من عنده سؤال في القانون جامعة العين يتفضل

[المحامي]

من عنده سؤال حول تخصص القانون في جامعة العين يتفضل وفاله الطيب . بإستثناء طبعا طلب عمل البحوث . .:)

[بنت مدرسة الرحيب]

السلام عليكم ورحمة الله وبركاته حبيت أسأل جم النسبة علشان أدش هل أدبي ولا علمي وهل سهل و لا هل انجليزي صعب لاني تأليف البرجراف مب وااايد اعرف مشكوووووور والله يعطيك الف عافيه

[مينون رسمي]

السلام عليكم
اخويه المحامي شحالك اول شي مشكور على موضووعك وماقصرت انا صاارلي سبوعين ادور موضوع مشابه وسبحان الله انت سبب تسجيلي فهذا المنتدا ^_^ انشالله نفيد ونستفيد
طبعا انت تدرس فجامعة العين واكبر مشكله عدهم الاستعلامات محد يرد عليك
انا ابي استفسر عن عدد ساعات التخصص
وحبيت اعرف نبذه عن التخصص يعني المواد وعن صعووبتها
عن المواد الي لازم انزلها في اول كوورس وعن عدد المساقات الي فاللغه الانجليزيه
وبس
وسااامحني اخوويه على كثرة اسألتي ومشكوور مره ثاانيه على موضوعك ^_^ اخوك مينون رسمي

[المحامي]

بنت مدرسة الرحـــيب حياج الله ,,, عن التخـــصص فهو يـدرس باللغة العـــربية .... . عن السـهولة والصعـوبة فهي تعتمد على رغـبة الشخص ... على العموم تخصص القانون فيه نسبة الرسوب تقل عن غيرها بكثير ... ..

[المحامي]

حياك الله أخوي مينون رسمي , فالبداية أنا أوافقك أن مشكلة الجامعة هذه الإستعلامات أن ما حد يرد عليك ولما نروح نكلمهم ونشكي لهم بهذا الكلام يقولون لنا نحن نرد على كل حال ... هذه المشكلة الوحيدة اللي أشوفها فها الجامعة ... عدد ساعات التخصص 128 ساعة .... عن سؤالك حول الصعوبة فهذا مثل ما قلت قبل للأخت اللي فوق انه يعتمد على الشخص الدارس .... طبعا بإمكانك لو نجحت فإمتحان تحديد المستوى انك تسجل بأقصى عدد من المواد وهي 6 مواد في الفصل .. . أما اذا ماتجاوزته يكون المسموح لك فقط 3 مع ضمنها مادة تقوية الانجليزي .................. وحياك الله لو عندك اي سؤال ثاني

[قــ،ــانونية]

اخوي انا ناويه انزل مبادئ القانون الاداري... ومحتارة آخذه عند الدكتورة أماني والا الدكتور رفعت.... انت شو رايك؟؟؟

[المحامي]

قانونية , اسمحيلي عالتأخير اختي , أنا درست على الدكتور أماني , الدكتورة أماني من ميزاتها أنها في كيفية شرح المادة , تعطي ملخصات واضحة , ههههه بس مب أطيب من رفعت وهو بصراحة عادة الحريم لما يصيرو مدرسات يكون مب بمثل الطيبة اللي تكون فالمدرسيين , يعني الطيبة تحتاجي لها فأوقات مثل تسجيل المواد او اي شيء برع الصف ... اتصور بالنسبة لي رفعت افضل و طبعي خط تحت بالنسبة لي , انا ذكرت لج ميزات اماني ممكن تعجبك اكثر ..

[قــ،ــانونية]

اقتباس:
المشاركة الأصلية كتبت بواسطة المحامي http://www.study4uae.com/vb/fh.com.sa/uae/buttons/viewpost.gif (http://www.study4uae.com/vb/showthread.php?p=1067671#post1067671)
قانونية , اسمحيلي عالتأخير اختي , أنا درست على الدكتور أماني , الدكتورة أماني من ميزاتها أنها في كيفية شرح المادة , تعطي ملخصات واضحة , ههههه بس مب أطيب من رفعت وهو بصراحة عادة الحريم لما يصيرو مدرسات يكون مب بمثل الطيبة اللي تكون فالمدرسيين , يعني الطيبة تحتاجي لها فأوقات مثل تسجيل المواد او اي شيء برع الصف ... اتصور بالنسبة لي رفعت افضل و طبعي خط تحت بالنسبة لي , انا ذكرت لج ميزات اماني ممكن تعجبك اكثر ..














