تفــضلوا ،، لأي مســاعدة [الأرشيف]

مشاهدة النسخة كاملة : تفــضلوا ،، لأي مســاعدة

E.Albareq

10-07-2010, 06:15 PM

السلام عليكم ورحمه الله وبركاته

انا اخوكم هلال البارق

مهندس Biomedical

تخرجت بكلاريوس هالسنه والحمدلله

والحين بحضـر ماجستير في ماليزيا ان شالله

اللي دخل بهالتخصص ويريد مساعدة

انا حــاضر

يا عبر هالقسم وبيكون لي مرور كبير فيه

او عبر الايميل .. طبــعا بعد إذن الاداره ،، ويمكن أخذ ايميلي من الاداره

..

بالتوفيق للجميع

طالبة علمي92

10-07-2010, 07:49 PM

وعليكم السلام ورحمة الله وبركاته

ممممم افكر في هالتخصص ..

لو ممكن تكلمنا اخووي عنه شوي .. يعني شو درستوا فيه وتعلمتوا ؟

وعلى شو يعتمد

E.Albareq

18-07-2010, 11:38 PM

هلا والله فيج اختي طالبه علمي

ما شالله مبين نسبتج وايد حلوه ولو دخلتي هالقسم بتبدعي فيه

بالتوفيق ولو دخلتي هالقسم حاضرين بأي شي

،،

القسم طبعا جديد بعالمنا العربي

موجود بالامارات في جامعه خليفه ،، واول سنه هالسنه بتكون في تدريس هالتخصص

بعد موجود في جامعه عجمان - بكلاريوس

وموجود في كليه التقنيه ،، بس على حد علمي سكروا هالقسم لقله المؤهلات

وكان في كليه التقنيه يدرس دبلوم فقط

...

وبعد موجود في دول غير الامارات مثل مصر والاردن واليمن

...

التخصص طبعا نادر

ودراسته شوي صعبه

لانه يجمع بين الهندسه والطب

<< صارلي موقف شوي يضحك

في اول سنه استأجرت شقه من واحد شيبه

وكان محاضراتي الاحد فيها بايولوجي

والاثنين كان عندي رسم هندسي

ففي يوم الاحد كنت اروح وانا لابس اللاب كوت << حق الاطباء

شافني ذاك اليوم صاحب البيت ،، يقولي ماشالله على دكتورنا

وفي اليوم اللي بعده شافني ماسك مسطره T حق المهندسين

شافني،، قالي شو انت تقص علينا كل يوم تخصص !!

هههه

المهم

الفكره انه في اول سنتين تدرسون مبادء هندسيه مثل الهندسه الالكترونيه << اللي هالقسم جزء منها

وهندسه كهربائيه ودوائر ورياضيات ورسم هندسي وهندسه كيميائيه واشيااء كثييره تقدروا تعتبروها شاامله جميع انواع الهندسه

وبعد في السنوات الاولى تدرسون مبادئ طبيه مثل biology , physiology, anatomy, biochimestry

طبعا هذا في السنوات الاولى

وانتبهوا على كلمه مبادء

يعني ما رح تتعمقون وايد

،،

وفي السنوات الاخيره

تبدأو تدخلوا بالتخصص

وتدرسوا المواد التخصصيه مثل مادة الاجهزة الطبيه والقياسات الحيويه

ويبدأوا بالتركيز على الالكترونيات وعلاقتها بالاجهزة الطبيه

مثل microcontroller وعمل محاكاه لهذه القطعه وتركيب اجهزة طبيه بسيطه او مخبريه

لا تحتاج الى جهد كبير او عمليات معقده

ويكون مشروع التخرج عباره عن تصنيع جهاز بسيط يربط جميع المعلومات السابقه في جهاز او دايره واحده

<< عني انا كان مشروع تخرجي عن جهاز ال spectrophotometer والحمدلله اخذت امتياز

وبرفق رابط مشروعي وصور الجهاز قريبا ان شالله

بالتوفيق

مدري اذا كان كلامي مرتب ولا لا

بس ان شالله تكونوا خذيتوا فكره بسيطه

بالتوفيق للجميع

The State 0f paRadise

25-07-2010, 05:17 PM

مـــــــا شاء الله مـــــا شاء الله

وفقك الله يا أخي الكريم في الماجستير ان شاء الله :::

:)

ابن العين

27-07-2010, 04:13 PM

بنت العويس

05-08-2010, 02:26 AM

هلا أخوي E.Albareq انا صراحة حبيت هالتخصص بس ما جاوبت على سؤال ابن العين لاني صراحة حابة اعرف وين ممكن تشتغل و كيف يكون الشغل

وشكرا على المعلومات القيمة وجزاك الله الف خير:(39)::s46:

حمدانوانو

22-08-2010, 06:22 PM

السلام عليكم
هل تستطيع دراسة الطب في الاربع سنوات القادمة بعد دراسة هذا التخصص؟؟؟؟؟؟؟؟؟؟؟؟

E.Albareq

27-08-2010, 07:28 AM

مـــــــا شاء الله مـــــا شاء الله

وفقك الله يا أخي الكريم في الماجستير ان شاء الله :::

:)

امين ،، شكرا ياخوي
وللأسف تأجلت فكره الماجستير لمده سنه!

