حلقة خاااااااصه في برنامج خطوة

[ذيب الإمارات]

السلاام عليكم ورحمة الله وبركااته

أنا قبل شهر متواصل مع الدكتور خليفة السويدي وطلبت منه حلقه أطلع فيها همووومي وهموومكم عن هالدراسه واللعبه الي تصير طوول التقويم تسعينات ويووم الامتحان سبعيناات شوو هالسخاافاات الي تصير والدكتور وافق وحدد موعد ويبااني أحظر الحلقة

أولا أنا كتبت كلام في موضووع أحد الأعضاء عن منوو يحب المدرسه وهاذا الي أبا أقووله وأظن بطلع كل شي بس .. أنا حطيت الموظووووع علشاانكم اريد أعرف شوو تبووني أقووول وشوو تبووني أخبرهم طلعوا الي فخاطركم وان شاء الله ما بنسا شي

وهاذا الرد الي ف الموضووع وتقريبا بقوول نفسه بس بذرااابه ههههههههه و أباا اسمع شكااويكم

من يحب المدرسة ولماذا؟ أنا أحبها لكن أكرها أكثر من اني أحبها قولولي ليش ؟ لأن نااس ما يحبوونا ولا يحبوون رقعه ويهنا يديرون كل شي كل شي فاااشل من كل النوااحي والله اني شااطر و أول نسبتي ف التسعينات والحين 80 و 70 مب حراام يحبطوووني .. من شو كل هاا خبرووني . أنا كرهت أي وزير ايي الوزاره لأنه احس انه ما يدارينا ولا مره طلع وزير يفكر فينا يحبنا يحترمنا مخلينا شراات العبيد رايح انا ابعد المدارس ف العين لأنها أحسن المدارس الثانويه و أرد البيت السااعه 4 ويكوون عندي امتحاان أحياء و انا يووعان ربع سااعه أكل ع الأقل أرقد أريح انزين لو رقدت متى بنش بعد المغرب بمسك كتاب الأحياء و انا مريح خلااص أول ما بقرا كأني أقرا جريده ولا مقاله .. والله المقااله أحسن من الكتاااب حاطيلنا كم صووره أونه شرح وتعبير ابدااعي ونحن تعاالو توهقوا يوم الامتحاان ما تعرف شو الي تحفظه و شو الي تودره اصلا ما نعرف وين الي نحفظه حتى اسئلة شرات الناس ماشي انزين بعدين شو الحل أطب الكتااب و أقوول خلها ع الله وارووح اسوي تقرير حق استااد غيره ورا باجر امتحان غيره ابا اراجع اجهز اسئله و ابا أحول واجب ثااني يات الساااعه وحده ف الليل كيف بييب الدرجااات لاا بعد وقاااحه المعلمين ما يشرحووون وفشله بعظهم مب كلهم ولا كأنه مب مكمل الثانويه حتى ويوم الدرجاات يقوول انا شرحت ودرست وعطيت ومادري أحين أنا أتكلم والوزاااره طااف حقي و حق غيري أصلاا لو ف الوزااره خير تسمع آرائنا و اقتراحاتنا وتنفذهن نحن الي ندرس و نتعب مب انتو انتو بس أواامركم الي اتعبنا ودرااسه لأشيااء مالها دااعي والكتااب كله حشوو وطبعا بعظ أولياء الأمور مب فاهمين شي يتكلمون الا جذا ويهزبوونا يعني المدارس وأولياءنا بعد والله حراام ظااع معدلي والسبه انتوو و الله ما أساامحكم لا دنيا ولاا آخره والله
ما هو الدافع للذهاب؟(الأصدقاء,العلم.....)
ماشي داافع غير عشان الشغل وعشان والظيفة و الراتب الزين وعشاان ربعي العزيزين ع قلبي لأنه ما ألقى و قت أشووفهم الا ف المدرسه حتى اياام الويك اند الوزااره تبااهن حق شغلها خمسين تقرير و اجب ولازم نراجع حق امتحانات الأسبووع الدنيا امطار والناس تطلع تشووف و أنا متيلس ف البيت أدرس و أرتب وآخر شي بعد بطره المعلمين ما يعيبهم

اذا خيرت للذهاب الى المدرسة ماذا كنت ستختار؟
بذهب يوووم استراتيجيه وهدف الوزاره هو تحبيب المدرسه لي فاااهمين خلوونا نحب المدرسه دخيلكم

