الموجه الأول ..

[Fdait nass]

السلام عليكم ورحمة الله وبركاته
كيف الحال ؟

اليوم كان اجتماعنا ويا الموجه الأول لمادة الرياضيات
ان شاءالله المسا بنزل
اللي قاله لنا عن الامتحان النهائي ..

[صقر R.A.K]

وعليج آلسلآم ورحمة آلله وبركآته ..
طيبين طآب حآآلكم ..

ننتظر آلمسآ مع إلي قآله لكم آلموجه ^_^

[هياا]

وينننننننننننننك ؟؟

[Fdait nass]

سوري ع التأخير

اول شي المفروض مذاكرته الكتاب وكراسة التمارين والامتحانات اللي تنزل في موقع الوزاره وامتحانات السنتين اللي طافن بس .. أي شي ثاني لا تفتحونه اذا مذكرات او اسئله خارجيه ماتعرفون مصدرها .. بس الكتب والامتحانات .

ادربو على حل الاسئله في الامتحانات وعسب تتعودون ع الوقت .. الوقت ساعتين ونص ومناسبه للامتحان لاتعطون السؤال الواحد اكثر من وقته لانه بياخذ من وقت سؤال ثاني ، اللي ماتعرفون له تركوه واخر شي بيتم عندكم وقت فكرو فيه .

الامتحان بيكون 4 اسئله .. 3 ع التكامل و 1 ع القطوع.
كل سؤال بـ 25 درجه .
الاسئله مرقمه بالترتيب مثل الكورس الاول من 1 ل 20 او 25 مابيزيد عن هالعدد.
ماشي اختياري او اكملي او صح وخطأ .. أوجد او اثبت والخ.
الافكار اللي بتي في الامتحان كلها من الكتابين .
اسئله التفكير لا تتعدى 5 %
شي مساعدات وارشادات لبعض الاسئله .. او اذا في قانون من سنوات سابقه لازم نستخدمه في المسئله بيحطون القانون لنا .
قراءه المسائل جيدا .. والتعرف ع المطلوب وخصوصا حدود التكامل اذا كانت المسئله حياتيه .
اذا طلب استخدام طريقه معينه لازم نستخدمها واذا قال بدون استخدام التكامل يجب عدم استخدامه .. مثلا اذا طلب رسم لازم نرسم ونطلع المطلوب من الرسمه .
اذا خلصتو الحل وبديتو تراجعوه حطو اي طريقه ثانيه تعرفونها حذال الاجابه حتى لو كان الجواب خطأ لاتمسحون شي لانهم يشوفون الطريقه الأصح ويحسبونها مابينقصونكم ع الطريقه الغلط .. يعني لاتمسحون شي وحطو كل اللي عندكم .

الدرجات على الخطوات مش ع الحل .. الحل يمكن يكون عليه نص بس فلاتحاتون اذا طلع عندكم الناتج اخر شي غلط المهم الخطوات .
اذا من البدايه كاملتو غلط وكملتو حل بناء على الغلط .. تنحسب لكم الدرجه كامله الا على الغلط الاول بس تنقصون عليه .
مافي ابدا اي تكرار بالاسئله .

---
"التكاملات "
لازم نعرف المشتقه العكسيه للداله .. واذا وجد اكثر من مشتقه عكسيه بيكون الاختلاف في الثابت C
هو بيطلب نوع التكامل اللي يباه اذا كان الحل بكسور جزئيه او غيره .. واذا ماحدد نحل بأي طريقه نحبها .


" مجاميع ريمان "
- يمكن اي سؤال على صورة التعبير عن النهايه بصورة تكامل .. مثل السؤال اللي فيه لمت وسقما واخر شي دلتا اكس ونحن نحوله لتكامل .. بتشوفنه في الكتاب ص 22 .
يمكن اتي دالتين في الداخل اف اوف اكس و جي اوف اكس زائد ثابت .. نكامل الدالتين والثابت بعد نكامله شوفو المثال في الكتاب .


