الطريق لن ينتهي .. والضربة الثانية للوزارة .. برنامج ظل الكلام في رعايتنا

[ذيب الإمارات]

بسم الله الرحمن الرحيم


الضربة الثانية للوزارة .. لن نسكت والساكت عن الحق شيطان أخرس .. بداية الطريق خطوة ونهايته بإذن الله مسعانا .. أرجو الوقوف معي ومساندتي من قبلكم فكما تعلمون بدأت في برنامج خطوة لكن لن يكن هو المطلوب ولم نحقق مسعانا المطلوب .. تقدمنا خطوة عليهم .. وظل الكلام يساندنا


السلام عليكم ورحمة الله وبركاته


برنامج ظل الكلام يعرض على تلفزيون دبي كل خميس بقيادة المبدع الجريئ ماجد محسن يستجيب لدعوتي ولشكواي ضد الوزارة وضد القائمين على المناهج و المدارس .. تعلمون سابقا بظهوري في برنامج خطوة ولكن ليس منانا الوطن العربي أجمع .. فبرنامج ظل الكلام سيخص الإمارات بقضية التعليم وسأكون حاضرا .. و إن شاء الله في هذه المرة أقدم الأفضل و أقدم الأكثر مما قدمته و أخرج ما في قلوبكم و قلبي لأني حتى الآن لم أفعل شيئا فأطلب مجاورتكم ومساندتكم وتشجيعي لأن لساني عاجز عن توجيه التهمة لهم في برنامج قوي وجريئ وسياسي و اجتماعي بحت مثل ظل الكلام .. لأن في البرنامج نطلب رد على شكاوينا من قبل وزارة التربية و التعليم



وموعد الحلقة سيحدد بعد الانتهاء من مناقشة المواضيع التي تودون طرحها وسيجمع عليها حضرتكم .. حتى لا أخطئ و أعرف الكلمة وما أقصد بها قبل أن أنطقها لأن الجهات المختصة حاضرة ويجب علي الحذر في كل حرف يخرج مني لأني محاسب علي


أتمنى أن أرى آرائكم و اقتراحاتكم لي بأسرع وقت ولا تخصصون بل قولوا لي ما يعم عليكم والمشاكل التي لا نراها ولا نعرفها

وشكرا ..

[ذيب الإمارات]

أرجو من إدارة المنتدى تعميم الموضوع على المنتدى أجمع لكي نستفيد ونعم جميع آراء الأعضاء

شكرا لمجهودكم الرااقي

[ذيب الإمارات]

أتريا مشاكلكم

[بنتـ الابداعـ]

تمديد سـآعـآت الدوام المدرسي بحيث أن الطـآلب لآ يستطيعـ استيعاب الكم الهـآئل من المعلومات في هذه الساعات ..~

بالتوفيق اخي ذيب الامارات معاااكـ بالحق ..~

[ميجا]

السلام عليكم

هلا اخوي .. شحالك ؟ .. عسآك بخير ..


وأخيراً حد بيسمعنا .. :(

مثل ماقلت الاخت بنت الابداعـ ..

- تمديد ساعات الدوام الدراسي ..

- المشاريع والتقارير إلي مانستفيد منها و ياريت لو يكون فيه حصة حق التقارير والمشاريع عشان ندرس في البيت ونراجع الدروس x_x ..

- أهم مشكلة اشوفها هي إن المواد كثيرة . ياريت يخففون من هذي المواد ولو يخلون فيه تخصصات في العلمي والأدبي .. يعني في العلمي فيه تخصصات مثل ( الهندسة ) و غيره والتي تقدر منه تختار بس مادتين او ثلاث إلي بتفيدك في حياتك الجامعية وهذا النظام مطبق في اوروبا و امريكا على حد علمي حتى إن فيه بعض الدول العربية طبقت هذا النظام x__x

وياريت توصل ها الكلام اخوي ...

