المساعد الشخصي الرقمي

مشاهدة النسخة كاملة : استفسارات عن جامعة خليفة



Hinata
12-05-2010, 09:13 PM
السلام عليكم ورحمة الله وبركاته

بغيت اسال طلاب جامعة خليفة خصوصا اللي في بوظبي

شو رايكم في الجامعة
انا الصراحة حابة ادخل هندسة كمبيوتر ونسبتي 92.5
والانجليزي مب لين هناك
هل دراسة الجامعة صعبة وايد؟
انا وايد خايفة من المقابلة واختبارات القبول بليز حد يخبرني شو الاسئلة اللي تكون في المقابلة؟
واسئلة المقابلة بالعربي ولا بالانجليزي؟
وكيف جو الجامعة بشكل عام؟
وهل فيها مواصلات؟
وهل هم يرفضون وايدين؟
مع العلم اني مواطنة
والراتب الشهري حق الجميع ولا بس اللي تقديرهم جيد جدا؟

ياريت لو تردون في اسرع وقت

The State 0f paRadise
13-05-2010, 03:45 PM
وعليكم السلام ورحمة الله وبركاته ..


والله ياختي الجامعه اوكي الصراحه ومعتمده ...

حلوة نسبتج ... ولكن عند تقديم الطلب لازم تجتازين الاختبارات وهي : الانجليزي والرياضيات والفيزياء .. والمقابله

ياختي راح تدرسين أول سنه فاونديشن لغة انجليزيه .. وان شاء الله تتعلمينها بسرعه

يالطيبه مافي شي بالدنيا صعب :) اللي بيدرس بيدرس وهذا كله باييد رب العالمين .. :)

لا تخافين الاسئلة هب صعبه بس اختباار بسيط الاسئلة بالانجليزية وتحاولين بسهوله تجتازينها بس أهم شي التوفل والرياضيات والفيزياء ..


الجامعه طيبة وجميله وحلوة ....


مواصلات بوظبي متوفرة وأكيد لازم فيها مواصلات الجامعه بعد ....


بالنسبة للرفض .. على حسب الاختباارااات .. فقط :)


العلاوة الشهرية للمواطنين جميعا سواء جيد او جيد جدا او ممتاز او ... وقدرها 4000 درهم ...



والسموحه على كل شي ... وان شاء الله وافيت انا بأسئلتج .. ودمتي بحفظ الله ورعايته ..



تحيــــــــاتي ::::: ................

Hinata
13-05-2010, 07:26 PM
مشكووووور ويزاك الله الف خير اخوي
بس سؤال
يوم بسوي المقابلة يسألوني بالانجليزي ولا عربي >_<؟
وشو يسألوني؟

واللي عنده اضافات زياده يا ريت يفيدنا ^^

The State 0f paRadise
13-05-2010, 11:09 PM
الله يسلمج ياختي ...

هيه بالنسبة للاسئلة أكيد بالانجليزي .... ههههه المفروض تفتخرين لأن نفس التخصص اللي انا بدخله :)


امـــا بالنسبة للاسئلة ... اتوقع والله اعلم تتكلمين عن نفسج ...


تحيــــــــــــــــاتي ............

Hinata
14-05-2010, 07:08 PM
مشكوووووور والله يعطيك الف عافيه ^^

The State 0f paRadise
14-05-2010, 09:10 PM
ربي يحفظج ... :)

-- شيخة بوظبي --
15-05-2010, 12:49 PM
اذا عندج شهادة الايلتس باند 5 بتعدين الانجلش فاونديشن ..
ولا التوفل اي بي تي .. مب الثاني .. بس ماعرف كم العلامة المطلوبة

سويدي
16-05-2010, 01:57 PM
السلام عليكم ورحمة الله وبركاته

بغيت اسال طلاب جامعة خليفة خصوصا اللي في بوظبي

من كم يقبلون النسبة

وبكم المصاريف

لاني ماعرف اي شي عن الجامعة

Hinata
16-05-2010, 08:26 PM
شيخة بوظبي ممكن تردين على اسئلتي اللي في بداية الموضوع ^^؟

-- شيخة بوظبي --
24-05-2010, 05:19 PM
انتي منزلة نفس الموضوع فمنتدى ثاني صح؟

Hinata
25-05-2010, 01:47 PM
هيه منزله هالموضوع في كم منتدى ^^

-- شيخة بوظبي --
25-05-2010, 05:41 PM
رديت عليج فواحد من المنتديات ككك ..

Hinata
25-05-2010, 08:46 PM
هيه عرفتج ^^

bashar388
02-06-2010, 03:30 PM
زين في سكن في بوظبي للطلاب

Hinata
03-06-2010, 10:36 PM
اللي اعرفه السكن في فرع الشارجه

The State 0f paRadise
17-06-2010, 12:43 PM
السكن فقط في حرم الشارقة ,,,

هياا
25-06-2010, 07:31 PM
زين يوم نقدم الطلب
مع العلم ان نسبة 84
بس درجة الفيزياء نازلة وايد
ممكن ما يقبلووني
ولا حسب امتحان القبوول

ثريا عارف
09-07-2010, 07:28 PM
ممكن اعرف الفيزيا مع امتحان المستوى وللا بس رياضيات وانجليزي وكمبيوتر؟؟؟؟

xx22xx
09-07-2010, 09:30 PM
امتحان تحديد مستوى بس في الرياضيات + كمبيوتر + انجليزي بدووووون الفيزياء ^.^

اماراتية حلوة
21-07-2010, 08:41 PM
بغيت اعرف متأكدين انه اخر يوم تسجيل كان تاريخ 15- 7 ؟
لنه ربيعتي بعدها ما سجلت T_____T ، وبعده مكتوب فالموقع التجيل مفتوح الان
apply online
ويشتغل .. ؟

وغير جي انا امتحاني ومقابلتي الشخصية كان بتاريخ 5 - 7
متى بيتصلون عسب يخبروني اذا قبلوني ولا لا ؟
في حد وصله القبول ولا بعدهم

وثااانكس ر=

ناشمهي
24-07-2010, 10:40 AM
أنا أمس أتصلوا فيني و الحمدلله أنقبلت قالوا يوم الأحد آجي لهم عشان الفحص الطبي