضللين .
يتبع ..النهايه
شاعر بني كعب
11-12-2010, 12:56 PM
اما بخصوص النهايات اذا حبيتي اتيبينها من الرسمه فالموضوع بسيط .. الصوره انج تصطمين بشي بس النهاية يعني انج توصلين للشي .
مثلا لو طلب نهاية نهايه ال3 من جهة اليمين واليسار .. بتمشين مثل ماقلنا للمحور x من تحت لفوق للرقم 3 وتمي امشي وجوفي . اذا لقيتي اي شي وقفي سوائا كانت دائرة, ضلع او دائرة مفتوحه وفقي وجوفي النقطه هاي اتودي يمين اذا اتودي يمين جوفي القيمه الي ع يمينج من الحور y واذا هي نفسها اتودي يسار يعني النهايه موجوده .
مثلا طلب نهايه 3 من الجهتيني يمين ويسار . بتمشين صوب الثلاثه نفترض نهايتها عند 4 , بتمشين صوب الأربعه وبتلقين عند الأربعه نقطه شو ماكانت اهم شي اتودي يمين ويسار .
اما اذا كانت النهايه غير موجوده يعني اليمين لا يساوي اليسار , مثلا اذا مشيتي صوب الـ3 بتلقين عند الـ4 بس يمين , ماشي يسار , هنيه النهايه غير موجوده , مثلا كان اليمين عند 4 واليسار فوقه شوي عند النقطه 5 .
اتمنى اتكونين فهمتي بس حاولي اطبفين .. السموحه ع القصور هالي رمت عليه .
واتمنالج التوفيق والتميز .
لاهنتي ..
شاعر بني كعب
11-12-2010, 01:02 PM
هذا نموذج الأمتحان من الوزاره ..
ط±ظٹط§ط¶ظٹط§طھ.pdf (http://www.mediafire.com/?9iac6585nt6gznj)
وهذي الإجابات ..
ط§ط¬ظˆط¨ظ‡ ط§ظ„ط±ظٹط§ط¶ظٹط§طھ.pdf (http://www.mediafire.com/?rc37ai3wmwt8o1x)
اذا ماقدرتي اتنزلين من ميديا فاير , استعملي المتصفح قوقل كروم او فاير فوكس .
السموحه ع القصور .
شاعر بني كعب
11-12-2010, 01:03 PM
هذا نموذج الأمتحان من الوزاره ..
ط±ظٹط§ط¶ظٹط§طھ.pdf (http://www.mediafire.com/?9iac6585nt6gznj)
وهذي الإجابات ..
ط§ط¬ظˆط¨ظ‡ ط§ظ„ط±ظٹط§ط¶ظٹط§طھ.pdf (http://www.mediafire.com/?rc37ai3wmwt8o1x)
اذا ماقدرتي اتنزلين من ميديا فاير , استعملي المتصفح قوقل كروم او فاير فوكس .
السموحه ع القصور .
اعشقكـF
11-12-2010, 01:17 PM
اشكرك اخويييهـ وان شاء الله تكون هي فهمت وانا سايره ادرس سي يوو ^^
يزاك الله خير بحاول اطبق اللي قلته ع الرسم البياني
الامتحان التجريبي أنا نزلته بس مب فاهمه كيف حل السؤال الاول الفقره الثانيه مال قيم x كيف طلعت المشتقه هل من الرسم والا عوض في معادله وشو هي ادري بلعوزكم وياي أنا ادرس منازل ودرست الكتاب بروحي محد شرحلي شي فأحسه صعب
المربوع
11-12-2010, 07:40 PM
اختي والله انا حليتوا هو سهل بدك تطلعين من الرسم البياني لوبدك برسلك الحل النموذج كامل عل الايميل
Powered by vBulletin® Version 4.2.1 Copyright © 2024 vBulletin Solutions, Inc. All rights reserved, TranZ by Almuhajir