هل تظن أن طريقة التدريس الحالية هي السبب في كره المدرسة؟
تدريس معظم المعلمين فااشل جدا ما يعرف يشرح ولا يعرف يوصل المعلوومه هااذا اذا المعلم فاهم على المنهج من الأسااس والله يشرح شي و ف الكتااب كلام ثاني تعاايينا فيهم نكتب الي قاله الاستاد ف التقويم صح بس امتحان الفصل خطا نكتب الي ف الكتاب الجواب مليوون سطر أول شي عدلو المنااهج فرحاانين انه شكلهن شكل كتاب علمي والله ما يسوون شي وع الفااظي تخسروون فلووسكم حاطيلي اشياء تقوول نحن عياال نيووتن يااخي السنه مب فيزياء بس ولا أحياء بس و لا كيمياء بس ولا عربي بس ولا دين قسمو المعلومات بشكل متساوي مب معلومات كتااب واحد عن سنه كامله تحسبوون نفهم أو نرااجع من الكتب والله الله يخلي أعضاء تعلم لأجل الإمارات اييبولنا ملخصات نفهم عليها واييبولنا شرح نفهم عليه هاذا كله لازم يسويه المعلم و أول شي يشرح عدل يشرح شراات النااس لاا وبعد مب مقصرين وزارتنا كل ماده كتابين ووفاايدتهن ما تيي نص كتااب مسوين كتاب نشااط بس ثقل عشان نشلهن ونحطهن ونشلهن ونحطهن والأساتذه يذلووونا عليهن آخر الفصل بيووم حلووهن عليهن ندرجاات من صفحه واحد لين 100 ولي ما يحل صفر
تخيل لو عينت وزيرا أو شخصا مهما في الوزارة ما هي الأفكار او الأشياء التي كنت ستفعلها لنهضة هذا العلم؟
لو كنت وزير بعدل كل الي قلته و أولهم المعلمين الفشله و الكتب بعض الدول التعليم الكترووني لا كتب ولا شي ونحن بعدنا خمسين كتاب حق صف اول والله يقبظوني الوزاره شهر وبس والله لخلي الطلاب يحبوون المدرسه ع الأقل بستشيرهم مب بيلس اتحكم فيهم بشاورهم بالي اسويه وبحفزهم بخليهم يشووفوني دايما يعتبرووني اخوهم العود بخفزهم بكل الأنواع بسويلهم انشطه شراات الناس يستانسون وقت التدريس

...............................

أتريا ردوووودكم وشكاويكم وذكرووني إذا نسيت شي وخبرووني مشااكلكم .. وشكراا

[مريامي]

ياااااااحظك خاطري اسيير اطلع اللي فقلبي
بس بحااول اني اتصل

.
.


الصراحه خـآطري تتكلمْ عن وآيد اشيـآ

1. الضـغط الدرآسي . . كل شي يطبونه فوقت وآحـد " امتحانات / واجبات / مشاريـع / تقارير / ولـآ ننسى اذا نبا درجـآت اكثر نسوي حصة شرح "

2. الوقت . . عـ بآلهمْ نحن فـآضيين وعندنـآ وقت وآآيد وللـأسف مآعندنآآ >< ~ كل حيـآتنآ درآسه × درآسه حى صلة الرحمْ نسييتهـآ خآآصة هالسنه يدي مرييض ماسرت ازوره الا مره وحده ولا مرتيين / ابوي ايي من السفر ايلس وياه وانا ميوده كتابي !!
مـآشي وقت نقضيـه شوي ونعطييه حق لـأهلنـآ والله حرااام :(

3. امتحـآنآت التقويمْ . . شي ثآآآآآآني / الكتاب شي والامتحان شي ! ايبولناا اسئله على قولتهم تفكيريه وهم ماعودونا عليها فالحصه !! والله اني اعرفهآ من حصص التقويــه

4. امتحـآنآت الفصل . . حلييينا وحليينا ومتأكديين من حلنـآ !! واليوم انصدمت بالظلم فالتصحيح خاصه نحن طلاب وطالبات العلمي !! وغير جييه اييبولنااا امتحانات من المرييخ مادري شو هالامتحانات
شحقه ندرب على كل هالمسائل وهالاسئله وانتوا ماتييبون شي منها او على نمطها خاطري اعرف الااا واييبون شي غيير

5. بعـض المعلمـآت للـأسف وانتبهوا على كلمة " بعض " . . مآيتعآملن ويآنآ نحن الطآلبآت بأسلوب زيين والله اسلووب ينرفز ويرفع الضغط لييش ماادري ؟! ><

6. طول العام الدراسي يقولون يالله ماااشي وقت ماباقي شي ق الامتحانات ومادري شوو . . !
انزيين لو تحسون انه ماشي وقت ليش ماتقللون من كمية الكتاب . . قسم بالله نحن بشر لنا طاقة وجهـد معيين وتخلونا نكلف نفسنا فووق طاقتنا عشان خاطركمْ !!