واكون شااااااااااكر لك

والله يجزيك ألف خير :(

[ذيب الإمارات]

بنت الابداع .. هاذي اول المشااكل الي بقووولهاا أكييد .. الفصل الأول حجتهم ان اجازة رمضان والمنهج يبا دراسه ألحين شوو بعد ؟؟

ميجا .. اقتراااح روعه بس انته مت أكد انه في دول مطبقه تقدر تعطيني امثله ما أقدر أقوول شي مب متأكد منه

[Shiva]

اهم شيء ترمس على ساعات الدوام لان صدج صدج طفرنا
وخليهم يبطلوا الامتحانات الصعبة اللي حطوها لنا في نص السنة نسبنا ضاعت بسبتهم

[ذيب الإمارات]

مشكووووووووووور ع مروورك ومشااركتك

[طــــــــــالب علم]

بسم الله الرحمن الرحيم
السلام عليكم ورحمة الله وبركاته
اولا: أشكرك على طرح هذا الموضوع وعلى الجهدالمبذول~~

ثانيا: تطرح عليهم مسألة تمديد ساعات الدراسة الانهم يعتقدون أنهم سوف يطورن التعليم في الامارات بهذه الطريقة وهذا غيرممكن والسبب:الانه بتمديد ساعات الدراسه يقل تركيز الطلاب في الحصه ويجعل تفكيره خارج الحصه وهذا الشي طبعا لان يطور التعليم ويرهق الطالب فعلى سبيل المثال:.اذا رجع الطالب من المدرسه الساعه 3:00 وكان مكلف بأمتحان في الغد فماذ يفعل الطالب ألا يريد الراحه من الدراسه في هذه التسع ساعات الا يريد المذاكره للامتحان الايريد التحضير للدروس الغد فكيف يذاكر ويحضر للغد في نفس الوقت . الا يشعرون بما يشعرون به الطلاب من تعب و أرهاق من الدراسه .وهذا ايضا يقلل مجهود الطالب في التعلم وطلب العلم ~~

ثالثا:تطرح عليهم مسألة المناهج والامتحانات نهاية الفصل الدراسي هل بهذه الطريقه يطورن الدراسه بتعقيد الناهج فهذه الطريقه ايضا غير ممكنه ومن المستحيل تطوير الدراسه في الامارات بهذه الطريقه وبي النسبه للامتحانات فهم يجعلون الطلاب قبل الامتحانات يرهقون انفسهم في الدراسه وفي النهاية يأتون بالاسئلة من خارج المناهج فما ذنب الطلاب في هذه المساله وهذه ايضا طريق غير ممكنه ~~

وانا أحتج وغير موافق في تطوير الدراسه بهذه الطرق ~~

واشكرك على الطرح مره ثانيه ~~

وياليت تخبرني متى بيعرض البرنامج~~

وآسف أذا طولت فـ الكلام~~

[ذيب الإمارات]

بكوووووووووون يوووم الخميس مب هاذا الي عقبه ولا الي بعده ويمكن الحلقتين وحده حقنا ووحده للوزارة وتسجيلنا يووم الاحد هاذا ولا الاثنين

ومشكوووووووووور على ردك تسلم

[طــــــــــالب علم]

العفو ~~

و بتوفيج ~~

[شيطونة ed]

السلام عليكم
الحمد لله واخيرا لقينا حد يساعدنا
انا الصراحه ماعندي مشكلة غير تمديد ساعات الدراسة ...ليش يعني عطونا اجازة في رمضان محد قالهم
وراح احاول اخبر ربيعاتي عن البرنامج وبجمعلك المشاكل كلها
ولا يهمك

[ذيب الإمارات]

ثااانكيوو ع تفااعلكم بس بسرعه يعني عشاان اعرف لأني اسمع عن حد فراك والمناطق البعيده انه مدارسهم كشره وفي مشااكل واايده ماريد اطوفها لهم اريد اطيحبهم طيح هم بيعطوني 15 دقيقة أو 20 دقيقة أتكلم و الجامعيين 15 دقيقة بس أنا بتكلم عن المدارس مالي خص بالجامعيين ههههه مب تخصصي ع العموووم مشكووورين واترياا مشااكلكم .. ثانكس

[مريامي]

ما شاء الله علييك تنفع الصرااحه مسؤول عن الطلاب =p
اشكررك على هالمبادره يزااك الله خيير والله يكثر من امثالك ^^


.
.


طبعاً تتذكر المشاكل اللي كتبناها قبل فموضوعك مال برنامج خطوة
وهني ذكروا عن الدوام الطوييل اللي صدق يتعب واونه نقصوا ربع ساعه عنا نحن البنات بدال لا نظهر 3 ونص نظهر الحين 3 وربع . . !


