المساعد الشخصي الرقمي

مشاهدة النسخة كاملة : \امـتـح ـــــان السيبا ..



السنفورة سنفورة
13-12-2009, 05:06 PM
بسم الله الرحمن الرحيم


السلام عليكم ورحمة الله وبركاته


هلا اشحالكم .. ؟؟

اريد اخبركم عن امتحان السيبا ..

نحن اول مرة خبرونا عن الامتحان .. قالوا ان التسجيل بيخلص 16 من الشهر .

والحين يقولون ان المقاعد خلاص ... فل ...


مع ان وقت التسجيل مب مخلص .. بس يقولون ان ماشي مقاعد كافية ... ؟؟


الحين صدق الكلام .. ماشي مقاعد ولا كيف .. ؟؟



وبعد امتحان السيبا بيكون على 4 مراحل ..

حد يعرف معلومات عن الموضوع .. يعني ان الطالب يقدر يمتحن أكثر من مرة ..
ولا الترتيب هو ان

اللي ما حصل في الأول يمتحن في الثاني ، واللي ماحصل في الثاني يمتحن في الثالت وهجذا ..


انا قلت بتصل ان شا الله وبستفسر .. بس بعدني يعني ما اتصلت

السنفورة سنفورة
13-12-2009, 10:20 PM
محد يعرف أي شي ..؟؟؟

مفوضية رأس الخيمة
13-12-2009, 11:37 PM
مرحبآآآآ ..

حبيت افيدكم

اول شي هم قآلوا صح التسجيل يبدأ من وينتهي إلى .. والأولوية للي بيسجلون قبل ..

يعني منطقة رأس الخيمه موفره 100 كرسي بس..

والفجيره 80 وام القيوين 80 وفي منآطق 150 ..

طبعآ اللي بيسجل قبل بيآخذ كرسي لين مآ يمتلي العدد ..

صح العدد قليل بس بالمرآت اليآية بيزيدون عدد المقآعد ..

وامتحآن السيبآ للطآلب الحق إنه يمتحن 3 بس..


من أصل 4


يعني في امتحآن شهر 12 ..

وفي امتحآن شهر 2 وفي 3 .. الطآل بمتحن شهر 2 أو 3 .. مآ يصير يمتحن الاثنين

وامتحآن شهر 5 ..

يعني الحين المقآعد فل يعني ضآعت لج فرصه ..

وتمت لج فرصتين ..

وأي سؤآل تفضلي واطرحيه ..

السنفورة سنفورة
14-12-2009, 02:46 PM
يعني الحين .. اقدر اسجل فـ باجي الامتحانات ..

وامتحن عادي ..

ولا الأولوية للي ما امتحن .. ؟؟

السنفورة سنفورة
14-12-2009, 06:22 PM
بعد لو سمحتوا ..

ابا اسأل

اذا تعرفون عدد المقاعد الخاصة بالغربية ..

kkkka
14-12-2009, 08:30 PM
هيه الامتحان الياي سجلي من الباديه عسب تلحقي
نحن بمدرسه البنات مشتتين اللي بيمتحن براس الخيمه واللي بوظبي واللي بالفجيره

مفوضية رأس الخيمة
15-12-2009, 12:33 AM
اقتباس:
المشاركة الأصلية كتبت بواسطة السنفورة سنفورة http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1038459#post1038459)
يعني الحين .. اقدر اسجل فـ باجي الامتحانات ..

وامتحن عادي ..

ولا الأولوية للي ما امتحن .. ؟؟





هلآ ..

اول مآ يفتح التسجيل للامتحآن الثآني سجلي فيه ..

الاولوية للي بيسجل قبل ..

حتى لو في بنت يعني حجزت شهر 12 وامتحنت

وحجزت لشعر 2 وإنتي ما امتحنتي ..

لهآ هي الاولوية لأنهآ سجلت قبل ..


وبالتوفيق ..

الهوى عكسي
15-12-2009, 10:28 PM
شو ها موب عدل

حراام يمتحنوون النص والنص لا ,,

الله يستر من الي ياااي

ان شااء الله الحق ع التسجييل الياااي وامتحن شهر 2

ثاانكس على الافااده

فراشة علم
16-12-2009, 04:00 PM
يآ عزيزتي أن فاتج فرصة هالشهر أكيد ما بيفوتنج الثلاثه الباجيات

لآ تآكلون هم ..

اليميع بيمتحن !

موفقين ..