بعثات البنات ؟

[دلع العيين]

السلام عليكم ورحمة الله وبركاته

بخصوووص البعثاات للبنات

كيف بتكوون من ناحيه السكن والجامعه مختلط ولا؟ انا الي سمعته انه في جامعات خاصه للبنات ومتاكده من ها المعلومه ف امريكا بس بااقي الدول مادري

بس انا حابه اعرف عن بااقي الدول كيف نظام البعاثات للبنات ؟؟ من جميع النواحي

وخاطري بريطانيا تحديدا لندن شي بعثه الى لندن ؟؟

وبخصووص المحرم ابي اعرف عن البنات اللي ساروو بعثه اخذو محرم ولااا


وكيف يكون النظام مع بنات اللي التحقو بالبعثه ولا كل حد بروحه

[غربة الروح]

اقتباس:



وعليج السلام


كيف بتكوون من ناحيه السكن والجامعه مختلط ولا؟
على كيفج بغيتي روحج ولا ويا عايله ولا سكن الجامعه"طبعا السكن في الجامعه او غيره بفلوس"
مختلط 100%
انا الي سمعته انه في جامعات خاصه للبنات ومتاكده من ها المعلومه ف امريكا بس بااقي الدول مادري
مستحييييييييييل
الا جان كانت جامعه اسلاميه
ان جان مدارسهم مختلطه،،شقايل جامعاتهم


بس انا حابه اعرف عن بااقي الدول كيف نظام البعاثات للبنات ؟؟ من جميع النواحي
ولاشي البعثه يعطونج مبلغ من المال>>بس بعد يوم تحولين المبلغ الشهري لدولار بيكون شوي
والدنيا برع نار
يعني ضمني ان الوالدد يطرش لج بعد

وانتي تتصرفين بالسكن والمواصلات و اكلج
يعني تعتمدين على عمرج
بروحج تتصرفين تسيرين الجامعه
بروحج تسيرين من والى المطار
....الخ
وخاطري بريطانيا تحديدا لندن شي بعثه الى لندن ؟؟
لا
التعليم العالي لقواا السنة بريطانيا
انصحج بمكتب تنسيق البعثات او ديوان الرئاسه بوايد احسن عن التعليم العالي
بعثه التعليم العالي لكل يتشكى منها

وبخصووص المحرم ابي اعرف عن البنات اللي ساروو بعثه اخذو محرم ولااا

لاالبعثه ما تتكفل بالي بيسير وياج
يبى يسير على حسابه الخاص يسير
بس البعثه ما يخصهم فيه
حتى التذكره على حسابه
وكيف يكون النظام مع بنات اللي التحقو بالبعثه ولا كل حد بروحه



كل واحد بروحه
بالمختصر
تعتمدين على عمرج في الغربه
عشان جيه بالاساس البعث ما تناسب البنات :(33):
لشباب اوكي
ما عليه خطر


طبعا هالكلام والمعلومات من واحد من الاهل مسافر يدرس برع

[دلع العيين]

انا اللي سمعته انه يكوون في مسولين من البعثه

يكونون مسؤليين عنا!!!!!!!

[دلع العيين]

بعثاات ررئييس الدوله كييف؟؟؟؟

هل يكونون حد مسول عن المبعثيين للخارج؟؟

[غربة الروح]

المسؤولين في القنصليه
ان واجهت مشكله اتصلي بيهم وبيساعدوج
اما انهم يكونوا وياج 24 ساعه
و يعيشونج في سكن
و يظهرونج
لا
بس اذا واجهتي مشكله
مثلا تبي تغير التخصص او شي بيدخلون

و البعثات كلها نفس الشي
بس بعثه رئيس الدولة الراتب شوي اعلى
بس في الحالتين ما يكفي ><

[طالبة إمتياز]

أشكرج أختي ع فتح مجال للحديث عن موضوع بعثة البنات ( دلووعهـ العيـــــن ) ..........

أختي أختي غربة الرووووووح .........

من رايج أظهر بعثة ....؟؟ ولا لا


مادري بس عندي أهل مسافرين بس ماشي عليهم خظورة كبيرة مع العلم إن كانو بنات ......!!!