7. البعض من المعلمـآت لو نسآيرهـآ وجييه بتحط البنت فوق راسهاا بس قردنها عشاان الدرجاات اكرره هالاسلوب . .

8. بعض المعلمات يشوفون الطالبات انهم يغشون وجييه ومايقولون لهم شي لييش ؟ > مقردنينهـآ !

9. في معلمة عندنـآ على كثـر مانشتكي عليهـآ نحن طالبات العلمي وطالبات الادبي . . ! وعلى كثر مارمسوهـآ ادارتنا فديتهم / بس تعااند وماتسمع لـأحد >< اتمنى لو فيـه قانون ضد المعلمين اللي بهـآ الشكل اللي يخالف اوامر الاداره تعاقب


كل هالنقــآط ومآتبـونـآ نكــره شي اسمـه درآسـه
والله اني احب الدراسـه ومن يومْ كنت صف اول كله من الاوائل الا يوم ييت مرحلة الثانويه العامه ! شفت العجب

الله كريم ياخوي ونصيحه مني لك يوم تتكلم فالبرنامج
حاول انك ماتغلط لا على وزير ولا اداري قول السلبيـآت اللي يواجهوهـآ الطلاب من المعلمين ومن الكتب ومن الامتحانات ومن ظلم التصحيح فالامتحانات الفصل

[ستارز]

السلام عليكم والرحمة

اظني انتو قلتو كل شي سلبي

ما خليتو شي

انا عندي اعتراااض فتأخييير الدوامات
يعني حراااام الطلاب اللي يردوون بيتوهم فالباصات
ايردووون البيت 4 ولا عقب صلاة العصر مب حرام متى يتغدون ومتى بريحون
يعني لااازم نعييش 24 ساعه كلها دراااسه
صدق كرهتوونا فالدراسة فخااطرنا يمر يوم ونتمى ندرس 24 (((( نتتتتتتتتتمنى)))))
وتغيير المنااااهج انا واااااااااايد انننقهر مثلا انا صف تااااااسع ما عودووونا ع منهج مادة العلوم
دخلووو فعقووولنا مره وحده لولا اللي يدرسنا جاااان نحن ولا ندريي بالدنيييا
و الوزييير نحن اذا ما ظهرنا اللي فخوااطرنا متى بنرررمس
اذا هم ما يدرووون ولا يسئلوون عنها بس يعرفووون
ينزلووون قوانين ولا ايبوونهن من الغرب ويطبقون علينا نحن
يتحروون عقووولنا الاكترووونية
لو نيييلس نرمس من اليوم لين باجر ما بنكفييي
لانه الدرااااسه هممم واتمنى لو تفهم عليينها الوزارة
راااااعووونا وراانه سنييين درااسية نباا نحب الدرااااسه
اذا احيينه نحن جيييه
الله يعيين فالثانوية اتووووووقع مييييييييح بالمررررررره
المهم يا خووي ارمس بشكل عاام نحن بعد مظلوومين ><

[مريامي]

هيييه اتذكرت نقطه
على كثر الخريجيين اللي عندنا المواطنين والمواطنات اللي معلقين شهاداتهم فبيوتهم
واللي كل فترة يتخرجون فالجامعات
سايرين اييبولنا اجاانب ؟!

شو هالثقاافه اعتبرها استعماار لنا وللغتناا ولديينا
حراام هالشي الله بيحاسبنا كلنااا علييه . .

حسبي الله ونعم الوكيل

[ذيب الإمارات]

ان شاء الله اخوااااااني بقوول كل شي وبشمل كل الفئات من صف أول حتى الثانويه العاامه
ما بخلي شي
وإعلان الحلقه ظهر والحلقه بعنوان أخطاء المعلمين وبتعرض يووم الاثنين مباااشر السااعه عشر على قناة ابووظبي الأولى اباا اشوووف اتصاالااتكم وأباا حد يذكرني لوو نسيت شي وان شاء الله كل الي قلتوو بقووله وما أنسا شي بفجر الحلقه هههههههههه

[ذيب النيادات]

