المساعد الشخصي الرقمي

مشاهدة النسخة كاملة : طلبتكم جاوبوا على أسئلتي عن الطب..



شيخة السمـ،ـر
20-03-2010, 12:26 AM
مساااااااااااااااااء / صباااااااااااااااااااح الخير

طلبتكم طلبة

جاوبا على أسئلتي بلييييييييييييييز

احس حياتي صارت كلها ظلام وصكت علي الدنيا بعد

انا وافدة مو مواظنة وابا ادش طب هني فالامارات ،،


وين الجامعه اللي تقبل وافدات للطب؟

وكم يبيون النسبة تكون؟؟

وشي منح يعطون؟؟ ومن فوق كم يبون النسبة؟؟

لو ماشي منح ، فوق اي نسبة يبون عسب يقللون الرسوم؟؟

وشو الاسهل للحصول على الاشغال والاسهل بينهم (طب اسنان-طب نفسي-طب عزام-ولادة-جراحة...........)


بلييييييييييييييييييز ابا الرد ضروري

ابا ارتاح

خاطري ادش الجامعة اهئ

hamshams
20-03-2010, 02:02 AM
انا رايي (جامعة الخليج الطبية في إمارة عجمان) جامعة ممتازه
5 سنوات طب مع سنه تدريب
وفي عندهم طب اسنان و صيدله و علاج طبيعي

للفنسي لازم ادشين تخصص علم نفس
و للأسنان تخصص روحه
بس ولادة تقدرين تدرسين عام و بعدين اتكملين

كل الإختيارات الي ذكرتيها مطلوبه و علم نفس في الإمارات موجود في جامعة (middlesex university dubai( موجوده في قرية دبي للمعرفة و وايد ممتازة الجامعة

النسب ما دام 85 و فوق يعني امشيه حالج في كل مكان

المنح في ال90 و ال95 و تقليل الرسوم يكون على حسب الجامعة و شو مميزاتج لليخفضون الرسوم


جامعة الشارقة فيها طب
و جامعة راس الخيمة الطبية
و جامعة الإمارات


اتمنى اني فدتج كطالب في الثانوية العامة

شيخة السمـ،ـر
30-03-2010, 06:41 PM
وربيييييييييييييييي يسلمووووووووووووووو عالمعلومات

الحين ارتحت شوي ،، لقيت لي حافز

توت55
11-04-2010, 12:25 AM
وبعد عندج جاامعه العيين الخااصه تدخل وافدين ..


والسموحه هذا الي اعرفه ^^

شيكتو
26-06-2010, 06:13 PM
وجامعة عجمان ممتازة في تخصص طب الاسنان والتكاليف احسن بكتير ونسبتك الافضل انه يكون اعلى من 85% لانه في تنافس شديد على المقاعد , انا اتسجلت فيها طب أسنان والحمدلله انقبلت :)

هبوش
30-06-2010, 11:16 AM
بالنسبة للمنح جامعة الشارقة ما عرف اذا في و لا لأ و رسوم الدراسة 82 الف لطب الاسنان و الطب العام اما جامعة عجمان فيتم التخفيض بنسبة 20% بعد اذا كانت نسبتج فوق 95 و الرسوم 53 الف و ما عندهم طب عام بس طب اسنان .

و ان شاء الله تكون معلوماتي اللي اعرفها تكفي و اذا عندج اي سؤال اتفضلي

سوسو الشاطره
24-07-2010, 07:44 PM
كليه دبي الطبيه فيها طب عام وتقبل اللي نسبتها من 80 لفوق وبالتوفيج والكليه سمعتها ممتازه وتدرسيها وايد حلو