[ولد الهيلي]

اقتباس:
المشاركة الأصلية كتبت بواسطة دلع العيين http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1085052#post1085052)

السلام عليكم ورحمة الله وبركاته

عليكم السلام والرحمة


بخصوووص البعثاات للبنات

كيف بتكوون من ناحيه السكن والجامعه مختلط ولا

على حسب علمي وتوااجدي الان في امريكا الجامعه الي انا فيها فيها سكن خاص للبنات بس يعني يكونن امريكان لاكن سكن الجمعه ممنوع يحطوون بنات وشباب في نفس الغرف.....

؟ انا الي سمعته انه في جامعات خاصه للبنات ومتاكده من ها المعلومه ف امريكا بس بااقي الدول مادري على حسب علمي نوو

بس انا حابه اعرف عن بااقي الدول كيف نظام البعاثات للبنات ؟؟ من جميع النواحي ........نو

وخاطري بريطانيا تحديدا لندن شي بعثه الى لندن ؟؟ ما اعرف

وبخصووص المحرم ابي اعرف عن البنات اللي ساروو بعثه اخذو محرم ولااا



وكيف يكون النظام مع بنات اللي التحقو بالبعثه ولا كل حد بروحه
في شباب خبروني ان في بنات اماراتيات يسافروون بون محرم وعلى حسب الجهة المبتعثه

[غربة الروح]

اقتباس:
المشاركة الأصلية كتبت بواسطة طالبة إمتياز http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1088542#post1088542)


هلا خيتوو طالبه الامتياز

من رايج أظهر بعثة ....؟؟ ولا لا
اختي الغاليه
هالشي يعتمد عليج
اذا انتي من النوع لي يتحمل المسؤلية
ومنفتح على الدنيا "يعني اجتماعيه وتتأقلمين بسرعه"
و مب منعزله على نفسج
يعني تتواصلين مع الجنسين بنات اولاد " في حدود الاحترااااااااام"
واهم اهم شي
تشوفين التخصص لي في بالج اذا موجود في البلاد
ليش تتغربين؟؟؟
درسي هنيه احسن لج بدل الغربه
اما اذا مب واثقه من قوه التخصص لي في بالج في البلاد سافري للمكان لي ترتاحين له

مادري بس عندي أهل مسافرين بس ماشي عليهم خظورة كبيرة مع العلم إن كانو بنات ......!!!



اذا كانوا جروب بنات مب مشكله بيساعدون بعض
بس اذا البنت مب عارفه حد وسايره بروحها
بتكون عليها صعوبه انها تظهر بروحها صح ولا

وربي يوفقج :(43):

[طالبة إمتياز]

جزاااااااااااج الله خيررررررررررررررر إختي "" غربة الروووووووووح ""

[راعي شلات]

السلام عليكم ورحمة الله وبركاته

اختي دلع العيين ...

انا برد عليج ع اسالتج وخذيها مني كصاحب خبره سنتين ....

انا ادرس في بريطانيا وبعدني في بريطانيا ..

موضوع السكن شي اكثر من طريقة للسكن

اولهم سكن الجامعي ومن خلاله تقدري تطلبين انه يكون بس سكن طلابي للبنات يعني بيكون سكن مشترك لكن داخله بس بنات لكن المشكله بتكون عندج كبنت عربيه ان البنات الثانيات مابتضمنينهن يكونن عربيات لان نادر البنات يكونن في مساكن الجامعة بالاضافه ان لو كانن عندج اجنبيات عادي يعزمن ربعهن (الاولاد) وبتتلعوزين

وشي بيوت للايجار وخلالها لازم توقعين عقد لـ سته اشهر او اكثر واذا كنتي من شهر 9 اكيد بتوقعين لين اخر السنه اللي هو شهر 6 تقريبا ... علما اني ما انصح أبدا أبدا أبدا تستأجرين بيت لانه متعب ومقرف واحنا كـ عيال الامارات عايشين في عز فـ بتتعبين من البيوت لانها من خشب وصدعه وحاله الله لايراويج ولايبليج يارب ...

السكن الخاص : احسن وارقى المساكن في بريطانيا ماشاء الله .. لكن لازم تتاكدين انه السكن يكون مفروش فرش كااااامل وهو بالانجليزي يعني fully furnished وحاولي تحصلين سكن يكون يديد وهذا بيكون سعره مب غالي ولا رخيص يعني وسط واحسن لج عن المساكن الاخرى لانه بيكون فيه نظام امني قوي مثل مساكن الجامعه اما البيوت نادر تحصلين ...


