الورشة التدريبية لجائزة تميزك يميزك على مستوى منطقة الفجيرة التعليمية .

[إماراتية للموت]

http://www.study4uae.com/vb/uploaded/5046_1248944624.gif
اخوتي .. أخواتي متميزي (( شبكة تعلم لأجل الإمارات الإلكترونية ))
تحية طيبة أما بعد ....



http://www.study4uae.com/vb/uploaded/5046_1248944781.gif
ها نحن نخطو الخطــوة تتلو الخطو في طريق الإنجاز ، والعطــاء ، في طريقنـــا المضاء بنور العلم والإيمان ، نتخذه هدفاً و سبيلاً ؛ هدفاً نصبو إليه ، وسبيلاً لرفعة وطنٍ أعطانا الكثير .


خطوتنــا التي أفتح لكم آفاقها الرحيبة اليوم ستكون بمشيئة الله وتوفيقه مع إطلالات على
الجائزة التربوية ( تميزك يميزك ) والتي تطرح لجميع الفئات التربوية على مستوى منطقة الفجيرة التعليمية
، حيث سنتطرق إلى واحدة من أهم تلك الفئات ، وهي فئة الطالب المتميز ، يساعدكم في سبر أغوارها
الطالبة المتميزة :


عائشة عبدالله خميس الصريدي


والفائزة بالجائزة فئة / الطالب المتميز للدورة السابقة (العام الدراسي 2009-2010 ).


إضـــــــاءات على مقدمة الورشة :


* الإسم : عائشة عبدالله الصريدي .
*المدرسة : مدرسة الرحيب للتعليم الأساسي والثانوي .
* حاصلة على جائزة تميزك يميزك على مستوى المنطقة التعليمية 2009-2010./ فئة التميز الدراسي .
*حاصلة على جائزة فرسان الكلمة على مستوى المنطقة التعليمية 2008-2009م.
* عضو فعال في مختلف الجماعات المدرسية وحاصلة على :
- لقب الطالبة المثالية .
-معلمة الأحياء المستقبلية .
* عضو نشط في مختلف الفعاليات والمناسبات المدرسية والمجتمعية .


أتمنى لطلبتنـــــا وطالباتنا التوفيق


مع تحياتنا
إدارة شبكة تعلم لأجل الإمارات التعليمية

[abuaboood]

ألف مبروك التفوق
وأتمنى الجميع يستفيد من هذه الورشة

[blue97]

الف مبروووووووووووووووووووووووك يا عائشه تستاهلين الورشه

[نفس النفس]

الف الف مبروووووووووك يستاهليين

[Ra7eeb Student]

أشكر إدارة شبكةتعلم لأجل الإمارات التعليمية على المقدمة المميزه ولهم مني جزيل الشكر والتقدير




أول شي أحب أقول انه هذه الجائزة شبيهة بجائزة الشارقة بس فر وعها أقل وبدون ترقيم...




نسمي بسم الله ونبدأ الورشة:


فئات الجائزة:
- جائزة التميز في الإشراف التربوي.
- جائزة القسم المتميز.
- جائزة التميز في التحصيل الدراسي.
- جائزة المشروع المتميز.
- جائزة الموظف المتميز.
- جائزة القيادي المتميز.
شاركت في فئة (التميز في التحصيل الدراسي).....
تنقسم جائزة التميز في التحصيل الدراسي الى:
أولا:المستوى التحصيلي ويتضمن:
1.الشهادات الدراسية لسنتين سابقتين.
2.نتيجة الطالب في امتحان نهاية الفصل الدراسي الأول(نتيجة الورقة الامتحانية).
3.شهادات التميز في المواد التعليمية التي حصل عليها الطالب في العامين السابقين.
ثانيا: المسابقات والمنافسات التربوية ويتضمن:
1.المسابقات التربوية التي شارك فيها الطالب على مستوى المدرسة أو المنطقة أو الوزارة.
2.الجوائز والمراكز التي حصل عليها الطالب من خلال مشاركته في المسابقات.
ثالثا: التفاعل والتواصل الاجتماعي ويتضمن:
1.شهادات المشاركة التي حصل عليها الطالب أثناء مشاركته في المناسبات الوطنية أو الدينية أو الاجتماعية المختلفة على مستوى المدرسة أو المنطقة.
2.فرق العمل واللجان التربوية التي شارك الطالب في عضويتها بالمدرسة أو المنطقة.
3.شهادات المشاركة او الشكر التي حصل عليها الطالب من المؤسسات المجتمعية المختلفة أثناء مشاركته وتفاعلة مع أنشطتها المتنوعة.
...... خلنا ناخذ استراحه ....لا تخافون ترا الجائزة مب معقده يحتاج منكم ترتبون اموركم واغتنموا الفرصة..

