شو افضل ولاية ؟

[liwaboy]

السلام عليكم كنا امس نحن و مجموعه من الشباب نتسائل عن الولايات في امريكا و شو الي جوها مناسب للدراسه و قالوا الشباب -كالفورنيا -كولارادو -فلوريدا. انا قلت بطرح الموضوع عندكم وبناخذ رايكم و راي الي يدرسون هناك . و لو بتخبرونا عن البيئه الدراسيه و الامان و الاشياء الترفيهيه التي ما بتمللنا العيشه الدراسيه و نبا انعرف وقت الرحلات كم تاخذ من بوظبي الى ......... و مكان تواجد شبابنا(بنات,اولاد) هل الامارات و عن السكن وغيره . ونبا رايكم ولا تبخلون علينا ولو بمعلومه صغيره(^_^) يا حلويين

[طالبة إمتياز]

أتوقع ........كاليفورنيا من حيث الدراسة بس الأمان ما أتوقع .......عااااادي ال اف بي اي أو الشرطة شي جيه ....((يفتشون شقتك . وأنت محد(~_~) ...........))هذا (( كلامي يحتمل الصواب ويحتمل الخطأ )) ............

[liwaboy]

يا جماعه شو ماتت مخوخكم يوم طرحنا الموضوع محد شاركنا بأي مداخله ما قصرتي اختي طالبة امتياز دوم مشاركه في المواضيع هاذي(^^)

[طالبة إمتياز]

العفـــــــــو إخوي .........مب مشكله اترايهم .......و أنا مواضيعي اتم فترة طويلة وعقب يردوون عليها والبعض منها بسررعة !!( الحال مثل بعضه ))

[liwaboy]

وين ردووودكم

[بوعوف]

والله ما ادري ش اقولك ...

انت اذا تبا تسير تدرس سير ولاية ماشي نسبة عالية من المواطنين ..
واختار ولاية لاهي ولاية لعب ولا ولاية دراسة .. خلك ف النص ..
عسب يوم تبي تدرس تلقى المكان اللي يرحيك .. واذا مليت او ضاق صدرك تسير تتمشى ف هالولاية ف الويك اند ..
امريكا بمجملها امان .. وماشي اي مشكلة .. الا اذا انت تطلع اخر الليل وتقول احد سرقوه او ضربوه .. لازم بعد شو


انت اهم شي سير الولاية اللي فيها الجامعة اللي تدعم تخصصك .. مب عسب الشباب اهناك .. تراك جي ما بتستفيد ..


والسموحة على الاطاالة ..

[راعي شلات]

السموحة بس انا اعرف عن بريطانيا ماعرف عن امريكا كان ودي اساعدك والسموحة

[liwaboy]

مشكورين و ماقصرتوا و نبا ردود باقي الربع

[عاشق السفير]

حبيبي من حيث الامان كاليفورنيا أكثر الولايات أمنا وانا ساكن في ايرفاين جنوب كاليفورنيا
وكاليفورنيا جوها حلو من حيث كل الشيء : مثل الطقس ، حرية العبادة ، الامان ، التماشي
كاليفورنيا فيها اكبر نسبة مسلمين في امريكا ، وجوها رائع لا هو حر ولا هو برد . ومنطقة آمنة جدا . وفيها مسلمين كثار خصوصا في الجنوب بجنب لوس انجلوس و سان دييغو . وعندك أماكن كثيرة للتمشية مثل اناهيم مدينة العرب واللي فيها اول ديزني لاند وفيها سان دييغو وفيها لوس انجلوس و فيها سان فرانسيسكو.

انا انصحك انك تدرس في كاليفورنيا اللغة بس ولما تحول للجامعة اختار ولاية ثانية لأن الولاية مشكلتها كثير عرب ما بيخلونك تركز على دراستك الجامعية ...!