المساعد الشخصي الرقمي

مشاهدة النسخة كاملة : مابعد الثانوية ؟ شو تنصحون الدراسة بالدولة او الابتعاث ..



Zidane.5
01-11-2010, 01:30 AM
السلام عليكم و رحمة الله و بركاته

الحين اللي مخلص ثانوية عامة و يباا يبتعث لتحضير شهادة البكالوريوس

مثلاً علوم سياسية في ايرلندا او اتصال جماهيري في لندن

هالتخصصات جميعها في جامعات الامارات .. الحين شو الفرق لو درست برا او داخل الدولة ؟ يعني مثلا قوة الشهادة او الاقبال

وشو افضل الجهات اللي تمنحني بعثة لتخصص انا اريده مثل العلوم السياسة او ادارة الاعمال او الاعلام ؟ .... الديوان ؟ , مجلس ابوظبي ....... وشو شروطهم ومتى اقدر اقدم اوراقي لهم مع اني حاليا في الثانوية العامة وفي الفصل الاول

ومن جانب اخر سمعت ان الشرطة تعطي بعثات خارجية ... حد عنده معلومات عنها ؟

بأختصار .. شو افضل الحلول مابعد الثانوية العامة للي نسبته مابين 95 و 80 ( ابتعاث - جامعه - كلية عسكرية - وظيفة ....


وتشكراتي .... اخوكم يمعة

رضاك يارحمن
03-11-2010, 10:30 PM
هلا خويه انا انصحك برع..... شهادات اقوى + الخبره و تكسب اللغه تعليم العالي احسن و سموحه

شلال الحب
10-11-2010, 07:35 PM
البعثة ... تدرس برع احسلك لا تكوون نفسي آهلي رفضوو سفري برع ><
دااامك شاب رووح الله معاك نسبتك حلوة و هناك تدرس دراسة حلووة و ممتازة و تاخذ شهادة قويه و تشتغل بسرعه يوم ترجع البلاد لان عندك خبرة و لغة >> تراه اللغة اهم شي و عقبها من وين شهادتك ..

الكونجرس
26-02-2011, 05:43 PM
أنا أنصحك برع

وينك فيه
12-03-2011, 08:08 PM
السسلام عليييك اخوووي
اممم ششحالك .. عسساك مرتاااح

يمكن يكوون ردي عليييك متأخر ويمكن بعده ..
بسس مب مششكله اذا كان متاخر علييييك .. =] لانه يمكن غييرك يسستفيد هع

الموووهيم .. انا اعتقد الاثنين اوكي واحسسسسن يعني ماتفرق واايد
بسس داام احيين كل شي متوفر فالبببلاد والحمدلله الجامعات زينه ومعروووف فيييها فشحقا تتغرب واتسسير برع
واذا بخصووص اللغه امممممم تقدر تكتسسبها مع التدريسس المكثف والسسفرات للخارج بسس سياحه باستمرار =]

طبعن فالاول والاخييير بيكوون قرار الشششخص .. بسس دام الدوله الحمدلله موفره كل شششي
فاحسسسن تدرسس هنيه وسسسط اهلك
بسس بيني وبيييينك فكره حلوه لو تدرس برع .. لانه منها بتدرس امور حياتيه وعلميييه وبتاخذ خبرات من الطرفييين
كييف تقدر تعتمد على رووعك والخ


والله يوفق الجمييع في درااسسسته

tissue
13-03-2011, 02:20 AM
السلام عليكم ورحمته الله وبركاته
كيف الحال ؟

أخويـة ، أشكرك فالبداية لفتحك موضوع مهم لكل طالب او طالبة فـ الثانوية العامة
مقبل على مستقبل جامعي وحياة أنضج عن الحياة المدرسية ~

بالنسبة لموضوع الابتعاث ولا الدراسة في الدولة هذا الشي يعتمد على طبيعة الفرد والطالب نفسه
من ناحية اذا كان انسان ( واثق من نفسه ومن مبادئه ومن صبره وتحمله ) لانه موضوع الاغتراب موضوع مب سهل ^_^
يباله صبر أولا وتحمل مسؤولية ثانياً ، خاصة وانت تمثل دولتك فالخارج.
واذا كنت متأكد انك قادر فـ لازم فالاخير توافق وتتماشى مع العواقب شو ماكانت


من رايي الشخصي .. بما اني مازلت أدرس فالثانوية العامة
وكنت من الناس اللي يطمحون بالدراسة فالخارج ..

فكرت أنه ليش أسافر ومثل ماقال الأخ الدولة موفرة كل شي
وانت قادر تكتسب لغة وانت فبلدك مش محتاج تسافر ولا شي .. بسبة العمالة اللي عندنا
ومثل مانشوف .. فكل مكان نضطر اننا نستخدمها ،، فـ نحن بغنى عن الغربة وهم الغربة (=
كل الجامعات اللي تحتاجها تراها اهنيه .. حق شو نتغرب ؟


تمنياتي لك بالنجاح والتوفيق

AD.
14-03-2011, 07:30 AM
السلام عليك ..




خويه ، عليك بصلاة الاستخاره ..


انا طالب ادرس لغة ف امريكا ..
و عندي قبول جامعي .. ببدا دراسه شهر ٩ ..

الاوضاع هني زينه ..
بس كل شخص يختلف عن الثاني ..






السموحه