بصراحه الدكتورة أماني شرحها حلو وتعطي ملخصات حلوة ... بس المشكله ف امتحاناتها اللي تفر الراس فر...

[المحامي]

هيه أماني شرحها ممتاز جدا ,,, وذكية في انها تقدر توصل المعلومة للطالب اللي عندها بطريقة سهلة وبدون تعقيد او لف ودوارن ,,, حتى صوتها في التدريس واضح ,,,,,, وتعطي الفرصة للأسئلة مهما كانت ,,,,,,,, وهي امتحاناتها سهلة بس المشلكة في تصحيحها اللي يييب الهم والمرض تبا كل نقطة فالكتاب موجودة ومحلولة فورقة الامتحان ........... على العموم ان شاءالله بالتوفيج وباجر في امتحان نهائي للقانون الدستوري وان شاء الله تتوفقين فيه وتبشرينا بالنتايج الحلوة :)

[آ‘مآ‘رإْتي بطرإْإْن]

هلا اخووي شحالك انا توني مسجل في جامعه العين تخصص قانون
وامتحنت امتحان تحديد مستوى ويبت 38 واعتقد انه النجاح من 50
الحين كيف بيون حالي شو ادرس انقلش سمستر كامل ولا شو
وكم مواد لازم اخذ لاني خب فاهم شي عن هاي الجامعه وتخصص وسالفه انقلش
واتصل فيهم مايردون يقهروووووووووووووني
ارجوووووووووووووك جاوب علي في اقرب وقت

[المحامي]

واتصل فيهم مايردون يقهروووووووووووووني
!!!
المشكلة مستمرة وباقية وهي انهم م يردون !!!

....................

أخوي بخصوص أسئلتك اللي سألتها فأنت بتدس انجليزي مستوى على حسب الدرجة اللي يبتها ,,, ,, وبيكون بإمكانك فقط تسجيل 3 مواد من ضمنهم مادة الانجليزي التدريبي ,,,, أخوي انا انصحك انك تطلب إعادة للامتحان لأن في فرصة للإعادة .... تقدر تدخل في فترة قصيرة معهد أو تييب مدرس يدرس قواعد الانجليزي المبتدئة present sample + past sample + continouse verb
( المضارع البسيط + الماضي البسيط + المستمر )

وان شاء الله على الاقل بتقدر تييب فوق 65 يعني تتجاوز المادة وما تدخل في مصاريف مالها داعي او تضيع وقتك وجهدك طيلة اربع شهور في شي تقدر تنهيه بيوم واحد فقط ! !!!


على العموم اخوي موفق وان شاء الله تستمر ووتتوفق

[جديدة2]

السلام عليكم ورحمة الله وبركاته ..

أخوي المحامي : أنا بغيت آخذ قانون في جامعة العين .. وعندي كم استفسار ؟؟

1- لازم نيب الايلس أو التوفل ؟؟ وكم لازم يكون المعدل؟؟
2- وانت قلت عدد الساعات بس كيف نقسمها ؟؟
3- تقريبا كم مادة في القانون ؟؟
المشكلة أنا يدية على الجامعة فما أعرف كيف يعني بالساعات ؟ سووووووووووووووري .
و أنا خريجة 2005 ثانوية عامة يقبلوني ولا لأ ؟؟ ونسبتي 77.1 ؟؟

سووووووووووووووووووووووووووووووووري كثرت بالأسئلة ..