E.Albareq

27-08-2010, 07:33 AM

الصراحه شكله التخصص حلو انا في خاطري هندسه طيران لكن الكل يقول لي ان مجال العمل محدود في هالمجال :chair: حطموني
فييالسه اجوف التخصاصات الثانيه المهم اخوي خبرني وين ممكن تشتغل وشلون طبيعه شغلك ؟؟

اخوي ابن العين
هالتخصص حلو
بس لو كنت مخير بين هندسه الطيران وهندسه الاجهزة الطبيه
كنت اخترت الطيران
لا تسمع كلام حد ترى الفرص متوفره وخاصه هني في الامارات بشكل كبير
..

وبالنسبه لسؤالك
طبيعه شغلي بتكون في المستشفيات وشركات الاجهزة الطبيه
(قسم الاجهزة في المستشفيات شراء صيانه احصاء ) - ( قسم المبيعات او التطوير في الشركات )

E.Albareq

27-08-2010, 07:34 AM

هلا أخوي e.albareq انا صراحة حبيت هالتخصص بس ما جاوبت على سؤال ابن العين لاني صراحة حابة اعرف وين ممكن تشتغل و كيف يكون الشغل

وشكرا على المعلومات القيمة وجزاك الله الف خير:(39)::s46:

العفو اختي
رديت على اخوي ابن العين
واذا لج بعد شي ،، تفضلي
شكرا على مرورج

E.Albareq

27-08-2010, 07:36 AM

السلام عليكم
هل تستطيع دراسة الطب في الاربع سنوات القادمة بعد دراسة هذا التخصص؟؟؟؟؟؟؟؟؟؟؟؟

اخوي حمدانانو

وعليك السلام والرحمه

بس شو الفايده من دراسه الطب بعد دراسه هالتخصص ؟؟

بنت العويس

18-09-2010, 04:03 PM

شكرا اخوي على المعلومات بس يعني انت ما تنصح ان نكمل طب بعد هذا التخصص لاني اصلا قدمت هالتخصص في جامعة خليفة بس لانه اروووووووووووووم اكمل طب بعده :(33):

بنت العويس

18-09-2010, 04:08 PM

Madmoisielle

18-09-2010, 07:36 PM

E.Albareq

08-11-2010, 06:21 PM

شكرا اخوي على المعلومات بس يعني انت ما تنصح ان نكمل طب بعد هذا التخصص لاني اصلا قدمت هالتخصص في جامعة خليفة بس لانه اروووووووووووووم اكمل طب بعده :(33):

الفعو يا خيتي
والمعذرة على الرد المتأخر
بس خلوني اوضح لكم شي
تخصص الbiomedical
يمكن يتفرع لشيئين
اول شي اللي هو قسم الinstrumentation
والقسم الثاني اللي هو قسم biomedical
هذا القسم " biomedical " هو قسم متعلق بالبحوث والامارات مافيها هالنوع من ال researchs
وقسم الانسترومنتيشن هو القسم الاكبر اللي هو المتعلق بالصيانه والتركيب والتجهيز و و و

واللي اعرفه ان اللي يكمل طب يكون متعلق بقسم البحوث
ويكون اقرب للقسم الطبي من القسم المهني الهندسي

واللي عنده معلومه يصححلي ،، هذا الكلام على حد علمي
والمعذرة

E.Albareq

08-11-2010, 06:24 PM

كنت ابا اسالك انت دارس هالتخصص في جامعة خليفة في بوظبي ؟؟؟؟؟؟؟ لاني الي اعرفه انه انا الجامعة يديدة يعني اكبر طلبتها بعدهم سنة ثالثة والسموحة اخوي اذا طولت عليك بس عادي استحملني خخخخخخخخخخخخخ:(39):

هلا اختي بنت العويس

لا والله يا اختي انا مو متخرج من جامعه خليفه
ووضحت هالشي في اول الموضوع
:)
وحاضرين طال عمرج باي وقت

E.Albareq

08-11-2010, 07:37 PM

السلام عليكم

هيه انا بعد دخلته في جامعه خليفه وابا اكمل الطب عليه بس حبيت اعرفه انه لازم اكمل الطب عندهم ولا اي جامعه ثانيه عقب التخصص

ومن رايك وبعد دراستك هو اكثر التخصص هندسه وجي ولا اكثر المواد الطبيه ؟!

بس بغيت اسأل وين الشغل وين عقب

وشكرااا ...!

وعليكم السلام ،، هلا اخوي

بخصوص اذا تقدر تكمل الطب بجامعه ثانيه .. اعتقد ان هالشي عادي بس لازم تسأل
اي حد في الجامعه ،، وبعد تتأكد اذا كان اعتراف الجامعه دولي ولا بس محلي.

