سؤال بخصوص بعثة الطاقة النووية ..

[crimson rose]

[b]
السلام عليكم ورحمة الله وبركاته .. =)

عندي امتحان قبول لبعثة الطاقة النووية بجامعة خليفة باجر.. الحمدلله ذاكرت واستعديت بس حابة أستفيد من اللي خاضوا الامتحان من قبل..
شو هو أسلوب الامتحان؟ في شي محدد لازم أركز عليه؟؟ هل فيه نوع من الصعوبة؟؟
الحمدلله أنا ماعندي صعوبة بالإنجليزي بس متخوفة شوي من الرياضيات ^^"

فيدوني باللي عندكم ولكم مني كل الشكر والتقدير! d [/]

[نوفآني]

وعلييكم السلااام ..

ممم ماعندي اي فكررره عن الامتحاان وانشاءاللله الاعضاء بيساعدووونج ,,

ممم بس عندي سؤال !
انآآآ عندي امتحااان ورا باجر يوم الخمييس عشان البعثه .. بس ماعرف شوؤو ادررس وشو اسوؤؤوي .. :( .. ممم يالييت انج تساعيديني وتفيدني الصرااحه واايد متووهقه وماعرف شو ادرس وشووو اسوووؤوؤي ,, يقوؤولوؤن انه شي نموؤذج ف المووقع دوورت ومالقيييته >< .. !!

[مايرحم هزاع]

ياجماعة الخير انا اتصلولي وقالوا لي في مقابله يوم الخميس وماعرف شو اسوي يعني شي معين ادرس ولا كيفف الفزعه ياخوان شمه

[Hinata]

كيف اتصلو فيكم وخبروكم عن المقابلة وانا قالولي انهم بيتصلون بعد 1\7 ؟؟
انتو يمكن مال فرع الشارجه!
واللي في فرع بوظبي في حد اتصلو فيه جامعة خليفة وخبروه عن المقابلة؟؟؟

[نوفآني]

مم انا بس قالولي انه عندي امتحاااان باااجر !!

بلييييز ساعدووني قوووللولي شووو ادررس طفرررت والله ماعرف شو ادرس

[pink heart]

و أنا نفس الشي اتصلوا لأخوي و قالوله عن إمتحان باجر و ماا فهم شو يدرس و شو يراجع و الله يعينكم.. =/

[نوفآني]

مممم انا الايمييل اللي مطرشيلي ايااااه .. مكتوووب انه ندرس كتب الرياضيات صف ثااني ثنوي وثالث علمي !!

[Hinata]

وانا ليش ما اتصلو بي ولا طرشولي شي على الايميل؟ >_<

[هياا]

طيب سؤال
شلون تقدمون على بعثة الطاقة النووية
يوم جفت الاستمارة مالت الطلب في الموقع الاكتروني
ماشفت ها التخصص
و يوم اتصلت عليهم ما فهمت ولا شي منهم
شلون قدمتم
افيدوني

[The State 0f paRadise]

وعليكم السلام ورحمة الله وبركاتهــ ...


بالنسبه للأخت اللي حااطه الموضوع .. هههه انا اعتقد بخصوص الطاقة النووية ههه

بس ما عليه تم التزامه بخصوص المقابله ...

بالنسبه لج يا أختنا العزيزة .. الطاقة النووية رمسوني عنها اهي جداا صعبه ولكن يبالها شوي انا ما بخوفج انج لا لا تروحينها .. بالعكس سيري تستفيدين بالنسبه لطريقة المقابله بشكل عام بكون .. على نحو الاسئله في الرياضيات والفيزياء والاجليزي .. أنــا أخوي قالي سير هاي البعثة بس هالتخصص المشكله ماله مستقبل والله اعلم شو يستوي مستقبلا ..!! والسموحه


بالنسبه للي اتصلوا فيهم الجامعه .. راح يكون امتحان تحديد مستوى عااام في الانجليزي والرياضيات والفيزياء ومن المتوقع (توفل) ..

هذا بالنسبه لي امتحاني انا يوم الاربعاء ..

ان شاء الله أكون قد وافيتكم والسموحه ..

تحيـــــــاتي ::::

[The State 0f paRadise]

الأخت Hinata >>> اتأكدي ان نسبتج فوق 80%

واتأكدي ان درجاتج في ثلاث مواد تكون أحسن درجات

الفيزياء والرياضيات والانجليزي ..

وشكراا

[The State 0f paRadise]

بالنسبه لج يا أخت هياا ..

سيري جامعه خليفة واخذي قبول من عندهم ..

وبعدين اتوجهي لمقر ( مؤسسة الامارات للطاقة النوويه )

وهنـــــاك يفيدونج بالمتطلباات وكل شي ان شاء الله ..

وشكراا

[Hinata]

اخوي انا نسبتي فوق 90 ودرجاتي كلها في التسعينات حتى الرياضيات والفيزياء والانجليزي الحمد لله
بس انا سجلت في موقعهم من شهر 5 (يعني ما كنت حاطه النسبة والدرجات)وبعدين يوم الخميس اللي طاف رجعت ودخلت درجاتي
ولين الحين محد اتصل فيني
وانا اصلا غيرت رقمي لان رقمي القديم صارت له مشكلة وما يشتغل وحطيت رقمي اليديد في الموقع من كم يوم بعد
واتصلت فيهم يوم الخميس خبروني انهم ما اتصلو في حد وقالو بيبدون من 1\7 !!!!
والحين مادري شو اسوي ؟؟!!!!
اترياهم ولا شو؟؟

[The State 0f paRadise]

أختي Hinata شكراا على المروور :)

دام انج سجلتي خلاص .. ونسبتج بعد ما شاء الله .. اهم بدوا يتصلون من آخر هذا الشهر 6 فانتظري وان شاء الله خير .. تفائلي بالخير .. الصبر مفتاح الفرج :)

أنــا اتصلوا فيني وامتحاني يوم الاربعاء :) ..

انتي قدمي أماكن ثانية احتياط بعد .. وان شاء الله الله يوفقج

تحيـــــــــاتي :::

[Hinata]

مشكوووووور
خلاص اتصلو فيني اليوم وباجر امتحاني ومقابلتي
بالتوفيق ان شاء الله لجميع ^_^

[The State 0f paRadise]

حاضرين ..


بالتوفيق لج ..