[آ‘مآ‘رإْتي بطرإْإْن]

مشكووووووووووووره اخووي المحامي وماقصرت وان شاء الله موفق في دراستك
اها يعني عادي اعيد الامتحان اكيد بعيده بس لازم يكون قبل لايبدأ السمستر
بروح عندهم ان شاء الله ع يوم الاحد
يعني يعطوني كورس تدريبي وفيه نجاح ورسوب ولا بس تقوووووووووووويه
السموووووووووووووحه منك

[النجم اللامع]

مرحبا أخووي أبا اسألك كمن سؤال عن الجامعة لأني ماعرف شي عنهاا و ان شالله ناوية اخذ قانون فيهااا ...

أول شي أنا هالسنة ثانوية عامة >>> ادعولي اييب نسبة ترفع الراس
كم مادة فالقانون وهل دراسته سهلة ولا صعبة لأني خايفة و مترددة
وشو سالفة الساعات لاني بنت ثانوية حليلي ماعرف هالسوالف أبا اعرف كل شي عن الدوام بالتفصيل
وأي شي تعرفه عن الجامعة خبرني عسب استفيد ....
ومشكووووووووور ...

[المحامي]

فالبداية بجاوب اماراتي بطراني

الكورس التدريب فيه رسوب ونجاح .... مب تقوية بس .


................................

الاخت جديدة2 والنجم اللامع

بداية اختي جديدة نسبتج ممتازة 77 % يارب تتوفقي ومب مشكلة لو متخرجة سنة 2005 , ما تفرق أعرف واحد مسجل في الجامعة في هالسنة وهو خريج ثانوية عامة سنة 1990 !!!!

المهم عن أسئلتكم .. . بخصوص الساعات

الساعات هي قيمة معينة توضع لكل مادة , وهي في القانون على قيمتين فقط اللي هي ساعتين و ثلاث ساعات .

مثال: مادة التشريع الاسلامي 3 ساعطات معتمدة ,, ,, بمعنى ان قيمتها تساوي 3
مثال : مادة قانون المعاملات المدنية 2 ساعتان معتمدة ,, بمعنى ان قيمتها تساوي 2

.....................


1- لازم نيب الايلس أو التوفل ؟؟ وكم لازم يكون المعدل؟؟

في تخصص القانون مب لازم ,,, انتي بتمتحني انجليزي عشان يشوفو مستواج وشوفي الصفحة الاولى بتلاقي كلام بيني وبين اماراتي بطران.



2- وانت قلت عدد الساعات بس كيف نقسمها ؟؟

مجموعها 128 ساعة ... مثل ما قلت فالبداية المواد كلها بثلاث ساعات او ساعتين , يعني تصير 3+3+.......+2+2...=128ساعة



3- تقريبا كم مادة في القانون ؟؟

حوالي 80 ساعة مب متأكد بس بحوالي هالعدد مب اكثر بكثير او اقل بكثير ... .

بخصوص سؤالك اختي النجم اللامع بتلاقيني جاوبت عليه فالصفحات الاولى

[مدمنة رياضيات]

شو التخصصات السهلة في القانون عسب مافيني أدرس شي مو قده

[آ‘مآ‘رإْتي بطرإْإْن]

مشكوووووووووووو اخوي المحامي انا استفدت منك وااايد والله يووووووووووفقك والله يعينك علينا

انا بعدني ماسرت عندهم عسب الاعاده في امتحان الانقلش لاني رسبت بس عادي اعيد الامتحان في اي وقت ولا شووووو
ولا لازم اسير لهم
وبعد عندي سؤال فيه لفلات حق الكمبيوتر ولا ماندرس كمبيوتر
والله مشكووووو المحامي ماقصرت فينا

[مساحة]

نفس المشكله ما يردون ,,, ممممممم ابا ابا انشد انا خذت مادتين ( مدخل القانون و مبادى الاقتصاد ) مع تقويه الانجليزي بس مب عارفه كيف احسب المعدل التراكمي ابا مساعده وهم ما يردون بليز ساعدني ...
وفي سؤال : ممم جم ماده درست انته ؟! شو تنصحني اسجل الكورس الياي و مع منو ؟

[المحامي]

السموحة عالتأخير ,
1- بخصوص القانون مثل ما قلت اذا تبين تكوني محامية دشيه ما تحبينه لا تدشي .