امم مشكلة المشاريع عندنا بعض المدرسات وخااصه نحن قوم العلمي
ماايرضون بأي مشرووع عاادي يبون مشرووع كبيير وشغل شغل . . ! والله الفصل الاول تعبناا من الخااطر
وسوينا مشااريع متعبه للفيزيا والكيميا خااصه . . ><
وفوق ها كله مايعطونا الدرجات الكامله



الشي الثاني اللي صار فامتحانات الفصل الاول ابداً ماينسكت عنه
اليوم انا وربيعتي سرنا غرفة مس الجيولوجيا نسولف وياها وهي واايد اوك ويانا
خبرناها عن درجاتنا انصدمت عقب قاالت لنا انه احتماال انه اللي يصححون الامتحاناات للثانوية العامة يمكن يصححون عالسريع
او انهم ماعندهم الخبره الكافيه فالمادة ويشوفون عالاجابات النموذجية بالضبـط أو انه الاجابات اللي عندهم فورقة اجابات الامتحان اتكون غلط غير صحيحه < وصارت ويا مستنا يوم كانت تصحح امتحانات الحادي عشر علمي لاحظت أكثر من غلطة فالاجوبة النموذجيه للامتحان وفالاختياري كانت وسارت وفتحت الكتاب بروحها واتأكدت . . !




نباهم يلاقون لنا حل بخصوص امتحانات الفصل الاول والظلم اللي صار فيها
ونباهم يسهلون علينا الامتحانات نحن مب علماء ونألف من عندنا والمفروض يتقبلون اجاباتنا االلي نكتبها من فهمنا
لانهم قالوا انه هالسنه بياخذون على الفهم مب الحفظ بس نحن شفنا العكس من نتايجنا الغيير مرضيـه . .

السنوات الماضيه اوراق الامتحانات كانت تتصلح فالمدرسه نفسها
لييش مايردون هالنظام ؟! نحن شدرانا منو هالشخص اللي يصلح ورقتنا له خبره ولا مني والدرب ؟ يصلح بضمير ولا بدون نفس ؟
عالاقل يوم تكون اوراقنا فالمدرسه نفسها حتى لو انظلمنا بنقول عادي لـأنه المعلمه وضميرها بس يوم تكون اوراقنا بيد ناس مانعرف منو هم احس صعبه . .



اممم هاللي فبالي الحين واذا فيه شي بيي هني
اخوي لو تسمح تخبرنا عن موعد عرض الحلقة أي يوم وفأي وقت عسب نتابعها واذا شي اعاده بعد خبرنا عنها . . :)

[ميجا]

بــاك ..

هيه اخوي متأكد وهذا النظام مطبق في الكويت والسعودية في المدارس النموذجية والخاصة - مب كلها - ..

وإسم النظام ( التراكمي )

فكرة النظام هي إنهم يجمعون نسبة كل سنة و يقسمونها على 3 وبتطلع نتيجة الثانوية العامة ..

في الثانوية يكون عندهم قائمة من 14 مادة

- في الفصل الأول 7 مواد

- و الفصل الثاني 7 مواد


( الإمتحان يكون بس في خمس مواد و المادتين الثانية تكون تقويم مستمر مثل مادة الحاسوب عندنا )

( الطلاب يختارون المواد إلي يبونها ف الفصل الأول وف الفصل الثاني )


بس صدقني إن هذا النظام مريح واااااااااااايد لدرجة إني اعرف واحد وصلت نسبته للـ95 وفي الإعدادية كانت 87 .. !!!


مع العلم إني متأكد 100% من هذي المعلومات ^_^" ..