اخوووووووي

انا نفس حالتك من 12 سنه اظهر من البيت وبعد 40 دقيقه اوصل المدرسه البعيده

وكل يوم نتعرض لحوادث ومشاكل واذا كان امطار ولا ضباب وغيره

ومع هذا كله ما انقطعت عن الدراسه

والله ثم والله ان شهاداتي مازرات المكان فالبيت وحتى الدروع لكن من دخلت الثانويه كل شي طااااار

والله تعقدت

بعد كل هالتعب والمعاهد والمدرسه بعيده وانا اقول بييب فوق التسعين فالامتحان القاها 60

على الاقل يفهمونا شو الي صاير

وسالفة المشاريع لو يخلونا نسوي مشروع واحد بس لكل المواد يكون احسن و هالفكره طرحوها اغلبيه الاساتذه ولكن لا حياة لمن تنادي

والواجبات يخفون علينا

والله اوراق الواجبات اكثر من الي ندرسه

وآخر شي قولهم لا تخسرون عماركم مسوين موقع وزاره ومناك ولا منه

اونه ارفع شكوى للوزير

والله ولا درابك والله

انا طرشت امس شكوى

وبشوفه يرد علي ولالا

[مريم النقبي]

انا الصراحه شتكي من كل شي:
1- الوقت
2- المعلمات مايشرحون عدل واذا قلنا لهم ما فهمنا يقولون ملي شغل
3- الطابور احنا مدرستنا مافيها مضله وعااد لين مال البنات يتجمعون يتنه ضربة شمس
4- المعلمات ياخذون حصص بعض واحنا طفرنا من الماده
5- واااايد المعلمات يطلبون وانا ما اروم يعني البنت الوحده تصرف على الصف 500
ومشكور اخوو

[ستارز]

السلام عليكم ورحمة الله وبركاتة

وبعد ....
وسالفة مدارس الغد
اللي يابيين استشاريين وعاطينهم مميزات سكن ومعاشات ضعف المواطنين وموفريييلهم كل وسااايل الرااحه
وولد خاالتي فمدرسه من مدارس الغد ما يسوون شي الاستشاريين شو قااصر مدير المدرسة
بس الا فالحين يرفعون اسم الامارات بالأجانب شو قاصرنا نحن ومخربين مناهجنا وعاداتنا وتقاليدنا وديينا
هذا بدل لا يحببونا فالمدرسه يتحرووون الانجليزي هيه اللي بتحببنا فالمنهج
لا وبعد الاستشاري اللي كون فالمدرسة حاط ريل عريل ولا ما يصدق محصل راس علينا نحن
الوزارة ياسة تلعب علينا كل ما يشوفون الغرب يوون بشي يديد يجربونه علينا
وبعدين لو بغو يطبقون علينا هاي المنااهج المفروض يأسسووسنا عالمنااهج هاي مب
يطبقونا علينا ونحن ف وسط المرحلة الدراسية ولو يبون ابناء الامارات يكونون فاحسن المستويات
المفروض يحبوونا للدراسة مب يكرهونا والدين كيف بيتعلمون الطلاب عالدين اذا لاغينا من
من المناهج على ايام امهاتنا كان الدين اساس دراستهم يتعلمون الدين قبل الدراسة
الحينة شو ناوين يلغونه سبحان الله الوزارة ياسة تلعب علينا ، والمدارس الخاصة لازم يشددون الرقابه فيها الوازرة
بعض الاساتذة ما تعرف تشرح ما ادري من يايبينهم الاستاذ يكون متخصص جغارفيا ويدرس دين سبحان الله هذا اكبر الدليل الوزارة ما تدري عن المداارس شكلهم بس حاطين العين عدبي
(لو نتكلم من اليوم لين باجر ما بنخلللص اخوي اطبع المشاركات وارمس ف الحلللقه وياليت لو يستجييبون بس)
لو تبا الوازرة تسوي شي تعطي الطالب حرية التحدث امام المعلم عن سلبياته بدون خوف :(9):

[أنوار الخليج]

أخوي العزيز :

أسملحليي اشكرك على انك بتروح تمثلنا و تمثل كل اخوانا و خواتنا المساكين /نات و انك اهتميت فينا


أنا في الصف الثامن في منطقة العين .....

1. أخوي لو سمحت ابغيك ترمس عن امتحانات المجلس ان والله الحمد شاطرة في الانجليزي و انا الاولى علــ الصف و المس مخلتيلي 95 في المادة و طبعا مدرستنا فيها شراكة و يبت في امتحان المجلس 66 تخيل 66 صدمة عمري !!

