المساعد الشخصي الرقمي

مشاهدة النسخة كاملة : أنا مب فاهم الورراثة ممكن تفهموني



zarzor
13-04-2010, 05:17 PM
السلام عليكم و رحمة الله و بركاته
أصدقائي ممكن تعلموني عن الوراثة و عن الصفة السائدة و المتنحية و القوانين المندلية و الغير مندلية ... ترا انا مب فاهم و ممكن تعطوني كم من مثالو ممكن تعطوني كم من سؤال محلول ... و السموحة

كره أو حب
13-04-2010, 08:19 PM
أخوووووووي لو حصلت شي خبرنا انا نفسك هب فاهمة شي وخبصت بالامتحان التقويمي

عبدالقادر1991
18-04-2010, 11:56 PM
يا اخواني انا بنفس حالتكم
الله يخليكم شوفولنا حل

((حالة كسيفة والله مايت إلا على آخر سنة يعني ))

سالم الموهوب
21-04-2010, 04:55 PM
مي تو شدو الهمة

رفيعة11
24-04-2010, 10:13 AM
وانا بعد الله يخليكم مب فاهمه اي شي

hgfvdld
25-04-2010, 06:54 AM
والله يا جماعة الخير انا اكثر منكم

فالامتحان التقويمي خبصته وفالنهاية رسبت في الامتحان

( الله يعيني ويعينكم ف امتحانات نهاية السنة)

غرشوبه كلي حلا
25-04-2010, 07:01 PM
من صدقكم ما فهمتوا انا فاهمته
هو وااااااااايد سهل
بس ماعرف افهم
هاي المشكله هي

معلمة بيولوجي
26-04-2010, 12:58 PM
السلام عليكم يا جماعة الخير ترى الوراثة سهلة بس هناك أساسيات للحلمثلا المسألة في كتاب الطالب ص133
أرجوكم فتحوا عليها ونحله مع بعض
نشوف شو المعطيات بالمسألة:
اللون الرمادي سائد الون الأبيض متنحي
الأرانب 32 منها 8 بيض اذا الرمادية 24 اذا 24:8 يعني 3:1 وهي النسبة للأبناء
من حفظنا اذا نسبة الأبناء 3:1 يكون الأباء سائد غير نقي ( هجين )
اذا نسبة الأبناء 100% يكون الأباء سائد نقي
الحل التركيب الظاهري : رمادي رمادي
التركيب الجيني : Gg x Gg
الأمشاج G g X G g
الأبناء : Gg: Gg: GG: gg
التركيب الظاهري للأبناء : أبيض :رمادي نقي :رمادي غير نقي :رمادي غير نقي
يعني 3 رمادي : 1 ابيض
اي 75% رمادي : 25% ابيض
اتمنى ان تكون وصلت المعلومه والسموحه

عبيد المقبالي
05-05-2010, 06:17 PM
خخخخخخخ

يحليلكم والله

مم انا فاهم فديتني بس لازم اشوفكم فيس تو فيس عشان تفهمون خخخخخخخخخخخخخخخخخخخخ

كعبية قمر
05-05-2010, 08:03 PM
دخيييييييييييييييييييييلكم ابا حل الوحده السادسه في الاحياء ضروري

HII
16-05-2010, 09:53 PM
Pleassssssssssssssssssssssssssssssssssssssssssssss sssssssssssssssssssssssssssssssssssssssss

السرير الابيض
17-05-2010, 11:21 PM
سيمسيم والله

مب فااهم اي شي

الله كريم
هونها وتهوون
هع

samana
24-05-2010, 03:39 PM
السلام عليكم..،
آعضـآء ممكن تحددون شو هو اللي مب فاهمينه بالضبط..؟
آذآ حددتو يمكن آقدر آشرحلكم..، آنـآ فـآهمة بس مـآ عرف شو اللي آشرحه بالضبط..،
عمومـآ حبيت آوضح نقطـة..،
آنكم لآزم تكونون حافظين الصفات السائدة والمتنحية "يعني مثلآ صفحة 117 الجدول 1"
آذا كنتوا حافظينه وطبعـآ حافظين الصفات الثانية المذكورة عن بقية الدراسات بيكون الحل سهل..،
ولا تنسون صفحة 120، الجدول 2 مهم،
آتريـآ ردكم، وان شالله اللي آقدر عليه بشرحه لكم..،
دعـوآتكم بنسبة ترفع الرآس :(26):
الله يوفقكم وييسر عليكم..~ طالبة آدبــي..~