بعدين في بريطانيا الاماكن الامنه تعتمد .. يعني كل ماسرتي جنوب بريطانيا سرتي للاماكن الآمن .. بالاضافه ان لندن كرأأيي الشخصي انها ممكن تخرب الشخص من كثر مغرياتها وممكن لا ع حسب قوة الشخصية والرفقة الجديده في بريطانيا ...

عن الجامعات ... هذا الموضوع انا بييبه لج في موضوع يديد عشان تعرفين شو من الجامعات المعتمد عليهن عشان ماتتوهقين وتدخلين جامعه مب معتمده



من ناحية المحرم ..!! والله يعتمد عليكم انتو يالبنات .. شي بنت ماتسير الا وعندها ريلها مثل البنات اللي نعرف عنهم في بريطانيا مايطلعن الا وعندها اخوها يدرس في الجامعه لكن في منطقه ثانيه فا تتوهق وتتحمل ع روحها وشي اللي تتزوج من وقت عشان تدرس برع !! لكن انا اشوف للبنت ماتطلع للخارج الا وتعرف حد يساعدها وممكن يفيدها واهم شي يكون مضمون انه ريال او حرمه والنعم فيهم لانج يوم بتسيرين بتعتمدين ع الله ثم عليه ...

من ناحية الاحتياجات اللي تبينها للخارج بكتبهم لج بعد في موضوع يديد

ومن ناحية الاشياء اللي تبين تشتريها مثل الموبايل وغيره بخبرج وياه في موضوع يديد

من ناحية الغلا في الاسعار ... يعتمد ع حسب وين تشترين ... في بريطانيا عادي تحصلين محل سعره غاااالي في جهاز معين او اي شي وتحصلين المحل اللي حذاله نفس الشغله لكن ارخص !!

فـ يوم تبين تشترين شغله لاتشترينها بسرعه ... فكري ودوري حتى لو كنسلتي تشترينه اليوم واشتريتيه الاسبوع الثاني

اهم شي تنتبهين

خاصة اذا كنتي بتسيرين لندن لان شي شارع اسمه شارع العرب ... هذا الله لايارويج شارع كله جذابين وحراميه يعرفون ان احنا عرب ومحتاجين وعندنا فلوس من الدوله فـ يغلون علينا الاسعار اضعاف .. فـ يوم تبون تشترون شي كاسروا اكثر من ماتكاسرون في الدار .. او طبوهم

المحلات المشهورة الرخيصه والحلوه argos و poundland و asda وشي وااايد بجمعهم لج يوم افضى واتمشى بسجلهم ع ورقه وقلم

واي سؤال عندج انا حاضر ان شاء الله

وهذا وايميلي اذا احتجتي او اي حد احتاج يستفسر عن شي وان شاء الله حاضرين حتى لو يبا سكن بساعده وعندي معارف يساعدوني ان شاء الله لو كان الموضوع برع المدينه اللي انا فيها ....

____________________________________________


واذا كان الايميل ممنوع في القسم ياليت تعذرني الاداره وتحذفه بس مب تعطيني انذار هههههه مافينا ...

والسموحة

[kkkka]

انا ان شاء الله ناويه اسير بعثه وبغيت اسال
بعثة اليابان ندرس بالانجليزي ولا ياباني؟

وشي بعثه للهند ؟

انا واربعتي بنقدم بعثه عادي يفرقونا ولا ونحن ما نبي نفتررق ؟

وين احسن دول للبعثة البنات وامن؟

والسموحه

[بو جمووع]

جين جين ،، بالتوفيق للصبايا

[dxb-moon]

كندا ارحم من حشرة بريطانيا

[اكسون]

انا بدى اعرف انو عادى لو كانت فلسطينى

[صاحبة إبتسامه]

اخويه راعي شلاتْ

كلامكْ نوعاً ما يشجعْ أو بالأحرىْ يسآعدْ . .
الصراحه حاليا انا ثانويه عامه وبخاطري ادرس برعْ
بس لو كان التخصص يسوىْ إني أتعنى له . .

اخويه يدرس باستراليا بس إلي اعرفه دراستهم صعبه ويبيلهآأ . .

اخويه على حسبْ علمكْ لو عندك خلفيه عن ها الموضوعْ
شو التخصصاتْ المطلوبهْ وتكون قويه لو خذتها برعْ ؟!
وللأسف انا ادبيْ فـ ها النقطهْ يمكن تكونْ موب لصالحيْ . .


واشكركْ مقدماً