المساعد الشخصي الرقمي

مشاهدة النسخة كاملة : المعهد التكنلوجي اومركز التعليم والتاهيل المهني



طالب عل
05-12-2009, 06:07 PM
السلام عليكم


اخواني انا صف اول ثنوي وزهقت من الدراسة والسنة الياية ان شاء الله ناوي اطلع من المدرسة وابا نصيحتكم وين ادش المركز التاهيل المهني او

المعهد التكنلوجي

انا خايف ادش المعهد لاني سمعت هناك الدراسة صعبة

شوي



والي يعرف اي شي عن مركز التعليم والتاهيل المهني لا يبخل علينا

وكيف الدراسة هناك وكيف امتحانات اخر السنة

طالب عل
05-12-2009, 06:09 PM
والي اعرفه انه الطلاب ينحجزون هناك ما يردون بيوتهم الى ايام الويكند ؟

zero0
06-12-2009, 07:47 PM
درآآآسة المعهد حلووه تقريبن مناهج الشويفاتت =)

بس ع التدريب المهني نووو ماعرف عنه شي ..

عزوز ad
11-12-2009, 03:29 AM
انا من رايي انك اتكمل دراستك لان معهد تدريب المهني تكون محجوز 24 ساعة الا الجمعة والسبت وعدد سنوات الدراسة اقل شئ 3سنوات , سنة دراسة تأسيسية + 36شهر بين 48شهر تدريب المهني على حسب تخصص اللي تختاره مثل ميكانيكي السيارات - ميكانيكا العامة - كهربجي - لحام , واذا تخرجت يشغلونك في وظيفة مضمونة بعد التخرج ورواتبهم بالكثير 10 آلاف درهم بس مابتقدر تكمل جامعة او كلية او معاهد العليا يعني نصيحة مني اتكمل دراستك اللي تكمل فيه مستقبله وايد احسن لأنه مدرسة النظامية اذا تخرجت منه تقدر تكمل فيه جامعة او كلية او معاهد عليا هذا اذا فكرت تكمل , واذا فكرت تشتغل تقدر تشتغل في الشرطة او الجيش او القطاع الحكومي وتحصل رواتبهم اقل شئ 10آلاف درهم يعني كأنك دخلت انت هالمعهد عالفاضي

طالب عل
11-12-2009, 08:27 AM
مشكور اخيوي ع النصيحة

هتلر89
13-12-2009, 04:35 AM
انا اعرف واحد من موظفين اللي يداوم في المعهد تدريب المهني يقول ان السكن في المعهد 1- ماعندهم صيانات اللي يصلحون المكيفات والبوابات وغيرها. 2- كل يوم يصير سرقات. 3- ازعاج. يعني تاخذ راحتك مثل داخل بيتك وايد احسن من سكن المعهد وتدرس مدرسة نظامية بعد مستقبله احسن من معهد بكثير , وكثير من الشباب ماكملوا دراستهم في المعهد مثل هذا الاسباب , هم يمدحون المعهد بس علشان يزودون عدد الطلاب .

مـزاجـيـهـ
24-12-2009, 10:16 PM
هلاا اخــوي ‍‍~

ماعرف شي عن مركز التاهيل المهني .. بس انصحك بالمعهد .. الدراسه سهله اذا كنت تعرف انجليزي بيكون وايد سهل عليك اما اذا ما لا بتواجه صعوبه فالبدايه بس بتتاقلم و بتتعلم .. و له مستقبل

بالتوفيق انشاله

طالب عل
27-12-2009, 03:39 PM
مشكوووووووووورة اختي ع النصيحة

السنة اليايه الله كريم وين ما الله كاتب بنسير

فزعة الامارات
18-03-2011, 07:16 PM
للحين نفس النظام

فزعة الامارات
18-03-2011, 07:17 PM
عزوز لو انا دخلت المعهد وبعد ماخلصت ودخلت الشرطة ولا الجيش مايستوي

Zayed Girl
20-03-2011, 12:06 PM
هلاا اخــوي ‍‍~

ماعرف شي عن مركز التاهيل المهني .. بس انصحك بالمعهد .. الدراسه سهله اذا كنت تعرف انجليزي بيكون وايد سهل عليك اما اذا ما لا بتواجه صعوبه فالبدايه بس بتتاقلم و بتتعلم .. و له مستقبل

بالتوفيق انشاله
هذا بضبط اللي ابا اقوله انا بنسبالي المعهد في البدايه كان شي يديد بس بعد فتره اتعودت واايد احلى من اي مكان ثاني و السموحه ع التأخيير

هتلر89
28-05-2011, 05:35 PM
عادي يستوي اتداوم في الجيش او الشرطة عقب ماتتخرج من معهد بس ماتروم تكمل دراستك الجامعية

هتلر89
28-05-2011, 05:42 PM
والحين النظام تغير في المعهد خلو المعهد دوام رسمي قبل اي سابقا تكون محجوزعندهم ماتطلع الا اليوم الخميس وترد يوم السبت عندهم