خــبـــــــــــــر طـــــآآآآآآآآآآزج..))لآآ يفــــووووتكــم...!!

[معلمتي تصرخ باذني!]

خـــــــــبــــر عــآآآآآجل يـــديــد ... ... ...

مهـــــــم للـــــــــــــكــــــــــــل....


هــــــم فوووووووووق هــم الكـــتب..إألــى الحــــــــيـــــــــن...:s31:



((كــــتـــآآب الكيميــآآآآآآآآء رجــعوهـ للمنــآهج..((بس فيه شوية معلومات من الفيزياء والاحياء والكيمياء)):s66:


وبيردوون ينظمووووون الجدآآآآآآآآآول من يديد...

والله المســـــتعــــــــان...

بالتوفيق للجميع..

[ابراهيم عادل]

يعني السنة الياية الصف الحادي عشر ادبي راح يدرس الكيمياء؟؟

ونفس الشي الصف الثاني عشر ادبي؟؟

[همسة غلـآ]

حرآاآم وربي حرآاآأم

خلآص يبدون من السنه اليايه وخلآص
وربي خلهم يرحمونا شووي
وربي اللي يقول الادبي سهل يجذب ع روحه ترآ الآدبي شرات العلمي

[الدرة الثمينة]

صدق يا الله ما تهنينا

[لندكروزر مفخرة الارض]

من متى سوف يطبقوا القرار ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اسامه1]

وبعد خبر طاااااااااازج
لغوو المواد العلميه فالامتحانات في فرع الادبي والامتحانات
والامتحانات بتمنتحنهم كانهم تقاويم مستمره والحين ما شي اسمه امتحانات بالفصل الاول والثاني والثالث[

[اسامه1]

لغو الامتحانات الكيمياء والفيزياء والرضيات والانجليزي من الامتحانات بالفصل الاول والثاني والثالث اللهم بتمتحنهم تقاويم مستمره والعلامه بيحطوها في الشهاده كان الواحد ا امتحن المواد مع باقي المواد وهذا القرار وطبق على المدارس و نزل على جريدة الاتحاد والبيان والاخبار علوم الدار,

[اسامه1]

والحين الامتحانات الي بتمتحنوها بالفصل والاول والثاني والثالث هي الجغرافيا والتاريخ والعربي والتربيه الاسلاميه والاقتصاد والاجتماع,ولكن هذيله بعد فيهم تقاويم بس مب تقاويم مستمره تقاويم عاديه مثل كل سنه

[اسامه1]

والي يبي شي يقول,وهذا الخبر يبته من منطقة الوزاره التربيه والتعليم في بوظبي وواحد الي قلي عليه وهو يشتغل فالمنطقه [

[المشعوذ]

لا لا لا مستحيييل يردوووووون الكيماياااء...

اخوووي اسامة ابي المصدر ضروري!

[ظبيـــــانيه]

صحيح الكميا ندرسه نحن حاليا..
امم صدق صدمه لين حدرت المس الصف وقالت ماده الكيا مانحذفت ..><
يالله .. الله المستعــآآآن..

[علم الطالب]

نحن مااعندناا كيمياا بس احيا وفيزياا الحممممممممممد الللله

[درب درب ولد زايد وصل]

مستحيل ايردون شيئ هم لغوة عقب دراسة وتخطيط

لو سمحت عطنا مصدرك

اللي عطاك الخبر

[الغظا]

صح مانحذفت بس هي على شكل معلومات عامه ما عليها امتحان بس حقها مشروع في المختبر
نحن جيه قلت المس مال الكيمياء

[تأإج الغلا]

عن نفسسسي آحلـــى حصـــة كيمـيــآآء درسنــآ درس وآآحـــد .. واآلبــآآقي شرده .. ^^

[معلمتي تصرخ باذني!]

انــا رحت اتــأكــد من ابلــة الكيميــأء..