و اسمحلي دموعي تخنقني وهي بتكمل عني الكلام ..

[آيا لبيه ~]

آآآآآآآآهم شي عن المدرسين الأجانب وأنهم مايدرسونا

وعن درجات الإنجليزي والرسوب اللي موجود بصوره كبيييييييييييييره

آنا آشوف هذا أهم شيييي

نبا مدرسين إنجليزي عرررررب

لان الأجانب خسارة فيهم هالحصص اللي تظيع عالفاظي

ماندرس ولا شي

ولانستفيد منهم شي

وجودهم والعدم واحد

والله حتى المعاشات اللي يعطونهم اياها أشوف إنها خساره

والسيبا قرب ولا خذنا ولا شي عنه ولاحتى نعرف كيف الإمتحان


بليز بليز أهم شي تكلمو عنه

[ذيب الإمارات]

مشكوووووورين وان شاء الله بقووول كل هاااذاااا بس أبا متاابعه واتصاالاات ع البرناامج عشاان يصدقوون

[عنود المطر]

حسبي الله ونعم الوكيل

[عنود المطر]

أنتظركم على برنامج خطوة يوم الاثنين لا تنسوا اوكي نلتقي هناك

[ذيب الإمارات]

أوكييييييك

[نجمة 555]

يعرض برنامج خطوة على قناة أبوظبي الأولى في الساعة التاسعة مساءا

أتمنى لك أخوي التوفيق

[إماراتي افتديها]

تسلم والله محد حاس فينا إلى انت

[أنوار]

السلام عليكم أخووي ..
أشكرك أولا لانك بتمثلنا في هالبرنامج الناجح وإن شاء الله اييب نتيجة ..!
ثانيا .. ربي يوقفك لا تنسى اتقول كل شي بواقعية ..
وخاطري ترمس عن :
1- المعلمات الفاااشلات الخريجات توهن من الجامعه اللي ماعندهن خبرة ! شقايل يخلونهن يدرسن ثانويه عامة علمي وهن اصلن ماعندهن خبرة ! .. اذا بعينون مدرسة ..خلهم يعينون إنسانه له خبرة ماتقل عن 10 سنين .. لأنه الجيل اليديد من المعلمات يوم نيي نسأل ونتعمق في المادة لأنه شي طبيعي أنه اذا عرفت حقيقة علمية ولا استغربت من شي .. تسأل وتسأل .. بس تعال واسمع الرد اللي يصدك عن العلم ويكرهك فيه .. " ثالث لا تعقدون عمركم .. عليكم بس بالمطلوب ..العلماء كتبوا نظريات انتوا ماعليكم غير الا تحفظونه " .. بل نحن لو تقيدنا بالمطلوب ولا اطلعنا عاللي هو اكثر كيف بنطلع جيل واعي ومثقف وفاهم المادة زين مازين ؟! .. وهاذيله العلماء كيف ظهروا علماء بلا ؟ ...ولا ليش بلآآ دخلنا علمي بالاساس ؟ .. عشان نحفظ المعلومة وننحتها في الامتحانات !! .. يعني وقسم بالله شي يثير العجب .. ويقولون عقب ليش الجيل اليديد فاشل !

2- أفضل تدريس المعلمين عن المعلمات بمليون ألف مرة .. لأنه المعلمه لو كان مزاجها ظارب ع 180 تحت الصفر .. مايكون لها نفس تشرح بالاصل .. ويمكن اتخطف الدرس وتعتبره قراءة حرة .. > يمكن تحرى عمرها في أيام الابتدائي بو قراءة حرة وشطب ..
ولا ممكن انها عن الحلال والحرام تيلس ع الكرسي وأتم اتخطط ... وجنآآ نحن أدبي ..! .. ياناس ياعالم نحن ليش داخلين علمي ؟
عشان نيلس ع الكرسي وانخطط ونكتب السؤال وعلل ومادري شو ؟ ! .. عيل جان دخلنا ادبي وخلصنا ! ..

