للــطلبة المســتجدينن فالــمعهد ..! [الأرشيف]

ولدمضب

06-09-2010, 09:27 PM

الســــلام عليكم ..

شخــبآركم ..؟!

آنا كنت طــالب فـ معهد التكنولوجيا التطــبيقية فالفــجيرة وتخــرجت هالســنة ولله الحــمد ، وبنــسبة تــرفع الرآس ( يــمدح نفســه ) خخخخ ،

المــوهم ، اللي عنــده آي ســؤآل عن المعهد ، آو يبغي يعــرف آي شيء يقــدر يحــطه فالموضــوع ، وإن شـآء الله راح آرد عليــكم ..

وآتمنــى آنكم تســتفيدوا ..!

بـن دهـشـل

06-09-2010, 09:39 PM

ابي اعرف انت بتكمل الجـأمعه .. نعرف بس كيف بيكوون مستقبلك .!؟

المزيون 2008

06-09-2010, 10:09 PM

أبا أعرف الدراسة في صف عاشر " سهلهـــ ولا صعبهــ "

:

وأبا أعرف شو هيــ المواد الأساسية الي بخذهــا
في المعهد

WaLd AlDaR

07-09-2010, 01:00 AM

اتمنى منك عزيزي التواصل معي عبر قسم الشكاوي و الاقتراحات ..

: ) اذا كنت تريد افادة الاخوة الاعضاء وشكرا ..

||مريوم:.~

07-09-2010, 04:42 AM

انا اللي ابا اعرفه يعني الدراسة بشكل عاام صعبة و لا سهلة
و يعني في متعة فالدراسة ؟؟ و كيف اجواء الدراسة ؟؟

ولدمضب

08-09-2010, 05:17 AM

اقتباس:
المشاركة الأصلية كتبت بواسطة بـن دهـشـل http://www.study4uae.com/vb/Ramadan-Study4uae/buttons/viewpost.gif (http://www.study4uae.com/vb/showthread.php?p=1324753#post1324753)
ابي اعرف انت بتكمل الجـأمعه .. نعرف بس كيف بيكوون مستقبلك .!؟

فـ البدآيــة رآح آعطيك نــظرة عآآمة عن الحيــاة الجامعــية
واللــه ياآخــوي كيف ماتعــرف الدرآســة الجــماعية تختلــف نهائيــا عــن الــدرآسة فـ المعهد آو المدرســة ..
الــوآحــد لازم يعتـمد على نفــسه بــكل شيء ، وغيــر هذآ آنــك 5 آيـآم فالآسـبوع رآح تكــون بعيد عن آهلــك ..!

* وبالنــسبة للدرآســة والمستــقبل ..؟
الله يســـلـمك آنا دخلــت " كليــة هنــدسة " وهي من آفضــل الكليات الموجودة في الجامعـة ، وتقــريبا راح آدرس 5 سنــوآت ، ومــن بــعده بآذن الله رآح آكــون مهــندس ^^

وشــآكر لك آخـوي ^^
وإذآ عنــدك آي شيء ، آنا حآآآضــر

ولدمضب

08-09-2010, 05:44 AM

اقتباس:
المشاركة الأصلية كتبت بواسطة المزيون 2008 http://www.study4uae.com/vb/Ramadan-Study4uae/buttons/viewpost.gif (http://www.study4uae.com/vb/showthread.php?p=1324758#post1324758)
أبا أعرف الدراسة في صف عاشر " سهلهـــ ولا صعبهــ "

مــرحبآ فيــكـ آخوي ، بخصــوص الدرآســة :
آخوي مافي شيء صعـب ، كل شيء يعتــمد على الشخص نفســه ،
خــذها منــي ، آول ســنة هي آســهل سنــة ، الآسـاتذة كلهم راح يساعدوك ، بس آنته بعد لازم تشد حيلك ^^
آنــا بكــلمك عن تجربتي :
آنــا آول مادخلــت المعــهد ، طبــعا مايخصــني فـ الآنجليــزي هع ، الآستــاذ يتكلم ونحن مش فآآهمين ><!
لاكــن مع الآيام تشــوف خلاص صار عادي ، بتشــوف عمــرك تفهم ، وكآنه الآستاذ يتكلم عربي هع ، ولاتنسـى آنك بتدرس ثلاث ســنوات ، وكلــها آنجلش ، ورآح تكسـب لغة ..!
الحين الحمدلله تخرجت وكسبت لغــة ، والآنجلــش ترى مب صعب ، نفس بعض الناس يظنون آنه صعب ..!!
والــدرآسة فآول سنــة ، رآح يكــون التركيــز على الآنجلــش آكثر شيء ، والباقي ســهل ^^