وياريت لو تقترح عليهم هذا الإقتراح

الله يجزيك ألف خير

في امان الله

[ALAS]

وعليكم السلام ورحمة الله وبركاته

موضوع جميل والاقتراحات دائما تكون في الطريق الصحيح لكل مشروع

شكرا أخي الكريم ذيب الإمارات على طرح الموضوع وقبل كل شئ هل بالإمكان تعريف شخصك الكريم للجميع لكي يعرف الناس شخصية ذيب الإمارات وهو من سيتحدث بأسمهم

بخصوص الشكاوي والمقترحات المقدمة لوزارة التربية كثيرة وكثيرة جدا لكن من هو الشخص المسؤول عن إستقبال هذه الشكاوي ؟؟؟؟

لدي كم هائل من الشكاوي والمقترحات في ملتقى رسالة للوزارة وأيضا قمنا بعمل إستفتاءات تهم مصلحة الطالب وجميعها موجودة وسأقوم بوضعها قريبا في موضوع خاص

سيكون هناك رد على موضوعك وتعميمه بعد ردك علي والتعريف بشخصك الكريم

[ذيب الإمارات]

اسمي راشد الظاهري عمري 17 في الصف الحادي عشر

أظني ما في حد للشكاوي لوو يستقبلووهن جان من زماان رادين على اقتراحااتناا

بس البرنامج ماشاء الله المسؤولين يشووفوونه ويحققون رغبات الناس منه وان شاء الله خير وانا بوصي نائب رئيس المجلس الوطني الاتحادي د . أحمد شبيب الظاهري انه يشووف الحلقة ويسعى لراحتنا وما بيقصر ان شاء الله

واتمنى تعميم الموضوع قبل ما اسجل التقرير

[ميجا]

اخوي اهم شي تقول هذا الإقتراح لإنه بيفيدنا وبيفيد الأجيال القادمة ..
وآسف ع الإزعاج ^_^

[ذيب الإمارات]

أخوي ميجا ممكن أتواصل وياك عشاان أفهم الفكرة أكثر عبر الإيميل أو التلفووون إذا تسمح لأنه بعده مخي ما استوعب الفكرة مية بالمية أخااف للفكرة سلبياات ولاا نتايج سلبية علينا نحصلها بعدين ونقوول ياليت ما اقترحناا

[gun grave]

قول لهم انت تخلون طالب يعبر عن راية طبعا لا اي قوانين ويا ريت لو مفيدة تيبون اجانب وما تراقبونم اصلا لو يكلم وياك هل اجنبي يخلي دماغك في حذائك وحذائك في مكان دماغك ولازم تخلون حصص للمواد مثل فيزياء ورياضيات ولازم تخلون طالب يرتاح
من ساعة 6فجر-4عصر اصلا منو رح يستفيد كل حصص لازم تتعب شو نحن في الجيش ولاشرطة
ثاني شي والاخير في يابان حصة وحدة نصف ساعة لان ابحاث تقول ان طالب رح يستفيد من حصة بربع ساعة بس وارجوا اني افدتك يلا باي darkhamad and boyvollsus

[حمىـ]

اشكرك علي هذي الموضوع الرائع



نظررررررررر

[ذيب الإمارات]

مشكوووووورين ع التواصل

وان شاء الله أخووي بقووللهم انه قبل ما يسوون الشي يسوون استفتاء و يناقشون رااينا مب ع كيفهم يسوون

[الـ ف ـراشة]

السلام عليكم

نشكرك على المبادرة الرائعة..

كما ذكروا سابقاً مشكلة الدوام الطويل..ونرجع مدوخين :(2): ولا نقدر ندرس ونستوعب الدروس زين ولا نقدر نرقد لأن الوقت ضيق جداً يا الله نحل الواجبات ونراجع الي خذناه ><"..

ومن ناحية المشاريع والتقارير !! كثيرة جداً ومسودة والخ..في النهاية مصيرها -_- القمامة،، يعني نحن صف عاشر نسوي 10 مشاريع وتقارير كثير علينا..

و من ناحية إمتحانات مجلس أبوظبي،،أسئلة كثيرة خارج المنهج حتى المعلمات يقولن صعب الامتحان فشو الطالبات!! ويا ريت يكون شي إمتحانات تجريبة على الأقل للمواد العلمية إذا كان نمط الامتحان جديد..

والمشكلة هو منهج الإنجليزي من مجلس التعليم في مدارس الغد أو الخصخصة..
الأجنبيات أغلبهن ما ينفعن..يقولن عنا أغبياء!!

ونقعد سنة لحد ما اييبون أوراق ندرس منهن وماشي كتاب،،وما نعرف شي عن الامتحان وغيره..
يعني الفصل الأول ما استفدنا منه شيء >< في الإنجليزي..المنهج الجديم وايد استفدنا منه كلمات وقواعد وغيره..