3 - في معلوومة المدرسين مايعرفونها او انها غايبة عن بالهم .. أساس العلم " الفهم تم الحفظ " ..
4 - اعتماااااد المصلحين ع الاجابة النموذجية .. وهذا اللي قاهرني وبااط جبدي ..! .. يعني لو كانت الاجابة هيه نفسها بس مش بطريقة نموذجية .. ليش تظرب بالاحمر وتحط غلط ! .. هب حرام !!! .. يعني نحن من متى نعتمد ع هالمبدأ .. ولا الاجابة لازم مثل ماهيه مكتوبه في الكتاب نكتبها نصياً جنه " نص قرآني ولا حديث شريف " ..استغفر الله العظيم .. هاي مجرد اجابة تنبني على مدى فهم الطالب للمادة !
5- ساعات الدوام .. بصراحة ظربونا السنه ظربة .. يلين الساعه 4 ! انزين واللي ببيته بعيد شو يسوي ؟ متى يرد ومتى بيرقد ومتى بيدرس ومتى بيرتاح وومتى ومتى ... !
6- امتحانات الايمسآآآ كانت ظربة قاضية لطلبة الثانويه العامة .. بصراحة يعني ظيعت وقتنا ووايد بعد .. يعني دامه انه هب محسوب ليش مربطين روسنا بليآآ ويع ؟ .. يعني خلال اسبوع الايمسا كنا نقدر كل يوم نراجع المواد حزئية جزئية وأول بأول بدون مضيعه وقت .. انزين دامه يبون يعرفون مستويات الطلبة يحصرون الايمسا بأول وثاني ثنوي .. يعني ليش نحن ؟! .. وآخر شئ يزاهم الله خير عطونا بس 4 أيام فريي ! .. بلآآآ هذا كلام ولا منطق شقايل نحن بنراجع 8 مواد في 4 أيام !!! .. الله يرحم أيام اول ايآم ماكانوا يعطونا طلبة الثانويه العامة 40 يوم قبل الامتحانات والحين حتى اسبوع مستخسرين يعطونا !!! والله عجب ... ويتعلثون بمبدأ أنهم هاذيلك كانوا يمتحنون عن سنه كاملة ونحن لا .. مالحال زي بعضه نص سنه ولا سنه .. مايباله بالاخر مراجعه ؟ .. فهم وحفظ ! والله لو يردون نظام الثانويه الأولي أخير !!

7 - ضغط *ضغط .. المدرسين اللي مايلحقون يخلصون المنهج ولا شرات العادة يخطفون الوحدة الاخيرة تخطيف وجنها مش مهمه بس لانه ماشي وقت .. ونحن شو ذنبنا نحن الطلاب ؟ اذا كانت المدرسة ولا المدرس مب عارفين ينظمون وقتهم ويعطون كل درس حقه وفي حصته ؟! .. ومع تطويل الدوام بعد هب قادرين !
8 - المعااااملة ياخوي .. يعاملونا جناا حيوانات هب بشر .. يوم نشتكي على حد يعتبرها كإساءة ويخذها موقف يلين آخر الفصل .. ليش نحن نشتكي بس ع الطريقة وع الاسلوب وع المعاملة ؟ .. مش لك يامدرس ولا لج يامدرسة كشخص .. ! .. بصراحة عجب بعد ماكان المعلم ربيع الطالب أصبح ألد أعداائه .. لآنه المعلم يعتقد انه الطالب يبا يهدم مستقبله المهني لا أقل ولا أكثر .. أحس عقلية المعلمين استوت سطحية وبقو بعد !!
9 - الاجاااااااااااانب .. واااااا قلبااه من هالاجانب .. ما اختلفنا حطولنا اجنبي بس متمرس للمادة عارف المادة زين مازين ؟! ..يشتغل في مهنة التدريييييييس .. ! مش ملقطينه من الشااااااارع و قايليله قوم درس واندوك معآآش .. لازم اتكون عنده شهادة جامعيه افهموا ! ..

... وبس وان شاء الله ربي يوفقك ونسمع تغيير في القرارات ..

[مريامي]

شفت حضورك اليوم اخوي فالبرنامج

اشكررررك على كل شي قلته
مااقصرت ويزااك الله خييير وان شاء الله تييب نسبه ترضييك وتكون عاليه

^^

حسيتك ماقدرت اتقول كل النقـآط
واناا حااولت والله انصل بس عاطيني الرقم غلط . .

ومطرشه شكثر مسجات للبرنامج َ! مادري اذا قروهـآ . .
احس كل ها اللي قلناه مجرد فضفضة مشـآعر . . >< الله يكون ويـآنآ ويحمينـآ من ظلمهم

[احلـ بنوتة ـى]

البرنامج متى بينعاد ؟

بكرا الساعة 10 يمكن ~

ممكن تقولولي

[ع ــيونـ بدويـهـ]

أنآٌ بعد جفتـ الحلـقَـة

بصرآحة .. اخويهـ مآ قصرتـ .. كفيتـ ووفيتـ ..