وأبا أعرف شو هيــ المواد الأساسية الي بخذهــا
في المعهد ؟

آول ســنة رآح تاخذون المواد الآساسية ، لاكن الســنة الثانية والثالثة شيء تخصص ..!
الموآد الآساسية هي : فيـزكس ، مــاث ، عربي ، دين ، كمبيوتر ، انجلش ، وفــي مادة اللي هي كله عملي ، فالورشــة طبعا ..!
بعــد ما تخلصون من الســنة الآولـة ، رآح يوزعكم الســنة الثانية على تخصصات ، اللي هــي العلوم الهندسية والكــمبيوتر و الميـكانيك ، بــس هالتخصصات على آيامنا ، الحين ممكن آنهم يزيدوهــا ..!
وطبــعا لين بتدخل التخصص فالسنــة الثانية والثالثة ، راح تدرس مواد التخصص والمواد الآساسية ..!

^^

ولدمضب

08-09-2010, 05:45 AM

اقتباس:
المشاركة الأصلية كتبت بواسطة WaLd AlDaR http://www.study4uae.com/vb/Ramadan-Study4uae/buttons/viewpost.gif (http://www.study4uae.com/vb/showthread.php?p=1324832#post1324832)
اتمنى منك عزيزي التواصل معي عبر قسم الشكاوي و الاقتراحات ..

: ) اذا كنت تريد افادة الاخوة الاعضاء وشكرا ..

تــم آجــرآء اللازم ..

ولدمضب

08-09-2010, 05:53 AM

اقتباس:
المشاركة الأصلية كتبت بواسطة ||مريوم:.~ http://www.study4uae.com/vb/Ramadan-Study4uae/buttons/viewpost.gif (http://www.study4uae.com/vb/showthread.php?p=1324892#post1324892)
انا اللي ابا اعرفه يعني الدراسة بشكل عاام صعبة و لا سهلة
و يعني في متعة فالدراسة ؟؟ و كيف اجواء الدراسة ؟؟

الدرآسة فآول ســنة هي تآسيسة ، يعني التركيز على الآنجلـش ، وآول ســنة هي آسـهل سـنة .
الســنة الثانية والثالثة راح يــكون في تخصص ، لازم تشــد حيلك وخآآآآصـة فـ السنة الآخيــرة ..
الدرآسة صدقيني ســهلة ، حتى في السنــة الثانية والثالثة ، بس آذآ انتي مســوية طاآآف للدرآســة ، راح تكــون صعبة ..!

والله الــدرآسة فالمعهد روووعــة ، آنا عن نفسي ما آحــب آسيــر المدرسة خــير شر ><!
بس من دخلت المعهد ، نادرا كنــت آغيب ، لآنــه الواحد ماوده يغيب ، حتــى من ناحية المنشآت والصفوف والدراسة آفضل بكثيررر من المدارس العادية ..
تــفتح شــهية الواحد للدراســة هع ، والآجــوآء متــعة ، يعــني مب كلــه الوقت دراسـة ، الآســتاذة آو المــس تتمصــخر فالكلاس ، وآحيانا ترآويـــكم آفلام ، وآحيانا سوالف مع المــس ..