والامتحان الحمدلله كان متوسط ومن المجلس،،لكن انصدمنا بالدرجات ؟!! هل الخطأ منا أو من التصحيح!!

وبالنسبة لأيام الدراسة قليلة،،دائماً يكون علينا ضغط في نهاية كل فصل..يا الله نلحق ع المناهج
كل معلمة تاخذ أكثر من حصتين من غير حصصنا في الأسبوع الواحد!..

فياليت لو يزيدوا شوي الأيام عشان نستوعب المناهج ولا ننضغط نهاية كل فصل..

هذا الي عندي ألحين..^^

والسموحة

[ذيب الإمارات]

هلااا اختي .. 0_0 يزيدون الايااام يعني ضغط علينا أكثر حراام ألحين زايدين واايد وبعده ما يكفي لوو ما نأجز زندرس المنااهج ما يكفي ما شاء الله الكتب تارسينهن مال 3 سنين المفروض حاطين خطة زمنية والكتاااب قد الوقت يعني يشطبوون من المناهج .. شراايج ^^

[مريامي]

هييه صح لآزمْ يقللون من كميـة الكتب > صح اني اخر سنه ههه بس ابا الخير حقكم وان شاء الله يطبقون هالاقتراح
والشي اللي داشه اقوله عن الاجنبيـآت

يايبين لنا اجنبيات ولـآ يخصهن فالانجليزي اللي دارسه العلوم واللي دارسه الموسيقى واللي مادري شو
والله الشااهد عليي انا وربيعتي سرنا مجلس ابوظبي عسب نشتكي على مس الانجليزي لـأنها يالسه واتعلمنا الرقص فالحصص !!!

وغير انها ماكانت تحترم تحية علم دولتنا وكانت تتنطط وترقص بخباال
ومااسوو أي شي ليين مالاعت جبدي فالاداره وكل يوم طابه عندهم وطلبت من المديره تحضر ويانا حصه
ساعتها حسوا وبعد فتررره طووييله يابولنا مس ثانيـه احسها اوك شوي مب واايد >< بس ماقول غير الله يرحم ايام اول
صح اللي درسني ماكنت افهم وايد عليهن بس والله اهون من هاللي يابوهم . .

[ذيب الإمارات]

مشكووووووورة

في أحد عنده مشكلااات في البناء ولا الأثاث المدرسي دنيء المستوى بشكل فظيع ولا المدرسه يعني من أيام العصر الحجري

أسمع يقوولوون ف المناطق البعيده مثل راك ولا كلبا و خاصة المناطق الجبلية و صوب السلع و الرويس انه المدارس هب شي نفخه وده وبطيح فوق روس الطلاب وقطرة مطر تهدمها خخخخ ولاا ما في من هالنووع ؟؟

[ميجا]

اخوي والله ماعرف شو اقولك ..

بس أنا فكرت في الموضوع

وحسيت إن النقاط السلبية أكثر !!

ما علينـا .

اخوي ياريت تقولهم إن المناهج طويلة فالأحسن إنهم يخففونها ..

المعلومات دسمة ويبالها وقت عشان نفهمها بس نحن ماعندنا وقت !!

مايبقالنا وقت حق المذاكرة .. الوقت كله حق المشاريع والتقارير ><" ..

وفيه كتب مترجمة غلط .. مثل كتاب الكيميا ( صف عاشر ) الإستاذ بنفسه يقول إن فيه بعض الكلمات مب راكبة مع مضمون الدرس

ومشكور اخوي

[ذيب الإمارات]

ثاااانكيووو ميجااا

سوري بس والله من الحرص أخافه يكون له سلبيات واايده ونتوهق يووم ينفذوونه عشاان جي وانت برووك قلت سلبيااته واايده

بس أنا عصرت مخي ابا اقترااح يكووون حلوو يريح الطلااب من ناحية الدرجات يعني مثلااا شوو راايكم بزياده الفصول يعني الفصل الأول و الثاني و الثالث عشاان اكتاب يتقسم بس مع تخفيف المناهج أو لا لا مب حلو الاقترااح اباا شي جذي يديد نكوون مميزين لوو اقترحنا يحل كل مشااكلنا يعني ما عرف والله كيف اوصللكم الي ابااه بس فكرووا عطووني اقترااح و حل حلوو جي

[ميجا]

السلام عليكم

اخوي انا عندي اقتراح ^_^" ..