بسًٌٍُـ كآنوا لازم يعطونكًٍ وقتـ أكثرًٍ عـسبٌ ترمسُ .. في موآضيع وآيد مآ اطرقولهآ ..

ع العمومًٍ تسلمٌُ اخويهٌُ .. ~

[ستارز]

تسلم اخوي كفيت ووفيت
بس اللي انقهرت منه الخط كله مشغول
وشقى ياييبييييييين امثلته يعني مب اللي عدنا فالبلااد
والله انه مشااكلنا اخس عننهم بس انهم لا يدروون بالدنياا
حسيت البرنامج كلها فضفضه شرات ما قالت الاخت
مشكووور اخوي وما قصرت ان شاء الله بس يحسوون ^^

[اوهام فتاه]

يحلينا محد ذكرنا نحن الجامعياات


والظلم فكل شي ><

[غلا الظبي]

1 . اول شي يحطون كتب مثل الناس ومنهج يتناسب مع الوقت اللي عاطينا اياه يعني والله الفيزياء والكيمياء والرياضيات فثالث علمي يبالهن شهر كامل تدرسهن عشان تكون خلصت كل شي وحليت وفهمت عدل وهم عاطينا 3 ايام ... وع فكرة نحن مب مخلصين المنهج تماما ومع ذلك امتحنا فيه وكنا كل شي يالله المهم نخلص وكل ورا بعض وفوق بعض فهمت اوكي ما فهمت كيفيك ..

2 . بعدين الدوام لين الساعة 3 ونص خافوا الله .. والله اني ارد البيت الساعة 4 وثلث واحيانا 5 لانه بيتنا برا بوظبي والمدرسة فنص بوظبي لا تقولين محد قالج انا ما احب المدارس اللي فالمناطق الخارجية لانه الكل يقول مدارس بوظبي احسن ولانه الوالد ما طاع اصلا ينقلني مدرسة ثانية ... دخيل الله ارد ما اعرف ارقد اصلي ولا اتغدى ولا ابدا دراسة .. ارد من المدرسة راسي مفتر وغير هذا الوالدة تقوم تقولي يوم القى وقت فاضي اروح ايلس وياها ولا هي اتي غرفتي تقول : انتي حية للحين ..!!!!!!

3 . خاطري اعرف شي واحد ليش العرب ما يعاملونا مثل الاجانب ليش دوم يهزبونا ويصارخون علينا وانتوا وانتوا ... عمري ما مشيت فالممر مال المدرسة وانا مرتاحة ومطمئنة دوم امشي وانا خايفة لانه لو شافتني المديرة انتي شو تسوين هني انتي اكيد متسربة قليلات الادب .. وع فكرة انا خليت الوالد ايي المدرسة بسبة كلمة قليلات الادب هذي ... ومن عقبها استويت ملكة فالمدرسة .. يعني كان لازم اييب ابوي المدرسة والهيه عن دوامه وابهذله عشان يحترموني ....


الله بس يعينا وافتك من هالمدرسة وهاي اخر سنة ان شاء الله تعدي على خير وانييب نسب اعلى فالفصل الثاني ان شاء الله

[غلا الظبي]

المشكلة الرسيفر مالنا كان خربان بس دخيلكم اذا حد عنده رابط فيديو ولا موقع ع النت ابا اشووف الحلقة ... تسلموون مقدما

[ذيب الإمارات]

بحااااااااول أنزل الحلقه

بس ....... أنا احس بعدني ما وصلت لشي لأنهم عمموا على كل الدول وطبعا المساحه الأأكبر للكباااار ف الكلاام

حد عنده برناامج غير يخبرني ايااه عشاان ارووح اكسر الدنيااا بعد ولاا ؟ هههههه خبرووني صدق

[lovely girl]

يزاك الله خير اخويه ع كل اللي سويته لنا
بس اذا ما عليك اماره
خاطري أطالع الحلقة ! طافتني =(

/

و أما عن البرامج الثانيه
افا عليك بندورلك و بنردلك خبر
و تسلم يا خويَه

[إماراتي افتديها]

أنا شفتك في التلفزيون وكان اسمك راشد شكراً لك

[ذيب الإمارات]

بنزلها قريب بس لأني ما عرف وعندي صيغه ديفيدي مادري كيف خخخ المهم بخلي عمي ينزلها الأهم البرنااامج الثااني لاازم ما نسكت نقوول الي ف خاطرنا وابااكم ترووحوون ويااي الي يبااا عشاان نسكتهم ماا يقوولوون واحد بس يتحرطم