المزيون 2008

08-09-2010, 05:48 PM

آلسٌِِّلآمً عًٍليَكَمً آخٌِوٍيَ وٍلدًٍ مًضًٍبٌَِ

بٌَِخٌِصٍْوٍصٍْ آلمًعًٍهٍَدًٍ آبٌَِآ آعًٍرٌٍفْ عًٍنْ آلبٌَِعًٍثٍْة
لآزٍُمً آلنْسٌِِّبٌَِة تُِِّْكَوٍنْ جًِْمً

وٍ آلدًٍرٌٍآسٌِِّة يَعًٍنْيَ آحٍّنْآ آلى نْلخٌِصٍْ
آلدًٍرٌٍوٍسٌِِّ وٍلآ آلمًدًٍرٌٍسٌِِّيَنْ يَعًٍطُْوٍنْآ
تُِِّْلآخٌِيَصٍْ لكَل دًٍرٌٍسٌِِّ

ولدمضب

09-09-2010, 02:13 AM

اقتباس:
المشاركة الأصلية كتبت بواسطة المزيون 2008 http://www.study4uae.com/vb/Ramadan-Study4uae/buttons/viewpost.gif (http://www.study4uae.com/vb/showthread.php?p=1325377#post1325377)
آلسٌِِّلآمً عًٍليَكَمً آخٌِوٍيَ وٍلدًٍ مًضًٍبٌَِ
وعــليكم السلام والــرحمة

بٌَِخٌِصٍْوٍصٍْ آلمًعًٍهٍَدًٍ آبٌَِآ آعًٍرٌٍفْ عًٍنْ آلبٌَِعًٍثٍْة
لآزٍُمً آلنْسٌِِّبٌَِة تُِِّْكَوٍنْ جًِْمً

آي بعــثة تقــصدين ، اللي تابعــه للــطآقة !
بخصــوص هالبــعثة ، هــم يختارون آميــز الطلاب ، اللي نســبهم فوق 85 ، ورآح يــودهم كوريا ، مــايقارب شــهر في آجازة الصيـف !
وطبــعا هالبعــثة لصف ثاني ثانوي فقـط !

وٍ آلدًٍرٌٍآسٌِِّة يَعًٍنْيَ آحٍّنْآ آلى نْلخٌِصٍْ
آلدًٍرٌٍوٍسٌِِّ وٍلآ آلمًدًٍرٌٍسٌِِّيَنْ يَعًٍطُْوٍنْآ
تُِِّْلآخٌِيَصٍْ لكَل دًٍرٌٍسٌِِّ
الــدرآســة عاديــة ، العربي والآسلامية ، نفس المــدرسة العادية ، بــس آحسن ..!
يعني ماتدرسون كل الــدروس ، رآح تآخذون دروس معــينة من الكتاب وســهلة ، وآقل بوآآآآآيد من المــدارس الحكــومية وآســهل للطلاب ..!
آمــآ الـمواد الثانية ، الآســتاذ آو المــس وهي/ و تشــرح تكتب على الصبــوره ، يعــني تلخص كل شيء على الصبوره ، وبعدين تعطيكم وقت عــسبت تكتبون اللي فـ الصبوره على الكــرآس ، يــعني آمــوركم طيبة ^^ ، بــس تذآكــرين اللي كتبتي فالكرآس ، وإن شــآء دووم بتيبــن فل مآرك ..
والدرآآسة سهـــلة ، بس لازم تــركزي فـ الكلاس ..

طلال الشحي

09-09-2010, 02:42 AM

بسم الله الرحمن الرحيم

بسألك البعثة اللي بتكوون بعد الثانوية .. كم لازم تكون نسبته ؟؟؟

وشكرا ،،

Ahead

09-09-2010, 03:22 AM

انا ابي اعرف كيف يكون اليوم الاول في المعهد ..
اول اول يوم .. >>مرتبكة هع

وعيدكم مبارك مقدما..

ولدمضب

09-09-2010, 05:21 AM

اقتباس:
المشاركة الأصلية كتبت بواسطة طلال الشحي http://www.study4uae.com/vb/alshrqy.com/buttons/viewpost.gif (http://www.study4uae.com/vb/showthread.php?p=1325503#post1325503)
بسم الله الرحمن الرحيم

بسألك البعثة اللي بتكوون بعد الثانوية .. كم لازم تكون نسبته ؟؟؟

وشكرا ،،

بتحــصل الجواب فوق !