وطلع المــآآدهـ وآآآآآآآآآآآآآآيــد نستفيــد منهــآآ

يعني اعبرووهــآ حصت فــن أو أي نشــآط..
أولا: هي مالها كتـآب ..

ومــا فيها واجبات ولا تقارير ولآآآآآآآآآآ ـأي شي

هي بس مجررد نشاطات ومشــآريع بالمخــتبر..حتى لو عندكم مشروع بماده الاحياء او الفيزيا تقدرون تسوونـه بها الحصصه..

والفايدهـ الكبييرهـ انه على هالمادهـ 40 درجــه..تعطيكم ايااهـ معلمتكم .(بس ع كيفـهآآ ) يعني مب كـآآش لآأأي احــد هع . وتوزهعــآ للاحياء والفيزياء...

يعني اعتبرووهــآآ حصصه سوآآلـف...

[حلاتي بغمازتي]

أشآعـآآت . . :x

[اسامه1]

المشعوذ ترى هذا القرار يبته من المنطقه التربيه والتعليم والي قلي عليه واحد اسمه الاستاذ احمد حسنين ومكتبه في الطابق الثاني في فرع الشكاوي الاجتماعيه

[اسامه1]

اللهم وفق اخواني المسلمين فالدراسه واجعلهم من المتفوقين يالله ياربي
(يااخواني الله وسبحانه وتعالى "يمهل ولا يهمل")

[اسامه1]

ياناس ياعالم ياهو مادة الكيمياء مب صعبه اللهم تتكلم عن حياتك اليوميه وما فيها اي صعوبه وخلك مع الاستاذ محترم عسبت يعطيكم الدرجه كامله وهي 40درجه وانا بصراحه ما استصعب منها والي يبي اي شي عن الكيمياء يقولي والله يعطيكم العافيه والله يوفق الجميع

[بنت قراط]

لا ما نبا الكيمياء نحن ما صدقنا لما حذفوه
دخيلكم ما نبا الكيمياء

[ريااااان]

هم ليش جي فعاشر كان الكيميا صعب ويالا يالا نفلح فيه وانا دشيت ادبي من عرفت انه محذوف هم ليش جي فوق كل ها هم المواااد الثانية من تقارير وبحوث وواجبات ولازم كل شي يكون اول بأول
اتصدقون لا معلمين ولا ادارة ولا مجلس ولا وزارة اتحس فينا كلهم اللهم نفسي ولا يراجعون الطلاب بأشياء المناهج او عل اقل يسألوهم ما كوو يبونا انلبي الي يبونه حسسوني هم الي يدرسون مب نحن
جنه ما عندنا وقت الا بس حق الدراسة ولا جنه عندنا اولاويات غيرهم
حسبية الله ونعم الوكيل بمن كان السبب

[معلمتي تصرخ باذني!]

صدقـت يـا أســامــة الماده وآآيــد سهلة...

ريان ترا المادة مب صعبة بس مجرد نشااطات وتعتبر حصة فراغ...

ومثل ما قال اسامة خلكم محترمين وما بيبخل عليكم الاستاذ ولا الابلــة..وتاخذوون 40 درجــه كـآآش..وتنضاف لكم ياما ويا الاحياء يااما ويا الفيزيــا.

والله يوووفــق الجميع لما يحبــة ويرضـاه.

[عتيج الفلاسي]

ايووووووووووووه - امش لااااااااا

[غرشه مخترشه]

/= LOol n7naa 3yL mandr$ kemyaaa

[كريزي مان]

مب أسمة كيميا أسمه مهارات علمية
و أحنا ندرسه ، ندرس عن أدوات المختبر و السلامهفالمختبر و وأشياء سخيفة ومت حقة امتحان ولا يدخل في الشهادة

[عابره الخواطر]

يب يب وااااااايد سخيييييييييييفه

كله من حياتنا .,,, معلومات عااامه

><" بتوفيق يا اخواتي واخواني.,,