[مريامي]

> المشكله ماقدر احضر براامج خخ استحي

بس قولي شو البرنامج الثاني وحط رقم وفاالك طيب بحرق الفوون مالهم
وبرمسهم وبطلع كل اللي فخاطري

><

بس من رمسة الوزير احس ماشي امل

[ذيب الإمارات]

ليش الوزير شووو قااال شوو هي مصخره ماا يخصني ولاا يعدلوون اوضااعنا ولاا مااشي درااسه رااح مستقبلنا اذاا تمينا ع هالحااال والله

[غلا الكون كله]

أصراحة أنا ما آعرف أخواني الحلقة متى بس حبيت أشاركم همي ألا وهو ماعرف أصلا شو أبدى أذاكر ولا شو أذاكر حبيت أنقل لكم صورة حيه أعيشها في بيانا والله العظيم والله أني ماجذب أني آي من المدرسة الساعة 3 و10 دقايق وبعدين أركض أسبح وسير أصلي لين ماأدخل الجنطة الحجرة آذن أذا العصر والصراحة حنا نيي من المدرسة والله يواعة ماشي أكل نفس الناس شيبس وحلاوة والأشياء هذي وتعب ,,, أصلي العصر وروح أتغدى وبعد الغدى أطيح على فراشي من التعب والله تعب وااااااااااايد أحس أني بموت إذا مارقدت وراسي يعورنيه مره , انام ساعة وأصحى اغسل ويهي وطلع الكتب وجوف الواجبات من غير التقارير والبحوث والمشاريع والإمتحانات إلي باجر وتسميع كل حصة عن الدرس إلس طاف يمكن نص الحصة همهم يفشلون الطالب ويقولون يركزون بس على الضعيف لأنه راااسب الله لايهينكم كله يهددونا بدرجات بداية الحصة درجات حركت راسك مع ربيعك درجات رايحة عنك
مره أستغربت أني طالع من الحصة الحمام وقالو بين كل حصة وحصة خمس دقايق لطالب إذا كان بغرفة المصادر مثلااا أو المكتبة مره رحت الحمام وعلى طووووووول طرد وشو هذا أنا مليت وهذي آخر سنة ودرجات مال نص السنة الله لا يهينكم أنصدمت والله حتى أني أطلع من الإمتحانات وأقول درجة زينه وبعدين أنصدمت والله بشهادة والله ماقدرت أنا م ولأحد اليوم أتمنى أني مارد المدرسة واقول بخارطري ياليت أنتقل مدرسة ثانيه وجيه بس ماحد يسمعني ومشكلتي ماحب أذاكر كله أستنتاج أريد أعرف طريقة الحفظ وكيف أذاكر كيف أيهئ نفسي نفسيا كيف ؟؟؟؟؟؟؟؟؟ اللهم أعلم وماننسى ألأهل لهم دوور كله يقولون رفيجتج بنت فلان درجة كاملة وأنت ..... لا تعليق والله مليت من هذا شي ,,,, عفكره أهم يحفظون المواد أنا احس بوجود خلفية سابقة وأعرف يعني لو أذاكر بيب بس بروحي والله أحس أني شاطر ومستاوي أحسن عن كثيريين من الشطار إلي يعطونهم المدرسين درجات وما يعطونا كلنا تعبنا من التفاهات هذيومنغير قهر بعض الأبلات علينا
نفسي أقول نحن بشر ....... كفايه تعبنا من الظغط كل شي وتسلم أخوي وبعدين تصليح راس الخيمة العثر الله لا يرحمكم يلمصححين إذا ماراعتونا نحن ماكبيوتر الله يراويكم دنيا وآخرة وخصوصا نحن الأدبي مال راس الخيمة عجب ليش فدبي تصحيحهم غير والله والله والله لو كان الشيخ زااايد الله يرحمة ويغمد روحه الجنه موجود لكان الوضع أحسن من جذيه لأنه دايم يسأل عنا بس ألحين أختلف الوضع وماقول إلا حسبي الله ونعمل وكيل على كل ظالم يظلمنا ولا كل واحد يزيد أي واحد ولك واحد مايرحم بتصحيح يااااااااارب .. الله يرويكم بعياكلم كما تدين تدان الله يراويكم أدرس واحد من ولادكم وذاك ألحين أفش غليلي فيه ........... إذا ماتعدل وضع التصحيح هذا