ولدمضب

09-09-2010, 05:24 AM

اقتباس:
المشاركة الأصلية كتبت بواسطة Ahead http://www.study4uae.com/vb/alshrqy.com/buttons/viewpost.gif (http://www.study4uae.com/vb/showthread.php?p=1325515#post1325515)
انا ابي اعرف كيف يكون اليوم الاول في المعهد ..
اول اول يوم .. >>مرتبكة هع

يمكـــن الآرتباك نتــيجته آنج آول مــره ، وبتشــوفين صديقات جدد ..^^
آول يــوم رآح يعرفوكم عن المعهد ، مب بس آول يوم ، آول آسبوع كله ..
وعن الدراسة والآستاذة ، ويقولوا لكم شو لازم تيبون معاكم ، قلم ، كرآس الخ ..
يــوم حلــو و و بيكــون ..!

وعيدكم مبارك مقدما..

مزيووون يو

09-09-2010, 01:52 PM

انا في الصف الثامن بروح تاسع ان شاء الله فالمعهد ..:(39):.

عندي 3 س :(15): ارجو الاجابة بأسرع وقت .. ^^ .

س1 : اذا رحت المعهد اول يوم و و زعونا في الصفوف مثلا ربعي كلهم او نصهم فصف 2ثاني يستوي انتقل و كيف و يباله ايام ... ؟

س2 : يستوي اييب الموبايل اول يوم و احطيته بالدرج لين يخلص الدوام .. و اذا شافني المدرس بيقول شي ؟ ؟

س3 : توقيت الدوام 2010 - 2011

و شكرـآ ’

مزيووون يو

09-09-2010, 01:59 PM

سلام ,

انا فـ صف ثامن بروح تآسع , ( ان شاء الله :) .

عندي كم سؤال ابيه الجواب . ! ,

س 1 : توقيت الدوار 2010-2011 ( فيه طابور او شي )

س2 : يستوي اييب الموبايل و حطه فدرج لين يخلص الدوام و اذا شافني حد شو بيقول ( وهذا ممنوع ولا ) .,!

س3 : اذا رحنا اول يوم و وزعونا يستوي ننتقل من صف لين صف . ؟ ( بيذلون ولا )

و شكرآ مقدمآ . !

ولدمضب

09-09-2010, 06:13 PM

اقتباس:
المشاركة الأصلية كتبت بواسطة مزيووون يو http://www.study4uae.com/vb/alshrqy.com/buttons/viewpost.gif (http://www.study4uae.com/vb/showthread.php?p=1325572#post1325572)
انا في الصف الثامن بروح تاسع ان شاء الله فالمعهد ..:(39):.

عندي 3 س :(15): ارجو الاجابة بأسرع وقت .. ^^ .

س1 : اذا رحت المعهد اول يوم و و زعونا في الصفوف مثلا ربعي كلهم او نصهم فصف 2ثاني يستوي انتقل و كيف و يباله ايام ... ؟

هــيه يســتوي ، لاكن لازم من آول آســبوع تطلب النقل ، لاكــن فـ ثاني ثنوي مايســتوي ..!
حتــى إذا رحت صف ربيعــك ، على قدآم بيوزعوكم ، ويمكن ربيعك مايكون وياك ><!

س2 : يستوي اييب الموبايل اول يوم و احطيته بالدرج لين يخلص الدوام .. و اذا شافني المدرس بيقول شي ؟ ؟

هــيه آول يــوم عآآدي يســتوي ، آول آســبوع بعد عادي ، بــس مب آنــك تطــلعه فالحــصة ..!!

س3 : توقيت الدوام 2010 - 2011

مــاعندي علم إذا غيــروه ، بس العام كــان من سبــع ونص ليــن ثلاث ..

و شكرـآ ’

ولدمضب

09-09-2010, 06:16 PM

اقتباس:
المشاركة الأصلية كتبت بواسطة مزيووون يو http://www.study4uae.com/vb/alshrqy.com/buttons/viewpost.gif (http://www.study4uae.com/vb/showthread.php?p=1325575#post1325575)
سلام ,

انا فـ صف ثامن بروح تآسع , ( ان شاء الله :) .

عندي كم سؤال ابيه الجواب . ! ,

س 1 : توقيت الدوار 2010-2011 ( فيه طابور او شي )
من سبع ونص ليــن ثلاث ، لا مآشــيء طآآبور ...