"العلاقه بين التفاضل والتكامل "
لازم تعرفون النظريه الاساسيه
يمكن ايب رسمه ويقول بالاعتماد ع الشكل اثبت ان الداله محصره بين -3 و 9
طبعا نستخدم min , max مانكامل لانه غلط .. لانه بيطلب بدون استخدام التكامل .. اما اذا ماقال بدون استخدام التكامل عادي كاملو .
ص 27 تحت ومثال عليه ص 28

المعادلات التفاضليه :
ايب السؤال بطريقتين يا انه يطلب حل معادله تفاضليه عاديه ومباشره او مسئله حياتيه وتكون الداله معطاه ولازم ننتبه مثل ماقلت للسؤال عدل ونعرف حدود التكامل من السؤال ثم نحل السؤال ونوجد المطلوب .


" القيمه المتوسطه "
ايب السؤال بثلاث طرق يا انه ايب مسئله مباشره او مسئله حياتيه وتكون الداله معطاه ونطلع الفتره من السؤال ثم نحل السؤال ونوجد المطلوب .
او انه يعطي القيمه المتوسطه ثم يطلب التكامل


تطبيقات التكامل
1- المساحه 2- الحجوم 3- طول المنحنى
سؤال من كل واحد لانه مافيه تكرار واسئله سهله

المساحات : اذا طلب الحل تحليلا او جبريا يعني نحل بالتكامل
الحجوم : أوجد الحجم الناشئ من دوران دالتين حول محور السينات ( تعويض بالقانون مباشره )

طول المنحني :يمكن ايب الداله ونشتقها او انه ايب المشتقه على طول وعقب نعوض بالقانون
اذا طلعت الفتره بين عددين موجبين نكامل مره وحده واذا بين عدد موجب وسالب بنكامل مرتين .. حد فهم شي ؟ ههههه ماحصلت عليها امثله في الكتاب .


" القطوع "
القطع المكافئ : يمكن يعطنا رسمه ونوجد المطلوب من الرسمه ويسأل عليه شو نوع القطع
او ممكن يعطينا الصوره القياسيه ويقولنا شو نوع القطع
ويمكن يطلب الرسم
ولازم نعرف احداثيات الرأس و معادله القطع في الصوره القياسيه والدليل .. ونعرف كيف نستخرج هالاشيا من الصوره القياسيه

القطع الناقص :مثل اسئله القطع المكافئ ولازم نعرف كيف نوجد خواصها مثل البؤرتين و المحور الاكبر والاصغر والخ

القطع الزائد : أوجد من الرسم او من الصوره القياسيه .. والخ الاشياء اللي تعرفونها واللي نوجدها من السؤال عادة

طبعا الاسئله ماتتكرر هههه يعني بالذكاء بيب ع كل قطع سؤال يعني بتحلون قطعين واحد زائد و واحد مكافئ وبيتم ثالث اكيد بيكون هو الناقص

ويمنع استخدام الاله في التكامل الا للتحقق من الاجابه .


وهذا كله .. طولت عليكم .. بس هو طول وايد ويانا اكثر عن الفصل الاول
اذا مافهمتو شي خبروني
بحاول اوضح لكم اكثر ان شاءالله
مشكورين :(6): دعواتكم

[هياا]

تسلمي اختي

و الله انك فدتني كثير

رووحي و القلب داعيلك

[Fdait nass]

الله يسلمج اختي
بالتوفيق ..

[كلام القلوب]

السلام عليكم ....
مشكورة ختية عالمساعدة ... موفقة يا ربي...
بس بغيت اتخبر اذا قوانين القطوع نحفظها كلها ولا بيعطونا عليها مساعدة ... لان صراحة القوانين وايد وتلخبط

[Fdait nass]

لازم تعرفين القوانين
عسب اطلعين البؤرتين والرأس واطراف المحاور وهالاشيا
حاولي تحفظين
موفــقه ..