[Ra7eeb Student]

عدنا.....
رابعا: توظيف التقنيات الحديثة في التحصيل الدراسي.
1.نماذج من أعمال الطالب الالكترونية التي تقدم بها للمواد التعليمية وحبذا وجود ايميل خاص بالمتقدم أو موقع الكتروني قام بتصميميه.
2.البرامج الاكترونية التي يتقنها الطالب ونكاذج من الأعمال التي تم توظيف تلك البرامج فيها.
خامسا: التنمية الذاتية:
1.الدورات التدريبية – المشاغل التربوية – ورش العمل –المؤتمرات والندوات والمحاضرات ....الخ التي حصل عليها أو شارك فيها...
2.العضوية في المكتبات أو الأندية أو الجمعيات ذات النفع العام والخاص....
سادسا وأخيرا رسائل التزكية:
1.رسائل تزكية من مدير المدرسة.
2.رسائل تزكية من معلمي المواد (لغة عربية – رياضيات - لغة انجليزية- تقنية معلومات).
3.رسائل تزكية من الاختصاصي الاجتماعي – سلوك الطالب.
هذه هي فئة جائزة التحصيل الدراسي والأيام القادمة إن شاء الله سأشرح كل ملفي بالتفصيل....وأي حد عنده اي استفسار بخصوص جائزة التحصيل الدراسي ما يتردد...ومثل ما قلت لكم ....زميلاتي الطالبات وزملائي الطلاب يمكن تكون أعمالكم ومشاركاتكم أكثر مني لذا اغتنمو الفرصة وشاركوا بها الجائزة وبالتوفيق...

[إماراتية للموت]

بسم الله الرحمن الرحيم
السلام عليكم
---

كل الشكر والتقدير طالبتي المتميزة عائشة ، وفقك الله وأفاد بعلمك إخوانك وأخواتك

بالتوفيق للجميع

[بو فارس 2]

مبروك اختي و موفقة

بس احسه وايد صعب لاني انا ما عدي كل هذه الاشياء لان مدرستي الذي انا فيه ما احس فيه اهتمام اما في الاعدادية فل مارك و انشطتي متنوعة ارحو الرد وممكن ايميل لتقديم ملفاتي للجائزة

[Ra7eeb Student]

الله يبـآركْ فيكْ ../

لـآ بالعكسْ . .

مًـآ رآح يكون صعـبْ إذآ رتبتْ الشهـآدات اليْ حصلت عليهـآ و الـأنشطةْ و المسـآبقـآتْ ..

خلـآل السنتين المـآضيتينْ ..!*

طبعـآ ً الشهـآدات الدرآسية مـآ يبـآلهـآ تفصيلْ !

و إذا كنت متفوق بموآد تقدر تطلب منهم يطلعون لك شهـآدة تفوق تروح لمعلمك نفسه و الادآرة يوقعونهـآ . .

بدليل انك مثلـآ ً حاصل على فوق 95 بمـآدة معينةْ . ./*

حتـى لو مـآ كانت المدرسة مهتمة بالورش و الدورآت و غيرهـآ ، تقدر إنت تنظم لنفسك هالشيْ ..

و تحضر دورة فمكـآن و تسجلهـآ بالملفْ و ترمس الإدآرة إنهم يعطونك مثلـآ ً صف فـآضيين . .

ما عندهم معلمْ تقدم فيه ورشة لهالطلـآبْ و بيكون لك عمل و مشـآركة حلوة . .

و المسـآبقـآتْ . . العبرة ترى بالكيف مبْ بالكمْ .. يعني حتى لو 5 مسـآبقات أو 6 على مستوى . .

و تتضمن على الأقل وحدة منهـآ فوز هذآ بيكون كـآفـيْ . .

و لو كـآن عندك فن الخطـآبة و الإلقـآء في المحـآضرات ْ . .

تقدر تضمنهـآ على أسـآس إنهـآ توآصل إجتمـآعي . .

أو حتى إنك تسوي لك محـآضرة عن شـي ْو تقدمهـآ !

بالنسبة لفرق العمل و اللجـآن المدرسية ْ . .

هو مثلـآ ً لو كـآن عندكم نـآدي إعلاميين

و الـآ مجلس طلـآبْ [ الرئيس و النائب و أمين السر و أمين الصندوقْ ] . .

لو كنت وآحد فيهم هذآ بعد يعتبر من ضمنه . ./

و توظيف التقنيات الحدييثةْ هذآ مـآ أظن إن في تقصير فييه. .

ْ يعني البوربوينت اللي تسوويه حق الدروس ْمن ضمنه ْ. .

حتى مشـآريع الحـآسوب ممكن تضمنهـآ ..

يعني مثلـآ ً كان عندنا السنة المـآضية مشروع فرونت بيج..

اللي هو تصميم موقع الكتروني مـآ نشرنـآه بس كان مشروع حطيته ضمن توظيف التقنيـآت الحديثةْ!