س2 : يستوي اييب الموبايل و حطه فدرج لين يخلص الدوام و اذا شافني حد شو بيقول ( وهذا ممنوع ولا ) .,!
جــاوب فوق ^^
س3 : اذا رحنا اول يوم و وزعونا يستوي ننتقل من صف لين صف . ؟ ( بيذلون ولا )

جاوبت فوق ^^

و شكرآ مقدمآ . !

بـن دهـشـل

09-09-2010, 09:56 PM

مشـكووؤر اآأخـوي على مسـآأعدتك لـنآأ و الله يـكثر من أإمثــآألــك ..

مشكـوؤر < كلـمه مـآ تكفيك ..

ولدمضب

10-09-2010, 12:58 AM

اقتباس:
المشاركة الأصلية كتبت بواسطة بـن دهـشـل http://www.study4uae.com/vb/alshrqy.com/buttons/viewpost.gif (http://www.study4uae.com/vb/showthread.php?p=1325914#post1325914)
مشـكووؤر اآأخـوي على مسـآأعدتك لـنآأ و الله يـكثر من أإمثــآألــك ..

مشكـوؤر < كلـمه مـآ تكفيك ..

تــسلم ، وآنــا فـ الخــدمة ، إذآ عنــدكم آي شيء ..

مزيووون يو

10-09-2010, 04:18 AM

اخوي بعدني مرتبك , !

يعني المعهد يسمح انييب موبايل و نحطه فدرج لين يخلص الدوام ولا ؟؟

و يوم نروح اذا شافو عندنا موبايل ننتصل لأهلنا لانه انا من خورفكان بعيد عن الفجيره ما يمديني اروح مشي اذا نسو اهلي خخخخ او شي , بيفصلونـآ !

ولدمضب

10-09-2010, 09:30 PM

اقتباس:
المشاركة الأصلية كتبت بواسطة مزيووون يو http://www.study4uae.com/vb/alshrqy.com/buttons/viewpost.gif (http://www.study4uae.com/vb/showthread.php?p=1326025#post1326025)
اخوي بعدني مرتبك , !

يعني المعهد يسمح انييب موبايل و نحطه فدرج لين يخلص الدوام ولا ؟؟

و يوم نروح اذا شافو عندنا موبايل ننتصل لأهلنا لانه انا من خورفكان بعيد عن الفجيره ما يمديني اروح مشي اذا نسو اهلي خخخخ او شي , بيفصلونـآ !

خخخخ ، مبين من كلامك آنك خايف ومــرتبك ..><!
ليش آنزين ؟!
انته تقــصد آول يوم ولا الآيام الثانية ..!
إذا تقصد آول فـ جاوبت عليك فوق ، إما إذا قصدك الآيام الثانية ، آخوي تراك انته رايح تدرس ، شو تبغي فـ الفون ..!!
وعن سالفة تتصل لآهلك ، ترى شيء باصات ، وحتى فـ آول يوم شيء باصات ..!

بنوتة دار الزين

15-09-2010, 11:35 PM

آنـآ قبلووني ,, بس آهلي كـآنووآ موآفقين وهم اللي شجعووني وجي ,,

واللحين وبـآجر مقـآبلتي ,, متوترين ,,

عندي كم سؤاال ,,

يوم آخلص الدرآسـه في التكنولوجيـآ ,, آقدر آرووح الجـآمعه ؟؟ وهل آي جـآمعه آختـآرهـآ ,,؟؟

آقدر آدرس الجـآمعه برى ؟؟ وبيكوون بحسـآب الدووله آول بحسـآبي ؟؟

يعني لوو تفيدني آخــوي ع اساس الجـآمعه وجي ,,

ومشكوور مقدمـآ ,,

ولدمضب

16-09-2010, 02:50 PM

اقتباس:
المشاركة الأصلية كتبت بواسطة بنوتة دار الزين http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1327644#post1327644)
آنـآ قبلووني ,, بس آهلي كـآنووآ موآفقين وهم اللي شجعووني وجي ,,

مبــرووووكـ ..