HII
24-05-2010, 06:23 PM
أنا مب فاهم

كل المادة مب فاهم

بليييييييييييييييييييييييييييييز

فهمونا

samana
24-05-2010, 08:10 PM
آممم الله يعينك آخووي،
عمومـآ، آنا بشرحلك اللي اقدر عليه
بس ما آضمنلك آنك تفهم مني :(6):
بسم الله الرحمن الرحيم..~
ببتدي بالوراثة المندلية..،
تخيل عندك عالم آحيـآء، وحبيت آنك تعرف معلومات عن نبتة معينة وعن عيالها بعد ^^
طبعـآ لآزم بتختار نبتة البازلاء لآسباب معينة اللي هي:
1- إمكانية التلقيح الذاتي فهالنبتة، "لآنهـآ خنثى"
2- فيها آزواج صفات متضادة يعني فكل شي لها خيارين، مثلآ، إما انها تكون طويلة آو قصيرة ومالها خيار ثالث.
3- هالنبتة زراعتها سهلة وبسرعة تنمو.
4- دورة حياتها قصير "حوالي ثلاثة شهور"
آنزين، عقب اختيار النبتة، لازم تعرف آنت شو بتدرس، "جدول 1 صفحة 117"،
بتغطي النبتة بكيس حريري، وبتخليها تتلقح ذاتيا "تغطيتها بالكيس عشان تظمن آنها ما بتتلقح من نبتة ثانية"،
طبعا كل اللي بينتج عندك هو النبات نفسه بنفس الصفات، وبهالتلقيح الذاتي اللي ينتجلنا نفس الصفات
بتعرف ان هالنبات من سلالة نقية ^^ يعني مهما تلقحت ذاتيا بتكون النتيجة وحدة..،
الحين دور التغيير..،
حبيت آنك تغير من التلقيح، يعني بدل ماتخلي النبات يلقح نفسه، بتسير آنت بتخلط التلقيح..كيف..؟
عندك من السلالة النقية الآولى "مثلا بتتحكم في اللون مثل الكتاب"، قرون صفرا "نقية" وقرون خضرا "نقية"
طبعـآ آكيد تعرف ان التلقيح يكون في الورد، بتروح بتقطع الأسدية فوحدة من الورود، وبتيبلها أسدية من النبتة الثانية
اللي عندك، من هالنبتة الناتجة بتاخذ البذور، وبتروح تزرعها، بتطلع عندك صفة وحدة اللي هي اللون الآخضر "الجيل الآول"..،
هالنبتة بتخليها تتلقح ذاتيـآ يعني محد بيرز فيسه فيهـآ :(39):
من هالنبتة الناتجة بتاخذ بذور وبتروح تزرعهـآ مرة ثانية، هالمرة بتطلع لك القرون "مو آنت النبتة هع"
بلونين، الآصفر والآخضر، " اللي هي النبتة الحفيدة من الجيل الثاني"، ونسبة الوان القرون هذي محددة،
وتكون دوم 1:3 ما تتغير، "استعن بالكتاب صـ118ـ شكل 2"
نآتي للمعلومة المهمة، آكيد لآحظت آنه نحنا لما خلطنا في نبتتين، طلعلنا اللون من نبتة وحدة بس،
هاللون اللي طلع في الجيل الآول نسميه الصفة السائدة، وهي الصفة تقدر تقول انها الصفة الآقوى،
آما الصفة الثانية الضعيفة اللي ما طلعت نسميها صفة متنحية،
"كتطبيق ع مثالنا، الصفة الخضرا هي القوية السائدة، والصفرا الصعيفة هي المتنحية،"
:::::::::
السموحة آعرف ان شرحي مب زين، وآعرف انه محد فهمني، آنا موجودة إذآ بغيتوني آكمل شرحي الفاشل :(39):
يمكن لو قريتو كلامي بتركيز تفهمون شسالفة..~ كانت هذي البداية فقط عشان اعرف تفهمون لي ولا لآ
بالتوفيق للجميع..~