شرآيك لو تقولهم

يحطون في قسم العلمي .. تخصصات زيادة

مثلاً يكون فيه تخصص إسمه هندسة

وندرس ( فيزيا - رياضيات - عربي - دين - إنجليزي )

شرآيــك ؟؟؟

[ذيب الإمارات]

هلااا أخوووي ميجا

ماشاء الله الاقترااح حلو بالنسبه لك لأنك محدد مثلاا شوو تبا تتخصص بس الطلااب لااا انته تشووف الطلااب بين العلمي والأدبي شهر تبديلات أما تخصصات بيختارون شي وبعدين بيقوولوون ما نقدر وذيج الساعه ما يقدروون يردوون ولا يبدلوون ومصيرهم الرسووب ..


شوووف بصاااحه فكرتي سويت فيها استفتاء بين ربعي ونجحت

شرااايك بشرحها وانته قوولي رايك

نحن ألحين عندنا فصلين الأول و الثاني ليش مب كل فصل نقسمه قسمين بيستوي عندنا 4 فصول في السنه كل فصل ما يتعدى الشهرين و طبعا مع غعادة ترتيب عدد الحصص لكل مادة لأنه في أغلاط في ترتيب الحصص .. بذلك انته تستلم 4 مرات الشهادة وتمتحن أربع مرات لكل مادة من مية جذي بيكون المقرر لكل فصل أخف لأنه نص كتاب ومب كتاب كامل و بتتساعد في المعدل يعني إذا زفت في وحده ترفع الثانية بتمتحن 4 مراات و بتستلم الشهادة 4 مرات وما بيكون في امتحان تمتحن الكتاب كله لا كله نص بنص نفس التقويمات لاكن رسميات وبتفتكون من مراجعه الكتاب يووم كامل بيكون بسيط وشوي يمكن ما فهمتوني ولاا قلتووا لاا ما نباا لوو قلتووا يعني ما فهمتوا علي هههههه لأنه 4 فصول وتدرس حق امتحان الفصل نص الكتاب بس وتييب 90 وفووق وتجمع 4 درجات وتطلع المعدل طرر بيكوون

[مريامي]

فكررره عجييبه تعرف !
بوافقون بس هل الوزاره والمجلس بيوافقون ؟ > يدورون شي صعب هههه يبونا نتعب


.
.

بس اقترح هالاقتراح عيبني الصرااحه
وعن فكرة ميجا . . تعرف مثلـاً يسوون نظام الجامعات
يعني الطالب يختار المواد اللي بيدرسها ماعدا [ العربي رياضيات - انجليزي - دين ]
والباقي اختياري مثلاً 3 مواد زياده . .

[ميجا]

فكره حلوه اخوي ^_^" ..

وإن شاء الله توافق الوزارة ><" ..

اخوي بالنسبة لإقتراحي

فأنا اشوف اقتراحك اقوى وبكثيييير

فالأحسن إنك تقول الإقتراحين ولو ماكفا الوقت قول اقتراحك =)

في امان الله

[ذيب الإمارات]

الحمد لله انه عيبكم غصب طيب نبااهم يسوونا والله نرتااح راحه ولا اروع إذا سووا واحد منهن لاكن ان شاء الله يسوون هع بكسرهم خخخخخخخخخ

[طالبة تسعى للتميز]

مشكوور أخوي ع المبادرة ..
وإن شاء الله تستجيب الوزارة لمشاكلنا.. =]

* تمديد الدوام أهم نقطة لازم تتكلمون عنها...:(24):

*امتحانات مجلس بوظبي كاانت صعبه بالنسبة لعاشر .. واتوقع بعد للصفوف الثانية..
عودونا بس ع امتحان الرياضيات .. بس باجي المواد العلمية لا ..
عسب جي خبصنا في الكيميا والأحيا *.*
ومادري كيف تصحيحهم .. نحن حالين عدل في الفيزياء والجيولوجيا ..:(33):

يعني لازم كانوا يعودونا عليها قبل ما ننصدم بدرجاتنا !_!


