ما رأيكم بامتحانات الوزارة .. ؟ طلعوا اللي في خاطركم

[الكلباني و بس]

السلام عليكم والرحمه

علوومكم ..؟؟

السموحه ع الكلام الي بقووله بس ها الكلام طاالع من قلبي

ها الوزاره يبون يرسبونا غضب .. خيبه .. يعني هذى امتحانات الي يعطونا اياها

والله ان الأمتحانات صعبه × صعبه × صعبه

نحن مو فيران تجارب عسب يحربون ها الأمتحانات علينا

والله ان الأمتحانات مووت . >> مال اول ثنوي

والله ان درجاتي حلوه في التقويم الأول

اما الأمتحانات الله يعين .. يايبين لنا امتحاناات مال عباقره >> :(36):

و بعدين بكل برود يقولون هذي اسأله فهم من برع الكتاب و أسأله فهم

انزين اذا هم يايبن اسأله من برى الكتاب

نحن شو دخلنا

>> الله يهديهم

بس يا ناس ارحمونا شوي

والله حرام الي تسوينه فينا .. ليش يعني تسوون جي

[..ارحموا من في الأرض يرحمكم من في السماء ..]

و يا ريت محد ينزعج من كلامي

لان هذي هيه الحقيقه

و بليز لا تحذفا الموضوع .. ترى ما يستاهل
و سلاااااااام

>_<

[هاكو]

صح والله امتحانات مدري من وين يجيبونها ؟؟؟

...... مدري وش قالولهم عنا ؟؟ صراصير مختبر !!!

اولا يقولون امتحانات من برع الكتاب واذا احد رسب فيها قالوا ليش ما درستوا

ما فهمنالكم والله ؟؟؟

كل مره لكم راي

وبعدين الواحد يكون مضغوط احيانا مايتحمل

ومشكور اخوي الغالي على فتحك للموضوع

انا الصراحة اغلي قهر

لانه يا خوفي من السنة الدراسية هاذي

ويجيبون لنا امتحانات .. مدري ايش اقول ؟؟

ابصم بالعشر انه لو احد جابلهم الاسئلة هاذي الي يكتبونها لنا بالامتحانات

بيرسبون ......... لانهم ناجحين على امتحانات سهله

وجايين بس يستعرضون لنا ......... يلا قموموا حلوا الامتحان !!!!!

[N O O R - Q A N S O]

الموضوع لن يحذف ما دامت مشاركاتكم توضع بطريقة لائقة ولبقة والنقاش بينكم راقي ويعبر بطريقة محترمة لما يجول بخاطركم

::

موفقين

[^^ظبيانية^^]

والله الصراحة امتحانات الوزارة كلها صعبة امتحان الانجليزي ياي من الوزارة و كل وحدة طالعة من الامتحان اتصيح و انقول لين المعلمة فهمينا السؤال اتم تتكلم انجليزي صح نحن نعرف انجليزي بس هي تتكلم سريع و جي نحن ما نعرف و الامتحان كلة صعبxصعب مني انا تميت اصيح والله اول مرة اصيح ف الامتحان بس ياريت الوزارة اتراعينا شوي والله كلة نحن مضغوطين
و بس رياضيات و الانجليزي هاذيل المادتين خيفانة منهم اكثر من المواد الثانية .. (ارحمو من في الارض يرحمكم من في السماء) و ان شاء الله تفهمون شو معنى و اتراعونا شوي..

[جوري33]

شكرا لك على المشاركة التي تعبر عن الذي يجول في خاطرنا

[الـود طبعـي]

السلام عليكم ورحمة الله وبركاته

أنا ثالث جربت اول ثانوي

أساساَ المنهج صعب ويباله دراسه اول بأول

ونوم كفاية قبل الامتحان + ومافي توتر عشان الواحد يفكر ويحل براحه


راح الفصل الأول وباجيلكم الفصل الثانـــي استفيدو منه

:)

:)

والله يوفقكم

[طالبة تسعى للتميز]

بصراحة امتحانات الوزارة كانت صععبه..