هيوفه
30-05-2010, 11:38 AM
تزوج رجل ازرق العينين من امراة ذات عيون ملونة حلي المسألة على اسس وراثية (( لازم تعرفي منو متنحي ومنو سائد))

تركيب ظاهري:


تركيب جيني:


الابناء المحتمل انجابهم: طبعا مربع بانيت





حلووووووووووووووووووووها وبعدين بنشوف

ع‘ــآآلـي مستــوآهـ
30-05-2010, 12:56 PM
هيوووفه انا ممكن اساعدج بس المسأله اللي انتي كاتبتها نــاقصه لانه فالمسأله لازم اتكون العيون الملونـه نقيه ولا غير نقيـه
وانتي كاتبه بس ملونــه ..!!
_ اممم العيون النقيـه الملونه اتكون BB اما العيون النقيه غير الملونه اتكون Bb وهذا يغير الجواب بالكامل
تحياتي ^__^

top10
03-06-2010, 01:44 AM
اسميكم تضحكون

انزين لازم تعرفون انكم بتنسألون في ثلاث اشياء :-

1- لازم تعرف الصفات اللي لها علاقه بالصفات المندليه واللي هي لونين او شكلين ومالهم ثالث مثل زهرة البازلاه يا احمر يا ابيض
2- الصفات الغير مندليه (السيادة الغير تامة) يعني عادي ابيض وعادي اسود وعادي يطلع شي وسط بينهم وهو الرمادي مثل نبات سبع الحنك وغيرها
3- واخيرا عندنا الجينات المتعدده واللي تخص الوزن والطول وفصايل الدم وامثله ثانيه

4- لا تنسون تعرفون الامراض اللي مرتبطه بالكروموسوم الجنسي احفضوهن

عموما انا سويتلكم ملخص اتمنى يفيدكم

top10
03-06-2010, 02:14 AM
لازم تعرفون قبل لا تحلون السؤال هل هالصفه او الشي اللمذكور صفة مندليه ولا صفه غير مندليه ولا جينات متعدده عشان تعرفون تحلون

1- المندليه : نبتة البازيلاء و شحمة الأذن – لون العين – شكل الإبهام – القدرة على ثني اللسان

2- الغير مندلية :

أ- السيادة الغير تامة : نبات سبع الحنك و الشعر الأملس والشعر المجعد وبينهما الشعر المتموج ومرض الثلاسيميا في الانسان

ب- الجينات المتعددة: الوزن والطول والذكاء - لون الجلد – فصائل الدم


انزين شو الفرق بين سائد ومتنحي

السائد هو اللي نكتبه بحرف كابيتال كبير وحرف ثاني كابيتال (يسمى حينها نقي) او صغير (ويسمى حينها هجين)وهي الصفة الطبيعيه والمنتشره في المجتمع
المتنحي لازم يكون حرفين صغار وهي صفة تكون نادره وانا شخصيا اعتبرها صفة خبيثة


احسن شي هو رسم جدول مثل ما تعلمنا على ايامنا


نفرض مثال لون العيون في الانسان .. طبعا من دراستنا بنعرف هالمعلومه ان كل الوان العيون تعتبر سائد ما عدا الازرق متنحي

يعني لو ريال عيونه عسليه هجين متزوج حرمه عيونها زرق

نسوي جدول ونسأل انفسنا كيف نعطي الحرفين لانها صفة مندليه بنختار حرف واحد لهم كلهم وهو E

الريال بيكون Ee لان اي لون غير الازرق سائد فعطيناه كابيتال بس هجين ومب نقي فعطيناه حرف ثاني سمول صغير
الحرمه بتكون ee لانه الازرق متنحي

الحين نسوي جدول

الأب ----- E ----- e

الام
Ee --- ee ----- e
Ee --- ee ----- e


نلاحظ ان العيال نقسمهم اربع اجزاء كل جزء منهم له احتمال 25%
طلعو اثنين ee واثنين Ee
يعني اثنين زرق واثنين عسليات هجين او ملون هجين
يعني 50 % و 50%
يعني 1:1

ابو الفدا
01-12-2010, 02:55 PM
كلام عبد المقبال صح