2- عادي يعيدونه , الكمبيوتر هيه موجودة كمادة باسم " معرفة الكمبيوتر " .

3- حساب المعدل التراكمي يكون : مجموع عدد الساعات / مجموع الدرجات اللي حصلتيها ،

مثال : حصلتي في مدخل القانون : A , مبادئ الاقتصاد : B واللفل الانجليزي طبعا ما ينحسب فهو صفر .

فانتي يبتي الحين 4 +3 / 2 = 3.5
والمجموع الكلي للمواد اللي سجلتيها 4+4 / 2= 4

.............

وهاي شكل الدرجات
a= 4
b+=3,5
b=3
الخ

[ســـاره]

السلام عليكم أخوي المحامي
انا طالبه في جامعة الامارات وابا اخذ صيفي في جامعة العين
شو المواد اللي تنصحني اخذها وعند منو ؟؟ والمواد اللي انا خلصتها ( القانون الاداري - مدخل - القانون الدستوري -تاريخ التشريع) ووسهل اخذ في جامعة العين a ؟؟
والسموحه ^^

[المحامي]

سارة .. . حلو خلصتي مواد مهمة تفتح لج مواد كثيرة .... بخصوص a في جامعة العين فهي أصعب من بلوغ الجوزاء .... بصراحة انتي لمستي مشكلة كبيرة عندنا فها الجامعة وهي ان الدكاترة يخافو يعطو هالعلامة للطلبة حتى ولو كانو مستحقين لها بدافع انهم ما يبون يتساألون .... بصراحة هالشي عيب كبير عندنا فالجامعة وعند المدرسين العرب اللي هم كل مدرسي القانون ... وحتى في الامتحانات صعب جدا تيبي الدرجة الكاملة حتى ولو سويتي ما وسويتي .... يعني اعطيج مثال مادة التشريع الاسلامي في طلبة كثير مننا خذو B مع انهم كانو يستحقو a لأنهم أجابوا على كل الاسئلة ,,, انا عن نفسي يبت فها المادة a ولكن بشو !!! ما خليت سؤال فالامتحانان صح وغلط أكمل الفراغ اشرح إلا واكتب وراها ايات وأحاديث استشهد فيها لدرجة اني كنت اعبي صفحتين كاملات عسب احل سؤال واحد فهذا شي غير معقول ,,, مفروض من المدرسين انهم يراعوا ان الطلبة الباقيين يحلو وحلهم صح ووافي مب يعجزوهم .. ياريت هالكلمات توصل لهم ... وسلام

[ســـاره]

مشكور أخوي المحامي ^^
عيل بتمي في جامعتي ^_*

[OxxO]

أقوووووووووووووووووووووووووووووول المحامي ابا اعرف امتحان الPlacement Test شو ايي فيه؟

و ابا نموذج للامتحان لو فيه لو تسمح =)

بلييييييييييييز

Need Ur Help

[ظبياني طر]

تسلم اخوووووووي و الله صج صج يعني احس استفدت .. انا طالب ثانويه عامه و بعد كنت ابغي اي معلومات عن القانون^^ و لقيتها في موضوعك

تسلم و مشكووور وايد ع هالموضوع

وزيدنا من معلوماتك في القانون^^

[المحامي]

Xoox اسمحيلي عالتـــــأخيـــــــــــــر بخصوص هالامتحــــــــان هو امتحان يقيس قدرة الطالب المتوسط في الجرامر والفوكاب والكتابة ,,, يعني بيقولج مثلا في الجرامر اسئلة عن الماضي والمضارع والمستقبل والماضي المستمر والمضارع المستمر والمستقبل المستمر والخ اما بالنسبة للفوكاب فهو كذلك يقيس قدراتج كطالبة متوسطة في معرفة الكلمات عموما هو امتحان بمستوى الطالب المتوسط وان شاء الله تتوفقين فيه ...........