خاصة الكيمياء والأحياء ..

الفيزيا والجيولوجيا والرياضيات هينين شوي ..

أشياء قليلة يايبينها من الكتاب ><

بصراحة كنت مستانسة وأنا أدرس كتاب الكيميا لإنه سهل

و ع الإمتحان ...!!!

صج درجاتنا عالية في التقويم وتنزل في الإمتحانات ؟؟!!



الحمدلله على كل حال ..!

[الكلباني و بس]

والله يا اختي Miss.Hamms

صدقج

انا بصرااحه خايف من الموارد العلميه

و اكثر شي من الكيمءا

و مشكورين ع كل الي روا ع المواضوع

..[ هاكو ]..

عيبني كلامك خخخخخخخخخ

[حقي فيكم]

صرااحه مب وااايد صعبه متوسطه

[رفوع 2]

الله يعطيكم العافيه أن شاء الله نييييب النسبه ترفع الرأس

[طالبة تسعى للتميز]

سبحان الله تدرون الكيميا الي كنت خايفة منه يبت فييه أعلى درجة في امتحانات المجلس
والرياضيات والإنجليزي بعد

والجويلوجيا الي أقول انه سهل يبت فيه 86 ..!
والفيزيا نفس الحاله ..!!
<~ مع إني متأكدة من حلولي ..!!
دنيا عجيبه ..!!!

يالله الحمدلله على كل حاال ..~
وإن شاء الله نييب أحسن وأحسن الفصل الثاني =)

[مريامي]

اللي يبا يشتكي لجريدة الخلييج
من هني

ط¯ط§ط± ط§ظ„ط®ظ„ظٹظ€ظ€ظ€ظ€ط¬-ط¹ظ†ط§ظˆظٹظ† ط§ظ„ط®ظ„ظٹط¬ (http://www.alkhaleej.ae/portal/6140720f-086c-4406-8a1a-5f451fa93c74.aspx)


انا اتصلت فوحده من الجريده اسمها ايمان
وقالت ان شاء الله على يوم الاحـد بتتكلم عنا نحن طلاب الثانويه العامه
لانه باجر بينزل عن العاشر والحادي عشر . .

[خلودي أحلى بحرينى]

الـــــــــــــصراحه كـــــــــــــلامج صح

الأمتحانات صعــــــــــــــبه واااااايد


يعنى يبغوا يرسبونا غصب

والله ما نقدر تعبنا

اجووووكم ارحمووونا

كنا عباقره

[الماسة 202]

الإمتحانات ما كانت صعبة واااايد غير الرياضيات حسبي الله علييهم
بس الحمد لله جبت فية 86
اما المواد العلمية كانت الامتحانات سهله مو صعبه بس ليش العلامات مو حلوووة مدري ؟!
انا المواد اللي كنت أقووول سهلات و الامتحان سهل جبت فيهن اقل علامات مع إني ماخبصت في الإمتحان و حليت
لكن الحمد لله على كل حااال ^^

[اليافعي11]

يا اعزائي المشكلة ليست في صعوبة المواد من عدمها .. وانا بصفتي طالب منازل اول ثانوي الحمد لله كانت نتجتي عموما ممتازة الا في مادتي اللغة العربية والانجليزية كانت الدرجة ليست التي اتمناها خاصة وان الاجوبة كانت في نظري صحيحة .. الا ان المشكلة تكمن في التعبير والتي عليها درجة كبيره سمعت ان درجتها 40% من المجموع وهذا يؤدي بالضرورة اذا كان المصحح دقيق ولا يضع في حسبانه ان الطلاب هم في مستوى مبتدئين وليسوا دكاترة ولا ادباء في اللغة .. اقول اذا كانت نظرتهم هكذا فانها طامة بحق .. لانه ان تم المحاسبة على كل صغيرة وكبيرة فسيؤدي الى ضعف وتدني النسبة ، وهذا ما لاحظته .. والله المستعان .

[يآ ورد]

هييه والله

الامتحااناات وربي صععععععععبببببببببببببه

انا كاان ودي اطر الورررررررررررقه