أنا بس عندي هالمشكلتين .. :(43):

وبالنسبة لاقتراحكم وااايد حلووو ..~

[مرتاحه البال]

طانكيووووووووووؤؤوووو

[Shiva]

4 فصول هاشرات النظام الياباني لكن الفرق انهم يدرسون ايام اكثر عنا يوااااايد ولا واحد فيهم اشتكي ههااهاهاهاه
بصراحة الفكرة مش بطالة لكن مااعتقد انها راح تتنفذ يبقولوا لكم الموضوع يحتاج لدراسة وخرط بيزة وبعدين يكلفتوا الموضوع كله
كل اللي اتمناه ان يرد الدوام مثل قبل وبس مافي امنيه اخرى لاني تعبت تعبت تعبت !!!!

[bano0ota in school]

السلام عليكم
و يسلمو ع الطرح الرائع واخيرا في حد يسمعنا
اخوي اقتراحات الاخوااان والاخوات رائع
بس بالنسبة للفيزيا للعاشر والله صعب ,,
و ليش ما يخلون الفيزيا والكيميا الفصل الاول والفصل الثاني احياء وجولوجيا يعني المهم ان الفصل الاول مادتين من هاي المواد والفصل الثاني بعد مادتين <<< يعني مب كلهم في الفصل الاول ,,
^^

[ذيب الإمارات]

تم بحمد الله تسجيل التقرير وان شاء الله تفجير بس أتمنى ما يكون مونتاج يقضي ع الجرأة

الحلقة يوم الخميس الساعة 10 ونص (( الوزير موجوود )) خخخخ رحنا فيها

[البادي123]

المناهج اليديده الي يطبقونها حق صف تاسع وحادي عشر ... صراحه أرف احس انيه مادرس شي ابدا في الرياضيات كله اوراق وحل بروحك ياخي الطالب يحل بروحه لاكن بعد مايرشده المعلم هب يفر الاستاد ورقه ف ويهك ويقولك والله حل هب مطلوب منيه احل فياك لازم تحل بروحك شو نحنا منولدين وفي راسنا مخين ...


والدروووووووس تقهر وتنرفز ... مثلا معطين حادي عشر في كتاب الدين حفظ ايات طووويله جدا والقهر لما راحو شكوا ماقللوا منها بالعكس زادزها ليييييييييه المغااااااااايض ؟؟؟ ولا تمديد الساعااات انا متى بصلي العصر ؟ ارد هلكان والله لا هنى لي نوم ولا اكل عنبوه انا عنديه خوات وخواتيه واللللللللله حرام هذيلا ارق البشر بقول لو بس حق الاولاد هذيلا بنااات مايتحملللن تخيلووووو ا يصيحن مايقدرن يخلصن شي ولا ينجزن عافانا الله ويوم نرد نرررررد هلكانين من اليوووووع اكل ممنوع نيبه عيل من زين الاكل الي ايبونه مبيييييت مال االااسبوع الي طاف نحن الجيل الي بنبني اذا استمر التعليم بهالطريقه الطلاب بيضعيون ومابيساندون الدوله من القهر وبيغايضون وبيعاندون .....

[عشقي القلم]

السلام عليكم <?xml:namespace prefix = o ns = "urn:schemas-microsoft-com:office:office" /><o:p></o:p>
كل الكلام الي تقولونه صحيح . وكلنا نواجهه في الدراسه وصعب علينا
بس ماابيكم تنسون طلاب الأدبي <o:p></o:p>
صح ان العلمي أصعب بس بعد نحن نواجه صعوبه فيه <o:p></o:p>
مثلا التاريخ كميته واايد كبيره والجغرافيا بعد وايد نعااني منه
وعندنا احيا وفيزياا .. مدري ليش محطين لنا مواد علميه في حين أن طلاب العلمي ماعندهم مواد أدبيه مثل الاقتصاد وعلم النفس والتاريخ وجغرافيا
وليش مايسوون 3 اقسام ( علمي - أدبي - تجاره ) مثل البحرين هذا النظام مطبق عندهم
يعني طالب يبغي يدرس ادارة أعمال شو يبا بالفيزيا والاحياا .. <o:p></o:p>
<o:p> </o:p>
وشكرن ..~

[ذيب الإمارات]

حبااااااااااايبي الحلقة انذاعت من زمان

ان شاء الله فالياااياات