ثاني شي ،، بصراحه لخبطوني الشباب اللي سأليني قبل وشككوني بالتخصص اللي
يالسين يدرسونه

بس المواد الطبية اللي بتدرسها بتكون قليله ومو متوسعه ابد
تقدر تقول مبادىء في الطب فقط

ف بذلك يكون التخصص هندسه ورح تتعامل مع اجهزة فقط، وهدف تدرسهم للطب
هو محاوله ربط الجهاز بالمريض ،، وايضا تسهيل عمليه فهم الجهاز

" لانه لو قالك هالجهاز يتعامل مع الدم ،، وتعمق في الدم وانت خلفيتك ضعيفه بالدم
ما رح تلحق ولا تفهم مبدا الجهاز ،،، لكن لو كان عندك خلفيه عن الدم ومكوانته ،، بيكون فهم
تركيب الجهاز وفكره عمله بإذن الله - اسهل - "

ومجال العمل شرحته قبل ،، بس حااضرين يا خوي

مجال العمل داخل الدوله : 1- شركات اجهزة طبيه متعاقده مع مستشفيات حكوميه او خاصه.
ومثل هالشركات تختص بادارة اجهزة المستشفى ،، والصيانه السريعه اذا تطلب الامر .

2- شركات اجهزة طبيه متخصصه في المعايره ،، وهذه الشركات تكون لدى علاقه مباشره بالشركات التي تدير المستشفيات ،، ويقوم هذا النوع من الشركات بمعايرة الاجهزة باستخدام اجهزة اخرى calibration machiens.

3- شركات اجهزة طبية متخصصه في بيع الاجهزة الطبيه بحيث تكون صاحبه وكاله اجهزة ،، وايضا تقوم هذه الشركات بتجهيز المستشفيات وتركيب الاجهزة وتجهيز الغرف طبق المعايير .

او شركات اخرى مثل تركيب انظمه الغاز ،، و إلخ

،،

وفي خارج الامارات ،، مثل بريطانيا وامريكا والمانيا " الدول المهتمه بالبحوث والتصنيع "
يمكن العمل في مجال التطوير والبحوث

ان شالله اكون وضحت

والمعذرة لو فاتني شي

روح مسلمه

16-11-2010, 07:35 PM

والله اخوي مشكوور ع المساعدة

وفي ميزان حسناتك

بس عندي سؤال عاااام

شو متطلبات المهندس اللي يحتاجها؟؟

وشكرا اخويه هلال

بنت العويس

30-11-2010, 10:53 AM

الفعو يا خيتي
والمعذرة على الرد المتأخر
بس خلوني اوضح لكم شي
تخصص الbiomedical
يمكن يتفرع لشيئين
اول شي اللي هو قسم الinstrumentation
والقسم الثاني اللي هو قسم biomedical
هذا القسم " biomedical " هو قسم متعلق بالبحوث والامارات مافيها هالنوع من ال researchs
وقسم الانسترومنتيشن هو القسم الاكبر اللي هو المتعلق بالصيانه والتركيب والتجهيز و و و

واللي اعرفه ان اللي يكمل طب يكون متعلق بقسم البحوث
ويكون اقرب للقسم الطبي من القسم المهني الهندسي

واللي عنده معلومه يصححلي ،، هذا الكلام على حد علمي
والمعذرة

شكر على المعلومات القيمة ما قصرت بس انت تقول ان اللي يبا يكمل طب لازم يكون في قسم البحوث وهذا شي مب متوفر هني بس نحن هني في جامعة خليفة بيخلونا نكمل طب عام بس نزيد ٤ سنوات :s46: فهذا يعني اكيد شي قسم لبحوث هني
ومشكور اخوي مرة ثانية

E.Albareq

27-12-2010, 07:37 PM

والله اخوي مشكوور ع المساعدة

وفي ميزان حسناتك

بس عندي سؤال عاااام

شو متطلبات المهندس اللي يحتاجها؟؟

وشكرا اخويه هلال

العفو اختي روح مسلمه
وشكرا لج انتي على مرورج

بس اعتذر اني لم افهم سؤالج

هل تقصدين متطلبات القبول في الجامعة ..؟

اذا كان هذا سؤالج

اطلب من اخواني المشرفين يردوا لان خبرتهم بالجامعه اكبر

انا ما درست في هالجامعه ولا كان ودي افيدج

واذا كان معنى سؤالج ثاني

رجاءا وضحي لي اكثر ،، يمكن حدود استيعابي حاليا محصور

والمعذره مره اخرى =)

E.Albareq

27-12-2010, 07:39 PM

شكر على المعلومات القيمة ما قصرت بس انت تقول ان اللي يبا يكمل طب لازم يكون في قسم البحوث وهذا شي مب متوفر هني بس نحن هني في جامعة خليفة بيخلونا نكمل طب عام بس نزيد ٤ سنوات :s46: فهذا يعني اكيد شي قسم لبحوث هني
ومشكور اخوي مرة ثانية

صحيح اختي

كلنا نتمنى هالشي

ان تكون الامارات متقدمه بمجالات البحوثات