اخوي ظبياني طرر تسلم عالكلام الحلو والله يوفقك

[أريشة العين]

بخصوص الساعات المعتمده 136 سآعه ,.
اخر خطت نزلت
لأنه و للآسف نزلوا asp .
مثل الـ esp بس بالعربي ,. طبعا الـ esp انجليزي ,.

=] ,.

[سواها قلبي.]

السلام عليكم..

انا خاطري ادرس حقوووق واستوي محاميه
بس بغييت اعرف كيف تكون الدرااااسه وكم لازم اييب((نسبتي )) اذا كنت ادبي ؟؟؟
وكيف يقبلوني على اي اساس ..على اساس نسبتي والى؟؟
وكم سنه تكون الدراسه ؟؟
وكيفيكون السكن انا اختار الي وياي واله هم؟؟ولازم الي وياي يكونون نفس تخصصي؟؟
ومشكور

[الغلا22]

بصراااحه اناااا محتااااااااااارة شوو اسوي انا الحين داخلتنه هذا التخصص القانون بس بعدني ما داومت وانا مخلصه الثنويه العامه وبيبدأ الدوام آخذه التخصص ولا لا من دارسنه ويحسه سهل وكم سنه اتميين فالجامعه

[أتعبني مودي؟؟؟]

انا سجلت في جامعة العين قانووووون قبلوني الحمد لله....
بس حابه اسال واخذ رايك في التخصص بشكل عام .. صعب؟ او سهل؟
ويحتاج له حفظ وايد ؟؟؟؟
وانا كنت حابه اني اشتغل في النهار وادرس في الجامعه في الليل بس قالوا لي انه القانون يحتاج وقت وايد عشان اسوي البحوث والواجبات والدراسه فخوفوني منه....
وسوووري عالاسئله الزايده

[المحامي]

يا جماعة الخير هذه الأسئلة كلها تلاقو اجاباتها في الصفحات الاولى لنفس الموضوع ,,, عموما أنا بتكلم عن كلام الاخت اريشة العين ...
اللي تقول ان الساعات المعتمدة 136 من وين له هالمعلومة وهل هي تطبق على جامعة العين الخاصة ولا جامعة الامارات الحكومية , وهل هي تطبق على الطلبة المستمرين في الدراسة ولا المستجدين ؟؟؟ ياريت يوضح ,,, لأني ما سمعت قط بهذه المعلومة في جامعتنا اللي هي العين للعلوم والتكنلوجيا

[ترفه]

مرحبا خوي المحامي

عساط مرتاح؟؟

انا الحين خلصت سبع مواد في جامعة العين للعلوم والتكنلوجيا فرع أبوظبي

المدخل لدراسة القانون
مبادئ القانون الاداري
مبادئ الاقتصاد
المجتمع العربي
تاريخ التشريع الاسلامي
الكمبيوتر
قانون العقوبات العام


وحابه انزل الكورس الياي ست مواد شو رايك؟؟


وماعرف اختار شو من مواد سهله عشان ارفع المعدل

انا معدلي 3.5
واريد على الاقل 3.7

ممكن تنصحني؟؟؟

لاهنت ولاهان قدرك

[أريشة العين]

اخوي المحامي ,

انا اتكلم عن جامعة الإمارات الحكومـيه ,
لا المستجدين فقط ,


عفـوا :| كان عبالي انك من جامعه الإمارات العربية المتحدة

[هواي الدراسة]

اشكر اخوي المحامي ع هذي المعلومات واللي استفدته منها وايد وسبب تسجيلي في المنتدى انت و احب القانون و ان شاءالله بسجل و نستفيد منك اكثر ع هالمجهود اللي تبذله ع دراستك
وفققك الله

[OHMYGOD]

السلام عليكم ورحمة الله
الله يجزاك كل خير ع الموضوع الطيب
سؤالي : كم ماده اقدر آخذ كــل سمستر كحد اقصى ؟
وانا متأكد ان جامعة العين ( تخصص قانون ) معترف بها في التعليم العالي لكـن هل عندها اي اعترافات عالميه ؟
:)

[سهيل محمود]

السلام عليكم
حبيت اسئلك بعض الاسئله
1) شو رايك بتخصص القاانون ؟
2)اسمع من البعض قالوا .. لو تبي اتكون محقق جرائم عليك بدخوول كليه القانون صح ؟

[rawi_rak]

اخوي بعده التسجيل فكلية القانون مفتوح ولا خلص ؟؟

[روحي بروحي]

اول شي اخوووي حبيت اشكرررررك على المووضووع ..,

بس حبيت استفسر بحسب ماسمعت اني يوم اتخرج اقدر اكوون وكيل نيابه ..,

هل هذا الكلام صحيييح ؟!