واللحين وبـآجر مقـآبلتي ,, متوترين ,,

لا لا تتوترين ، المقابلة مافيها شيء ، كلها آســئلة عامة ، يعني كم آخو / آخت ، ليش يتي المعهد وجي ..^^

عندي كم سؤاال ,,

يوم آخلص الدرآسـه في التكنولوجيـآ ,, آقدر آرووح الجـآمعه ؟؟ وهل آي جـآمعه آختـآرهـآ ,,؟؟

آكيــد تقدرين ، آنا خلصت من المعهد و فالجامعة الحين ، آنا فجامعة الآمارات ، وربعي في جامعة خليفة وبوطبي والآمريكية ، وبعضهم بيكملون برع ، وهذيل كلهم من خريجي المعهد ..!

آقدر آدرس الجـآمعه برى ؟؟ وبيكوون بحسـآب الدووله آول بحسـآبي ؟؟
آممم ، ترى في بعثات ، بعثة رئيس الدولة آو وزارة التربية آو تحصلين منحة ..َ
وربعي قبلوهم فـ منحة رئيس الدولة ، وبيسافروا هالآسبوع ..
يعني لوو تفيدني آخــوي ع اساس الجـآمعه وجي ,,

ومشكوور مقدمـآ ,,

^^

ولدمضب

16-09-2010, 02:52 PM

شو رايكم فالمعهد ، وشو آنطباعكم عن المعهد ..!< ؟

$عازف الآهات$

17-09-2010, 01:29 PM

السلام عليكم

انا ابا اسالك عن المناهج فالمعهد انا داومت اول اسبوع ومنهج الانجليزي اشوفه والعربي والدين بعد سهل
والنظام اشوفه حلو

بس انا خايف من الفيزيا والرياضيات

شو رايك فهالمادتين قريد 10 و11 و12؟؟

واذا خلصت من المعهد اقدر اغير التخصص ؟؟؟مثلا موارد بشرية او بزنس الخ..؟

وشو رايك اقدر اييب نسبة حلوة اولا ؟؟ انا نسبتي كانت 86% صف 9

ومشكوووور مقدما ..

ولدمضب

17-09-2010, 06:14 PM

اقتباس:
المشاركة الأصلية كتبت بواسطة $عازف الآهات$ http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1328104#post1328104)
السلام عليكم

وعلــيكم السلام ورحمة الله وبركاته ..

انا ابا اسالك عن المناهج فالمعهد انا داومت اول اسبوع ومنهج الانجليزي اشوفه والعربي والدين بعد سهل
والنظام اشوفه حلو

شــيء طيب والله

بس انا خايف من الفيزيا والرياضيات

شو رايك فهالمادتين قريد 10 و11 و12؟؟

لا لا لاتخاف من هالمادتين ، شــوف الرياضيات مافي آسهل منه من آول سـنة لين آخر سنة ، بس الفيزيا شوي صعب ><!

واذا خلصت من المعهد اقدر اغير التخصص ؟؟؟مثلا موارد بشرية او بزنس الخ..؟

آكــيد تقدر ، المعهد مايخــصه فالتخــصص اللي بتدرسه فالمستقبل ..!!

وشو رايك اقدر اييب نسبة حلوة اولا ؟؟ انا نسبتي كانت 86% صف 9

آكيــد تقدر ، شد حيلك ، والنسبة إن شاء الله تكون فوق التسعين ..

ومشكوووور مقدما ..

العفو..

طلال الشحي

18-09-2010, 12:55 AM

السلام عليكم

بسألك عن البعثات ... كم لازم تكوون نسبتي ؟؟؟

ومشكووور مقدمأ

ولدمضب

18-09-2010, 10:18 AM

اقتباس:
المشاركة الأصلية كتبت بواسطة طلال الشحي http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1328404#post1328404)
السلام عليكم
وعلــيكم السلام ورحمة الله وبركاته ..

بسألك عن البعثات ... كم لازم تكوون نسبتي ؟؟؟

في آشيآء محددة ، على بنائها راح يتم الاختيار ، يعني مب آي واحد ، والنسبة آكيد لازم تكون فوق ٨٥

ومشكووور مقدمأ

$عازف الآهات$

18-09-2010, 02:06 PM

اقتباس:
المشاركة الأصلية كتبت بواسطة ولدمضب http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1328255#post1328255)
اقتباس:
المشاركة الأصلية كتبت بواسطة $عازف الآهات$ http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1328104#post1328104)
السلام عليكم

وعلــيكم السلام ورحمة الله وبركاته ..