و بعد كان عندنا مشروع برنامج الفيجوال بيسكْ و حطيتهْ"!

يعنيْ تقدر تجمع هالـأشياء و تحط كل وآحد في cd ..!

و شو تتقن من البرآمج اكييد الوورد و الفيجوال بيسك و المايكروسوفت اوفيسْ محد مقصر فيهـآ !!

لو عندك icdl حطهـآ’ و الـآ دورة فوتوشوب خذتهـآ !!

و لو ما كانت آخر سنة حقك في المدرسة . .

هالسنة تقدر تأجل ملفك للسنة اليـآية بحيث انك تسد كل النوآقصْ ..

و الأنشطة التقديم مثلـآ ً في حفلة يوم وظني أو أي شي من هذآ القبيل ْ!

و نحن مقبلين على اليوم الوطنيْ حاول تلم لك شي ْتحضر مسيرة مب شرط المدرسة تنظمهـآ !

تقدم إذاعة مدرسيةْ!

تشارك في مسـآبقات وطنية . .

و حـآليا يتم طرح الكثييير من المسابقة من تصوير و كتابة و غيرهـآ تقدر تستغل هالفرصة ..

غير هذآ يعني تقدر تسوي نشرآت ْ صحية أو إجتماعية أو وطنية و توزعهـآ و يكون لك نشـآطْ!!

و بالنسبة للتنمية الذآتية ْ : إذا كنت مـآخذ دورآت و الدورة مب شرط تكون اكثر من يوم ..

في منهـآ تستغرق سـآعة لـآ أكثر ..

و هنيه عندنـآ المركز الأكاديمي كان يقدر دورآت و حضرت جم وحدة منهـآ و هذي تسـآعد !

مب شرط المركز الأكاديمي حتى لو المكتبة [ المركز الثقـآفي ] عندكمْ . .

يطرحون دورآت و ورشْ فك سلـآح و رسم و فوتوشوبْ و تصوير و غيرهـآ !

عندك العضوية في المراكز المجتمعية بعد وآيد مهمة !

يكون عندك عضوية في المكتبة <<مب شرط مكتبة المدرسة المركز الثقافي الجريب منكْم !

أو عضوية نادي

أو عضوية مثلـآ ً مركز الطفلْ المهم عضوية في احد مؤسسات المجتمع !

و لو كانت عندك موهبة معينة أو هوآية تقدر تسوي لنفسك ستاند في المدرسة تعرض فيه ابداعاتك. .

و أهم شي التوثيق بالصورْ !

وصلنـآ لـآخر نقطة اللي هيْ رسـآئل التزكيةْ ..!

رسـآئل التزكية يكتبهـآ حقلك المعلمين الي يدرسوكْ !

يثنون فيهأ على نشـآطك في الحصة و مشـآركاتك و جيْ ..!

و أكيدْ إدآرتكمْ و معلميكمْ مـآ رآح يقصرون و بيكتبون رسـآئل تزكية إذا طلبت منهمْ ..!

و لو حسيت ان معلميك مشغولين حاول تسوي لهم انت الورقة تكتب فيها اسم المعلم و المادة اللي

يدرسهـآ و تحت تكتب ختم المدرسة على أساس انها تتوقع و تنختمْ من قبل الإدرآة !

و تحط فيها لهم فراغات هم مجرد انهم يكتبون فيها بخط ايدهمْ بدون ما يتعبون . . !!

ممكن ايميل لتقديم ملفاتي للجائزة << أخوي مـآ فهمت ْ بس لو كان قصدك انك تبي تقدم للجـآئزة فهي تقدم بملف فيه الأورآق و يسلم لمنطقة الفجيرة التعليمية حتى لو مـآ وفرت المدرسة انت تقدر توصله لهمْ لو حد من ألأهلك بيوصله لكْ !

[Ra7eeb Student]

و لـو مـآ فهمت شيْ أو بغيت توضيح أكثرْ لـآ تترددْ !!

[Ra7eeb Student]

هنـآ الكتيب التعريفي بالجـآئزةْ ..

http://www.study4uae.com/vb/study4uae343/article126296/

[طمــــوحي انســاكـ ~]

ثااانكس خيتووو
ربي يعطيج العافيه (=

[FZo0o]

أختي أنا أبا أشارك بهذي الجائزة بس عندي سؤال
يعني نحن نسوي هذي الجائزة ع شكل ملف يعني نكتب القسم الاول او الفرع و بداخله كل شي و هكذا كل فرع بدون ترقيم و بدون اي شي يعني يفصل بين الاوراق بس الأقسام صح??
و ما فهت حق درجة الورقة الامتحانية يعني درجة اي امتحان بحط ?? ساعدوني

[فقيرة الله]

ألف مبروك التفوق
وأتمنى الجميع يستفيد من هذه الورشة