[درب النجاح]

أنا طالبة في جامعة الامارات و ألحين أدرس التخصص و أنا أبا أدش قانون بس محتاره أبا أعرف هل يعتمد وايد على اللغة الأنجليزية ولا يعتمد أكثر على اللغة العربية و هل هالتخصص مطلوب . وشكرا

[الكعبـــي]

الأخ العزيز : المحامي ....هل هذه الجامعة فيها دراسين بالأنتساب - (نظام الدراسة عن بعد) على غرار جامعة بيروت و جامعة الزيتونة و غيرها

[قطووف الشوق]

السلام عليكم ورحمة الله وبركاته
انا مقررة ادش قانون وبغيت اسال ااذا هالتخصص له افرع وشو هي الافرع وتقريبا التخصص جم سنه ياخذ منا فالجامعه واول ماندش التخصص شو بيسوونه وبيطلبونه منا واذا اقدر اختصر مساقاته وآخذها بوقت قصير وبسنوات اقل ....انا سمعت انه هالتخصص مب مطلوب صحيح هالكلام؟

اسئلتي وايد بس يالله^^
كل الشكر على الطرح

[المحامي]

السلام عليكم ,,, السموحة عالتأخير ,,, هناك أسئلة متكررة كثيرة , فالسؤال اللي لن ألتفت اليه في هذا الرد يعني اني قد رددت عليه سابقا في الصفحات الاولى ,,,, أما بخصوص الاسئلة الجديدة وهي هل جامعة العين , تدرس بالانتساب ( الدراسة عن بعد ) فهو لا , لأن التعليم العالي والبحث العلمي في دولة الامارات لا يعترف أساسا ً بهذا التعليم سواءا ً درست داخل الدولة أو في جامعة خارجها كجامعة بيروت او الزيتونة في جامعات سعودية ..... اما بخصوص اختصار سنوات الدراسة فهي ممكنة وذلك بعد الاضطلاع على الخطة العامة لدراسة القانون ...... فثلا لو أخذت ستة مواد طيلة دراستك وأخذت الفصول الصيفية فأنت تقلل سنوات دراستك وهكذا .... والسمووحة مرة ثانية على التأخير .............

[ام جمانه]

السلام عليكم والرحمه

شحالك اخويه

انا طالبه بجامعه عجمان وتقريبا خلصت نص المشواار..وان شالله بنتقل لجامعه العين الكورس الياي بغيت اسال هل لازم ادرس انجليزي باول كووورس و عن قانون الدولي العام هل بتحول عربيـ.. لان ماخدتنه بعجمان باللغه العربيه

[al3need211]

السلام عليكم اخوووي المحامي ويعطيك الصحة والعافية
ابي اعرف محل الجامعة في بوظبي وين بالضبط
ومشكووور وماقصررت

[abof]

مرحبـآآآآآآآ خيووو (( المحــــــــــــــــــــــــــــــــآمي )) الصرآآحه زدت فيني حب دراسة القانوون أكثر من قبل واحس نفسي متشجعه يلااا ان شاء الله ادخل عماا قريب بس دعواتك لي :) .. واتمنـى الدعوات من الجميع .. والله ايوفجنا جميييييييييييع ويسهل عليناااا درووبنـآآ ويحقق مرادنا من هالدنيــــــــــــــــــــــــــــــــــــــــــــ ــــآ ,, لا خلا ولا عدم ان شاء الله ,, وربي يرزقك بكل ما يتمناه قلبك :)