انا ابا اسالك عن المناهج فالمعهد انا داومت اول اسبوع ومنهج الانجليزي اشوفه والعربي والدين بعد سهل
والنظام اشوفه حلو

شــيء طيب والله

بس انا خايف من الفيزيا والرياضيات

شو رايك فهالمادتين قريد 10 و11 و12؟؟

لا لا لاتخاف من هالمادتين ، شــوف الرياضيات مافي آسهل منه من آول سـنة لين آخر سنة ، بس الفيزيا شوي صعب ><!

واذا خلصت من المعهد اقدر اغير التخصص ؟؟؟مثلا موارد بشرية او بزنس الخ..؟

آكــيد تقدر ، المعهد مايخــصه فالتخــصص اللي بتدرسه فالمستقبل ..!!

وشو رايك اقدر اييب نسبة حلوة اولا ؟؟ انا نسبتي كانت 86% صف 9

آكيــد تقدر ، شد حيلك ، والنسبة إن شاء الله تكون فوق التسعين ..

ومشكوووور مقدما ..

العفو..

مشكور الغلا

والحمد لله طمنتي لاني كنت صدق زايغ من الرياضيات والفيزيا

ومشكوور وبالنوفيج ان شاء الله.

ولدمضب

18-09-2010, 10:54 PM

welcome ..^^

ولدمضب

19-09-2010, 09:15 PM

اقتباس:
المشاركة الأصلية كتبت بواسطة ولدمضب http://www.study4uae.com/vb/study4uae/buttons/viewpost.gif (http://www.study4uae.com/vb/showthread.php?p=1327745#post1327745)
شو رايكم فالمعهد ، وشو آنطباعكم عن المعهد ..!< ؟

مـــحد جاااوب على سؤالي . .

ولدمضب

27-09-2010, 07:09 PM

و مـــآآزآآآل الطآآآآف مستمـــر ، خخخخ

$عازف الآهات$

27-09-2010, 08:42 PM

شو رايكم فالمعهد ، وشو آنطباعكم عن المعهد ..!<

والله لحد الحين ما ما اواجه اي صعوبة

بس الهيلث والكمبيوتر شوي متعقد منهن

المهم عندي استفسار صغير

سمعت ان بعد فترة بيوزعونا حسب المستوى صدق هالكلام او لا ؟؟

ولدمضب

28-09-2010, 11:35 AM

اقتباس:
المشاركة الأصلية كتبت بواسطة $عازف الآهات$ http://www.study4uae.com/vb/study4uae/buttons/viewpost.gif (http://www.study4uae.com/vb/showthread.php?p=1336661#post1336661)
شو رايكم فالمعهد ، وشو آنطباعكم عن المعهد ..!<

والله لحد الحين ما ما اواجه اي صعوبة

بس الهيلث والكمبيوتر شوي متعقد منهن

فـ البدآآيــة شوي صعــب ، وبعدين بيستـوي عآآدي ^^ ، آستآآآآنس ،

المهم عندي استفسار صغير

سمعت ان بعد فترة بيوزعونا حسب المستوى صدق هالكلام او لا ؟؟

والله على حسب الآدارة اللي عنــدكم ، آحيانا يوزعون الطلاب حسب المستويات وآحيانا لا ، بس السنة الثانية آكيد راح يوزعوكم ، على حسب التخصصات ..!

بـن دهـشـل

28-09-2010, 05:08 PM

صراحه مآإده الكيمياء .. متعقد منها ما اعرفها بالعربي عيل بالانجليزي كيف افهمها .. !

و الفيزياء شـوي ..

بس مشكلتي بالانجليزي .. اني الصعوبه اتكلم .. يعني انا فاهم كل شي .. و اعرف الجواب بس ما اعرف اخليه بالانجليزي اوكيه .. ما اعرف انطق الجواب بالضبط ..

و بس و المعهد حلـو .^^

ولدمضب

28-09-2010, 05:57 PM

اقتباس:
المشاركة الأصلية كتبت بواسطة بـن دهـشـل http://www.study4uae.com/vb/study4uae/buttons/viewpost.gif (http://www.study4uae.com/vb/showthread.php?p=1337264#post1337264)
صراحه مآإده الكيمياء .. متعقد منها ما اعرفها بالعربي عيل بالانجليزي كيف افهمها .. !