[DREAMO]

يعطيج ألف ألف عافيه اختي .. ما قصرتي والله
كفيتي و وفيتي ^^

يزاج الله خير و فـ ميزان حسناتج ان شاء الله

[ليش ليش ليش ليش]

مشكوووووووووورة ع التوضيح بس شو حسيتي من كلامه وشرحه الامتحان بيكون سهل ولا صعب

[ولد المنصوري 2]

نفس الكلام الي قاله لنا بالفجيره ومشكوره اختي

[me.me]

السلام عليكم والرحمة
حتى فدبي نفس الكلام اللي قاله بالضبط ما شاء الله عليج اختي ما قصرتي الصراحة فاتني كم من شي لكن الحين لقيته
arigato gozai mass hontony
sayonara

[Fdait nass]

مشكوووووووووورة ع التوضيح بس شو حسيتي من كلامه وشرحه الامتحان بيكون سهل ولا صعب

مم والله احس انه بي نفس الكورس الاول
وهو قال بعد انه الامتحان يقيس مستوى كل واحد
يعني اذا انت مستواك 80 المفروض اتيب 80 في الامتحان او اكثر مب اقل
ويوم كانو يسئلونه في القاعه اشياء هو ماطرحها قالهم مب من مصلحتكم تسئلون اسئله
يعني شكله بيب من اللي قاله ومب لازم نتوسع وندور اسئله فيها افكار صعبه علينا شوي ..

[Fdait nass]

العفو ..
انا كنت وياهم في توجيه الفجيره
ان شاءالله الكل يستفيد

[*خلادي*]

الصفحات الموجه هو الي خبركم عنها ولامن عندك؟

[العلم نور5]

مشكوووووور والله يعطيك الف عافيه

الله يوفـــــــــــــــــــــقك

[pipero]

ما شا الله عليج كتبتي كل شي , ,

أنا كنت موجود بس ما كتبت كل شي ـهههـ . . } ~


~ { . . ع العموم ثانكس وايد . . } ~

[Fdait nass]

الصفحات الموجه هو الي خبركم عنها ولامن عندك؟

ما قال لنا شي عن عدد الصفحات
كل اللي قاله كتبته

[Fdait nass]

:(46):
مشكوووووور والله يعطيك الف عافيه

الله يوفـــــــــــــــــــــقك

الله يعافيك اخوي
انا بنيه ^.^




ما شا الله عليج كتبتي كل شي , ,

أنا كنت موجود بس ما كتبت كل شي ـهههـ . . } ~

~ { . . ع العموم ثانكس وايد . . } ~

العفو اخوي
هههه مادري ليش يودون الاولاد :(46): طول الوقت يتمصخرون في القاعه هههه ومحد داخل بورقه وقلم :p
بالتوفيق ..

[قمر العراق]

مشكورة يعطيكي العافية
انا كنت موجودة لما حضر الموجة اليوم بالمركز الثقافي براس الخيمة استفدت منو كتير بس لاسف كان في شوي فوضى من الشباب
ع العموم مشكووورة

[Fdait nass]

العفو اختي
ههه حتى نحن كانت عندنا نفس الحاله بس فهمنا ..
شدي حيلج

[علميه تب]

بارك الله فيج
الله يوفقج ويسهل امرج ان شاء الله

[Fdait nass]

آمين
بالتوفيق ان شاءالله

[Highness]

تسلميييييييييييييييييييييييييييييييييييييييييييييي يين ..
انا والله توني من شوي اتذكرت انه بيي اليوم =_=
يزاج الله خير :)

[Fdait nass]

هههههه حليلج
هذا كل اللي قاله
ان شاءالله تستفيدين واذ عندج سؤال حاضرين

[federer]

مشكـــــــــــــــــورة ....

اللــه يوفقج و الجميــع

[Fdait nass]

العفو
آمين ..