المساعد الشخصي الرقمي

مشاهدة النسخة كاملة : البعثاآت الخاآرجية .. واستفساراتكمـ



أحلى عيناوية 7
21-05-2010, 11:55 AM
السلاآم عليكم ورحمة الله وبركآتهـ


شحآلكم .. ؟


شفت عدد كبير من الأعضاء يسأل عن البعثات

وحبيت افيدكم باللي أعرفه .. لآني متواصله ويآ الجهات المسؤولة عن هالأمور


معلوماتي تخص البعثات التالية


بعثة سيدي صآحب السمو رئيس الدولة للطلبة المتفوقين

بعثة الديوان الخاصه بالطلبة الحاصلين على نسبه 85 فمآ فوق .. ( 90%)

بعثة النخبه



بخصوص البعثه الأولى والثآنيهـ


http://www.sco.org.ae/mainhome_arb.htm (http://www.sco.org.ae/mainhome_arb.htm)


هالموقع الخاص فيهم وطبعا بتلقون طلب الإلتحاق وفيه كل المتطلبات ومنهآ امتحان التوفل
وترى التقديم كآن له موعد سابق وهو بعد الحصول على شهاده الفصل الأول .. بس في طلاب ماسجلوآ ومنهم انآ لانه محد يضمن نسبته في الفصل الثاني .. وطبعاً الفترة الحالية مفتوحه للتسجيل فـي البعثه عن طريق التواصل مع مكتب تنسيق البعثات في العاصمهـ



وبخصوص بعثة النخبة


في شهر أربعه كآن شي ندوة تعريفية في فندق روتآنا .. وطبعا وصلتنآ عن طريق المدرسهـ بطائق دعوة لأولياء الأمور والطلاب بالأسم .. وانآ كنت مشغولة بإمتحان ومارحت .. بس ربيعتيهـ ماقصرت


وطبعاً أغلب تخصصات هاي البعثه عبارة عن هندسة في مختلف المجالات .. هندسة كيميائية + كهربائية .. والبقيه


والشراكه بتكون مع مصانع وشركات في كل من ألمانيا وتايلند .. ويمكن بريطانيا ( سمحوليهـ نسيت )


للعلم .. تعد بعثة سيدي رئيس الدولة أفضل البعثات من كل النواحي ..

وفي شرط مشترك لكل البعثات وهو أنه الطالب يوقع عقد .. من ينتهي من دراسته يشتغل في أحد المؤسسات في الدولة لمدة خمسة سنوات .. وتفاصيل المصروف والمعدلات المطلوبة موجودة في الموقع في الفورم



وأي استفسار أقدر أفيدكم فيه .. انآ حاضرهـ ^^



بالتوووفيق للجميع

ملاك الإمارات
24-05-2010, 01:23 AM
مشكوررة اختي

صدق ما قصرتي
بس عندي سؤال عن المنح الداخلية في الدولة
اذا تعرفين عنها شي ؟؟

أحلى عيناوية 7
04-06-2010, 01:29 AM
هيه فديتج ..

المنح مفتوحهـ للطلبة الحاصلين ع نسبة 85 % فمآ فوق ..

وللمكآن اللي يختاره الطالب وفي أي جامعه


وطبعاً مع المصروف والسكن .. وتقدرين تتواصلين مع المكتب ويخبرونج عن المتطلبات ولو تبين الرقم تواصلي ويآي ^^

ضرعآنه
04-06-2010, 11:36 PM
آنآإ حصلت على بعثة رئيسسسس آإلدووله بسس هم يطلبون آإلسسسيبآإ ولآإ ؟؟

وآنآإ آإختآإر وين آإدرسس ولآإ هم ؟!

بيولوجية
05-06-2010, 05:44 PM
انا ابي اعرف شو الجهات اللي تعطي منح
داخلية

أحلى عيناوية 7
07-06-2010, 12:41 AM
ضرعآنه

طبعاً أنتي اللي تختارين .. وفي الجامعة اللي تناسبج

هم يطلبون امتحان الايلس .. وبيسون امتحآن للطلبة

واذا انتي ف مدرسهـ خاصه .. بيطلبون اشياء ثانيه كلهآ موجوده ف الموقع