نفــسي ، آنا الكيميا ماآحبها خيـر شــر ..><!
انته بتدرسها بس آول سنــة ، وبعدين خلاص
، بس آنا درستها سنتين ، لآنه هالمادة كانت من بين التخصص ^^ !!
وكنت متــوهق ، لاكن الآسـاتذة مايقصــرون يحاولون آنهم يساعدوك ..!
مع آني ما كنت آعرف للكيميا ولا آحبها ، يبت فيها B ،،!!!
وانته شــد حيلك ، وان شــاء الله الآمور طيبة ^^ ، خلك واااثق من نفسك ..

وعــن سالفة الدراسة بالآنجلـــيزي : تــرى والله آنه الدراسة بالآنجليزي آسهل بوآآآآآيد من العربي ، وخااصة فالماث ،و الفيزكس ..!

و الفيزياء شـوي ..

بس مشكلتي بالانجليزي .. اني الصعوبه اتكلم .. يعني انا فاهم كل شي .. و اعرف الجواب بس ما اعرف اخليه بالانجليزي اوكيه .. ما اعرف انطق الجواب بالضبط ..
تــدري ، حاول وحاول ، ليـن ماتنطقها صح ، حتى لو غلطت عآآآدي ، الآنســان مب معصوم عن الغلـط ..!
الواحد كيف يــخلي آنجليزيته تووب ، بالتجارب والممارسة اليومية ، حاول تكلم المس آو الآستاذ آو حتى ربيعك بالآنجليزي ، وبعدين والله بتتعود ،!
وإذا تميت تستحي ، تــرى التآثيـر بيطلع على جدآآآم ، لين بدآآوم بتستحي تتكلم آنجليزي ،،!

و بس و المعهد حلـو .^^

الحياة حلوة وآستمتع بالمعهد ..^^

بـن دهـشـل

28-09-2010, 07:09 PM

مشكـوؤر اخوي ع الـرد بس انا احـآإول .. مش استحي ..

و كل يوم احسسن .. ان شاء الله

ترى ما هي الا 3 سنوات و اخلص و ان شاء الله افتك من الدراسه و من التعب

dead line

28-09-2010, 07:23 PM

السلام عيكم

كيف الحال

اخوي انان طالب يديد

الصف التاسع - فرع العين

عندي سوال بس ماظنك تعرف الرد

بيعطونا لابتوب ولا لا؟؟؟

ولدمضب

29-09-2010, 12:04 AM

اقتباس:
المشاركة الأصلية كتبت بواسطة بـن دهـشـل http://www.study4uae.com/vb/study4uae/buttons/viewpost.gif (http://www.study4uae.com/vb/showthread.php?p=1337655#post1337655)
مشكـوؤر اخوي ع الـرد بس انا احـآإول .. مش استحي ..

العــفو ^^ .،

و كل يوم احسسن .. ان شاء الله

شــيء جيد والله ..

ترى ما هي الا 3 سنوات و اخلص و ان شاء الله افتك من الدراسه و من التعب

آول سنتين راح تكون عادية ، بس الظغط كله بيكون آخــر سنــة ، خاصة آنك مطالب بالآيلس ، ونســبة عالية ^^

مــوفق ، السنين بســرعة تــمـر ..!

ولدمضب

29-09-2010, 12:07 AM

اقتباس:
المشاركة الأصلية كتبت بواسطة dead line http://www.study4uae.com/vb/study4uae/buttons/viewpost.gif (http://www.study4uae.com/vb/showthread.php?p=1337698#post1337698)
السلام عيكم

وعليكم السلام ورحمة الله وبركاتة

كيف الحال

تــمام ربي يعافيك ، وانته شخــبارك ..؟!
عســآك مرتاح ^^

اخوي انان طالب يديد

الصف التاسع - فرع العين

يآهلا فيــكـ .

عندي سوال بس ماظنك تعرف الرد

بيعطونا لابتوب ولا لا؟؟؟

آخــوي صــف تاسع ماشــيء لاب توبات ..!
صف عاشــر ورايح ..